الأحد، 7 ديسمبر 2008

كل سنة وانتم طيبين

كل سنة وانتم طيبين ومع الخروف معيدين......وفى الفتة واكلين وشبعانين....... ومع اللحمة مفرفشين ومزقططين

وبالعيدية هايصين ومتفسحين

ومع البمب مفرقعين ومطرقعين

وفى شعوركم شادين ومش منعكشين

ولابسين جديد ومش مبهدلين

ومع مراتتكم رافعين الراية البيضاء ومستسلمين

بس اوعوا تنسونا بحتة من الخروف ..اه والعيدية كمان

فاصل ونواصل بعد العيد

مااااااااااااااااااااااااااااااااااااااااااااااااااااااااااااااااااااااااااااااااااااء
ماااااااااااااااااااااااااااااااااااااااااااااااااااااااااااااااااااااااااااااااااااء

ماااااااااااااااااااااااااااااااااااااااااااااااااااااااااااااااااااااااااااااااااااء


أختكم / شـفقـــــــــة

________________________________________________________
________________________________________________________


مـــــــــاااااااااااااااء مـــــــــااااااااااااااااء ؟؟؟؟؟

والله عـــــال

إنتي هتمأمأي يا شفقة هــــانم ؟؟؟؟؟

باين عليكي لسة مسروعة من راس الخروف اللي فات ؟؟؟؟؟

هههههههههههههههه

روحي ياشيخة
إنشاء الله السنة اللي جاية
ربنا ياخدك
وياخد أهلك
وياخد أمثالك
وكل أصحابك اللي هنا على بلوجرز
وياخذني وياكم
لحج بيت الله الحرام


عيد سعيد عليكم جميعا

وكل خروف وانتم طيبين

وتكونوا كلكم بألف صحة وسعادة وهنا

آمين يا رب العالمين


أخوكم / إحســــان

هناك 137 تعليقًا:

princess يقول...

خروف وعيدية داخلين على طمع جامد هههه
هبقى ابعتلكم جزء من الخروف:)
كل سنة وانتم طيبين:)
تحياتى

نعكشة يقول...

كل سنة وانتوا طيبييييييين

عيد سعيييييييد

mohamed ghalia يقول...

كل سنة وانتى طيبة
عيد سعيد عليكى وعلى كل أحبابك
دمتى فى حفظ الله

رئـــــيسـة حزب الأحلام يقول...

كل سنة وانتم طيبين
ويارب فى سعادة وهنا
ويارب دايما فرح واعياد
تحياتى لكما

رحــــيـل يقول...

كل سنه وانتو بالف خير
ومع بعض دايما

ربنا يهينيكون

Ahmed يقول...

خروف ولحمه وفته وكمان عيديه
ايه ده كله؟ ايه ده كله؟

مااااااااااااااء
مااااااااااااااء

جنّي يقول...

السلام عليكم

عيد عليكم سعيد وعلى امتنا نصر وتمكين ..

تحيتي

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

انا حره يقول...

كل سنه وانتو طيبيييييييين

ومليش دعوه انا الصغيره يبقى انتو اللى تدونى العيديه مش العكس

Unknown يقول...

كل سنة وانتم طيبين وبخير وصحة وسلامة
وعيدكم مبارك

جوجو يقول...

السلام عليكم

ازيكم عاملين ايه

عيد سعيد عليكم

ahmed_k يقول...

ممكن أدعيلك بس بشرط
تبعتلي نصيبي من الخرووووووف ههههه
كل سنه وأنتم طيبين
وبعوده عليكم بخير دايما

البت المشمشية حلوة بس شقية يقول...

فوتى عليا خودى حتة اللحمة بتاعتك كل سنة وانتى طيبة
اتمنى زيارة مدونتى

اهو ده عيبه يقول...

كل سنة وانتم طيبين وبصحه وسعاده
ويارب يبقى عيد سعيد عليكم وعلى الاسرة كلها

HERO يقول...

وانتم بصحة وسلام ويارب دايما في فرح وسعادة وان شاء الله السنة الجاية تكونوا على عرفات وتدعولنا

تحياتي

شفـقــة و إحســــان يقول...

princess
خروف وعيدية نبقى داخلين على عيد مش على طمع
وبعدين احنا مش بتوع جزء احنا عايزين اجزاء واتوصى بالفشة والكرشة وبيت اللوح

شفـقــة و إحســــان يقول...

نعكشة
وحشتينا موت
وانتى طيبة بس نفسى اعرف مين سعيد ده؟؟
هتجنن نفسى حد يجاوبنى ياااااهو ولا هو لقيط؟؟

شفـقــة و إحســــان يقول...

mohamed
كل سنة وانت بالصحة والسلامة
بس انت عرفت منين ان احنا عندنا غسيل؟؟
عموما الاحبال بتسلم عليك وبتعيد كمان

شفـقــة و إحســــان يقول...

رئيسة حزب الاحلام
وانتى طيبة يا قمر بس مين سعادة وهنا وفرح .....دول هو انا ناقصة يا بنتى ؟؟الراجل عينه زايغة لوحده تقومى تجبيله تلاتة مرة واحدة
انتى ماشية على الشرع ولا ايه يا رئيسة هقلق منك

شفـقــة و إحســــان يقول...

رحيل
وانتى بمليار خير
شايفة الكرم
يا بخيلة الف بس هو انتى هتدفعى حاجة من جيبك بحبحيها شوية
وايه اللغة الباكستانى اللى بتتكلمى بيها دى
كده لسانك يتلوح مفيش احلى من المنصوراوى

شفـقــة و إحســــان يقول...

eng
انتى جاية تنقى علينا ؟؟
كده برضوا هنبص من اولها طيب استنى لما العيد يعدى على خير
وايه مااء دى للدرجة دى عطشانة؟

شفـقــة و إحســــان يقول...

جنى
السلام عليكم منور وكل سنة وانت طيب انت والامة اجمعين
بس والنبى علق المنشورات دى بعيد لحسن يقفلولنا المدونة
هههههههههههههه
كل سنة وانت بخير

شفـقــة و إحســــان يقول...

نهر الحب
وانتى طيبة يا قمر
بس تفتكرى لسه فيه العام القادم؟؟
ربنا يستر
ويارب معانا يارب على عرفات
علشان نوقعك من على الجبل زى ما عملتى فى داليا
واحدة بواحدة

شفـقــة و إحســــان يقول...

انا حرة
احنا هنعاير بعض ولا ايه ايه صغيرة والكلام الفاضى ده؟؟
ده احنا لسه فى عوز شوبابنا
خلى بالك كل ده علشان نتهرب من العيدية

حواء يقول...

السلام عليكم وانتم طيبين يارب وفي سعاده وحب
والسنه الجيه علي عرفات بإذن الله
وتفتكونا وتدعولنا

شفـقــة و إحســــان يقول...

كاتب مصرى
كل سنة وانت طيب وعيدك ناصر وسادات

شفـقــة و إحســــان يقول...

جوجو
وانتى طيبة يا قمر وعيد سلامة وصحة وخير استكفينا من سعيد بقى

شفـقــة و إحســــان يقول...

ahmed k
حتى الدعوة بقت بشرط يا ساتر يارب مفيش حاجة لله فى الزمن ده
عموما ما تشرطش علينا ......لان احنا نفسنا مش هنورث فى الخروف الورثة زحلقونا وكلوا نصيبنا ......يعنى طلعنا من المولد بلا حمص
ادعى بقى وخليك جدع

شفـقــة و إحســــان يقول...

البت المشمشية
احنا هنخربش ولا ايه؟؟
وايه فوتى علينا دى هو احنا بتوع اللبن؟؟
وعموما طالما هناخد لحمة يبقى هنفوت وننادى كمان
ان شاء الله يخليكى يارب

شفـقــة و إحســــان يقول...

اهو ده عيبه
وحشتينا انتى اختفيتى من بعد الوقعة ليه؟
هى اثرت اوى كده؟؟
كل سنة وانتى طيبة
وميرسى على سكر الاسرة اللى جيتى تعيدى علينا بيه

شفـقــة و إحســــان يقول...

hero
حتى انت كمان يا هيرو عملت مع رئيسة حزب الاحلام حزب عليا
شكلكم من انصار تعدد الزوجات
قال فرح وسعادة قال
بقى مش عاجبكم شفقة السكر الزيادة؟؟

شفـقــة و إحســــان يقول...

زوجة
كل سنة وانتى طيبة انتى وزوج مخنوق بس يا ترى هو لسه مخنوق ولا ايه؟؟
وشكلك برضوا اتفقتى معاهم ضدى قال فرح وحب قال انتى عايزانى انا كمان اغير وابقى شفقة المخنوقة ولا ايه؟؟

بنوتة يقول...

كل سنة وانتو طيبين
الفاصل دة شكلوا مطول
وشكلكوا هتواصلوا بعدين أقوم بقى


عيد سعيد

بنت الغربة يقول...

كل سنه وانتم طيبين - وعيد سعيد عليكم كلكم - وانا من موقعى فى دبى باهنى كل الشعب المصرى وباقول لكم ياريتنى كنت معاكم - واحنا برضه دابحين -يعنىمفيش حد احسن من حد - شرفونى انتم الاتنين فى مدونتى وادونى رايكم لانى محتاجه راى اتنين متجوزين بقالهم كتير - ومحدش يجيلكم فى حاجه وحشه -وهنيالك يافاعل الخير -وافيدونى افادكم الله -وكفايه كده - سلام

وردشان smilyrose يقول...

كل سنة وانتىطيبة يا شفقة

وخلى بالك من احسان بيه

واوعى تبعدى عنه اللحمة والفته

ههههههههههههههه

كل سنة وانتم بخير وعيد سعيد

ماااااااااااااااااااااااااااااء

مااااااااااااااااااااااااااااااء

عيد سعيد

smilyrose

روح الحب الصادق

أمل حمدي يقول...

كل عام وانتم بكل خير

والعام القادم تتحقق كل امانيكم

اللهم امين

RaRa يقول...

كل سنة وانتم طيبين

Desert cat يقول...

كل سنة وانتم طيبين شفقه هانم واحسام بيك

اقصوصه يقول...

كل عام وانتوا بخير

واسرتكم الجميله في ود وحب وانسجام

مع تمنياتي القلبيه بقضاء عيد سعيد:)

شفـقــة و إحســــان يقول...

بنوتة
يا بنتى الفاصل ده علشان الاعلانات امال هنكسب ازاى

شفـقــة و إحســــان يقول...

بنت الغربة
منورة ...انتى فى دبى يا شيخة يا ريتنا احنا اللى معاكى
وكمان دابحين يا ترى ايه دكر بط؟؟
لا بقولك ايه احنا جايين حالا
واكيد هنزورك بس ايه الحاجة الوحشة دى وبعدين انتى هتشحتى يحنن
كل سنة وانتى طيبة

شفـقــة و إحســــان يقول...

smily rose
افتكرتك هتقولى اوعى تبعدى انتى يا شفقة عنه
عموما ما تخافيش لانى انا دلوقتى محبوسة واللحمة هى اللى قعدة جنبه خليها تنفعه

شفـقــة و إحســــان يقول...

ماما امولة
كل سنة وانتى طيبة يا احلى ام ربنا يخليكى لينا يارب

شفـقــة و إحســــان يقول...

rara
كل سنة وانتى طيبة يا قمر

شفـقــة و إحســــان يقول...

desert cat
كل سنة وانتى طيبة يا هانم ربنا يخليكى لينا وترفعى من معدنياتنا

Unknown يقول...

كل سنه و انتوا طيبين

و انا عايزه خروف هديه من شفقه و اخوه من احسان

اضحي مبارك

Kiara يقول...

شفقتي حبيبتي

كل سنه وانتي طيبه ياقممممممممممرررري

وكل سنه ونتم طيبيبن والسنه الجايه ان شاء الله تكونوا علي عرفات

واثقة بربها يقول...

كل سنة وانتم طيبين

العيد فرحة مااااااااااء

اكيد مادام فى لحمة و فته و عيدية يبقى العيشة هنية

Mafrousa يقول...

انا جيت
اولا كل سنة و انتم طيبين
ثانيا:و الله انا مش بزور حد خااالص
بلاش حكاية زعلانين ديه
انا قلبي رهيف و مش بحب حد يزعل منى
كل سنة و انتم طيبين
و من الخروف واكلين
و فى الفتة عاييمين
و من الشوربة شاربين

ميرا ( وومن ) يقول...

كل سنه وانتم طيبين
كل سنه وانتم معيدين
كل سنه وانتم مع بعض

يااااااااااارب السنه الجاية تبقوا علي عرفات

مهرة سالم يقول...

شفقه هانم...إحسان بك...
كـــــل عـــــام وأنتــــم بخيـــر..
وعيــد سعيـــد عليكم...

شهرزاد يقول...

عيد سعيــد
وكل سنة وانتوا طيبين في هناء وسعادة

KHALED يقول...

كل عام و أنتم بخير
عيد أضحى سعيد

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

حاجــ عيال ــات يقول...

السلام عليكم
كل سنة وانتم طيبين
شفقة واحسان
العيد معاكم اكيد يكون جميل
بس الاجمل من اي حاجة العيدية الحقيقة
عاوزة اجمع اكبر قدر من العيدية
يعني مثلا جنيه أو اتنين جنيه
دا اقصى طموحي والله

يلا سلام عشان اعيد على الباقي

جهاد مشالي

عاشقة القمر يقول...

لايزال اللأوفياء اللأقرب الي الانبياء من غيرهم وأنتم لكم في الوفاء مثل أعلي فهنيئا لكم
لنا بكم بالصحه والعافية
كل عام انتم بخير.....

ابو على يقول...

ههههههههههههههههههههههههه

بجد دمكو زى العسل هاقولها للمره المليون

كل سنه وانتو طيبين

غير معرف يقول...

كل سنة و أنتو طيبين

و يارب ربنا ياخدنا كلنا يا إحسان بيه ؛)

EMMY BABY يقول...

هههههههههههههههههههههه

كل سنة وانتم طيبين

ويارب يكون عيد سعيد عليكم

تحياتى

ايمى

كيكى عوووووو يقول...

ههههههههههههههههههههههه
ايييييييييييييييييييييييييية التهيس دة كلوا
ماااااااااااااااااااااااء
مااااااااااااااااااااااااااااااء
هههههههههههههههههههههه
وحشتونى وحشتونى والله
ربنا يسعدكم ويهنيكم
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
عووووووووووووووووو

طوبه فضه وطوبه دهب يقول...

كل سنه وانتم بالف خير وصحه وسعاده ودمتم بكل حب وخير وتكونوا واياكم على جبل عرفات العيد القادم باذن الله

romansy يقول...

كل سنه وانتى طيبه

عيد سعيد مليان بالحب والخير


عيد سعيد مليان بالامل والسعاده


عيد سعيد على كل البشر

والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد

سندس وأمل يقول...

كل سنه وإنتوا الإتنين طيبين ومتهنيين

ومتخانقين مع بعض:) ومعيدين على الناس

الغلابه الى زى حلاتى كده .......

بس على فكره يا أستاذ إحسان انا

إتخضيت خااااااااااااااااااااالص

بس جميل أوى الكلام ماشاء الله :)

سندوووووووووووووووووووووووووسه

قلمي يقول...

كل سنه وانتم بالف خير

من غير عنـــوان يقول...

كل عيد وانتم بخير

dreem يقول...

كل سنة وانتم طيبين العيد ده وكل الايام والسنين اللى جاية
تحياتى

صدى الصمت - عاشقة الورد - يقول...

كل عام وانتم بخير وصحة وسعادة

زهرة الجنة يقول...

كل سنة وانتم طيبين ودايما معيدين ومبسوطين
وبمناسبة اني جيت زورتكم يلا بقي ايدكوا علي العيدية(:

ايه يا أحسان بك لازم تفكر شفقة برأس الخروف
شكلك كده عاوزها تردلك الهدية(:

عيد سعيد عليكم

yoyo يقول...

كل سنة وانت طيبين

يارب عيد سعيد عليكم يارب

المفروض كدا تطلعوا عيدية لك مدون على حدة يعنى هههههههه مش عيد ولا ايه يا احسان بك وانت شفقة هانم اى عيدية كدا هههههههههه

كل سنة وانت بالف خير
تحياتى
يويو

Tamer Alhosiny يقول...

كل سنة وانتم مع بعض وفي خير وسعادة وحب يارب

السنة الجاية تكون حياتكم احلي واجمل وكلها سعادة


تامر الحسيني
انسان عاشق حر

صباح الصباح يقول...

كل سنة وانتوا زوجين سعيدين ومبسوطين ودايما مزقططين

احم
مافيش باة حتة لحمة؟

بس خلاص ... يقول...

سمير وليد ... اصل عيد سعيد مش فاضى راح يدبح الماء ماء ... وعلى فكرة ياشفشق سعيد ده اخو الشيخ سيد من شفخانه واحده..دايما عامر ..لاتنسونا من طيب اطباقكم ..ودسم مشوياتكم

عايش علي الهامش يقول...

كل سنه وانتوا بخير والسنه الجايه افرح في .....اقصد ليكوا وانتم بتحجوا كده

شكرا لكم

شوية قهوة يقول...

مااااااءمااااااااااء
حرام عليكم عديتوني
الخروف انا هبعت لكل واحد فيكوا ربع كيلوا اما العدية فلما تيجوا تعلقوا هتلاقوا العدية هاك
ماااااااااءمااااااااااء

maiosha يقول...

كل سنة وانتم طيبين

وان شاء الله السنة الجاية تكونوا على عرفات

امين يا رب

العيد فرحة

ماااااااااااااااء

فشكووول يقول...

شفقه هانم واحساس بك .. اشكركم على الزياره وارجو ان يكون الاكل عجبكم .. دا برضه انتم سباقين فى البوست الفائت كنتم بتشوى خرفان واحنا برضه اكلنا معاكم والبوست ده فيه برضه خرفان وبرضه حناكل معاكم وكمان حنحج معاكم .. هوا فيه اكرم من كدا .. اشكركم على مروركم فى مدونتى وكل عام وانتم بخير

عاشقه وغلبانه يقول...

كل سنه وانتوا طيبين وينعاد عليكوا بالف خير

قوس قزح يقول...

كل سنة و انتم طيبين
و عيد سعيد عليكم و على اسرتكم

د. إيمان مكاوي يقول...

كل سنه وإنتم بألف خير
كل سنه وإنتم منورين عالم التدوين

البت المشمشية حلوة بس شقية يقول...

كل سنة وانتو طيببين

غير معرف يقول...

كل عام وانتم بخير
وعلى فكرة انتم دمكم خفيف جداً ويسعدنى اكون من اصدقائكم


نفرتارى

غروب يقول...

كل سنه وانتوا طيبين يا قمرين

Lady E يقول...

كل سنة وانتوا طيبين

جيت البوست كذا مرة كتير وفوجئت دلوقتي اني معلقتش!!

الملاك الحزين يقول...

كل سنة وانتوا زوجين سعيدين ومبسوطين ودايما مزقططين

emey يقول...

كل سنة وانتم الالف صحة وسلامة عيد سعيد عليكم وعلى الامة الاسلامية كلها ونكون كلنا فى الحج كلنا قولة يارب

عالم ماريونت يقول...

كل سنة وانتو طيبين وربنا يديم عليكم نعمة الحب والسعادة والسنة الجاية ان شاء الله نكون كلنا في الحج
رنا

شفـقــة و إحســــان يقول...

emy
ايه الطمع ده خروف حتة واحدة طيب رجل ...ديل....عموما الخروف كان وحيد يا ايمى ومالوش اخوات لانه لقيط

شفـقــة و إحســــان يقول...

مولان
قمر ايه ده كله يا كيارا احنا هنافق من اولها طيب قولى شمس ولا نجم مش قمر مرة واحدة
او يمكن كنتى تقصد القمر قبل ما يكتمل تبقى معقولة
وبعدين اكون على عرفات ليه صيغة الجمع ولا حتى فى الحج هتخليها معايا ده ايه الخنقة دى

شفـقــة و إحســــان يقول...

واثقة بربها
العيد فرخة وخروف كمان
ومادام فى لحمة وفتى تبقى العيشة شفقة مين هنية دى؟؟

شفـقــة و إحســــان يقول...

واحدة مفروسة
كل سنة وانتى طيبة يا قمر ويا ترى اخبار فيفى ايه شكلها هى اللى حبساكى
وبعدين ايه حكاية بزور حد دى كده الناس تشرق طيب خليك ببطن او دماغ علشان الهضم ليس الا بلاش الزور ده
كمان شكلك من كتر زحمة الافران خليتى قلبك رغيف بس اوعى تاكلى منه
واحنا عومنا وغطسنا فى الفتة وكمان عملنا دايفينج

شفـقــة و إحســــان يقول...

وومن
كل سنة وانتى طيبة
بس لازم حكاية واحنا مع بعض دى ما ينفعش نستبدلها؟؟

شفـقــة و إحســــان يقول...

m k
كل سنة وانت طيب
وعيد مبارك عليكم زهقنا من سعيد بقى يعنى هى الاسامى كانت خلصت

شفـقــة و إحســــان يقول...

شهر ذاد
لو بس حد يعرفنى مين هناء وسعاد دول؟؟
اخ يا نارى لو تسيبونى عليهم...بس ماشى يا شهرذاد جى تزغليلى عين الراجل باتنين مرة واحدة

شفـقــة و إحســــان يقول...

khaled
كل سنة وانت طيب
عيد اضحى سعيد ومبارك ومتولى وحسانين
ماااااااااااااااااااااء

شفـقــة و إحســــان يقول...

kochia
ايه يا كوشيا هو لبس العيد اثر عليكى ولا ايه؟؟
الفيست ده بيتلبس يا امى

شفـقــة و إحســــان يقول...

حاجات عيال
انت على كده طماع اقصى طموحك جنية او اتنين وجى كمان تاخد العيدية من عندنا
احنا بقى اقصى طموحنا بريزة او ربع جنية
ها هتدفع ولا لا؟؟

شفـقــة و إحســــان يقول...

عاشقةالقمر
منورانا كل سنة وانتى طبة
بس اوعدك انى اخد كورس سودانى وبعدها هتلاقينى لبلب فى فك اللوغاريتمات

شفـقــة و إحســــان يقول...

ابو على
منور وكل سنة وانت طيب
وحاسب بعد كده منا لحسن تلزق

شفـقــة و إحســــان يقول...

انا ودماغى
وانت طيبة
بس المهم ياخدكم يوديم فين ....؟؟
اهم حاجة ميكونش فى داهية

شفـقــة و إحســــان يقول...

emmy
كل سنة وانتى طيبة يا ايمى وعيد كل الاسامى عليكى مش سعيد بس
سعيد واسماعيل وتوفيق وكل العائلة الخديوية

شفـقــة و إحســــان يقول...

كيكى
معلش يا كيكى التهييس ده بسبب كاسين كركدية من غير سكر على غيار الريق
ودى كانت النتيجة ابقى جربيه وانتى هتكتبى احلى بوستات
كل سنة وانتى طيبة بس من غير خضة وعوووووووووووو وكلام يخوف

شفـقــة و إحســــان يقول...

طوبة ذهب وطوبة فضة
كل سنة وانتى طيبة وان شاء الله تكونى معانا وياخدنا كلنا

شفـقــة و إحســــان يقول...

romansy
العيد بالطريقة دى هيبقى كله بنات كده ما ينفعش قال حب وسعادة وهناءكده هيفرقع مش هيبقى مليان
خليه عيد مليان بالخرفان واللحمة كده اطعم وكمان يفضل مليان ومنفوخ على الاخر

شفـقــة و إحســــان يقول...

سندس وامل
كل سنة وانتم طيبين
بس ايه الشماتة دى شكلكم بتحبونا اوى زى ما بنحبكم
ربنا يكتر من امثالكم يا شيخة
كمان احنا مش بنعيد على الغلابة علشان مش ناقصين فقر احنا مفقورين خلقة

شفـقــة و إحســــان يقول...

قلمى
وانت بخير بس للاسف انت محددتش نوع القلم هل هو رصاص ام قلم حبر فرنساوى؟؟
اصل كل قلم وله تهنئة عيد معينة

شفـقــة و إحســــان يقول...

من غير عنوان
وانت بخير وصحة وسلامة
بس احنا كده هنتوه ...طيب رقم البيت او الشقة او اىعلامة مميزة

جنّي يقول...

السلام عليكم

ولا يهمكم احسان بك وشفقة هانم ..
خليهم يقفلوها .. واللي خلق الخلق انيمهم لكم من المغرب بس انتو اشرو ..

سلام

أبو العريف يقول...

كل سنه وانتو طيبين يا جماعه
يظهر ان دعوتك استجابت بس بدري سنه
انا كنت في الحج السنادي ولسه جداي النهارده

شفـقــة و إحســــان يقول...

dreem
وانت طيب بس ليه بتعيد علينا الايام والسنين اللى جاية هو انت مسافر ولا هتقطع علاقتك بينا؟؟

شفـقــة و إحســــان يقول...

صدى الصمت
وانت بخير وصحة وسعادة وسكر زيادة

شفـقــة و إحســــان يقول...

زهرة الجنة
لو الزيارة بفلوس يبقى ارجعى تانى معندناش عيدية
وما تخافيش الهدية اتردت راس وديل وفروة

emey يقول...

كل عيد لحمة وانتو تخان ومقلبزين عيد اضحى سعيد

شفـقــة و إحســــان يقول...

yoyo
ايه الطمع ده بقى؟؟
طيب ليه ما يكونش العكس كل مدون على حده يطلع عيدية لشفقة واحسان على حده برضوا لان انا لوحدى واحسان لوحده انا ما برحمش فى العيديات

شفـقــة و إحســــان يقول...

tamer
ايه التعليق الرومانسى الرقيق ده اول مرة متبقاش مع احسان ضدى
واول مرة برضوا تنسى انك منضم مع منظمة احسانكو للشحاتة
وكل سنة وانت طيب وبخير وبصحة وبسعادة

شفـقــة و إحســــان يقول...

صباح الصباح
مينفعش فرد ؟؟ لازم يعنى زوجين؟؟
وبعدين تفتكر اللحمة هتيجى منين وشفقة موجودة؟؟
يا ابنى ده انا اللى عايز حتة لحمة جعان بقالى سنة من العيد اللى فات
احسان الجعان

شفـقــة و إحســــان يقول...

بس خلاص
مين سمير وليد ده؟؟ احنا نعرفه؟؟
وكمانانتم عملتوا تطوير لبرنامج دايما عامر وبقى مقدم البرنامج سيد شفخانة؟؟
وكمان بيتذاع من المدبح؟؟
ده ايه التقدم المذهل ده؟؟
وطبعا بما ان البرنامج بيتذاع من الشفخانة فلازم يبقى ده سم مشوياتكم والله يرحمه بقى

شفـقــة و إحســــان يقول...

عايش على الهامش
انطق قول تفرح بينا صح ها....ولا قصدك ايه؟
اياك وان والنعمة انت حر

شفـقــة و إحســــان يقول...

مقتطفات من حياة فتاة
انتى عطشانة للدرجة دى؟؟
ايه يا بنتى عديتونى ايه دى ميه مش فيرس
وايه الكرم ده كله والسخاء المفرط ده؟؟
مش خايفة لتفلسى؟؟
ربع كيلو مرة واحدة عموما انا هاجى عندك علشان اقرا عليكى عدية يس
مش اخد العيدية
وحسبى الله ونعم الوكيل

شفـقــة و إحســــان يقول...

maiosha
كل سنة وانتى
بس فين العيدية يا نصابة
اه هتاكلينا بكلمتين فى دعوتين علشان ننسى بس على مين
ده كله الا العيدية
كل سنة وانتى بالف خير

شفـقــة و إحســــان يقول...

fashkool
لا شكر على واجب احنا كنا فى مشوار قريب منك وقلنا نعدى نسلم فلاقينا اكل والذى منه قلنا فرصة لا تعوض
وكمان قلنا اهو فرصة تردلنا عزومة الشوى
وطبعا احنا سباقين لاننا بنشترك فى سباقات المارثون علطول
كل سنة وانت طيب

شفـقــة و إحســــان يقول...

عاشقة وغلبانة
كل سنة وانت مش غلبانة وتغتنى بقى وتعدى الفقر ده
بس ايه ينعاد دى ؟؟
على فكرة احنا شاطرين ومبنسقطش ولا سنة

شفـقــة و إحســــان يقول...

قوس قزح
وانتى طيب يا قمر وكل سنة وانتى طيبة

شفـقــة و إحســــان يقول...

ايما ام البنين
كل سنة وانتى طيبة
واحنا منورين بس ربنا يستر من فاتورة الكهرباء
ولا لو النور قطع هتبقى حكاية

شفـقــة و إحســــان يقول...

البنت المشمشية
كل سنة وانتى شقية بس اياكى والخربشة

شفـقــة و إحســــان يقول...

كوكب تانى
اموت واعرف اى كوكب بالظبط ويا ترى انتى هبطتى علينا بمركبة فضائية ولا ايه؟؟
عموما احنا مش دمنا بس اللى خفيف عقلنا كمان اخف
كل سنة وانتى طيبة
وان شاء الله نكون اصدقاء

شفـقــة و إحســــان يقول...

غروب
كل سنة وانت مشرقة
اصل الغروب ده بيبقى ضلمة
وطبعا بما انك غروب فلازم احنا نبقى قمرين
لما تغيرى وتبقى شروق يا ريت تخلينا شمس
بس متبقاش حامية علشان المدونين ما ياخدوش ضربة شمس ويخرفوا

شفـقــة و إحســــان يقول...

lady e
انتى اكيد كنتى واكلة فتة بالبنج
المرة اللى جاية تشربى نيسكافية وتيجى علشان تصحصحى
كل سنة وانتى طيبة

شفـقــة و إحســــان يقول...

الملاك الحزين
يسمع من بقك ربنا
كمان ادعى ادعى

شفـقــة و إحســــان يقول...

emey
احنا هندعى بس انتى حرة انتى وحظك
فكرتينى باسماعيل يس فى فيلم الانسة حنفى"وهو بيولد قعد يدعى" ياااااااااااااااااااااااااااااااااااااااااااااااااااااااااااااااااااارب
يا ام السعد يا ام السعد
كل سنة وانتى طيبة

شفـقــة و إحســــان يقول...

يوميات نائمة فى الارياف
وانتى الصادقة قولى ربنا يديم عليكم نعمة الاكل والفتة واللحمة
كل سنة وانتى نائمة

شفـقــة و إحســــان يقول...

جنى
صحيح هو انت بتشتغل ايه؟؟
شكلك كده تاجر اقفال ومنومات

شفـقــة و إحســــان يقول...

حد مش فاهم حاجة
ايه ده يا جودعان جوزى طلع سره باتع
والنعمة اعمله مقام ومولد كمان
بس ربنا يستر ومايدعيش دعوة كده ولا كده لحسن تستجاب

سارة درويش يقول...

ايه دا هو العيد جه عندكم ؟؟؟
اشمعنى انا ؟!!!

انا الخروف بس اللي جه عندي لكن لا جه عيد ولا عيدية :((( يرضيكم كده يعنى ؟؟؟

شكلكم كده انتوا اللي خطفتوا العيد وقعدتوه عندكم هههههههههههههه
كل سنة وانتم طيبين يا احلى اتنين في الدنيا ربنا يارب يجعل كل ايامكم اعياد

SemSem يقول...

كل سنه وانتم طيبين
وفى العيد فرحانين
ومن اللحمة واكلين
وفى الفتة ملغوصين

تقبلوا تحياتى جميعااااااا

شفـقــة و إحســــان يقول...

سمو الاميرة سارة
العيد معلش اتاخر عليكى علشان المواصلات كانت عندك زحمة اوى
وبعدين انتى هتطمعى ولا ايه الخروف اهم من العيدية
يا بنتى احنا بناخد العيدية علشان نشترى خروف ...طالما الخروف وصل مش مهم العيدية
ولعلمك بقى العيد عندنا السنة دى مستمتع جدا بالويك اند ومش عايز يروح عند حد
وعاملين ناكله لحمة وفته يبقى هيروحوا عندكم ليه

شفـقــة و إحســــان يقول...

semsem
شوية شوية هتيجى تاكل معانا مالك كده باصص لنا فى اللقمة وحتة اللحمة يا باى على الناس
عموما كل سنة وانتم طيبين
ومع الفتة واللحمة مهيسين
ومع البمب مفرقعين ومطرقعين
وفى العيديات دافعين وانتم منقوطين
وفى شعوركم شادين ومش منعكشين
ومع اللبس الجديد لابسين ومش مبهدلين
ومع مراتتكم رافعين الرايا ومستسلمين
وبعودة الايام
شفقة

خالد كامل يقول...

كل سنة و انتوا طيبين يا جماعة و معلش غيبت كتير بس ظروفى كدة و الله
شكراً قوى علشان سألتم عليا و انا غايب و بجد سؤالك عليا يا استاذ احسان فرحنى قوى
و ياريتنى كنت استهبلت شوية و مرجعتش على طول علشان كنت تشرفنى و تنزلى دمنهور

يللا سلام دلوقت