الأحد، 6 يوليو 2008

ازاى تكونى قـــــــــوية............مع الحمـــــاه المفــــــــــتريه




النهاردة بقى هنذيع الحلقة بتاعتنا من استاد الملاكمة او من اقرب صالة جيم......نظرا للمباراة اللى هتقوم بينا....... وبين الحموات المستعفيات" اقصد الفاتنات"


ما علينا اهم حاجة يا جماعة فى معاملة الحموات ..............سياسة النفس الطويل............. ابو زلومـــــــــــــة


****واليكن بعض المواقف وكيفيه التعامل معها****


لما تروحى تزوريها تحضرى دماغك من بالليل.............. لضرب الروسيه


وتلبسى قفزات منعا للجروح......وجزمة كعب عالى


بصى بقى لو كانت مش طايقاكى ..........وده طبعا الطبيعى

***وانتى تتمنى العمى ولا تشوفيها ***


مش مهم اعتبرى نفسك ........عاميه......... وخرسه ..........وطرشه


يعنى ما تتكلميش الا اذا حسيتى انك خلاص هتموتى منها.......... وحاولى دايما تقوليلها يا ماما


*** وان كانت الكلمة هتطلع بالعافية***


صحيح مفيش مقارنة بينها وبين ماما .....وفى الحالة دى كتير منكم .........بتفضل اليتم


بس معلش يا ستى تعالى على نفسك ...........واديها لقب الكونتيسه

****

كمان حاولى دايما تديها ودنك.... اقصد تسمعيلها............. مش تقطعى ودنك وتدهيلها هديه


لا هى عندها ودن احسن منك ميه مرة............ وبتسمع بيها دبة النملة


انا اقصد لما هى تلت وترغى .......اسمعى منها وبعدين ......ابقى اقطعى ودنك مع فرد وشك بجلات


ليعطيه ابتسامة زى الزفت....... معلش ابتسمى حتى وان كانت بتسم بدنك بالكلام


****

دايما تحاولى تحشرى نفسك .....................عندها فى المطبخ


يعنى ما تديهاش فرصة............. وانتى عندها ان هى اللى تعمل كل حاجة


لان ابنها كده هيحس بالفرق............... وهتلاقيه كل يوم مبلط عندها بعد الشغل


ومش هتشوفى خلقته تانى ..............على السفرة


وكل حاجة هايعايرك............ ويقولك يا شيخة هو انتى تعرفى تعملى زيها وكل شوية يقول..... اكل امى..." جته ماوووووو "


وهتبقى ذله ليكى فى الرايحة والجاية ......ايون


ويا سلام.......... لو كنتى من صاحبات العك ................ شوفى انتى بقى صيتك هيوصل لحد فين ومش هتسلمى من لسانها وهتلاقى اخبارك على صفحات الجرائد مانشيت كبير تحت عنوان العكاكين


مش مهم............... بوظى المهم تعملى وتثبتى جدارتك العكاكيه


مرة تعملى طبق رز بالبن بالملوخيه....سبانخ بالبطيخ ..........كده يعنى وفهميها انه صنف جديد لسه منزلش السوق

وانه بتاع الناس الهاى بس


وبكده تضمنى................ انها مليون فى الميه هتاكل منه


وهما اللى بيعملوا البط بالسكر والعسل احسن منك.............. اهو كله عك......... ووجع بطن


و تبقى خلصتى منها للابد............. وتبقى شهيدة السبانخ بالبطيخ .........مش انتى خالص


المهم اللى ياكل العك ده يستاهل اللى يجراله

****

كمان طول ما هى قاعدة تتكلم عن ابنها ..........حاولى ............حاولى بقدر الامكان تكونى ...........لتيفة وحونينه


وتتكلمى عنه كويس حتى وان كان بيفشفش عضمك........... وهاريكى ضرب..... وافتكرى ان الشكوى لغير الله مذلة


معلش خليكى انتى الاحسن........ وامدحي فيه مش اردحى ...........خدوا بالكم من الفرق


يعنى مثلا ربنا يخلهولك يا طنط ...............ده هدية من السما............ ده عسل يالهوى على الطيبة والحنيه


ما تتوصفش وبعدين هو هايجيب الصفات التحفة دى منين ..................ما هى من متحف الاثار


اقصد منك يا حبيبتى .............. ربنا يخليكى لينا لحد ما يبقى عندك عشروميت سنة


وبعدين وهى مش موجودة................. ابقى قطعى فروته وفضفضى براحتك .............وطلعى اللى نفسك فيه


ده ممرمطنى....... مورينى النجوم فى عز الضهر................ يعنى هو ها يجيبه منين


ماهو كله من الست.............. ام اربعة واربعين اللى جايباه


بس خلى بالك ....................لتلدعك ودى قرصتها للترب علطول

****

دايما متدخلهاش فى مشاكلك وحروبك مع الافندى .................لازم انتى تقودى المعركة ومعاكى اسلحتك


لحد ما تنتصرى على الخصم................. الهو جوزك اسم النبى حرسه وصاينه


بدون خساير



.ولما تسالك انتم عاملين ايه؟؟؟؟ ........ اجابتك تكون موحدة تمام وزى الفل


خلى بالك من نظرتها لو عرفت انكم بتتخانقوا شماته ...شماته...شماته


و تلاقيها عماله تقول الهى يكسر نفوخك ويدغدغك يا بعيدة....ما تدهاش فرصة للشماته ولو انها احسن واحدة تاخد فرص


وتضحكى وتقولى.................... سمن على عسل


وبينك وبين نفسك ابقى قولى ................عسل اسود ومهبب


وابقى افتكرى الشالوت اللى ادالجتى بيه من على السلم .............لحد ما وصلك للجيران عوم وزحف

****

لما تيجى تزورك حتى وان كان اليوم تقيل على قلبك................ومش هيعدى


مش مهم خالص استحمليه واعتبريه يوم فى سنة كبيسة................. بس اهم حاجة الاستقبال والترحيب


يا مرحبا يا طنط والله الدنيا بقيت لايت........ مش عارفة اعمل ايه ...........انا فيرى فيرى هابى


وامسكى فيها تقعد كام يوم كده ..............حتى وان كان ضغطك هيعلا فيهم


معلش يعنى ايه اللى هيزيد ؟؟؟ مهو كده كده .......انتى من ساعة ما اتجوزتى ابنها وشوفتى وشها


جالك الضغط والسكر والقلب ......................والذى منه الخ الخ الخ


يعنى قعادها مش هيزود ....................الا حاجات بسيطة وطفيفة الانتقال من المرض العضوى للنفسى



مش بقولكم حاجة بسيطة وعلى السرايا الصفراء عدل

****

وانتى قاعده معاها تلبسى اجمل واغلى.......... واشيك حاجة عندك


بدل ما تديكى كلام .....................من اللى يفتح النفس ده


ايه اللى انتى لابساه للواد ده والنبى هو عنده حق يبص بره ........وكمان يتجوز عليكى


ما تدهاش فرصة ..........وخلى الامطة والجلابيه ام ورد بعدين لما تحن عليكى وترحل

****

لو حبت تزغرك بالكلام او سمعتيها بتقولك كلمة كده ولا كده............ سيبك منها


مهو كلامها دايما زى الدبش........ اعملى نفسك ودن من طين والتانية من عجين


وكأنها بتقول فيكى قصايد شعر من اشعار " ابى العلاء المعرى " واحمد شوقى


يعنى برود تام .....ديب فريزر...... الهى ديب ياكلها ويريحنا ....المهم برود تام حتى الوئام


ولو خلاص بقيتى على اخرك منها.................. وروحك طلعت لمناخيرك


ابقى طلعى ده كله فى ابنها لكن هى......نو نو نو........ ما انصحكيش


نكدى على اللى قدك .......................بدل ما تنكد هى عليكى وعلى البلد بحالها


وينوبنا من الحب جانب معاكى

****

خدى رايها ومشوريتها فى كل حاجة ....................يعنى كبريها وعلى من مركزها


"لحد ما توصل من مركز................. لقسم شرطة ان شاء الله"


كل حاجة تقوليلها ايه رايك فى دى طيب ودى ...............حتى وان كانت ما بتفهمش


مش مهم خالص المهم تحسيسيها......... انك بتستفادى منها وكانك طول عمرك غبيه .............وما بتفهميش


وبعدين بينك وبين نفسك..............." ابقى قولى دى دقة قديمة ولا ليها قيمة"

****

حذارى ايكى وان تعرفيها حاجة عن مصروف البيت


والا ان شاء الله مش هتشوفى قرش واحد بعد ما تعرف


لكن اوعدك انك هتشوفى قرش البحر اللى هيعضك باذن الله

****

الهدايا على راى المفقوعة " هى غنيه وتحب الهديه"


دى بقى اقرب حاجة................ لطريقها المشوك علشان ما تلدعكيش ....عليكى بشراء الهدايا


ا فى كل المناسبات والاعياد ...................وخاصة عيد ميلادها التسعين


لازم تحسسيها انه يوم ..............ولا يوم 6 اكتوبر........ وعبور القناه


ما هو كل ده علشان تحطمى خط بارليف "الهو لسانها اللى عايز قطعه من لغ لوغه"


***وفى نهايه المباراة ***


عليكى بالمطالبه بتعديل طفيف لفيلم حماتى ملاك...............الى حماتى هلاك


احب اقول ان الحما ...............................مش هم وغم يعنى اكيد كلهم مش.................. حموات فاتنات

واكيد هايجى اليوم اللى هتكونى فيه سماويه ........ونكديه.........................اقصد هايجى اليوم........... وتبقى حماه واهو كله سلف ودين


سلام بقى لما اروح اسدد الدين


شفقة

هناك 62 تعليقًا:

Miss. Sosa يقول...

هههههههه
ايه يا شفقة النصائح النارية ديه
بجد ضحكتيني بس معلهش مش هطول لحسن الوقت متأخر وممكن عفريت اي حماه قرت البوست ده يطلعلي .. انا مش ناقصة

سلااااااام

شفـقــة و إحســــان يقول...

miss sosa
وحشتينى موووووووووووووووت
وربنا يجعل كلامنا خفيف عليهم
المرة اللى جايه ابقى اجبلك معايا حجاب علشان العفاريت

دكتور بهــدوء يقول...

هوه كده هتكوني عفيه بس
حرام عليكي
دانتي هتخليها ماتمارسش هوايتها كحماه وهتقطعي عليها كل السبل
يرضيكي تنقطيها


ايه ماعندكيش اخوات بنات اهيء اهيء

Lobna Ahmed Nour يقول...

هههههههههه

السبانخ بالبطيخ .. حرام عليكي

وبعدين سي احسان بك ساكت على الكلام

ده ازاي ؟

ســمـــر احمد يقول...

مرور اولانى للبلوج العسول ..
طب ممكن اجى تانى ؟

فارس بلا جواد يقول...

نصايح غاليه قوووووووووووى
ههههههههههههههه
بصراحه المدونه دى زى العسل
تحياتى

غير معرف يقول...

WOW
على فكرة من النوع اللي عصبي جداً وخلقي ضييق اساسا يعني لو هى خنقتي ممكن مثلاً ارقعها بحاجة فدمغها
فمن الافضل يعني انها تموت بدري بدري ويستحسن قبل ما ابنها يجي اساساً عشان نقلل من حجم الخسائر

اسلوبك حلو ودمك خفيف كتير دي اول زيارة لكن انشاء الله اجيلك تاني

هتلاقى اخبارك على صفحات الجرائد مانشيت كبير تحت عنوان العكاكين

حلوة اوي دي اصلها جاتلي عالجرح:0)

mohra يقول...

يا سلااااااام على النصايح
بس تيجى و انا اوريها عملى

حبيبـــــــة القمـــــر يقول...

يالطيف يالطيف
انا نفسي حد يقول كلمه تفتح النفس على الحمواااااااات
انا بيتهيألي ان اي حمى هشوفها هضربها بالنار
لأني اكيد هتخيل عمايلها
لا لا لالالالالالالالالالالالا
انتو بتعقدونااااااااااااا

دا مش بعيد كل ام ليها حمي تكون مستنيه ابنها او بنتها يتجوزا عشان تعمل حمى هي كمان
وتخلص كل اللي اتعمل فيها

ياخووووووفي من الجيل القادم من الحموات الفاتنات

شهد الكلمات يقول...

ههههههههههههههههههههههههه
حلوة اوي انا لسة خارجة من المفقوع مرارتها ع ليكي و دمك شربات زيها و الله فطست من الضحك
دمك خفيف مووووووووووووت و البوست تحفة
و ربنا يستر من سي احسان لما يشوف البوست ده ;)

شهد الكلمات يقول...

إعلان هام

تم بحمد الله افتتاح فرعنا الجديد في المدونات مدونة حكاوي القهاوي
تعاطفك واحده مش كفاية أتبرع و لو بزيارة
تعالوا زورونا باي باي
http://hakawyelahawy.blogspot.com

كيكى عوووووو يقول...

عوووووووووووووووووو انا جيت اتخدتى........................
هههههههههههههههههههههههه
ربنا يستر عليكى...
واحسان بك
ميشوفوش...الاحسن لو شافوا
هاجى القى اسم المدونة اتغيرررررررررر
وهيسميها
انا الى قتلتها..............
........................
وحشتونى...موووووووووووووووووت
نمتابهعا...قميهابصهثع..كقبعهخصثهخ
خههعبعصل...كخيبعثصخهتي
منؤتهيلع
...........................
اكيد انتى فاهمين اقد اييييييييييية
عوووووووووووووووووووووووووو
نؤتالاؤ
مصياصعبيغفبلضبءؤل

بسمه عبدالباسط يقول...

ههههههههههههههههههه

حلوة قوى بجد النصايح دى وواقعية جدا

تحياتى

إيثار يقول...

ههههههههههههه

حرام عليكي احسان
يزعل

تحياتي

بنت من زحل A girl from Saturn يقول...

هههههههههههههههههه
انا قرات البوستس اللى فى البلوج كله
بجد انتوا دمكوا خفيف جدا جدا
ده انا ضحكت ضحك
ربنا يخليكوا لبعض ويحميكوا ويبعد عنكوا ولاد الحرام
وميرسى جدا على النصائح الفظيعة دى

سفينة يقول...

استمتعت بالقراءه جدا

بس حاسس ان انتي متحامله شويتين علي الانسانه اللي اسمها "حماه" دي

بس لازم نوضح انه مش كل الحموات

خالص تحياتي

قبطان

semsem يقول...

هههههههههههههههههه
مساء الخير يا شفقه
انا اتعقدت خلاص
من مامتى المستقبليه
بدات بالنصايح اهوه

lonely يقول...

السلام عليكم

على قد ما ضحكت فى البوست ده على قد ما خوفتينى
هو فعلا لازم الحموات يكونوا كده ؟
اصلى مش هستحمل خالص النظام ده انا عرفانى
مابحبش حد يعاملنى كده
انا خايفه
:(

me يقول...

ياســـــــــــــاتر

يا ستى بلا جواز بلا وجع دماغ دا على كدا المستشفى ارحم
و انا هلاقيها منين و لا منين

انا عايزاه لقيط... كدة احسن

سلامى

Mafrousa يقول...

يالهويييييييييي
انا؟؟؟!!!!!مش ممكن و لا ممكن
ده انا اطلق
وانا ماصدقت اني اتجوزت
هههههههههههههه

Mony يقول...

من عنيا يا اختشي

جاري التنفيذ

بس اللي حماته مابتتكلمش يعمل ايييه


بس ايه
دانا نطقتها و خليتها تتكلم و تعيد و تزيد بس عليا


عموما نصايح ماتخسرش

و شكرا يا ست شفقه مرة اخري

Desert cat يقول...

بصراحة نصايح متخرش المية
انا لو عندى حما نكدية هطلق ابنها واخلص
بلا وجع دماغ

saragebaly يقول...

هههههههههه

جمبلة جدا انا مش مبطلة ضحك

انا باذن الله لما اتجوز هبقى استعين بالنصايح دي

بس ربنا يستر

تقبلي مروري

سارة

روح يقول...

ههههههههههه
اضحك الله سنك بالذات في الحزء دة

"صحيح مفيش مقارنة بينها وبين ماما .....وفى الحالة دى كتير منكم .........بتفضل اليتم "

بجد دمك زي السكر
وجميلة كدة المدونة اوي ومريحة
وفي انتظار بوستاتك
امتعتينا
تحياتي

كيكى عوووووو يقول...

عووووووووووووووووووووووووووووو
................................
انتوا فين....
قتلتوا بعض ولا ايييييييييييييية
لا بجد انتوا فين
دومت بخيررررررررررررررررررررر
عووووووووووووووووووووووووو

ابو درويش يقول...

دى اول زياره ليه
مدونه جميله ودمها زى الشربات

السلام عليكم
تحياتى
احمد

شفـقــة و إحســــان يقول...

دكتور بهدوء
بشويش بشويش انا هعلق وانا على طراتيف صوابعى
يعنى خلاص لازم تمارس هوايتها؟؟ والله لو حبيت تبقى تروح تمارسها فى النادى
وبعدين انتى شايفنى سكينة ايه تقطعى دى ؟؟ ولا تزعل انا هاقطع واحط فى اكياس كمان
اما بالنسبة لاخوات البنات حاسة كده انك عايز عروسة

شفـقــة و إحســــان يقول...

unique
ايه النور ده.... والتوقيع وتهديه النفوس الفظيعة دى؟؟
اما عن احسان بك للاسف كل من السبانخ بالبطيخ

شفـقــة و إحســــان يقول...

سمر احمد
نورتينا يا سمورة ....ميرسى على مرورك بس ابقى خلى بالك لحسن طريقنا صعب اوى وكله مطبات ...اه احنا بنبهك علشان لو حبيتى تيجىء تانى

شفـقــة و إحســــان يقول...

فارس بلا جواد
منورنا بس خلى بالك لحسن تقع من على الحصان
اما العسل ابقى تعالى خد لك شوية

شفـقــة و إحســــان يقول...

نوره الخشن
لا بجد شكلك خشن فعلا ...بس انتى متاكده انك نوره مش نور؟؟
وبعدين خلى بالك لحسن وانتى بتحدفيها بحاجة تكسرلنا المدونة بتاعتنا اه احنا مش ناقصين

شفـقــة و إحســــان يقول...

mohra
ازيك وازى الحصان الكبير عاملين ايه؟؟ والله مصهلله فى الاسطبل بتاعنا
وما تستعجليش على قضاكى لانه جى جى

شفـقــة و إحســــان يقول...

حبيبة القمر
ايه انتى هتبقى ليلى مراد ولا ايه
خوفتينا منك شكلك كده من اللى بيشيلوا المسدسات
اما اذا كنتى عايزة حد يقولك كلام يفتح النفس فاشوفى صيدليه عندهم دواء فاتح للشهيه

شفـقــة و إحســــان يقول...

شهد الكلمات
منورة يا قمر وكلامك بينقط شهد وسكر
بس على فكرة انا دمى مش شربات ....دمى تانج

شفـقــة و إحســــان يقول...

كيكى
حرام عليكى دايما كده تخوفينا بطلى بقى شغل العفاريت ده

شفـقــة و إحســــان يقول...

bos bos
ازيك يا قطة؟؟ منورنا كتير
اما بالنسبة للنصايح وحياتك دى خيالية مش واقعية...والجدعة اللى تنفذها طبعا مش انا

شفـقــة و إحســــان يقول...

عاشقة الحب
منورانا يا حبيبه
واحسان بيسلمعليكى كتير وبيقولك بس اما يفوقلى الاول بعد ما اكل من السبانخ

شفـقــة و إحســــان يقول...

nour
زيارتك خليت المدونة كلها لايت....وبعدين احنا دمنا خفيف علشان مزودينه مياه

شفـقــة و إحســــان يقول...

سفينة
مغرقنا ومنورنا بجد من قاع البحار
بس والله انا محملتهاش ولا شيلتها اى حاجة
واحب اوضح ان فى حماه وفى حمى ....حلو كده؟؟

شفـقــة و إحســــان يقول...

semsem
منورنا بالسمسم
وبعدين مين اللى ربطك الربطة المنيله دى لحد ما اتعقدت؟؟
طيب ممكن اعرف انتى اتعقدتى كام عقدة علشان افكك؟؟

شفـقــة و إحســــان يقول...

fatma
طمطم طماطم منورة ومدورة ....اما بالنسبة لسؤالك فالحموات يووووووووووووووووووووووووووووه كده ابو كده وام كده وستك كده واخت كده ......وعائله كده كلها

شفـقــة و إحســــان يقول...

البت قباحة
منورة بس عايزة اعرف ده اسم ولا فعل ولا ايه موقعه من الاعراب
وبعدين يا حبيبتى انتى كده عايزة واحد لقطة مش لقيط
كمان شكلك بترسمى على تمرجى يا لئيمه

شفـقــة و إحســــان يقول...

واحدة مفروسة
ما تفرسنيش اعملى انتى بس بالنصايح الجهنميه بتاعتى وان الافندى عملك حاجة ابعتهولى على المدونة او سيبك منه وانا اجبلك عريس تانى

شفـقــة و إحســــان يقول...

mony
منورة يا قمر .....والله حاسستنى اننا فى ماموريه بجارى التنفيذ دى
اما بخصوص اللى حماته ما بتتكلمش فيحمد ربنا على خرسها

شفـقــة و إحســــان يقول...

desert cat
شكلك كده عطشانة ولسه فى الصحراء علشان بتقولى ما تخرش الميه بس خلى بالك احنا المحبس بتاعنا بينقط وعايزله جلده

شفـقــة و إحســــان يقول...

saraelgebaly
منورة ولو عايزة عريس احنا تحت امرك مش علشان نجوزك لا
علشان تنفذى النصايح بالحرف وتقوللنا على النتيجة
وتقبلنا مرورك بس اوعى تدوسى علينا

شفـقــة و إحســــان يقول...

ro7
منورة بس حاسستينا انك داخلة شقة مش مدونة مريحة وحلوة وشرحة وبرحة
شكلك كده ناويه تقعدى معانا...بس بقولك بلاش طمع احنا ما عندناش الا اوضة واحدة

شفـقــة و إحســــان يقول...

كيكى
بردوا بتخدينا مفيش فايدة فيكى......عموما انا قتلت احسان بس فى اسكندرية علشان رميته فى البحر استرى على بقى ويارب الجريمة متبانش والسمك ياكله

شفـقــة و إحســــان يقول...

ابو درويش
منور يا درش بجد المرة اللى جايه تجيب معاك بونبونى
كمان المدونة بتاعتنا دمها زى التانج مش شربات .....معلش حاجة اغلى شوية

مواطن مصرى نايم يقول...

ههههههههههههههههههههههههههه
لا بجد و نعم النصايح
دا انا ميت من الضحك
ههههههههههههههه
و بعدين يا جماعة مش كل الحموات وحشين
لا يا جماعة انا مش معاكوا فى الحكاية دى
فى حموات كويسين جدا
اتفرجوا على تيمور و شفيقة
و اقتنعى ان فى كده فعلا
لان بجد فيه كده
تحياتى عالبوست الجامد ده
اسلام

غير معرف يقول...

ههههههههههههههههههههههه ربنا ما يحرمنا من نصايحك اللولبية دي
وربنا يرزقني بحماة طيبة الا انتي خوفتيني من الحموووووووات جدا
يالهوي شكلهم كلهم كدا

عبده الرايق يقول...

احلى نصيحه بتاعه من مركز لقسم الشرطه
انا بحييكى يا شفقه
وجايب لك هديه طقم كلبشات لزوم الشغل

سوسا ومودى يقول...

هههههههههههه
نفسى يا شوشو أشوف وش أحسان لما يقرا الكلام ده
ههههههههه
ووالله أنا بكون فى منتهى السعاده لما بلاقى منكم تعليق على بوست فى منونتى
والله والله والله بحبكم جدا جدا جدا
ونفسى أشوفكم

Marwa Friday يقول...

يا نهار محتاج شفقة بجد
أنا يا بنتي ما قدرتش أكمل من الهوووول
يا خبر
لا لا لا
مش كلهم وحشين كده ههههههه
حلوة فكرة السبانخ بالبطيخ.. والرز باللبن بالملوخية.. نحط نشا ع الملوخية ممكن؟؟
صباح الفل

شفـقــة و إحســــان يقول...

مواطن مصرى نايم
يا عم اسلام لا بجد شكلك لسه نايم....بقى فى حموات كده زى تيمور وشفيقة؟؟
لا بقى الحموات اللى بجد زى شفقة واحسان ده التطور الطبيعى للفيلم

شفـقــة و إحســــان يقول...

ansana
انا نصايحى حلزونيه مش لولابيه ايه يا بنتى هتودينا فى داهية

شفـقــة و إحســــان يقول...

عبده الرايق
ربنا يخليكى ليه وميرسى على الهدية....جت فى وقتها بينى وبينك عايز اكلبش احسان
بس شكلك بتشتغل مخبر يا رايق

شفـقــة و إحســــان يقول...

سوسا ومودى
نفسك تشوفى وش احسان....ما تشوفيش وحش بس هو على العموم وش مدور ومبوز وعينيه بتطق شرار ايه رايك تاخديه هدية؟؟
احنا بنموت فيكى

شفـقــة و إحســــان يقول...

مروة جمعة
مش قلتلك تيجى يوم الاجازة بس .....ولو عجبتك فكرة السبانخ ابقى جربيها وقوليلى ايه الاخبار ده ان لحقتى تقوليلى الاخبار

سوسا ومودى يقول...

ههههههههههه
ليه كده يا شوشو بس يا بنتى خافى على نفسك
الواحد مش ضامن أحسان ممكن يعمل أيه لما يشوف الوصف البديع ده
ههههه
وكتر خيرك على الهديه
كفايه عليا الاخ مودى اللى مدوخنى فى عيشتى
الصنف كله كده يا شوشو يا أوختى
صنف متعب
منهم لله مدوخيننا فى عيشتنا
بس حنعمل أيه
شر لابد منه
بس أجمل شر فى الدنيا
الحياه منغيرهم يا أوختى ملهاش طعم
عاملين كده زى قرن الفلفل الحامى
يحرقك فى بقك بس بيفتح النفس

وأنا والله بحبكم جدا جدا جدا

شفـقــة و إحســــان يقول...

سوسا ومودى
منورة يا قمر
ما تخافيش عليا انا محصنة نفسى وعندى اسلحة وما حدش يقدر يهوب
لكن قوليلى هما الرجاله دول ملح؟؟
اصلك بتقولى الحياة من غيرهم ملهاش طعم!!
وحياتك دى بيهم ليها طعم بس مر علقم زى الحنضل

غير معرف يقول...

ثقافة الهزيمة..أم الرشراش أرض مصرية

بقلم غريب المنسى


أم الرشراش بلدة حدودية مصرية مع فلسطين وكان يقيم بها قوة شرطة قوامها 350 ضابط وجندى. ولأنهاء حرب 1948 وقعت مصر واسرائيل اتفاقية هدنة فى رودس فى يوم 24 فبراير 1949 ولكن فى ليلة 10مارس 1949 قامت بعض العصابات اليهودية بقيادة اسحاق رابين - رئيس وزراءإسرائيل 1992-1995- بالهجوم على أم الرشراش فى عملية بربرية اسمها الحركى "عوفيدا " ولأن القوةالمصرية كانت ملتزمة بأتفاق الهدنة فلم تطلق طلقة واحدة .. ولكن اليهود كسروا الاتفاق وقاموا بمذبحة جرى خلالها قتل جميع أفراد قوة الشرطة المصرية واحتلوا أم الرشراش وحولوها الى ميناء ايلات والذى تأسس سنة 1952.

ومنطقة رأس خليج العقبة وبلدة أم الرشراش كانت تابعة للحكم المصرى حتى عام 1892عندما اصدر السلطان العثمانى فرمانا بضم منطقة العقبة للأراضى الحجازية وبقيت أم الرشراش ورأس النقب وطابا تحت الحكم المصرى وعرف ذلك بفرمان 1892,ولكن فى عام 1906 وبسبب وجود مصر تحت الاحتلال البريطانى قامت القوات العثمانية باحتلال مثلث أم الرشراش ورأس النقب وطابا ووقعت أزمة عالمية وقتها قامت على أثرها بريطانيا بالضغط على اسطنبول وانسحبت القوات العثمانية وعادت أم الرشراش ورأس النقب وطابا لمصر, وفى سنة 1906 قام السلطان العثمانى بابرام اتفاقية مع القاهرة عرفت باتفاقية 1906 ونصت على أن تكون رأس النقب وطابا لمصر وأم الرشراش للحجاز. ومساحة أم الرشراش -ايلات حاليا - تبلغ 1500 كيلو مترمربع وهى مساحة أكبرمن مساحة هضبة الجولان- 1150 كيلو مترمربع - وقطاع غزة الذى تبلغ مساحته 350 كيلو مترمربع .

الدكتور صفى الدين أبو العز - رئيس الجمعية الجغرافية المصرية - يصف أم الرشراش كميناء رئيسى لمرور الحجاج وكانت تحت الحكم المصرى غيرأنها سقطت فى يد الصليبين أثناء الحروب الصليبية حتى حررها صلاح الدين الأيوبى وطردالفرنجة منها لكنهم عادوا من جديد ليتمكن السلطان الظاهر بيبرس من طردهم منها نهائيا عام 1267 ميلادية وأقام السلطان الغورى عليها قلعة لحمايتها كميناء مهم لمصر .. وتعود تسميتها ب 'أم الرشراش ' الى احدى القبائل العربية التى أطلقت عليها ذلك الاسم.

فى مذكرات محمود رياض - أمين عام جامعة الدول العربية الأسبق- يشير لرواية رئيس الوزراء الاردنى توفيق باشا أبو الهدى الذى أقر بها فى مؤتمر رؤساء الحكومات العربية الذى عقد فى يناير 1955 عندما قال : " انه عندما بدأت القوات اليهودية فى تقدمها جنوبا باتجاه خليج العقبة فى مارس 1949 لاحتلال أم الرشراش جاء الوزير المفوض البريطانى فى عمان ليقول له أن حكومته ترى ضرورة استمرار المواصلات البرية بين مصر وباقى الدول العربية وتقترح لذلك ارسال كتيبة بريطانية الى مدينة العقبة لمنع اليهود من الوصول الى الخليج , وفعلا وصلت الكتيبة الانجليزية الى ميناء العقبة الأردنى على أن تتحرك فى الوقت المناسب لوقف التقدم اليهودى الا أنها ظلت فى ميناء العقبة دون أن تتحرك بينما استمرت القوات اليهودية فى تقدمها لاحتلال أم الرشراش وليكتشف بعد ذلك أن جلوب باشا قائد القوات الأردنية الانجليزى قد تواطىء مع العصابات اليهودية لاحتلال أم الرشراش بهدف الوصول الى منفذ على البحر الأحمر" .. انتهى.

ويقول المستشار حسن أحمد عمر أن مصر لم توقع أى اتفاق بخصوص أم الرشراش وهذا يعنى أن الباب مازال مفتوحا أمام المطالبة بمثلث أم الرشراش وأن التضليل الاسرائيلى بغرض اثبات حقوق لها بمثلث أم الرشراش والذى تبدده نصوص الحكم الدولى الذى صدر لصالح مصر فى مثلث طابا حيث أهدرت تلك النصوص الدفع الاسرائيلى الذى يزعم بأن بريطانيا باعتبارها الدولة المنتدبة على مصر وفلسطين قد اعترفت صراحة فى عام 1926 بأن الخط المحدد فى اتفاق 1906 هوخط الحدود وأن بريطانيا قد أكدت لمصر أن حدودها لن تتأثر بتجديد حدود فلسطين .. ونظرا الى سابقة الرجوع الى اتفاق 1906 من جانب مصر وبريطانيا عام 1926 وفى غيبة أى اتفاق صريح بين مصر وبريطانيا على تعيين حدود مصر وفلسطين فأن المحكمة فى أثناء التحكيم فى طابا أهدرت هذا الدفع كلية وأكدت أن المحددات فى اتفاق 1906 المستخدمة فى التصريحات المصرية البريطانية وقتها لايحملان معنى فنيا خالصا وانما يشيران فقط الى وصف خط الحدود دون الاشارة الى تعليم الحدود المنصوص عليها أيضا صراحة فى اتفاق سنة 1906 وهى السند التى كانت اسرائيل ترتكزعلى أنها الاتفاقية التى وضعت أم الرشراش ضمن أرض فلسطين.

فى اطار سعيها لعقد صلح بين اليهود والعرب اقترحت الولايات المتحدة فى عهد كيندى -1961-1963 - والذى كانت تربطه علاقة طيبة بعبد الناصر- 1956-1970- اقامة كوبرى يمر فوق أم الرشراش ويربط بين المشرق والمغرب العربى مقابل سقوط حق مصر فى المطالبة بهذا المثلث الاستيراتيجى ووقتها رفض الرئيس جمال عبد الناصر هذا العرض وقال : " كيف نستبدل أرضنا بكوبرى يمكن أن تنسفه اسرائيل فى أى وقت ولأى سبب ؟؟!!

الجبهة الشعبية المصرية لاستعادة أم الرشراش وهى منظمة مصرية تأسست قبل 15 عاما وتضم مجموعة من الباحثين والحقوقيين وأساتذة قانون دولى وجغرافيين جميعهم يؤكدون على أحقية مصر فى مثلث أم الرشراش وقد طالب الرئيس مبارك الاسرائيليين فى عام 1985 بالتفاوض حول أم الرشراش التى تؤكد جامعة الدول العربية بالوثائق أنها أرض مصرية وفى سنة 1996 أعلن الرئيس مبارك أن أم الرشراش مصرية كما كتبت نشوى الديب فى جريدة العربى المصرية.

من حق مصر الأن بناء على تلك الحقائق أن تثيرموضوع أم الرشراش خاصة وأنها جزء من الأراضى المصرية وليست أرضا فلسطينية استباحت اسرائيل احتلالها.ولايوجد بند فى اتفاقية السلام مع اسرائيل يمنع مصر من حقها بالمطالبة بأم الرشراش ولذلك نرى أنه من المناسب أن تفتح الحكومة المصرية ملف أم الرشراش والتفاوض مع اسرائيل لاستردادها واذا لم يجدى التفاوض يمكن لنا اللجؤ الى محكمة العدل الدولية للمطالبة بحقنا فى استرداد مثلث أم الرشراش ولاسيما أن عدد سكان ايلات الأن 57 الف نسمة ومن المحتمل أن يزداد فى المستقبل والحل الأن دائما أسهل من الحل فى المستقبل.!!!!.... ومن الممكن كبادرة لحسن نوايا مصر أن نسمح فيما بعد بمرور البضائع الاسرائيلية من خلال ميناء أم الرشراش.