احسان: مالك يا شفشق ايه ربطة الخدامين دى ومالك حاطة ايدك على راسك كده ليه ؟؟بتدبرلى مصيبة ولا اية
"بصوت واطى" جتك مصيبة فى معاميعك
شفقة:ايه يا احسان عايز ايه قطعت عليا حبل غسيلى
قصدى حبل افكارى
احسان:حبل ! طيب حطى المشابك كويس لحسن الافكار تقع من راسك ومنعرفش نلمها
شفقة :انت هتهزر يا سونة سيبنى فى اللى انا فيه
شفقة :انت هتهزر يا سونة سيبنى فى اللى انا فيهانا بفكر فى شوية مشاريع هيخلونا
هوب هوب هوب.... فوق
احسان: مشاريع... وهوب هوب فوق
يبقى يا حبيبتى هتبيعينا اللى ورانا واللى قدامنا
وهنبقى من سكان السطوح
وانا وانتى هنتشمس فى الرووف ان شاء الله
شفقة :انا مش بهزر يا احسان
انا فعلا قررت اعمل مشروع يخلينى اخد
لقب بزنس وومن
احسان : تقصدى بسبس وومن
انتى كبيرك بسبس مش بزنس
انتى اتجننتى يا شفقة ولا ايه؟؟
انتى اتجننتى يا شفقة ولا ايه؟؟
طيب والماجستير والدكتوراه وشغل الجامعة
والذى منه نويتى ترميهم فى الزوبالة ؟
شفقة : بص يا سونة يا حبيبى
اصلى بصراحة لقيت الحاجات دى ما بتاكلش عيش حاف
وانا اتعودت على العيش ابو سمسم
فقلت لنفسى لازم يا بت يا شفشق
تأمنى مستقبلك من غدر الزمان وغدرك انت كمان يا روحى
وقعدت امخمخ وافكر فى شوية مشاريع مكسبهم مية المية
احسان: ميه الميه!
يبقى اكيد هتشتغلى فى توزيع البانجو والحشيش وهتضربى حقن
هما دول اللى مكسبهم الف الميه غير كده كله صفرالمية
شفقة: بانجو ايه وحشيش ايه
انت شايفنى تاجرة مخدرات هتودينى فى داهية برأسك دى
بص يا احسان
احسان:ابص ولا اشم رجلك اللى حطاها فى وشى من الصبح دى
دى ريحتها عفنت وماتت
ما تتلمى يا شفقة
شفقة:مش عايزين هزار بقى ......ايه رايك يا سونسون
شفقة:مش عايزين هزار بقى ......ايه رايك يا سونسون
لو ااجر محل وافتحه كوافير حريمى
واحدة صاحبتى عملت كوافير وماشاء الله عليها اشترت حتة ارض فى صفط اللبن
وربنا فتحها عليها على الاخر
احسان: كوافير !
احسان: كوافير !
يا حبيبتى انتى كبيرك حلاق حمير
وكمان هتبوظيلهم الفورمة
كوافير ايه يا شفشق بربطة الخدامين اللى انتى عملاها دى؟؟
طيب والنبى ازاى هتعملى شعر الناس
وتبقى واجهة للمحل وانتى بالمنظر المنعكش ده
ومركبة سلوك دش واريل فى راسك
شفقة: بس اسكت ما انتش فاهم حاجة
دى النعكشة دى احدث صيحة من صيحات الموضة
ما بتشوفش المطربة مريام فارس وهى عاملة نفس تسريحتى
احسان : لا بشوف فارس مش مريام فارس
وبعدين بقى انتى هتعرفى تمسكى سيشوار ومكواه؟؟
والنعمة هتشيطى شعر الزباين وتولعى فيه
وهتبقى زبونة من زباين المطافى
بقولك ايه
انا مش ناقص مصايب
بكده كل يوم هترجعيلى مضروبة لوكاميتن فى عينيك من الزباين
وبعدين ارحمى الستات دول اساسا نصهم على وشك يقرعوا
والنص التانى قرع و مركبين بواريك وداهنين مرهم كبريت
شفقة: انت هتخوفنى ليه يا سونة
يعنى انت شايف كده
طيب بلاش كوافير علشان اللوكميات انا اصلا يا دوبك بشوف طشاش
طيب ايه رايك لو فتحت محل بيع ادوات ماكياج واكسسوار ؟
حاجة ترى شيك واسميه زوقينى يا ماما
ها ....اظن دى شغلانة هايلة ومفيش ست ما بتحطش ميك أب
احسان: ما تزوقيني يا ماما ايه !!
احسان: ما تزوقيني يا ماما ايه !!
هى ماما فاضية للمرقعة بتاعتكم دى خلى ماما فى الحلل وسلك المواعين
وبعدين المحلات ام 2 جنية ونص مالية البلد
ومخلتش الستات عايزة حاجة
كمان الميكاج دلوقتى بقى مضروب
تحطه الزبونة من هنا ويجيلها جرب وتجاعيد من هنا
وانتى مش ناقصة اللى تقولك جالى جربواللى تقولك رموشى اتحرقت
واللى تجيلها تينيا لا يا شيخة
ده كده اللى هتكسبيه هتعالجيهم بيه
وهتعملى اشتراك فى مستشفى التكميل والتجميل
شفقة: ايه يا احسان
شفقة: ايه يا احسان
بقى الروج والبودرة والماسكارا هيعملوا جرب وتينيا
وهو انا ببيع ميكياج ولا حساسية
خلاص خلاص بلاش مش عايزين هرش
طيب ايه رايك لو فتحت محل ملابس؟
اهو مفيهوش حاجة اهو
ولا هنحرق حاجة ولا هنجيب جرب لحد
كل ما هنالك شوية فساتين على كام بنطلون ساقط على شوية برمودا
ولا اقولك شورتات علشان الموضة كده السنة دى والحكاية هتمشى
ولا اقولك شورتات علشان الموضة كده السنة دى والحكاية هتمشى احسان : شورتات وبرمودات وبديهات
انتى كده ناوية تودينا اللومان او تحبيسينا اداب
لان الشباب هيفضلوا ملاطعين ادام الفترينة ليل نهار
ولو فتحتى بقك واتكلمتى هيلبسوكى قضية تهريب وجمارك
والذى منه وانا بصراحة مش فاضى اجيبك كل يوم من الاقسام
شفقة : طيب عندى اقتراح هيعجبك
شفقة : طيب عندى اقتراح هيعجبك
بلاش نشترى ايه رايك لو نصنع احنا نفتح اتيلية شيك انا اقص
وانت ترفى ....وانا اخيط وانت تسرفلوكمان نعدل حال البلد شوية ونغير لبس الستات المحزق والملزق
ونعمل حاجات محترمة
يشمك... اسدالات... خمارات ...جيبات فضفاضة
وبكده نبقى ارتقينا بالبلد
اطبخهم فى البيت وانت تجيب علب وتعبي
احسان: ارتقينا!
انتى بكده هتخربى البلد وهتبوظيها
ومالها البديهات والبنطلونات البرمودا
ده هى دى اللى معيشانه ومخليانة نشم نفسنا بعيد عنكم
لا ...ده افشل مشروع فكرتى فيه
قال محترم قال
يا شيخة
والرجالة تعيش ازاى بعد كده؟؟
ده اللبس ده هوا المتنفس الوحيد ليهم بره البيت
بعيد عن الغوريللات اللى متجوزينهم
والنعمة دول ييجوا يطربقوا الاتيلية على نفوخك
ابقى المك بقى كل يوم من المستشفيات ووشك كله غرز !!
شفقة : غرز.. لا لا خلاص بلاش
طيب هاقولك هافتح جاليرى اظن ده بقى حاجة فى منتهى الرقة والشياكة
شوية تحف على شوية براويز والشغل يبقى زى الرز
ومش هنبيع لاى حد للناس الشوياكة بس
اللى بتقدر النوع ده من الفن
احسان: ههههه تحف ؟؟ مش كفاية انتى ؟؟
الحقنا يا زاهى يا حواس
الست هانم اتجننت وعايزة تهرب اثار
والنبي لتخلينا كده احسن ... مترممين ومنكوسين
بدل ما هيدوها علينا وتقع على دماغنا
شفقة: يوووووووووووووووه طيب يبقى مفيش ادامى الا انى افتح محل كشرى
وساندوتشات كبدة واقدم معاهم وجبات
اطبخهم فى البيت وانت تجيب علب وتعبيولو الحكاية مشيت معانا نفتح المحل والموضوع يكبر ويكبر
واسميه كشرى الشفقة والاحسان كل واشبع يا جعان
احسان: انتى هتطبخى وانا اعبىء
احسان: انتى هتطبخى وانا اعبىء
وكمان شفقة واحسان
كل واشبع يا جعان
يبقى ان شاء الله مش هتبيعيه انتى هتفرقية ببلاش
ذكاة وصدقة على روحنا
والنبى يا شيخة لتشوفى اى مشروع تانى غير الاكل
لانك لو طبختيه يبقى هتلاقى كل يوم حالات تسمم وغسيل معدة
هو انت مش مكفيكى معدتى واللي جرالها ؟؟
عايزة تسمى مصر كلها
شفقة: كده برضو يا سونة ماشى.
شفقة: كده برضو يا سونة ماشى.
طيب افتح نت كافية
واجيب شوية اجهزة مستعملة من سوق العصر
وكام شاشة على كام كيسة
الحكاية تمشى واخلى الساعة ب 5 جنية
شوف انت بقى فى اربعة وعشرين ساعة يبقى كام
احسان : كده مش هيبقى العصر قولى العشاء ..الفجر
بقى عايزة تفتحى اربعة وعشرين ساعة
يا بوليس الاداب تعالى الحقنى
انتى عايزانا نتمسك يا ست انتى
كده انتى هتلمى علينا العيال الصيع اللى مورهمش حاجة
ويقعدوا يدخلوا على المواقع اياها المخللة بالاداب
وهتحدقيها علينا وتفضحينا يا شفقة
اللى بعده ....غيره
شفقة:خلاص.... بس ....هى دى
وجدتها
ايه رايك احنا عندنا قطط وكلاب
وبصراحة انا مش عارفة اخلص منهم ازاى
نلم كل القطط والكلاب اللى فى السوق
ونجوزهم
القطط والكلاب تخلف
يكبروا نجوزهم ويكبروا يخلفوا نبيعهم وهكذا 
احسان : انتى عاوزة تخضينى يا شفقة
شوية شوية تربيلى خنازير فى البيت
قال كلاب قال
انتى عايزة تربيلنا الرعب وتخلى رجلينا تخبط فى بعض
والجيران تهج من البيت ويعملولنا محاضر ازعاج وهوهوا
انتى هتعملى زى سمير غانم فى فيلم يارب ولد
احنا نجيب الكتاكيت من السوق
ونلم الفراخ البدارى ونربيهم يكبروا
نجوزهم .....يبيضوا
ويفقسوا ...والبيض يفقس يطلع كتاكيت
ويفقسوا ...والبيض يفقس يطلع كتاكيتتكبر تبقى فراخ
ايه يا شفقة احنا هنفتح زريبة يا امىكده مش هيبقى مشروع
هيبقى زريبة وجنينة حيوانات
وبكده انا هلبس جلابية واشتغل معاكى بياع اقفاص
شفقة: يوووووووووووووووووووووووووه انا خلاص زهقت وعقلى طار
شليت تفكيرى امال هشتغل ايه دادة ؟؟
احسان: سيبينى انا بقى ااقولك على المشروع اللى يليق بمقامك يا حياتى
حاجة ايه ابهة هتريحك وتجيبلك فلوس وانتى قاعدة مرتاحة
وحاطة رجل على قفا السواق
قصدى رجل على رجل
وكمان هيريحنى انا كمان منك طول اليوم
وابقى ضربت عصفورين بحجر
شفقة : وساكت من الصبح ما تنطق يا راجل مشروع ايه؟؟
واهم حاجة هيخلينى هوب هوب هوب فوق
احسان :هى دى الحاجة الوحيدة اللى مضمنهاش
الا لو ركبولا اجنحة وعملوا منه نسخة معدلة تروح المريخ
وشغلوه مركبة فضائية
شفقة: وساكت انطق يا سونة اواااااام
احسان: تــــوك تـــــوك هشتريلك توكتـــــــوك
واكتبه باسمك وهتبقى من الملاكسيدة تاكتيك اد الدنيا
وبراحتك
تشغليه وردية اتنين
زى ما انتى عايزة
بس وردتين يبقى فلوسه اكتر
وارتاح انا كمان وقت اكبر
وكمان هتمارسى هوايتك يا ستى... شفتى انا بعزك ازاى
ضرب وشد شعر السواق وخناق وصويت معاه للصبح
وهو ولا كانه هنا ولا هيفتح بقه انا هوصيه
شفقة:توكــــــــتوك انت بتتكلم بجد؟؟
وده مشروع يكسب كويس
احسان: هو هيكسب بعقل
ده الفلوس الفضة هتجرى فى ايدك زى الرز وهتدعيلى
شفقة:فلوس فضة !
وشوية شوية تبقى جنيهات دهب
خلاص اتفقنا بكرة نشترى التوكتوك
احسان : المهم تورينى شطارتك .....بس بشرط ؟
شفقة : شرط ايه يا حياتى؟؟
احسان:هجيبلك السواق يعلمك
وشوية شوية تتعلمى و تسوقى انتى التوك توك
علشان المكسب يبقى حلال عليكى لوحدك
والاهم ان الوردية تبقى من 7 الصبح ل 7 تانى يوم
وبكده ارتاح منك ومن قرفك وحلال عليكى المكسب وحلال عليا البيت فاضى
اظن كده عدانى العيب وقزح
شفقة: هو قزح بس ده قزح وتكتك
والله وهتلعب معانا البلية يا سونسون وهنغنغك
طيب وسع بقى للسريع
شفقة
هناك 57 تعليقًا:
هههههههههه
طبعا انا مش فاكر غير أخر لقطة من الفيلم
مش علشان حاجة لا بس الفيلم 3 ساعات و مممتع صدقينى
بس عاوز اقوللك حاجة بقى هو كان بحبط عزمتك اه بصراحة
انا مش عاوز اوقع بينكم بس اعمل اية بقى
من الأخر هو كان مظبط على المشروع الأخرانى دة من اول الفيلم اناشفت دة فى عنية (:
بس مرضتش اتكلم من الأول لما اشوف هيوصل لاية و تاكدت
ربنا معاكى يا ست شفقة هانم
(:(:(:
هع هع هع هههههههههههههه
ده بيحبك اوي اوي احسان بك ههههههههههههههههههههههههه.. توك توك.. وسيدة تكاتك.. ابقى افتكرني بقا لما الجنيهات الفضة تجري في ايدك :))
بوست جميل بجد :)
ههههههههههههههههههههههه
هما كدة الرجالة يعملو إحباط معنويات
ومفيش حاجة تنفع
الجواز دة مشكلة كبيرة ههههههههههه
شفقة حبيبة قلبي
اوعى تسمعى كلامه وتستسلمى للاحباطات دى وترضي بمشروع التوك توك
انا اصلى عاوزه اشاركك في مشروع الكوافير والميك اب
هو احنا نعمل بيوتى سنتر ومش يهمنا كلام الرجالة
مش كفاية اننا بنفكر نرتقي بيهم معانا
كمان مش عاجبهم ؟؟؟
ههههههههههههه
بجد البوست زى العسل
تسلم ايديكى ياتوتة
هههههههههههه
ايه ده ياشفقه دا احسان حبطك خالص لا بيرحم ولا عايز رحمة ربنا تنزل وكسر كل طموحاتك
انا جايه اهدى النفوس على فكره
مش بأومك عليه
تحياتى
لالالا مالوش حق احسان المفروض بصراحة كنتى اتفقتى على مشروعين وادح ليكى وواحد ليه اومال يعنى انتى تعملى مشروع وتنشغلى فيه طول اليوم وهو يبقى براحته طوول اليوم
لا والف لااااا خدى بااالك ياشفقة كويس
اقولك سيبيله التوتوك ودورى انى على حاجة مريحة اكتر ودلعى نفسك :))
واحشاانى هنشوفكم فى دمياط ولا اييييه؟
ههه ده طلع لك القطط لفطسانة في كل مشاريعك بس انت كمان بتحبطي بسرعة وبترفعي الراية البيضاء ليه طيب خليك قوية
ههههههههههههههههههه
اكتر حاجة عجبانى يا شفقة انك مزهقتيش بسرعة وافتكستى مشاريع جديدة
بس تقولى ايه بقى لخطة الاحباط اللى الرجالة ما بيعرفوش يعملوا حاجة غيرها
هههههههههههههههههه
عجبنى اوى الجزء ده
ومالها البديهات والبنطلونات البرمودا ده هى دى اللى معيشانه ومخليانة نشم نفسنا بعيد عنكم لا ...ده افشل مشروع فكرتى فيه قال محترم قال يا شيخة والرجالة تعيش ازاى بعد كده؟؟ده اللبس ده هو المتنفس الوحيد ليهم بره البيت بعيد عن الغورلات اللى متجوزينهم والنعمة دول يجوا يطربقوا الاتيلية على نفوخك
رجالة ملهاش حل بجد ههههههههههه
بس اوعى تسمعى كلامه وتجيبى التوك توك
يا تجيبيه وتشغليه هو عليه
معندناش ستات تشتغل سواقة ههههههههههه
بجد انتوا الاتنين زى العسل
دمتما بكل الخير والسعادة
ramy
انت كنت حاجز فى سينما ريفولى انت وهو ولا ايه؟
شكلكم كده كنتم بتدبرولى مؤامرة
بس على مين هبوظهلكم
فتافيت
بس كده عايزانى افتكرك لما الفضة تجرى فى ايدى اوكيه اكيد هفتكرك علشان تبقى تصرفيهالى وتدينى بدلها ورق
hana
احباط معدنيات ايه بقولك شغل مش بير ميه
reem
بس كده عايزة بيتى سنتر والنعمة ولا يغلا عليكى بس بشرط هديكى بيتى بالى فيه
بعفشه واحسانه وقططه وكلابه
والنعمة مهو راجع
وابقى اعمل سنتر لوك عليهم
داليا
بقى بعد سيرة الكسر اللى جبتيها دى هتهدى النفوس؟
ده انتى هتجبسى النفوس مش هتهاديها
رحيل
ومين قالك يا سوسو انى هسيبه يبرطع لوحده وحياتك لاخليه يسوق التوك توك وانا معاه امال مين اللى هيلم البنديرة
واوعدك انى هجيب احسان بالتوك توك ونجيلك دمياط بس يارب يكمل بينا لحد البدرشين
خواطر شابة
هو من ناحية القطط الفطسانة فهو طلعها القطط الفطسانة والكلاب النبحانة
وبينى وبينك انا بالرعب اللى انا عايشة فيه ده مع الحيوانات اضطريت مجبرة ارفع الراية البيضا وكل الالوان
حاجات جوايا
والنبى يا بت يا حاجات انتى بتقرى افكارى
امال انا يعنى اللى هسوق وهو مفيهوش تكييف
لا والف لا طبعا هو اللى يسوق
يا مظلوم يا صديقى يا إحسان
بقى كونك خايف على مصلحة المدام وعايز لها الأحسن تبقى بتطلع القطط الفاطسة فى مشاريعها.
يا مدام شفقة اسمعى كلام جوزك كويس وسيبك من التعليقات اللى فاتت دى، دول عايزين يوقعوا بينكم.
(فوت لى بريزة بقى يا إحسان)
مدونة جميلة وعجبتنى
موضوع رغم طوله لكن الاسلوب هايل خلانى اقراه كله
وبجد استمتعت
تقبل مرورى
قلب مصرى
هو مش خايف على مصلحتى هو خايف على مصلحة الضرايب وانت الصادق
خايف يدفع
وخليكى معايا وانا افوتلك جنية دهب مش بريزة
بحب الحكومة
وانا كمان بحبها واللهى يا بيه
عموما هو مكانش ينفع غير كده لازم طويل
لانى لو قصرته هيبقى عامل زى المينى جيب وكده عيب
هههههههههه
هههههه
اخيرا ربنا كرمنى وشفت اخويا سونه بيعمل مقالب انما تجنن
بصراحة مشروع التوكتوك يجنن وينفع مع شفقة هانم بس ربنا يكون فى عون السواق وما يولعش فى التوكتوك
ههههههههه
بوست رائع كالعادة وفيه افكار رائعة قابلة للتنفيذ
تحياتى ليكم
بصي بأه يا شفقة
سيبك من كل اللي انتي كاتباه وتاعبة نفسك بيه
بس انا ارفع القبعة واحدفه لفوق والقفها تاني وازغرط واصقف لمجموعة الصور التحفة اللي انتي حطاها
ايه ده يا شيخة
ايه ده يا شيخة
هههههههههههههههههههههه
رهيبة ^_^
مها ميهوووو
هههههههههههههه
ايه ياشفقه الجمال دا
بجد مالكيش حل جميله جدااااااا
الحوار والصور تحفه كلها على بعضها جميله
بس بقولك سيبك ياشيخه من وجع الدماغ دا شغل ايه اللى هنقعد نفكر فيه كفايه علينا احنا ياستات التعصيبه والمكنسه وشغل البيت وهما اللى يفكروا ويجيبوا الماااااااانى
تسلم ايدك ياقمر بجد بجد البوست اكتر من رائع
دمتى بخير
هههههههههههههههههههههههههههه
شفقة
انتي ملكيش حل
والله انت واحسان شيء يطري ع القلب في الحر بتاع اليومين دول
بالنوسبة للموضوع ده
طيب والماجستير والدكتوراه وشغل الجامعة
والذى منه نويتى ترميهم فى الزوبالة ؟
-------------------------------
لو ها ترميهم بس بشرط ها تتاجري في المخضروات اعتبريني معاكي
انا صبي من صبيانك يا معلمة وشوفيني بحاجة تتطري على قلبي
والبرادس دي حبيبتشي من الأخر
متنسيش بقى :)
ههههههههههه
جميل يا شوشو
تعرفي انه حال معظم الناس كتير بيفكروا في مشاريع والازواج شغلتهم الاحباط
لذيذ البوست التوك توك لازم يترخص عشان المجلس والحكومة ما تصدروش هو نسي الكلام ده وعامل معاكي فريكيكو
يعني المشروع ده برده محبط ايه رأيك نفتح محل قماش من غير تفصيل ولا نسقط بناطيل
وبصراحة ان شاء الله هنكسب
علي فكرة
والرجالة تعيش ازاى بعد كده؟؟
ده اللبس ده هوا المتنفس الوحيد ليهم بره البيت
بعيد عن الغوريللات اللى متجوزينهم
عجبتني الصراحة هههههههههههه
ده علي اساس ان الغوريللات متزوجة من عصافير كناريا هههه
مهو بردة عيشين مع غوريللات
جميل البوست تسلم ايدك ع الفكاهة
هو بصرف النظر لطول البوست الا انه قصه جميله موت
بس هو ليه احسان كان بيهبط من عزيمتك
وكمان فكرنى بسرحان ونفيسه عايز يخلص منها بأى شكل
المهم ان فى الاخر شجعك على مشروع تحفه بجد كنت هتجنن عليها
تحياتى لقلمك شفقه هانم
ههههههههههههههههههههههههههه
بلاش التوكتوك ده بس يا شفشقتي يا حبيبتي
شغلانة متعبة اوي
بس بجد انا اتعودت على قصصكم الحلوة اوي انتي وسنسن
ربنا يسعدكم ويهنيكم يا رب
خالص تحياتي وتقديري واشواقي
أحلى حاجه فى إحسان إنه بيقدر يقنعك بوجهة نظره وفى ثوانى بتتخالى عن أفكارك
بالرغم من إنك مشاكسه بس مطيعه جدا وفى الأخر هو إلى كسب
بجد حوار لذيذ جدا
هههههههههههههههههههههههههههه
انا عايزاكى تتمسكى بمبدأك و اوعى تستلمى لإحباطات إحسان..هما دول اللى جايبنا لورا
D:
ياه حلو أوى الموضوع ده بس مافتركش أن شفشق أنها هتقدر تقعد أكتر من ساعة فى الشغلانة الهلكانة
Mohannad
احلى شي تفكيرك بالقضاء على بطالتك
والاستفاده من مواهبك الدفينه
وقدراتك المتينه
لوووووووول
هههههههههههههههههههه
هو ليه عاوذ يخلص منك
سوال لكل المتذوجات:)
همس الاحباب
وحياتك يا همس مش هو اللى بيعمل مشاريع تجنن لا ده هو شخصيا اللى اتجنن
وبعدين مش انا اللى يتعمل معايا مقالب ده انا اساسا اللى اخترعت القوالب
اما بخصوص الساق اللى هيولع فى نفسه فيهكون احسان وخلى الجاز عليا لزوم الولعة
احسن تستاهل
المهم يا ميهو انك لما ترفعى القبعة القرعة ما تبانش علشان الاحراج بس
وكمان وانتى بتلقفيها اوعى تقى منك على البوست تلخبطلنا الصور
انا بقولك اهو
الحب الجميل
لا لا انا مش معاكى لازمن ولا بندق الست تشتغل علشان يبقى فى ايدها صنعة وفلوس تزل بيها جوزها
امال
وشوية شوية التعصيبة والمكنسة هتبقى من مهامهم هما
المهم نشتغل ان شاء الله بتوع فجل
ستيتة حسب الله الحمش
ايه يا دكتورة بقى احنا بنطرى على القلب والنبى انتى حسستينى اننا بطيخة
وبعدين بالنسبة لسؤالك انا نويت ارميهم بس ياريت الزوبالة تستوعبهم ده حتى بقيت الزوبالة اغلى من الرسالة
وبالنوسبة للخضروات فانا بعملها دراسة خيار ااقصد جدوى وجارى التنفيذ
واول ما ابدأ هديكى ميسد
ذكرى رحيل قلم
محل القماش ده فكرة هايلة يعنى نبقى زى الحاج متولى ونعمل محل مانيفاتورة
ونكسب دهب
بس المصيبة لجوزيتنا يعملوا زيه ويتجوزوا اربعة
يبقى المشروع وقع فوق دماغنا
ويا داهية دقى
moon light
لعلمك بقى سرحان ونفيسة دول هما اللى بيقلدونا
اما بخصوص الهبوط فالواحد حس انه طيارة
بس ورق
مهموهة
بقى التوك توك شغلانة متعبة؟؟
ايه يا بنتى هو انا هسوق لورى
ده عامل زى البسكلتة
وبعدين انا هشغل احسان والم انا البونديرة
ما تخافيش على اختك
مرايتى
بيقنعنى بوجهة نظره وهو فين نظره ده
ده شيش بيش
انا ودماغى
انا مش هتمسك بمبداى وبس لا ده هنا هتشعبط كمان بس ربنا يستر ومبداى ميقعش من كتر المسك
spider boy
طيب ولو كملت اربعة وعشرين ساعة هتخليه يكتب التوك توك باسمى؟؟
وتحدى
اقصوصة
وحياتك شكلى كده انا اللى هبقى دفينة
sony 2000
ايه السؤال الساذج ده
طبعا علشان ياكل براحته اصلى بخبىء منه الاكل
ده سؤال بالذمة
هههههههههههههههههه
هههههههه
إية كل المشاريع الجامدة دى ؟
ربنا يستر وتقدرى تحققى حاجة منها
وربنا معاكى
تحياتى
هههههههههههههههههه
و الله انت عسل يا احسان
فكرت صح و لعبتها صح
و اهى ترجع من الورديه مطحووووووووونه لاتفكر تجر شكلك و لا حتقدر تفتح بقها نوهااااااااائى
احييك على افكارك النوره
سيدة تاكتك اد الدنيا
حاجه اورجينال خالص بجد
يعنى بدال اما يقول هو اللى هيشتغل عليه يخليها هى عشان يخلص منها ويرتاح فى البيت لوحده يا عينى عليكى يا شفقه هما الستات كده مظلومين على طول
وبعدين دى قالت شويه مشاريع تحفه طلع فى كل مشروع مصيبه اشمعنه بقى التوكتوك
مهى ممكن تعمل حادثه وتموت الزباين بردو لالالالالالالالا انا مش عاجبنى احسان بصراحه عايز يخلص منها باى شكل ايه ده انتى عارفه انا جايه اهدى النفوس بس مش قصدى حاجه هههههههههه
معاكى ربنا يا شفقه
بجد بوست خفيف ولذيذ جدا
تسلم ايدك يا شفقه
جوجو
صدى الصمت
ايوا كده ادعى احقق اى حاجة لحسن العوازل يشمتوا فينا
بنت وولد
اظهر وبان عليك الامان يبقى انت الولد ومتضامن مع احسان
بقى عايزينى ارجع هلكانة ومفتحش بقى ليه هو انا هشتغل فى مستشفى وهرجع متبنجة
والنعمة ولو
gogo
ايه الناس اللى جاية تهدى النفوس دى
وبعدين التوكتوك ده مش حاجة اورجينال ده حاجة قرفينال على الاخر
بقولك ايه يا شفشفق سيبك من احسان وتعالي نفتح محلي كشري انا بحبه وبموووووت في عميله وعندي سر المهنة ههههههههههه
لولا
هههههههههههه برضو دمك ذى العسل اروح وارجع الاقى دمك اخف وحشانى جدااااااااا
عداكي العيب والله يا شفقفق
انتي اتجوزتي انتي واحسان بس بردو هتردوا على البوست ده
بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة
http://chocolatah.blogspot.com/2010/07/blog-post_26.html
معانا ولا.......
كل عام وانتم بخير
ورمضان كريم
تحياتى
هههههههههههههههههههه
هههههههههههههههههههههههههه
استمتعت بكلماتك الذيذه واسلوبك
الحبوب بالكتابه
رآق لي
هههههههههههههههههه
هههههههههههههههههههههههه
رآق لي
اعجبتني كلماتك
ههههههههههههه
ههههههههههههههههه رآق لي
إرسال تعليق