بجد إنتي رخمة أوي
وأرخم منك ماشفتش
مش ممكن الغلاسة والكآبة والنكد
خلاص يا شيخة أنا مش طايقك
وصدقيني مش أنا لوحدي
ده ماحدش في الدنيا بحالها بقى طايقك
ماتخلي عندك شوية حساسة وترحلي
إرحلي إنتي كده وهوينا
وشوفي إنتي كام مليار قلَة هتتكسر وراكي
ياشيخة دا إنتي زهقتينا منك في أقل من شهرين
أمال هنقدر إزاي نكمل 10 شهور تانيين
والغريبة إن الأيام بتعدي معاكي ببطء شديد
وشوفي إنتي بقى لما الأوقات الرخمة تمر ببطء
يااااااااااه
يااااا سااااااااااااتر
ده إنتي رخمة رخامة
تيجي نعد بلاويكي مع بعض
آه لاكون بأتبلى عليكي ولا حاجة
عدي معايا يا رخمة
مش إنتي بدأتيها الأول بضرب غزة ؟؟
بدأتيها معانا بالقنابل الفسفورية والصواريخ الذكية
جرحى وشهداء .. أطفال ونساء
تلات أسابيع ضرب بغباء
حاولنا نعمل إللي علينا ... ماقدرناش
نروح نساعد .. ماقلناش نجاهد
برضو بلاش
قلنا أهو أضعف الإيمان
زيارة المريض والعيان
زرناهم في مستشفياتنا ..
الهلال وناصر وإسماعيلية الجامعي والعام
ومامعاناش غير دعواتنا ..
بإن ربنا ينصرهم وبعديها يرزقهم السلام
فاكرة الأيام دي ولا نسيتيها ؟؟
هتنسيها إزاي وإنتي كملتيها ؟؟
كملتيها بموت واحد من الشباب
محمد " الفارس الملثم " الهمام
وكمان والد أعز الأصحاب
اللي لاهي خيخة ولا أي كلام
ومالحقناش نرتاح أسبوع
إلا وكان على خدي دموع
دموع الست جدة شفقة
وبالمناسبة صحيح
أحب أوجه كل شكري لكل اللي إهتموا وواسونا وعزونا
سواء بتعليق على المدونة أو إيميل أو تليفون .. أو شرفونا
بجد حسستونا إن الدنيا لسة بخير وإن فيه ناس فعلا بيحبونا
ربنا يخليكم لينا وما ننكدش عليكم تاني .. وأرجوكم سامحونا
ماهي بنت اللذين دي هيا اللي نكدت عليكم وعلينا وعلى أبونا
وأهو كله كوم والكوم التاني هيا الأزمة الإقتصادية الملعونة
شركات تفلس وعمال بتقعد في البيوت وكله داير في طاحونة
وكل يومين إضراب جديد أو إعتصام أو مظاهرة وفـ آخرها يلمونا
وأهي كملت كمان بتفجير إمبارح .. حتى الحسين ياولاد المجنونة
آل إيه بيضربولنا السياحة .. آل يعني بكده هيموتونا
وهو مش الضرب في الميت حرام ؟؟ طب ليه ياولاد الـ.... تضربونا ؟؟
وأخيرا أناشدك
إرحمينا بقى يا 2009
حرام عليكي ده إحنا كلنا ولاد 9
_____________________________________
_____________________________________
بقولكم إيه
إيه رأيكم في 5 فرفشة بعد شهرين نكد ؟؟
هاحكيلكم نادرة من نوادر جحا
لأ جحا مين ؟؟ أقصد نوادر شفقة
بصوا بقى في يوم 13/2/2009 واليوم ده كان موافق الجمعة
بس مش أي جمعة دي كانت أول جمعة بعد وفاة جدة شفقة
والهانم في اليوم ده راحت مع أهلها يزوروا قبر جدتها
أنا بصراحة في اليوم ده إعتذرت ومارحتش معاها
وده لأني كنت واخد دور برد
والسبب الأهم إني معترض على زيارة السيدات للقبور
المهم مش ده موضوعنا دلوقتي
إحنا موضوعنا يبدأ في اليوم التالي
السبت 14/2/2009 واللي المفروض إنه كان الفالنتاينز داي
بس نظرا للظروف ماإحتفلناش بيه طبعا
والحمد لله وفرنا على نفسنا الهدية والورد والحلويات والذي منه
لحد كده والأمور تبدو عادية
ونوعا ما برضو ممكن نعتبره عادي
إني أصبح الصبح بدري ألاقي مراتي محضرالي الفطار
وببعض المبالغة في العادي
إني ألاقي شفقة جايبالي الفطار لحد السرير
بس اللي مش عادي خالص هوا نوعية الفطار
أولها شاي باللبن
(وهيا عارفة كويس أوي إني ماشربش الشاي أشرب أزوزة أنا)
تانيها إيه ؟؟
تخيلوا إيه مع الشاي ؟؟
تخيلوا
ها؟؟
ساليزون
لا
باتون ساليه
لا
ساندوتش فول حتى
لا وألف لا
الهانم مقدمالي في فطاري يوم الفالنتاين
قرص
أيوه
قرص
بضم القاف
وفتح الراء
ق ضمة قو
ر فتحة را
ص تنوين صون
قوراصون
قرص بتاعة القرافة
والله بجد
والنعمة ده حصل
تخيلوا
بالذمة أي حد مكاني كان ممكن يعمل إيه ؟؟
أنا والله ومراعاة للظروف إكتفيت بإني قلتلها
Happy Valentine's Die
وأرخم منك ماشفتش
مش ممكن الغلاسة والكآبة والنكد
خلاص يا شيخة أنا مش طايقك
وصدقيني مش أنا لوحدي
ده ماحدش في الدنيا بحالها بقى طايقك
ماتخلي عندك شوية حساسة وترحلي
إرحلي إنتي كده وهوينا
وشوفي إنتي كام مليار قلَة هتتكسر وراكي
ياشيخة دا إنتي زهقتينا منك في أقل من شهرين
أمال هنقدر إزاي نكمل 10 شهور تانيين
والغريبة إن الأيام بتعدي معاكي ببطء شديد
وشوفي إنتي بقى لما الأوقات الرخمة تمر ببطء
يااااااااااه
يااااا سااااااااااااتر
ده إنتي رخمة رخامة
تيجي نعد بلاويكي مع بعض
آه لاكون بأتبلى عليكي ولا حاجة
عدي معايا يا رخمة
مش إنتي بدأتيها الأول بضرب غزة ؟؟
بدأتيها معانا بالقنابل الفسفورية والصواريخ الذكية
جرحى وشهداء .. أطفال ونساء
تلات أسابيع ضرب بغباء
حاولنا نعمل إللي علينا ... ماقدرناش
نروح نساعد .. ماقلناش نجاهد
برضو بلاش
قلنا أهو أضعف الإيمان
زيارة المريض والعيان
زرناهم في مستشفياتنا ..
الهلال وناصر وإسماعيلية الجامعي والعام
ومامعاناش غير دعواتنا ..
بإن ربنا ينصرهم وبعديها يرزقهم السلام
فاكرة الأيام دي ولا نسيتيها ؟؟
هتنسيها إزاي وإنتي كملتيها ؟؟
كملتيها بموت واحد من الشباب
محمد " الفارس الملثم " الهمام
وكمان والد أعز الأصحاب
اللي لاهي خيخة ولا أي كلام
ومالحقناش نرتاح أسبوع
إلا وكان على خدي دموع
دموع الست جدة شفقة
وبالمناسبة صحيح
أحب أوجه كل شكري لكل اللي إهتموا وواسونا وعزونا
سواء بتعليق على المدونة أو إيميل أو تليفون .. أو شرفونا
بجد حسستونا إن الدنيا لسة بخير وإن فيه ناس فعلا بيحبونا
ربنا يخليكم لينا وما ننكدش عليكم تاني .. وأرجوكم سامحونا
ماهي بنت اللذين دي هيا اللي نكدت عليكم وعلينا وعلى أبونا
وأهو كله كوم والكوم التاني هيا الأزمة الإقتصادية الملعونة
شركات تفلس وعمال بتقعد في البيوت وكله داير في طاحونة
وكل يومين إضراب جديد أو إعتصام أو مظاهرة وفـ آخرها يلمونا
وأهي كملت كمان بتفجير إمبارح .. حتى الحسين ياولاد المجنونة
آل إيه بيضربولنا السياحة .. آل يعني بكده هيموتونا
وهو مش الضرب في الميت حرام ؟؟ طب ليه ياولاد الـ.... تضربونا ؟؟
وأخيرا أناشدك
إرحمينا بقى يا 2009
حرام عليكي ده إحنا كلنا ولاد 9
_____________________________________
_____________________________________
بقولكم إيه
إيه رأيكم في 5 فرفشة بعد شهرين نكد ؟؟
هاحكيلكم نادرة من نوادر جحا
لأ جحا مين ؟؟ أقصد نوادر شفقة
بصوا بقى في يوم 13/2/2009 واليوم ده كان موافق الجمعة
بس مش أي جمعة دي كانت أول جمعة بعد وفاة جدة شفقة
والهانم في اليوم ده راحت مع أهلها يزوروا قبر جدتها
أنا بصراحة في اليوم ده إعتذرت ومارحتش معاها
وده لأني كنت واخد دور برد
والسبب الأهم إني معترض على زيارة السيدات للقبور
المهم مش ده موضوعنا دلوقتي
إحنا موضوعنا يبدأ في اليوم التالي
السبت 14/2/2009 واللي المفروض إنه كان الفالنتاينز داي
بس نظرا للظروف ماإحتفلناش بيه طبعا
والحمد لله وفرنا على نفسنا الهدية والورد والحلويات والذي منه
لحد كده والأمور تبدو عادية
ونوعا ما برضو ممكن نعتبره عادي
إني أصبح الصبح بدري ألاقي مراتي محضرالي الفطار
وببعض المبالغة في العادي
إني ألاقي شفقة جايبالي الفطار لحد السرير
بس اللي مش عادي خالص هوا نوعية الفطار
أولها شاي باللبن
(وهيا عارفة كويس أوي إني ماشربش الشاي أشرب أزوزة أنا)
تانيها إيه ؟؟
تخيلوا إيه مع الشاي ؟؟
تخيلوا
ها؟؟
ساليزون
لا
باتون ساليه
لا
ساندوتش فول حتى
لا وألف لا
الهانم مقدمالي في فطاري يوم الفالنتاين
قرص
أيوه
قرص
بضم القاف
وفتح الراء
ق ضمة قو
ر فتحة را
ص تنوين صون
قوراصون
قرص بتاعة القرافة
والله بجد
والنعمة ده حصل
تخيلوا
بالذمة أي حد مكاني كان ممكن يعمل إيه ؟؟
أنا والله ومراعاة للظروف إكتفيت بإني قلتلها
Happy Valentine's Die
The Lucky Man
I7saan
I7saan
هناك 88 تعليقًا:
بحجز اول تعليق اول قبل ما اقرأ
اخيرااااااااا رجعتي يا شفقة والله وحشااااااني بجد وكنت بفكر فيكي طول النهار النهارده
خخخخخخخخخخخخخ
متلومهاش
اكيد كانت متاثره باجواء القرافه
الله يعينها
ع العموم
هابي فلنتاينز داي :)
معلش يا احسان بك كنت فاكرة البوست بتاع شفقة هانم اصلها وحشااااااني
بالنسبة لألفين وتسعة ربنا يعيننا عليها وتخلص على خير
اما بالنسبة لهدية الفلانتاين فحد طايل ياكل قورص في الفلانتاين اهو تغيير
ههههههههههه
ده انا ضحكت ضحك
ما الست مروقاك اهى
تعملك ايه يعنى
اللى لقيتو
وهو فيه احلا من القرص دى
عههههههههههههههه
بلشفا
هههههههههههههه
قرص بجد
قرص بضم القااااف هههههه
يا بختك يا عم
ويا ترى أيه رأيك في طعمه
مش يموت من الذاذه
happy die من غير فالنتين
فالنتين أيه بقى رغم أني معترض على اليوم ده اساسا بس مش موضوعنا
موضوعنا بقى حمد الله على سلامتكم
ونورتوا البلوجر كلله من بعد غياب
وإن شاء الله دايما منتحرمش من قفشاتكم وتدويناتكم الذيذه لذاذة القرص هههه
خالص تحياتي
هههههههههههههههه
والله يا احسان انت صبرت كتير
قرص يا شفقة؟؟؟؟
ربنا يكون في عونك
وربنا يصبركم على حالة الوفاة عندكم
اختكم
رنا
die لاحرام عليك
دى عامله الشاى
وشايله الشاى
وانت فى السرير
وأكيد قالت لك صباح الخير
والقرص من الدقيق
والجاتوه من الدقيق
يعنى زعلان من الاسم
بلاش عنصريه
نداء عاجل
============
أشكر شفقه هانم يا أحسن بك
والا والا والا
وأقل الا أن يتم سيتم تقديم شكوى لمجلس حقوق المرأه
بتهمة العنصريه
وعدم تقدير شفقه هانم
وقد تعرض جنايك للمدعى الجنائى الدولى
وتسجيلك كمطلوب دولى فى الانتربول
تحياتى لكما
محمد
لا اله الا الله
يعنى الواحد من اول البوست كان هيعيط خلاص والله.. وكنت قهوم اضرب السنة الجديدة واقولها ابعدى يابت بيتك بيتك
وتيجى فى الاخر تضحكنا بالمنظر ده
هههههههههههه
قورواصون.. لأ جامدة بجد
وبعدين مالها يا احسان القرص .. يا سلام عليها بالجنبه وتحطها بقى 30ثاية فى الميكرويف بتبقى ايه؟؟ حكاية
هههههههههههههه
والله الستات دول غلابة .. يعنى مدلعاك وجيبالك الفطار لحد السرير وعملالك الشاى اللى انت مش بتحبه والقرص اللى انت مكلتهاش امبارح علشان مرحتش معاهم المدافن وبرضة بتتلككوا
اه منكم يا رجالة اه
يالا نرجع فى الاخر ونقول
هابى زلانتين داى
عودا حميدا
المدونات نورت بيكم
ولا اراكم الله مكروه تانى ابدااا
عاملين اية يارب تكونوا بخير
زى العادة ماشاء الله قلبتوا الحزن لحالة من التهريج اللذيذ بجد تسلم ايدكم
لو ان فى حاجات مش فهماها بس ملحوقة نتكلم فيها على جنب
السنه دي مش مريحاني
اي والله
وبعدين مالها قرص القرافه
وبعدين اسمها رحمه ونور
يعني هي صنعت في المقابر يعني ولا مكتوب عليها بتاع ميتين
ماتاكل وخلاص يا احسان بيك مش كفايه جاي لحد السرير
هههههههههههههههههه
ههههههه
تعيش وتفتكر
هههههههههه
قصدى الف هنا
اجمل مافى الموقف ردك عليها
هابى ظلانتين
ههههههههههههه
وعموما عااادى خليك متفائل
ان شاء الله باقى السنه تعدى على خير
2009 باينه من اول يوم فيها نكد
ههههههههههههههه
قرص برده ياشفيقه
هههههههههههههههههههه
كله قدر ونصيب
المهم نتعلم
دمتم بكل الود
هههههههههههههههههههه
موتنى من الضحك على هابى فلانتين
على الاقل جالك الفطار فى السرير و ده لوحده حدث
حمدلله على السلامة
و سلامى كتير لشفقة
ههههههههههههه الاول انا حطه للينك بتاع المدونه بتاعتكم عندى اول ماقريت معقوله رخامتك دى قولت اده دخلت واقعد ااقرا وكل ده عقلى فاكر ان حد فيكم بيقول للتانى كده ههههههههه بس كملت والحمد الله طلعت لحد تانى مع انى كنت جايا ناويه اهدى النفوس بس كل عيد حب وانتوا بتاكلوا قرص :p معلش بقى يااحسان بك واحمد ربنا ان حد جابلك حاجه حتى لو كنت قرص ههههههههههه
والله مكونتش اعرف ان جدة شفقة ماتت عشان كدة مجيتش ولا قلتلها البقاء لله...سامحونى
اما بالنسبة للقرص فانا على فكرة بحبها انا اى نعم مدوقتش بتاعة القرافة بس ماما بتعمل شىء كدة بنفس الاسم وطعمه حلو جدا.........سلام
الله
مالست جيبالك الفطار لحد السرير
حاجه تشيل حاجه
انتم كده علي طول تنسوا الحلو وتمسكوا في الوحش
رجالة أخر زمن
:)
أول مروري
المدونة لذيذة بجد
أكيد هاجي تاني ان شاء الله
تحياتي
اولا :
انا لله وانا اليه راجعون
البقاء لله وعليكم بالدعاء واسال الله لكم الصبر
:::::::ثانيا : معلش بقي اهي مرة من نفسها
واهو برده تغيير يعني انت لازم كل فالنتين تلاقيها بتجيبلك ورد احمر
لا التغيير مطلوب برده:)
السلام عليكم
انت بتقول عدي يا ليلة عدي يا ليلة
دي سنة كاملة - ولا عايز تشوف خيبتنا في الصفر الكبير وكأس العالم
هتعدي هتعدي
مش تستعجل يمكن تجيب حاجة حلوة بعد كل ده
،،،
البقاء لله وربنا يرحمها ويرحمنا جميعا ويغفر لنا ولكم وللمسلمين جميعا
،،،
ضحكت جدا من الاحتفال الخاص بعيد الحب- حاجة جديدة- لا تسئ تفسير موضوع الشاي يمكن مش فيه غيره - أو هو الاسرع في التحضير- أو هي عايزة تشرب شاي وعارفة انك مش بتحبه الشاي قالت تعمله وتجيبه لك وكد كده هيعود لها
الحمد لله انها جات علي قد قرص وبس
والجايات أحلي
تحياتي
هههههههههههههه
يا راجل بص كويس.. ممكن تكون قورص طعمية وتكون انتا اللى ظلمتها المرة دى؟
أخيراً رجعت يا إحسان بيك والله أنا إفتكرتك إتنازلت لشفقة عن المدونة فى الشهر العقارى
ههههههههه
والله عندك حق السنة دى رخمة قوى من أولها وبدأتها معانا بشكل غريب على كل الناس
أما بالنسبة للقورص فبصراحة وبعيد عن الفال الوحش أنا بتعجبنى جداً لما بتكون معمولة صح ومخدومة بضمير
تحياتى وسلامى لشفقة هانم
ياخويا احمد ربنا واشكر فضله
وبعد كده اشكر الست احسان
مالها القرص فضل ونعمة من الله
حد لاقى حد بيعبببببببببببببه
لا لا قصدى بيحبببببببببببببببه
وبيجيب له ان شالله قرطوس لب لحد عنه
اشكر ربنا ياأحسان بك ثم اشكر الست
شفقة على حنيتها ورقتها وقلبها الطيب
البقاء لله شفقة هانم
انا لله وانا اليه راجعون
وادى حال الدنيا كلنا لها.
(اسفة احسان بك انى بحط واجب
العزاء لشفقة هانم هنا لانى ما
كنت أعرف بالموضوع الا الان فارجو المعذرةوابلاغ شفقة هانم بتعازىّ)
ههههههههههه
die
فعلا والله السنه دى من اولها وحشه
بس مين عالم جايز تفك عننا شويه بقه في شهورها الجايه
تحياتى لشفقه وخليها تجيبلى شويه قوراصون
انت دايما كده ظالمها يارااااااااااجل
حراااااااااام عليك دى كفاي انها
جابتلك الفطار لحد السرير فى اكتر من
كده رومانسية
****
ولكم بااك احسان بك وشفقة هانم
ويارب دايما كده منورين المدونة ومنورين دنيتنا
و انا بضم صوتى لصوتك واناشد
2009 انها تعتقنا لوجه الله شوية
2009 بداية زى الفل
ربنا يستر على باقى الشهور
.
هههههههه
قرص وشاى
وتلاقيها قالتلك رحمة ونور يا سى احسان
هههه
ههههههه
طبعا ياعم انت مستولى على المدونة واخد راحتك على الاخر
والست شفقة مشغولة بس بكرة ترجع يا جميل وتخلص منك
هههههه
ليك وحشة يااحسان باشا
تحياتى
اهم حاجه فى اخر البوست انا ميت على نفسى من الضحك ..
ازيك يا احسان بيك
البقاء لله فى جدة شفقه هانم وربنا يجعلها اخر الاحزان
مش عارف بقى ينفع كمان اقول كل سنه وانت طيبين بمناسبة الفالنتايم ولو انى مش بحب اليوم ده اصله كله نكد وفلوس وهدايا ووجع قلب وبقيت اكرهه ..
تحياتى
يمكن البوست جميل بس انا مقدرتش استمتع بيه !!
هقول حاجة واحدة بس :"قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) ."
و اسفة لو كنت رخمة بس بجد دي حاجة لازم نخلي بالنا منها ..
هههههههههههههههههههه
ربنا يصلح حالك يا احسان
وكمان شفقة حبيبتي
معلش اعذرها ههههههههههههههههههه
ربنا يصلح الاحوال ان شاء الله
بوست هايل
سلام
بجد بجد ايه العسل ده ؟؟؟
انا كنت مكتئبه جدا وانا عماله اقراا
وااقول انها سنه وحشه على انا كمان
وحوادثها كتيرة سواا على المحلى او العالمى...بس الحمد لله على كل حااال
لكن اللى عملته شفقه ده ...
بجد يستاهل اللى انت قلته ...
بس معلش ماتزعلش ...اهى برضه جابتلك الفطاار لغاية السرير...
وده موقف حلو برضه ...
ربنا يخليكم لبعض
تحياتى
ربنا يرحمنا من النكد وان شاء الله كل الهموم والحزن يروحوا بسرعة ان شاء الله
والله لطيفه واهو تغيير
كان المفروض تقول لها
وحدووووووووووووووووووووووه
ياروحي
الحمد لله على كل حال
وبلاش تاكل قرص القرافه
وبلاش تودى شفقة القرافة تانى..ههههه
تحيتى وخالص مودتى
ياعم قرص قرص زي بعضه حد لاقي :)
مش الفطار جالك في السرير ... وبعدين القرص دي جميله جداً مع الشاى ... هي مش فيها عجوه تقريباً .... هات قرصتين لو سمحت :)
Lady E
بجد بجد شفقة وحشاكي أوي كده ؟؟؟
طيب إتفضليها
والنعمة ماهي راجعة
وبكره تندم يا جميييييييييل
يا أقصوصة
ما إحنا عايشين في أجواء القرافة والنكد ده 365 يوم في السنة
كان يجرى إيه لو خدنا يوم واحد أجازة ؟؟
سيبك إنتي
واضح إن ضحكتك حلوة أوي
خخخخخخخخخخخخخ
إحســــان
مشمشية ؟؟
وحلوة ؟؟
وشقية ؟؟
دي إيه المواصفات الجامدة دي ؟؟
أنا كده عينيا زغللت
بأقولك إيه
إسأليلي كده بابا وماما لو ينفع يعني
أبدل وأدفع الفرق بالتقسيط ؟؟
هههههههههههه
العــريس اللقطة
اللي جاتله نقطة
إحســــــــان
ههههههههههههههههههههه
البقاء الله
تسلم ايدك بجدوالله
مدونتك جميلةجدا والله
تحياتى ليكى وتقبل مرورى
شخابيط mahgoub
انا بجد مش كنت عارفه ان جدة شفقة توفت وانا لله وانا اليه راجعون وربنا يتغمدها بواسع رحمته
وبجد الوبوست دا يا احسان بك تحفة خلانى في حالة نفسية صعبة في اوله وغير لى المود خالص في اخره
وبعدين كفايه يعنى ان شفقة جابت الفطار لحد السرير ومش مهم ايه نوعية الفطار المهم الطريقة
تحياتى
ريم
بجد دمكم خفيف جدا والمدونة رائعة وتفطس من الضحك
دمك خفيف قوى يا احسان بس ممكن 2009 تكون سنة حلوة على ناس تانية انا عامة كانت سنة ما يعلم بيها الا ربنا
يمكن تنتهى على خير ده احنا لسة فى اولها
اما شفقة فهى اكيد ما كانتش تقصد
تحياتى اليكما
شيمو القمر
ملحوظة :
أنا غيرت جملة التعليق يا استاذ احسان يا رب نعجب
الغردقاوى
هى قرص بضم القاف وفتح النفوخ ونصب وسرقة وحياتك
بتقولى يا بختك طيب ما تيجى تاخد حبة اهو تشارك اخوك بدل ما هو لوحده
وبعدين انت اشتغلت فى اعلانات الكاراتية والشيبسى ولا ايه يا غردقاوى ؟؟
كل شوية لذيذ لذاذة وطعيم طعامة انتى هتسوق منتجاتك عندنا ولا ايه
يوميات نائمة فى الارياف
شفتى يا نائمة ايه اللى بيحصلى وانا صابر وكاتم فى قلبى
صبرتم بس ما نلتم
بقولك ايه ما تكسبيش ثواب فى اخوكى وتبدليلى شفقة بحتة جبنة قريش وكوزين درة
mohamed
ايه ده يا عم محمد انت كنت بتمثل فى مسرحية المتزوجون .... مهو الطعمية من الفول والفول من الطعمية
وبعدين حاسس كده والله واعلم انك بتشتغل فى المجلس المفترى المراه
اقصد القومى للمراه
عموما اوعدك بتحقيق نداءك العاجل فى الالفية القادمة وربنا يستر
maiosha
حسستنى انك بتهشى كتاكيت من العشة ايه يا ميوشة الشغل فى الصيدلية بوظلك دماغك ولا ايه؟؟
عموما اذا كانت عنيكى فى القرص فاوعدك انى ابعتلك كرتونه بحالها وعليها صفيحة جبنة هدية ورحمة ونور على المرحومة
وعلى فكرة الستات زى ما انتى قلتى غلابة بس نسيتى تكمليها غلابة فى عقلهم
نهر الحب
حميدا؟؟ انا معرفش الا حميد الشاعرى مين حميدا ده
وكمان المدونات نورت طيب حاسبى للتكهربى لحسن احنا الفولت عندنا عالى
وايه بقى اللى انتى مش فهماه ابقى امسحى النفوخ شوية يا نهر لحسن كده هيصدى من كتر الركنة مش معقول كل حاجة نقعد نفهم فيكى كده ...
وبلاش حكاية على جنب دى لحسن حسستنى انى سواق تاكسى
عموما انتى وحشتينا جدا ونفسنا نشوفك
سلامنا ليكى ولنسمة
عاشقة وغلبانة
انا كنت مستنى مع الكلمتين دول قلمين على وشى ...
انا بتعاقب ولا ايه هو انا مش من حقى اعترض على القرص ولا ايه
طيب ايه رايك انك كبرتيها فى دماغى ومن بكرة هعمل مظاهرة اطالب فيها بوقف عمل القرص وعلى المتضرر اللجوء للافران
عاشقة الرومانسية
يا سيدى انت يا ابو قلب حنين
بس والنبى يا شيخة لتقولى تعيش وتفقد الذاكرة بلاش تفتكر دى لحسن بتقلب على الواحد المواجع
ولعلمك انا مكنت عايز ارد عليها بظلانتين لا كنت عايز احدفها بالزلط واخلى عيشتها طين بس معلش خليها على المرة دى
زوجة
شكلها ما باينتش عندى انا بس لا وبانت عند ناس تانية الا صحيح الناس التانية اخبارها ايه اللى هما المخنوقين سابقا
السلام امانة والزلنطين كمان
مهو احنا كده مظلومين دايما يا معشر الرجالة
mohamed ghalia
كلمتك كلمة حق بس مش قدر ونصيب لا ده قدر ومصيبة ربنا بلاانى بها
بس هعمل ايه معنديش الا الدعاء
بس بقولك ايه اوع تفتكر انه الكلام لا سمح الله على شفقة... لا ده على المرحومة
قوس قزح
ايه يا قوس حدث والكلام الكبير ده انتى بقيتى صحفية ولا ايه ... شكل الخبر هيتنشر بكرة فى صفحة الحوادث
يادى الفضيحة ام جلاجل يا دى الجرسة ام حناجل
riri
بينى وبينك وفى الخباثة اللى عقلك استنتجه صح وهو ده اللى كان فى ضميرى انا كنت اقصد ناس تانية وقلت كل واحد وفقاقته بس انتى فقاقتك طلعت عالية اوى
بس دارى على اخوكى لحسن يبات تحت السرير النهاردة
enjy
ممكن تدينى العنوان علشان اجى ادوق من اللى ماما بتعمله اهو اغير طعم القرص دى والسلام
esraa
حاجة تشيل حاجة! دى تبقى عربية كارو صح
وايه حكاية السرير اللى معلقة معاكم دى هو انتم بصينلى فيه ولا ايه ..هو حد قالكم انه سرير الملك احسان التاسع عشر
وبعدين يا سيدتى احنا مش رجالة اخر زمن لا اخر مرة وبعد كده مش هتلاقوا ولا حتى فى الاوكازيون
Lyssandra
اول مرورك طيب حاسب لتاخد مخالفة...وعموما سعدنا بمرورك وكل ما تكون قريب مننا ابقى عدى
عاشقة الفردوس
شكرا لعزائك
اما بخصوص ثانيا فهو فين التغير ده انا اول مرة اسمع عن الاختراع اللى اسمه الورد الاحمر ..انا اتخدعت يا رجالة
ولعلمك هى بتغير اه بس دمى مش حاجة تانية
ههههههه
مدونه جميله اوى
وربنا يجعلها اخر الاحزان ان شاء الله
واناشد معاكى
إرحمينا بقى يا 2009
حرام عليكي ده إحنا كلنا ولاد
9
ودمتى بكل الخير
متضامن معاك قلبا وقاااااااااالباااااا
وباعتلك السلام
ياترى وصلك؟؟؟
يااااااااااه دا انا فى غيبوبه
البقاء لله يا جماعه
معلش يا شفقه انتى واحسان انا قصرت معاكم
ايه الكلام الجميل ده
لا بجد 2009 دى بتطلع مواهب حلوه اوى
بس ياريت تخلص فعلا انا مش حابه رقم 9 ده ابدا
ومعلش بقى القرص حلوه برضه
واشرب الشاى بلبن عشان تنسى
ههههههههههههه
بجد يا احسان صعبان عليه
الواحد يوم الفلانتين يتمني يقوم يلاقي نفسه بين الورود
ويلاقي نفسه علي سرير علي شكل قلب احمر
وكمان يتمني انه يفطر في السرير
بس مش قرص القرافة
اين الشفقة يا شفقة
حرام عليكي بجد احسان صعبان عليه
انا بجدد تاني
اعلاني التضامن مع احسان
ومع كل زوج يواجه بهذه المعاملة
بفكر نعمل حملة تحت عنوان
اين الشفقة يا شفقة
hasona
ايه يا عم حسن الاسمر يا راجل حرام عليك هو لسه فى جايات هو الواحد ناقص مش كفاية الرايحات
صباح الصباح
قرص طعمية! لا قرص القرافة احسن وبعدين بينى وبينك الاتنين فقيرى ربنا يرحمنا من الحموضة دى
صدى الصمت
يعنى هى جات على المدونة ده اتنازلت عن هدومى وعن كل اللى حيلتى
norahaty
قرصوس لب ! لا على كده انا فى نعمة كبيرة اوى ومش حاسس بيها ربنا يكون فى عون اللى فى بالى
غروب
يسمع من بقك ربنا بس ياريت وهى بتفك ما تفكش لوحدها تخلى ناس تانية تفك عن قفانا علشان نعرف ندور بقى على الصحيح مش الفكة
لحن الفرح
بقى انا برضوا اللى ظالمها يا شيخة اتقى الله وقال لحن الفرح قال والرومانسية والعزف على الاوتار
لا انا كده زعلت لان انا اللى مظلوم مش هى انتى مش شايفة الكلبشات فى ايدى ولا ايه
همس الاحباب
ايه يا عم خالد انتى بقيت بتسرح فى الاشارات ولا ايه سامع فل ومناديل وكلام من ده شكلك غيرت النشاط
وبعدين يا سيدى هى ماتقدرش لا تجيب سيرة رحمة ولا نور ولا الحاجات الحلوة دى انت عارف اصلها بتغير
ومش عايزين نق انا لا مستولى على المدونة ولا حاجة وبكرة تيجى تكتم على انفاسى وتحط قفل على بابها والدخول يبقى بحساب وفلوس كمان
انت اللى ليك واحشة كبيرة
fashkool
الحمد لله موت جدتها شغلها عن اليوم ده والواحد اترحم من الهدايا وادفع يا سيدى
وعموما كلنا فى الهواء سوا المطحنون فى الارض والمعذبون فى الفالنتين شلولخ
Anollipian
العفو يا ستى انتى لا رخمة ولا حاجة وشكرا ليكى على التذكرة والكلام الحلو ده
نورتينا
ماما امولة
علشان خاطرك بس هتنزل المرة دى وهعذرها لكن اعملى حسابك المرة اللى جاية لا يمكن هتنزل ابدا
وماشى يا ماما امولة خليكى علطول انتى كده معاها قلبا وقالبا
بنت الغربة
ده مش موقف حلو ده موقف احمد حلمة والعتبة فى عز الزحمة
نفسى اعرف ايه حكاية السرير اللى مخليكم كلكم عينيكم فيه
و مالها القرص وحشه القرص عشان تبقى بكملت
هابى فلانطين داى
ههههههههههههههههههههههه
مالها القرص جميلة احمد ربنا وكمان شاى بلبن
بجد ربنا يسعدكم دايما
كان نفسى اشوفك اوى يا شفقة فى اللقاء اااااااااه يا مامتى
تحياتى
ايمى
اول البقاء لله لانى مش جيت بقالى فتره
ثانيا هيا بتقدم القرص مع الفطار
عشان يبقى عظه و عبره و يا حبذا لو
العبره كانت يوم عيد الحب عشان يبقى
الحب بمفهومه الاشمل ة الاعم و بعدين كويس قوى انها عملت فطار اصلا ومطنشيتش
ههههههههه
والله تجديد روش جداااا
هههههههههههه
دة يوم مميز كدة ممكن تفتكره انما لو كانت جابت ورد وحاجات حمرة على الصنية واللكلام التقيلدى دة كنت هتنساااااه
احييكى بجد يا شفقة هانم :)
بجد المدونة فى منتهى الجمال
قد ايه البوست فى حاجات كتيرة وكلام مهم وكمان الاحلى من كده خفة الدم اللى فى الكلام
حتى لما اتكلمت عن الازمة الاقتصادية والاعتصامات اتكلمت بشكل كويس قوى
انا اكيد هبقى بعد كده من المتبعيين للمدونة اللى فى منتهى الجمال والاهمية
تحيااااااااااتى
جرى اية يا احسان انت فاهم ان المنصورة دي قرية ولا عزبة؟
حضرتك المنصورة دي مدينة ممكن تكون اجمل من القاهر كمان جرب كدة وانت تشوف بنفسك
قال جبنة قريش قال
عارف احنا حوالينا قرى هي دي الي بيقولو عليها الريف بس المنصورة مدينة جامدة جدا
عموما انا مستنية اعرف رأيكم في شكل المدونة الجديد
تحياتي
رنا(يوميات نائمة في الارياف سابقا)
انا لله و إنا إليه راجعون
طبعاً العزا بيبقى اول 3 ايام بس انا مكنتش اعرف
البقاء لله
و ربنا يجعل مثواها الجنة
وكل المسلمين يا رب
آمين
.....
بالنسبة للقُرَص
فانا زمان كنت مسمياها قرص الميتين
وكنت مبحبهاش خالص
بس لما دوقتها لاقيت طعمها حلو
احمد ربنا انها جايبالك لافطار في السرير
وبعدين لاشاي باللبن مُغذي
و بعدين طعم القرص حلو برضو
انت اللي بتركز يا استاذ احسان بيه
متركزوش عشان تلاقوا الحياة آخر فُل
ربنا يخليكوا لبعض
آمين
سلام عليكم
طب وحدوووووووووووووووو
يا احسان يا خويا
اى حاجه من ايد شفقة تبقى عسل
على فكره وحشتونى جدااااااااااااااا
فعلاً عندك حق السنة دى بدأتها رخمة قوى من أولها كدة
ربنا يستر
كل عام وأنتم بألف خير وصحة وسعادة
تحياتى
شفقة وإحسان ازيكم وحشتونييييييي
البقاء لله انا عارفة هاعيش ندله واموت ندلة
بس البوست جامد جامد انا كنت خلاص هاقوم ارمي السنة الجديدة بالي في رجلي الاقي اخر البوست بقي حاجة تانية خااااااالص
وبعدين مالها القرص ده انا حتي بموت فيها
حد يطول يجيلة قرص وشاي باللبن في السرير
هههههههههه
عثل عثل عثل
والنبى زوج عثل
اهو برده بتفك عن البنيه المنخنقة من جو العزاء
ولزمم نراعى انه رغم نفسوياتها اللى بقت فى الارض من شدة الحزن
راحت لبعلولها حبيبها وصحيته يفطر
ياخراشى على الجمال بتاع الستات اما يبقو حنينين
والرجالة ماتقدرش
معلش تعليق متاخر
بس انا حبيت اقول انكم وحشتونى قوى ويارب تكونوا بخير وسعاده
ههههههههههههههه
اخيرااااااااا رجعتي يا شفقة والله وحشااااااني بجد
اما بالنسبة لهدية الفلانتاين فحد طايل ياكل قورص مش احسن من الدبدوب احسن من الورد دى قلبها عليك وعايزة تغزيك بقى دى جذتها
لاحرام عليك
دى عامله الشاى
وانت فى السرير
يعنى مدلعاك
معلش يا شفقة
ههههه
تحياتى لكم
اية يا شفقة انت واحسان
رحتو فين كدة وحشتونا جدا جدا
مش تطولو الغيبة علينا
رنا
هذه أول زياره لمدونتك و فعلا دمها خفيف جدا و أعجبتنى
يريت تشرفنى بالزياره
إرسال تعليق