الأحد، 4 أكتوبر 2009

عـــــــــــــــــــــــــــــــــدنا بعــد الفـــــــــــــــــاصل


اعزائى واحبائى المدهولين ....عفوا اقصد المدونين وحشتونا خالص مالص بالص

المهم اننا قررنا نرجع بعد الفاصل ونواصل ..... بس لعلمكم ده ماكانش فاصل بس
ده كان فاصل وفاصلة
وفصلتين ومفصول ومرفود كمان

لا نتكلم حبه جد بقى احنا اصلنا
حصلتلنا شوية حاجات غريبة كده
بس الحاجات مش هى اللى غر
يبة لا التوقيت هو اللى كان غريب
كل حاج
ة وراها التانية
يعنى يادو
ب نخلص من حاجة ونكسر وراها زير
تطلعلنا حاجة غيرها

واليك
م بيان بكل ما حدث
الحدث الاول :-

انتم طبعا عارفين ان جدتى رحمها الله وانتقلت الى الاخره لحد كده عادى وكلنا هنموت
ولكن بعدها علطول بشهر جدة احسان تعبت
تعب شديد جدا وماتت بعد جدتى بشهرين
ساعتها احسان اتصدم وبصلى
بصة غدر وقالى اظاهر ان ستك قرت على ستى ونشتها عين قبل ما تموت
كل ده علشان جدتى قالت ان جدته لسه بصحتها
فرديت وقلتله ليه ان شاء الله ده على اساس ان ستى عينها وحشة ...دى كانت قمر
وبعدين ده قدر وه
ى ست كبيرة بس ربنا يدينا عمرها
فقالى ايه انتى هتسطعبطى دى كانت عندها 80 سنة بس
واحنا العيلة عندنا بتقعد ل
حد 100 وانتى طالعة
يعنى ستى اتخطفت بدرى
وكله من عينيكم الوحشة "قل اعوذ برب الفلق"
ولقيت الراجل اتلبش ومش طايق منى اى كلمة
رحت متلككة وعاملة زعلانة وقلت هيتهد
ويعتذر ويقدم فروض الطاعة والولاء
وقعدت الم بؤجتى وقلت اخد
فى وشى واطفش واسيبله البيت يمكن يعرف قيمتى
لكن الرا
جل ولا الهواء
وساعتها اكتشفت اد ايه هو بيح
بنى ومايقدرش على بعادى
المهم انى سحبت نفسى وقلت اق
عد عند ماما كام يوم استجم
الحدث التانى:-

طبعا بابا وماما استقبلونى احسن استقبال اول ما شافونى داخلة بالبؤجة
لا نقرظة بالكلام... ولا سايبة بيتك ليه يا
عايبة... ولا الموكوسة ملهاش الا بيتها
ولا اى حاجة من دى ... الصراحة ناس ذوق ذوق ذوق
وعصر
ت على نفسى ليمونة وقعدت وانا ملزقة من الليمون طبعا
وفى يوم صحيت لقيت بابا بيلبس ترننج وخارج
سالته " رايح فين ي
اباباه" بصلى وقالى عندى ماتش
بصراحة استغربت... ماتش ايه يا ع
م الشباب والرياضة وانت فى السن ده؟؟
اظاهر ان البيت باظ ومبقاش فيه
لا ظابط.... ولا رابط من بعدى
وشوية والف
ريق جه ينادى عليه ونزل
بقيت بكلم نفسى ايه يا جدعان ده ...مال ابويا بق
ى عنده صحة كده ليه ؟؟ هو فاكر نفسه الكابتن ماجد
شوف الراجل عنده كام سنة ومع ذلك لسه نشيط ...وسى احسان افندى كل يوم يرجع يقول تعبان لما جابلى المرض
بلا وكسة على شباب اليومين دول ...
. هو ده زمن الكوارع و السمن البلدى والمفتقة والا فلا
ومفيش بعدها بعشر دقايق لقيت واحد بيتص
ل وبيقول ان بابا اخدوه على المستشفى
علشان عمل ح
ادثة وعربية خبطته
قلت فى عقل بالى ايه يا شفقة
ده انتى سرك باتع ولا ايه ؟؟ شكلك نشيتى ابوكى عين
يادى المصيبة اظاهر ان كلام احسان هي
طلع صح ولا ايه العيلة دى عينيها حوله ولا ايه؟؟


طبعا جريت على المستشفى لقيت بابا مدشدش ورجليه متفتفتة
اظاهر انه دخل فيه لورى.... مش عربية عادية وقتها قلت لبابا اظاهر انى نشيتك عين يا بابا
فبصلى وقالى هو انتى يا مقصوفة الرقبة ما تلاقيش الا ابوكى وتحسديه
وراح مزعق لاحسان وقاله خد مراتك وغورها من عندنا
وبعد التفحيص والتمحيص والاشعة والتحاليل والذى منه
قرر الدكاترة اجراء عملية دقيقة لبابا فى رجله وتركيب شرائح ومسامير
وتمت العملية بخير والحمد لله

الحدث الثالث:-

كان خطيب اختى موجود معانا ولما سال ليه بابا طردنى شر طردة وعرف انى نقيت عليه
افتكر ان الموضوع صدفة لكن لما عرف ان جدتى قرت على جدة احسان
ساعتها الراجل خاف على نفسه وقعد يقول لاختى كلام زى الدبش لحد ما حدفت الدبلة فى وشه
و
خد فى ديله وقال يا فكيك
واتفسخت الخطوبة و
بقت اختى مكلوبة منكوبة



الحدث الرابع :-

الحمد لله بابا رضى عنى واقنعته انى مش انا اللى نشيته عين
وانه اكيد هو اللى ما كانش شايف
بعينيه علشان كده حصلت له الحادثة
واخ
يرا صالحنى
واحنا قاعدين معاه جه عمى الص
غير يزوره ويطمن عليه
وقعد يسأل بابا ازاى الحادثة حصلت؟؟
وازاى ما اخدش باله ؟؟....بابا رد عليه وقاله السن بقى
والواحد عجز وهو
انا لسه شباب زيك
ويادوبك الراجل نزل من عندنا من هنا وسمعنا صوت صراخ ودب على السلم
جرينا نفتح الباب لقينا عمى جثة هامدة ورجله متفتفتة
خدناه على المستش
فى قالوا رجله اتكسرت
ولازم تتجبس


المهم جبسناه واخدناه يلزم السرير المقابل لبابا وهو مش طايقه
واللى جاى على لسانه "قال بيقولى شباب قال وحسبى الله ونعم الوكيل"
طبعا لحد هنا وانا واخدة ان الموضوع صدفة ومش مصدقة كلام احسان بتاع نش العين ده
وقلنا ناخد هدنه و نبعد شوية ونسافر اى مكان بعيد بعد كل الاحداث دى
اللى تفوقت على احداث غزة

الحدث الخامس:-

سافرنا الى ابعد واهدأ مكان فى العالم على الحدود وقعدت انا واحسان نحب فى بعض شوية
وكلام جاب كلام افتكرنا واحد صاحب
نا قعدنا نتكلم عليه ونقطع فى فروته
ومفيش ثوانى بصينا لقينا التليفون بيرن
رد احسان وعرف من المكالمة ان صاحبنا ده دخل المستشفى لاصابته بمرض خطير فجاءة
وانه فى العناية المركزة
طبعا برضوا سببنا الموضوع انه قدر ونصيب وصدفة بحته

الحدث السادس:-

اليوم اللى بعده صحيت لقيت احسان بيصلى وقاعد يقرا لجدته الفاتحة وقعد يفتكرها
قعدت جنبه وطبطبت على كتفه وواسيته
وساعتها قعدنا افتكرنا كل الناس الكبار اللى فى العيلة اللى ماتوا واللى ما ماتوش
ومنها تطرق الحديث على حما اخته وانه راجل عجوز
بس كله حيوية .... واحسان قعد يتكلم عنه وعن صحته واد ايه هو راجل عايش حياته ولا كأنه ابن امبارح
ومفيش بعدها بساعة تل
قينا خبر وفاته
واننا لازم نرجع من السفر علشان نحضر العزاء والجنازة

وقتها وبعد كل الاحداث والمصاي
ب اللى نزلت ترف فوق نفوخنا احسان بصلى
وقالى" اظاهر يا حبيبتى ان العيب مش فيهم ....ده العيب فى عيون البلاوى اللى حواليهم"
وطبعا مفهوم مين هما البلاوى
وبعدها
قررنا اننا ما نخرجش من البيت تانى
وكل واحد فينا يقعد فى حبس انفرادى


وبصراحة اكتر مكناش بندون علشان اشفقنا عليكم مننا


ويفضل وضع خرزة زرقاء على باب المدونة
وربنا يستر
ومنجلكوش فى حاجة وحشــــــــــــــــــــــــــــــة



شفقـــــــــــــــــــــة

هناك 66 تعليقًا:

ياسمين حميد يقول...

ياخرابي!
قصدك ماتجولناش في حاجة حلوة
ههههههههههههه

طوبه فضه وطوبه دهب يقول...

يانهار ابيض انتم غلبتوا شراره الله يكون فى عونكم اقصد فى عون الناس اللى حواليكم اوعوا تخرجوا من العزززززززززززل الا عشان تزرونا وترجعوا تانى وحشتووووووووووووووووووونى مووووووووووووووووووووووووووووووت بس من بعيد لبعيد لحد ما اعلق خرزه

قوس قزح يقول...

يااااه كل ده حصل !!
ربنا معاكم
و حمدلله على السلامة
و متغبوش تانى حتى لو هتحسدونا :)

عاشقه الرومانسيه يقول...

مدورين المدونه يابركه بيك
ويامبروكه هانم
ههههههههههههه
مش تغيبوا تانى
واحنا راضيين اصلنا فدائيين
(:

خالد كامل يقول...

حمد الله على السلامة
و المهم ان انتوا رجعتولنا تانى
و ان شاء الله و انا بغير القالب بتاع المدونة هبقى أخلي اللون الأساسى فيه أزرق
هههههههههههه
تحباتى

عاشقه وغلبانه يقول...

مش المهم انكوا كويسين
مش مهم الباقيين دول
فداكوا
ههههههههههههههههههههههههه

عاشقة القمر يقول...

حمدالله عللس سلامه
مدونه نورت بيكم
داه كل في فترات غيابكم حصل يالله
الله معاكم ومعناها هههه وحشتوني

Empress appy يقول...

يا حرام قطعتى قلبى يا بنتى بقولك ايه ابقى زورىمدونتى بس استنى لما اغير الوول زرقاء
وحمد لله على سلامه كل الناس اللى ادغدغت دى

شفـقــة و إحســــان يقول...

ياسمين حميد
منورانا بس ليه الصوات والنواح ده ...انتى حضرتى معانا العزاء ولا المرحوم كان غالى عليكى
عموما احنا مش هنيجى الا فى الحاجة الحلوة يعنى طبق فاكهة ان لم يكن تورتة او حتة جاتوه غير كده مش بنروح يعنى من الاخر بنزور الحلاونيه مش المدونات

شفـقــة و إحســــان يقول...

طوبة فضة وطوبة دهب
يا شيخة انا لو منك اخلى الطوب كله دهب والله ما انا عارفة ايه اللى عاجبك فى الدبش ده
ايه ده الحقى اظاهر انى معجبة بالطوبة الدهب اللى عندك طيب ابقى خلى بالك لحسن المدونة تتهد ولا يبقى فيه دهب ولا فضة ولا المونيوم حتى
وبعدين مين شرارة ده انا معرفوش وبرضوا هنغلبوا ده احنا يا بنتى شرارات
واوعدك اننا مش هنخرج من العزل الا اذا زورناكى وبس

شفـقــة و إحســــان يقول...

قوس قزح
على راى فوازير شيريهان ده حصل وحصل وحصل
وبعدين انتى اللى جانيتى على نفسك وقلت متغيبوش حتى لو هتحسدونا
استلقى وعدك يا قوس

شفـقــة و إحســــان يقول...

عاشقة الرومانسية
ايه مدورين دى يا بنتى احنا هنعمل عجه؟؟
وكمان مبروك ومبروكة هو انتى جاية تزورى المدونة ولا تزورى الحسين
وكمان فدائيين دى تبقى عليت معاكى اوى لحد الجبهة
وحشتينى جدا

شفـقــة و إحســــان يقول...

مهيج الجماهير
حمدالله على سلامتك انت الجماهير كانت عماله تسال عليك فى " ما يطلبه المستمعون" انت كنت فين ؟
وبعدين ايه حكاية تغير قلب المدونة دى هو انت هتعملها عملية قلب مفتوح ولا ايه

شفـقــة و إحســــان يقول...

عاشقة وغلبانة
لا تصدقى انك طلعتى قاسية ومفترية بقى بتقولى مش مهم انكم كويسين
كده برضوا يا سلام على الحقد والغل يا اخى بتاع الناس ماشى
ومين هولاكو ده هما الهكسوس احتلونا ولا ايه؟؟

شفـقــة و إحســــان يقول...

عاشقة القمر
الله يسلمك ازيك وازى القمر بقولك ايه احنا ناويين نسيب الارض ونطلع القمر بس هنبقى نقولك قبلها بدل ما القمر ينطبق على الارض من بركاتنا ادينى نبهتك اهو
وايه حكاية الله معكم ومعنا دى فكرتينى باغنية محمد ثروت الله معاك ومعاك قلوبنا

شفـقــة و إحســــان يقول...

appy
احنا من اولها اتهامات كده يا ابى احنا لا بنقطع قلوب ولا كلاوى احنا كبيرنا نشوحها ببصلة ومعلقة سمن
وايه الزغاريد اللى عندك دى الوووووووووووووووول انتى عندك فرح ولا ايه؟؟

رحــــيـل يقول...

ههههههههههههههه
لالالالا معقول بجد ده حصل كل الحوادث دى والاصابات
بليييييز بطلو تيجيبوا فى سيره حد كده الدنيا هتفضى عليكو

بس بجد بجد وحشتونا
نورت التدوين والمدونة

إيثار يقول...

ربنا معاكم و يصبركم
و ان شاء الله هتكون دي
اخر زيارة ليا هنا
عشان عنيا اللي فرحانة بيها متروحش

يا لهوي مين طفا النور
ده انا كنت بهزر متزعلوش اوي كدا
......... هو بجد و لا ايه !

اقصوصه يقول...

يا خراااابي

يا خرابي يا خرابي يا خرابي

كل ده يطلع منكم انتوا الجوز؟

صحيح

ياما تحت السواهي دواهي

انا ومن هذا المنبر

اعلنت قطيعة هذه المدونه واصحابها

حتى اشعار اخر!!

ولا اراكم الله مكروها في عزيز:)

أمل حمدي يقول...

هههههههههههههههههههههههههههههههههههههههههههههههههههههههههههههههههههههههههههه

ايه دا بس

ربنا يرحم موتاكم ويشف مرضاكم ويبعد عنكم العين يارب العالمين

ندا منير يقول...

هههههههههههه

انا ايه اللى دخلنى هنا بس
حرااام لسة العمر طويل قدامى ومحققتش كل اللى عايزاه

بس اكيد الخرزة هتحمينى شوية

هههههههه

micheal يقول...

ههههههههههههههههههههههههه
ايه كل ده
فعلا تفوقتوا على أحداث غزة
ايه كل ده..حالات وفاة وكسر رجل وإصابات وناس بتروح المستشفي
بس برضه أراهنك مش حتعرفي تأثري عليا
هع هع هع
لو قريتي شوية عندي في المدونة حتدركي أني صاحب المادة الخام
هع هع
البقاء لله طبعا في وفاة الجدة ويجعلها اخر الأحزان
تحياتي وحمد الله ع السلامة

شفـقــة و إحســــان يقول...

رحيل
حوادث ايه واصابات ايه انتى داخلة مدونة ولا الطوارئ فى مستشفى القصر العينى
ما كفاية اللى احنا شفناه
وايه اللى جاب سيرة البوليس كمان شكلك كده هتودينا فى داهية وقال بتقولى نورتوا قال امال لو كنا ضلمنا كان حصل ايه تانى

شفـقــة و إحســــان يقول...

عاشقة الحب
وانتى فاكرة انها لسه ماراحتش؟؟
ده عينك راحت من اول وهلة للدخول عندنا ربنا يعينك بقى
ولعلمك اللى طفا النور احسان اصلنا عندنا عيد ميلاد
هف

شفـقــة و إحســــان يقول...

اقصوصة
مين مات عندكم؟؟ كل ده عويل يا لهوى
ولعلمك اللى طلع ده فعلا من الجوز واللوز اللهو اسان مش الجوز اللى هو احنا الاتنين فهمتى
وبعدين تعالى هنا سواهى ودواهى فكرتينى بمسلسل غوايش بتاع صفاء ابو السعود
وكمان ايه منبر ده انتى داخلة مدونة ولا جامع
وايه اللى جاب سيرة القطيع والسعار انتى شايفانا بنهوهو
اخس عليكى زعلنا منك وحاسبى لنعضك
هوهوهو

شفـقــة و إحســــان يقول...

ماما امولة
ايوا كده يا ست الكل نورينا وادعيلنا والنبى كمان ابقى اقريلنا قل اعوذ برب الفلق علشان الحسد والعين الوحشة

شفـقــة و إحســــان يقول...

ندا منير
ايه اللى دخلك ودى محتاجة ذكاء ؟؟
ايديكى طبعا حاولى تعاقبيها
عموما بعد ما دخلتى عندنا محدش ضامن العمر طويل ولا قصير
ولو برضوا مهما تدارى فى الخرزة يا احنا يا هى

شفـقــة و إحســــان يقول...

micheal
عزة مين؟؟ احنا منعرفش حد بلاسم ده
اوكيه وانا قبلت الرهان بس على غطا ازازة كوكاكولا متفقين؟؟
نيها نيها نيها بنافس هع هع هع
وبعدين ايه ده انت صاحب مادة الرخام لا يا عم يبقى انا مش ادك الرخام غالى اوى واحنا ما بنستعملش الا البلاط
تكسب

*البت المشمشية *حلوة بس شقية * يقول...

كل ده حصل
بس انتو غبتو كتي راوى

Kiara يقول...

ههههههههههههههههههههههههههههههههههههههههههههه
ههههههههههههههههههههههههههههههههههههه

هههههههههههههههههههههههههه

موتييييييييييييييييني من الضحك ياشفقتي

مع اني كنت زعلانه علي غيابكم بس طلع اهو طلع له مليون عذر

ابعدو عن بقيه العييييييييييييييله العيله هتصفي عليكم بس وكل واحد منكم هينش التاني عين وتخلصوا علي بعض ههههههههههههههههههه

Kiara يقول...

البقاء لله في اللي مات وربنا يشفي اللي عيان وارحمو شوية

همس يقول...

والله ما انا عارفه اضحك ولا اعزيكم

ولا احلف ما ادخل هنا تانى هههههههههههههه


ايه دا كلو ايه دا كلو

بجد جامدين جدااااااااااا

قدر الله وماشاء فعل

واياكم تفكرو فيا يوم ولا تجيبو سيرتى

ولا تفكرو حتى تردو على تعليقى دا


سلام باه

وردشان smilyrose يقول...

ههههههههههههههههههههههههههههههههههههههههههههههههههههههههههههههههههههههههههه

اولا حمدلله على السلامة

وحشانى مووووووووووووت يا بخيلة

لا رنة ولا اتصال من يوم اللقاء

ومفيش تدوين

طب اسالى عن اصحابك

وبعدين ايه كل اللى حصل دا

طب استعينى بالله واطلبى النجدة من شرطة المدونين كنا هنجيلك بسرعه

ههههههههههههه

شوية قهوة يقول...

حمدالله على السلامة المدونة كانت وحشة من غيركم انا قلت انتوا نستونا ولا حاجة
عموما ربنا يهون عليكم
ومنجلكمش في حاجة وحشة

شفـقــة و إحســــان يقول...

النت المشمشية
احنا فعلا غبنا كتير بس عن الوعى بعيد عنك كانت غيبوبة مزمنة ادعيلنا نفوق منها

شفـقــة و إحســــان يقول...

كيارا
بقولك ايه بلاش التهم دى احنا لا بنموت حد ولا بنقتل مش ناقصين سجون
وبعدين مين قالك ان العيلة بتفل وعايزة تتصفى
ما تخافيش احنا عاصرينهم كويس
اما بخصوص النش فمتخافيش على صاحبتك لانها حاصلة على الميدلية الذهبية فى النيشان

شفـقــة و إحســــان يقول...

همس
معلش يا همس انا عارفة احاسيسك دلوقتى ولغبطت الكلام والهلوسة اللى جاتلك اول ما دخلتى عندنا معلش حقك علينا
وبعدين ايه العنتظة دى ويعنى احنا كنا هنجيب فى سيرة الزناتى خليفة يا خى
وادينى رديت على التعليق اهو لما نشوف هيحصل ايه وابقى وافينى باخر الاخبار

شفـقــة و إحســــان يقول...

smilyrose
ايه يا بنتى انتى شايفانه لسه راجعين من السفر وعموما الله يسلمك
وايه حكاية بخيلة دى هو انتى كنتى سالفة منى فلوس وانا طالبتك بيها
وايه رنة دى انا اكبر من كده بقفل التليفون وبطنش خالص
وايه حكاية نجدة وشرطة انتى بتكلمينى من قسم البوليس ولا ايه اعترفى وقرى عملتى ايه ادام البيه الضابط

شفـقــة و إحســــان يقول...

كلام من قلبى
طبعا المدونة كانت وحشة لاننا خدنا الحلويات والفاكهة اللى كانت فى المدونة وقفلاناها
لكن ايه موضوع الهون ده وانتى جاية تدقى كفتة عندنا؟؟

غير معرف يقول...
أزال المؤلف هذا التعليق.
غير معرف يقول...

هههههههههههههههههههه

طيب انا كنت جايه ابص بس على المدونه .... بس ماشفتش حاجه .... اصل نظري ضعيف :D

ربنا يستر

مدونه جميله ..... تحياتي

ذكرى رحيل قلم يقول...

السلام عليكم
حمدالله ع السلامة
عودا احمد
مش عار الواحد يعزيكم ولا يهنيكم
المهم عملتي ايه في الامتحان الي قلتي عليه ده بتاع الانجليزي

ربنا يرحم الجميع الحكاية مش صدفة لا ده قدر وكتوب وانتم مجرد اسباب

بجد وحشتني خفة دمك
رغم اننا ملحقناش نتعرف
افكرك بيا انا بنت مصرية
كنتي زورتيني مرة وقلتيلي انا بحب بريد الجمعة وبس
ادعوكي لزيارة
البريد ورهف قلبي
وارجو التواصل اللي ملحقشي يدوم

بس علي فكرة في ناس بيعيشوا ويعمروا اكتر من مائة عام
ربنا يعوض اختك بعريس افضل خلقا ودينا
والانسان موقف نعرفه عند اللقاء ونعترف به وقت الالم لذا فقولي لها حمدا لله علي مفارقتك له
دمتي ودامت خفة دمك

مطلق يقول...

طب ياريت تنسوني خالص و ماجيش علي بالكوا نهائي

صفــــاء يقول...

مش هكدب عليكم
انا جيت من 3 ايام قريت البوست وانبهرت من قدرتكم
وفى نفس الوقت قلقت
وحبيت اشوف تأثيركم ممكن يوصل لحد هنا عندى والا لا
وبعد مرور كل تلك الفترة ولقيت انى الحمد لله لسه واهلى بخير
حبيت اطمنكم أن تأثيركم الرهيب بيقع فقط على اللى يعرفو جنابكم معرفه شخصيه
وبالتالى لا يجوز اعتباركم فيرس خطير بينتشر ويتوغل
انتو الحمد لله مفيش خوف منكم
وخليكم بقى منورين البلوجز

بـِصَمتـِـ أميرة ــــى يقول...

سركو بااااااااااااااااااتع يا اوختشى
ههههههههههههههههههههه
انا كنت بحبك موت
وبزور المدونة والحياة فل
بعد ال6 أحداث نأ فى نأ
إحم إحم
انا سعدت بمعرفتك و
إحم إحم
هتبقى ذكرى لطيفة جدا يا مدام شفقه

هههههههههههههههههههههههههه

Unknown يقول...

تصدقوا بالله كنت داخلة برجلى اليمين اقول
لما انتم نزلتوا بوست ورجعتوا بالسلامة مش تقولوا لى ولا انا اتنسيت
لكن وبفضل نظارتى الجميلة بعد ما قريت البوست
فياريت الموضوع ينتهى هنا وكفاية صداقة عند الحتة دى
هههههههههههههه
انا خايفة على نفسى
من شر حاسد اذا حسد
وخصوصا انكم مقرين بالذنب
باى اراكم امس

شفـقــة و إحســــان يقول...

فتاة من الصعيد
فكرتينى بمحسن محى الدين فى مسرحية سك على بناتك انا بص انا بص
وبعدين انتى ما شفتيش حاجة مش علشان نظرك ضعيف لا علشان احنا كنا طافين نور المدونة والدنيا كانت عاتمة ابقى تعالى بدرى شوية قبل ما النور يقطع

شفـقــة و إحســــان يقول...

ذكرى رحيل قلم
لا نعزيكم ولا نهنيكم البركة فيكم بعد رحيل القلم بس قوليلى هو انتحر ولا مات مقصوف؟؟
اما بخصوص امتحان العنجليزى فهاللو خالص ده متاج بوست لوحده
وميرسى انك بتجاملينا وبتقولى ان الموضوع صدفة بس تفتكرى صدفة 6 مرات لااظن
اعتقد انها صدفة بتاعة البحر مش الصدفة بتاعتك

شفـقــة و إحســــان يقول...

مطلق
يا ساتر يارب ما تخافش احنا مش هنجيب سيرتك خالص مالص لنتعدى احنا لسه عرسان جداد

شفـقــة و إحســــان يقول...

صفاء
كده برضوا تيجى من غير ما تقوليلنا مش لازم كنتى تستاذنى الاول وتخبطى مش هتبطلى تسحبى كده ها؟؟
وكمان بتقولى وفى نفس الوقت فلقت يعنى هربتى وقلتى يا فكيك
عموما احنا تاثيرنا بيمتد وبيقع على كل اللى يعرفونا واللى ما يعرفوناش واللى بيدخلوا عندنا من الوهلة الاولى
يعنى ساعتك وقع عليكى التاثير بمجرد قراتك للبوست
ايه رايك بقى والمرة دى مش هتعرفى تفلقى لا هتتفلقى

شفـقــة و إحســــان يقول...
أزال المؤلف هذا التعليق.
شفـقــة و إحســــان يقول...

بـِصَمتـِـ أميرة ــــى
لما هو بصمتك اميرة جاية ترغى وتكلمى عندنا ليه اهو كده بقيتى وصيفة
شفتى سرنا باتع اد ايه
وايه حكاية فله ولطيفة دول فى الجزائر جاية تدورى عليهم عندنا ليه؟؟
امشى يلا علشان خليتى الواحد شرق من كتر النحنحة قال احم احم قال

شفـقــة و إحســــان يقول...

نهر الحب
احمدى ربنا انك لحقتى تدخلى برجلك اليمين طيب مش تطمنينا على الشمال حصلها ايه
كمان انتى محددتيش انهى حتة بالظبط
بالله عليكى تحددى لحسن نتوه واختك ملهاش فى المواصلات

ريمان يقول...

ههههههههههههه


هههههههههههههههههههههههههه


انا اللى صعبان عليا الراجل العجوز اللى كله حيويه


اخد عين ومات الله يرحمه


المهم حمد الله على سلامتكم


وبلاش تغيبوا بقه تانى


بس برضه بلاش قر ع الناس خصوصا العواجيز

تحياتى

اسلوبكم توحفه بجد

شاب فقرى يقول...

لا اله الا الله

الواحد مش عارف يقول ايه

انتم غلبتونى فى الفقر

وانا اللى كنت فاكر نفسى فقرى

ههههههههههههههههههههههههههه

الواحد مش عارف يقول ايه

غير سنعود مع البوست القادم

مش تتأخروا علينا

كل دى احداث ما شاء الله كتير

وكلها متعبه

ربنا يصبركم

تحياتى

شاب فقرى

romansy يقول...

بعد كل الاحداث دى كلها الحمد لله ان انتم بخير

شوكولاتة يقول...

ياسلام وجايين تزوروني أنا بقا في الظروف المهببة دي مش واخدين بالكم إن ظروفي منيلة بنيلة لوحدها
ههههههههههه

مدونتكم حلوة قوي
تحياتي

VÖltaa يقول...

ههههههههههههههههههههههه

انتو بتحسدو بعينيكو الطبيعية

ولا بالعين السحرية

هههههههههه

VÖltaa يقول...

اه نسيت اقول

حمدلله عالسلامة متغيبوش تانى بقى الله لايسيئكم

احساس طفلة محبة للرومانسية بس واقعية يقول...

لا بصى انتوا خافوا على نفسكم
الناس اللى انضرت دى مش هتسكت على فكرة
:)
الحمد لله انكم بخير والبقاء لله ربنا يجعلها اخر الاحزان بس خالوا بالكم عشان متفتكروش حد تانى او ابقوا اقفلوا الموبيلات

دمتى بكل خير
تقبلى مرورى

akeed يقول...

اول زيارة للمدونة و لاكنها فعلا رائعة
تحياتى

JustMe يقول...

سورى ياعنى بس بجد ده البعد عنكم غنيمة انا هطلع اتبخر من هنا الواحد مش يضمن بردة

مامة مازن يقول...

ههههههههههههههههه
يا نهار ابيض بتهزروا اكيد صح عموما عجبتنى الحكاية قوى
انما بقى لو بجد يبقى مش هيحوق معاكم اى خرز ازرق ولا بخور ولا الكلام ده خالص هههههههههههههههه
نوركم غطا على الكهربا اقصد يعنى عود أحمد

Mafrousa يقول...

يالهويييييييييييييييي
قال و انا داخله اسلم عليكم و انا مش واخدة خوانة
و مش معلقة الخرزة الزرقة
طيب يالله سلام

صبرني يارب يقول...

لا انا بتهيئلي ما تجولناش اصلا خالص
هههههههههههههههه

انتى زي العسل يا جميل

мαησηα يقول...

ههههههههههههههههههههههههه

هههههههههههههههههههههههههه

لا بجد انتوا فظااااااااع

ع فكرة انا كنت دايما بدخل هنا علشان اعرف اخباركم وفجاة مش لقيت المدونة

عمو بتاع جوجل اللى بيطلع ده قالى انها غير موجودة نكد عليا الهى ينكد عليه

بس يظهر ده كان حد داعى عليكوا ساعتها

عودا احمداااااا نورتوا بلوجر ووحشتوا اخواتكوا المتبهدلين

وياريتكوا مش تغيبوا تانى علشان فعلا بتوحشونا جدااااااااااا