الأربعاء، 4 نوفمبر، 2009

يا انا .......يا الست السكورتوره


هالو ايفرى بادى نفر نفر نفر...... بجد وحشتونى موت
ولعلمكم دى مقدمة حونينة علشان تنصفوا اختكم المسكينة
اللى جوزها عايز
يجبلها ....توره.... قصدى ضرة
واليكم
ما حدث
قال ايه لسه قايمة من النوم
وبفتح عينى اللى يدب فيها شيكولاته
الاقى الباشا قاعد ع
مال..... يتهرش بلذاذة
ومبسوط على الاخر ...وبقه م
فتوح اد كده
وده حاجة نادر
ا ما بتحصل
قلت يا ترى يا بت يا شفشوقة الراج
ل ده كان بيعمل ايه وانتى نايمة على روحك
قاعد وشه
فى وش النت
لا.....الموضوع فيه ا
ن واخواتها كمان
لازمن ...وحتما... ولابندق تقف
شيه وتطلعى بيه على الكراكون
ويقر ويعترف ادام البيه ال
ضابط
وبعدين قلت فى
عقل بالى ...وضابط ليه ؟؟
وانا رحت فين ؟؟ده انا اجدع من مية ضابط
بدبورة ..ونسر.. وص
قر.. وحداية كمان
المهم انى تقمصت الدور ونطيت جرى من
على السرير طيران زى اطاطا
ورحت لازقة فى احسان وفجاءة الرا
جل اتخض وكان هيموت من الخضة
يا اختى... جماله حلو يا ختى شب
ابه حلو ...الكميلة اتخضت؟؟
ايه مالك اتفزعت
ليه ؟؟
شفت بعبن.. ولا ايه ؟؟هو انا عووووو
وووووووو؟؟
احسان:"يلتقط انفاسه" نفس نفس و ب
رخامة... معقول ودى تيجى
قطع لسان اللى يقول عليكى كده
يا مصيبتى قصدى يا حياتى
انا: وانت بتعمل ايه عل
ى النت من امبارح؟؟
ومالك قاعد لازق وشك ف
ى قفاه ليه ؟؟ اعترافات
ايه يعنى اللى شدك كده ..ده انت مانمتش من امبارح ومش عوايدك
اول مرة فى حياتى انام واستجم من غير صوت ا
لشكمان المسدود بتاع مناخيرك
احسان: اصلى
عندى شغل
انا: اه طالما بدأت بكلمة "اصلى "يبقى وراك مصيبة
شغل ...شغل ايه ده ان شاء
الله اللى بيسهروله ادام النت ليل ونهار؟؟
احسان :اصلى بعمل اعلان علشان انزله على النت وفى الجرايد
انا قلت... كلمة اصلى فيها ري
حة مش مريحانى
اوعلان ...اوعلان عن اي
ه ؟؟
تكونش اخيرا هتطلبلى سفرجى ....وشغ
الة علشان ترحمنى من قرف شغل البيت
معقول ...هتعبرلى اخيرا عن
فرط حبك ليا يا حوياتى
احسان: فرط هو عنقود
عنب بقولك شغل مش فكهانى
انا بعمل اعلان بطلب فيه سكرتيرة
انا:"بحول" ايه سكورتيرة .... اسم النبى صاينك وحارسك
والسكرتيرة لازمتها ايه
ان شاء الله ؟؟
هتيجى تاخدلك الهدوم فومين ولا هتشرف على قهوة ساعدتك
ولا تكونش هتقعدها على ا
لورق علشان مايطيرش
احسان: يا حياتى الناس الشيك... كلها بت
عمل كده خاصة لما تكون عندها شغل متلتل
ومحتاجة حد يساعدها فى م
هامها الوظيفية
انا : تقصد الناس الشيك اللى من غير
رصيد اللى بأذن الله على الومان عدل
عموما ورينى الاعلان اللى شوية شوية هتنزله فى الجزيرة والفضائيات
وبعد اطلاع اللجنة المشكل
ة برئاستى على الاعلان
بعيد عنكم اول ما شفته صرخت
.. وصوطت .. وشديت فى شعر احسان
لحد ما طلعت البارو
كة كلها فى ايدى
وكان يا عينى لسه مركبها عند كوافير الصغنن
يلا مالوش نصيب

والاعلان كالتالى
وعلى المتقدمة للوظيفة ان تتوفر فيها الشروط والفاصلة والهمزة والغمزة واللمزة
"ودول اهم من الشرو
ط نفسها"
مطلوب انسة ...عزباء ...حسن
اء ...هيفاء... دعجاء... شمطاء
بيضاء السحنة ...غ
ير طويلة اللحية
ملفوفة القوام ...صابة السيقان ... طويلة القامة
لبقة... بحبوحة حبتين ...اجتماعية

ترد على التليفونات والفاكسات... و تجيد العلاقات العامة والخاصة
متفرغة طوال اليوم وليس لديها اى ارتب
اطات ..............شلولخ
وما ليكم على حلفان انا شفت الاعلان من هنا وبعدها بثانية احسان ما كان ليه اثر فى البيت
فى ثوانى نط من البلكونة
على القهوة اللى تحت البيت
ولما رجع عينكم
ما تشوف الا الضلمة
قعدت استجوبه ولا ك
أنى امين شرطة اسم الله وبعمل محضر
والنبى لتحكموا انتم عليه



بقى عاملى اعلان تط
لب فيه سكرتيرة
انسة عزباء .....وليه متكونش متجوزة او مطلقة وتعول
وعندها عشرة خمستاشرعيل بتجرى عليهم
علشان تاكلهم ....ها.... بقى بدل ما تكسب فيه
ا هى وولادها ثواب
تروح تجبلنا مصيبة فاضية
لا وراها عيل ولا تيل
وفى الاخر تتبلا عليك وتقع فى عرضى ل
حد ما تكتب عليها وتاخد اللى ورانا وقدامنا
يعنى ما تلاقيش الا الفاضية للرو
ج والمسكارا والكلام الفاضى
سونة:يا ريت تتبلا عليا ..... احم مهو يا روحى المتجوزة هتيجى كل يوم ت
قولى روحنى بدرى
العيال هعدى عليهم فى الحضانة ...
.والواد بيعيط سيباه عند الجيران
طيب ادينى كل يوم ساعة ر
ضاعة ومش هنخلص
انا : وماله نديها ساعة رضاعة... ونجبلها بزازة كمان

وايه حكاية حسناء.... دى كمان؟؟
يعنى لازم يكون عندها حسناء وماله بهاء وفطحاء وبلهاء
وكمان هيفاء
ومالها عائشة الكيلانى ؟؟ زى الفل وطقم اسنان مفيش اجمل منه
هو يعنى مكانش بو
س الواو ما ينفعش؟؟
استريح محدش هيتعور عندنا
ولو حصل مش هنبعت لهيفاء فى حا
جة.... انا عاملة حساب الشاش والقطن
احسان: "بيتمتم" عيشة الكيل
انى !حرام عليكى يا مفترية
هتبقى بره وجوه ...مش كفاية معاشر الكيلانى نفسه بقالى سنين حرام لما اغير؟؟
انا : بتقول حاجة يا
سونسون؟؟
سونة: لا بكلم نفسى اتجننت... يا رو
حى اتجننت
انا: شمطاء... دعجاء ...بيضاء السحنة ... ومالهم السمر؟؟

عليهم كخة.... ده السمار نص الجمال.... لا ده الجمال كله
اول مرة اعرف ان ذوقك وحش و
مابتفهمش فى الالوان
قال بيضاء قال وانت هتغمسها ولا هتعمل بيها اعلان رابسو ..دى حاجة غريبة والله
سونة: انا كنت بقول البيضاء تخل
ى يومنا ابيض زى الفل
ما تعتموش وتغمأها فى و
شنا.... اكتر مهى غامقة


انا: وايه ملفوفة القوام دى كمان؟؟

وهو انت عامل اعلان عن سجاير كليوباترا يا روحى؟؟
ده انت حتى ما بتدخنش....
والتدخين ضار بالصحة
وبعدين مالهم مكعبرين القوام ....وملكومين القوام

دول حتى شكلهم سكر وهما ماشين زى البط كده فى المكتب
والواحدة منهم تطلب منها الحاجة تعملهالك اليوم اللى بعده.. على ما تقوم طبعا
يا شيخ اهو نشجعهم برضوا ونرفع من معدنيا
تهم لو قدرنا نرفع يعنى وابقى قابلنى
سونة:"هيعيط" بط
.!مكعبرين !
هو انا شغال فى بحيرة البجع

رفع ايه انا ماليش فى الاثقال وضغطى واطى
انا عايز سكرتيرة مش واحدة تقول كا
ك


انا : وايه ....ايه صابة السيقان.... ايه يا حبيبى ده ؟؟
هو انت مقاول انفار ....وطالب بناه علشان يصب خرسانة
ومالهم مفشكلين السيقان ....معرجين ومقوسين الارجل
....واللى عندهم فلات فوت
دول حتى يشتغلوا معاك العمر كله
ومش يسيبوك علشان هيبقوا واخدين اعفاء من الجيش
سونة: بناه! وخرسانة ! الهى العمارة تتهد فوق نفوخك يا شفقة يا بنت حواء وادم


انا :كمان ايه طويلة ا
لقامة دى ؟؟
ومالهم الاقزام... وحشين دول ؟؟ ده حتى شكلهم حلو وما تحسش بيهم فى المكتب
يروحوا... ييجوا ويعدوا جنبك ولا انت هنا
زى النسمة لكن الطوال يخرمولنا السقف

واحنا لسه منكسين البيت ومش ناقصين غرامات
احسان: اقزام ... ؟؟ هو انا هشغل فطوطة

بقى ياربى احلم بفطومة.. يطلعلى بقدرة قادر فطوطة ...قادر على كل شىء


انا: وكمان عايزها ...ليفة!
ليه هو احنا هنستحمه بيها احنا نضاف والح
مد لله
سونة: لبقة يا روحى...... لبقة ....يعنى بتعرف تتكلم مع الناس علشان العملاء
انا: اه تقصد بلسان ونص.... طيب ما تجيب بغبغاء احسن
اهو يسلى وبعدين عملاء ايه .....هو انت شغال فى فودافون؟؟
ده حتى خير الكلام ما قل ودل ...وعلى راى الباشمهندس فؤاد المهندس
"كلمتين وبس"
سونة: اهى فتحت اذاعة الشرق الاوسط .....اهى....
ومش هنخلص


انا : وايه اجتماعية دى ......؟؟
وهى جاية تشتغل ولا تتعرف على الموظفين
لا...... يا حبيبى احنا مش ناقصين ق
صص حب وجواز عرفى
وندخل فى متاهات ...ومالها المنطوية المنكسرة الغلبانة
اللى وشها ما بيفارقش الارض دى حتى متعملش مشاكل
احسان: مابتفارقش الارض ...هو انا جايبها تبص لى على الجزمة ........ارحمنى يارب


انا : وكمان ترد على التليفونات ..
..وهو انت عايزلك ردادة ياخويا
وايدك راحت فين .....ولا هندفعلها مرتب علشان تقول" الو"
طيب ما اسجلك شريط بصوتى ....ولما التليفون يرن تلاقى "الو" فى منتهى الرقة والحونية
احسان: ايه شريط وانا هشغل اغنية لسعد الصغير ...حاشرة ودنك حتى فى الشغل


انا:وتجيد العلاقات العامة والخاصة !!! سيدى يا سيدى
وهو انت هتبعتها عند الجيران ...........ولا ه
ى جاية تشتغل فى اليونسيف
سونة: اليونسيف ......واليونيخنجر ...اللى ان شاء الله يدخل فى رقبتك يحشها


انا : وبعدين مفيش حاجة اسمها متفرغة

ناقص تقول انك هتجيبها تبات معانا كمان فى البيت
اصل الحكاية ناقصة دى كده تبقى فاضية ومورهاش حاجة بقى ومبعوتالى مخصوص
سونة: تبات ؟؟ ياريت .........حد طايل
انا: ايه..... ايه..... ايه ......ايه
لا يا سيدى الاعولان ده لازم يتعدل
زى ما انا قلت ....
........والا
سونة: يوووووووووووووووووه ....وهو كده بقى اعلان طلب سكرتيرة؟
ده كده اعلان فى صفحة الوفيات....يا امى


انا: خلاص عندى اقتراح.....ايه رايك لو تشغلنى انا سكورتيرة؟؟
احسان: يا حياتى انتى تنفعى سكورتوووووره
تووووره مش تيرة ... فيه فرق
انا:عموما جربنى وانا فيا كل المواصفا
ت المطلوبة
واهو اخد انا السولارى وابقى وفرتلك
ويبقى زيتنا فى دقيقنا
سونة: مخضوض" زيتنا فى دقيقنا وهو انا عامل اعلان عن طباخة
لا......... اعلان الوفيات ارحم
انا :" بصوت اجش "كده يا سونة ... ماشى ... والله لتندم"
عموما انت الخسران كنت هوفرلك
وبما ان فلوسك كتير اوى ومش عارف تبعزقها فى ايه ... هخليك تزود مصروف البيت
اه يا خويا... اللى يخليك تدفع مرتب 275 جنية بحالهم للسكرتورة
يبقى انت مدكن من ورايا وانا نايمة فى العسل ويا انا يا التوووووورة

وقال على رأى المثل"ربى يا خايبة للغايبة" وعجبى


شفقة


هناك 66 تعليقًا:

ماما أمولة يقول...

هههههههههههههههه

ياربي عليكي يا شفشوقة

يا بنتي دا كان بيهذر

هههههههههههههه


وحشتيني يا حبيبة قلبي

شفـقــة و إحســــان يقول...

ماما امولة
انتى كده دايما تنصريه عليا ماشى براحتك
وبعدين هو يهزر معايا ليه هو انا اده ولا من سنه
ولعلمك ده كان بيهدر مش بيهزر
انتى اللى وحشتينى اوى اوى اوى

أميرة علي كوكب مهجور يقول...

ههههههههههه
بجد زي العسل ههههههههه عمري ماضحكت في بوست كده طبعا يعينك سكورتيرة انتي دمك زي العسل ولا الدفع لا الحبس اقصد لا التعين لا يزيد مصروف البيت:)


بجد مدونه زي العسل وربنا يسعدكم يارب

خواطر شابة يقول...

ههه
المواصفات اللي طلبها تنفع عروسة مش سكرتيرة عيني عليك يا شفقة ماكانش يومك يا اختي
هههههه

smilyrose يقول...

السلام عليكم

اخبارك يا شوشو وحشانى جدا

ايه يابنتى مفيش اختراع اسمه لفلفون

ههههههههههههههه

وبعدين يا ستى الراجل عاوز حد

كدا يعنى هههههههههههه

يرد على التليفون ويعمله القهوة

ويفرفشة شويتن لما تنكدى عليه

بس وخلاص يعنى الراجل نيته سليمة

بلاش الظن الوحش بتاعك دا

وردشان

شفـقــة و إحســــان يقول...

اميرة على كوكب مهجور
طيب لما الكوكب مهجور مين اللى عينك اميرة؟؟
اموت واعرف
وبعدين مبتخافيش ؟؟
قاعدة فى كوكب مهجور لوحدك طيب ابقى خلى بالك من الذوئاب البشرية
وبعدين ليه بس سيرة الحبس والسجون دى هو احنا ناقصين هو محدش قالك اننا خريجين لومان
ولا ايه
عموما شرفتينا انتى وكوكبك

شفـقــة و إحســــان يقول...

خواطر شابة
شفتى قلت حاجة انا بقى ...اهو
قلتى تنفع عروسة يعنى كان عندى حق وانا بقول هيجبلى ضرة وغطينى غطى
واندبى كمان وكمان قالى يا عينى قال قولى يا قلبى يا مفاصلى يا كلى

شفـقــة و إحســــان يقول...

smilyrose
ايه يا وردشان الاختراعات والحاجات التكنولوبيا دى ...انتى جاية تحرجينا اكمننا جاهلة ومتاخرين بتعايرينا حضرتك
بس بينى وبينك ايه البتاع اللى اسمه الفلفون ده؟؟
وبعدين هو الراجل ما ينفعش يعوز سبت ؟؟ لازم حد طيب الناس كلها بتكون قافلة مفيش الا السكرتيرة يعنى
ووحياتك عندى انا ما بنكد عليه لكن بنكت بس وده اكبر اثبات انى بفرفشه
وبدل ما تقوليلى انا الوحش قوليهاله هو لانه وحش وكاسر كمان
اهىء اهىء

همس الاحباب يقول...

هههههههههه
وقعت ولا حدش سما عليك يا سونه
مش لازم سكورتوره يا عمنا
ودى مش مواصفات سكرتيرةخالص يا ست شفق ة
دى تنفع مواصفات خفير تربى البساتين
قلبى معاك يا سونه يا صاحبى
ههههههههه

كيــــــــــــارا يقول...

ماكنش يووووووووووووووووووووووومك ياشفقتي

هيجبلك ضوووووووووووووووووووره وانتي ساكته

فين السواطيييييييييييييييييير والسكاكين وجميع اسماء الالات الحاده اللي انا مش عارفها

بت سيرش في جوجل هيجبلك كل حاجه

ال سكرتيييييييييييييييره ال

ودي مواصفات رقااااااااااصه مش سكرتيره

وقااااااااااااااااااااعد طول الليل علي النت عشان يعمل الاعلان دا

لا ممكن

يا السكتيره دي تتلغي وتتحط شروط شفقتي حبيبتي ياااااااااااااا



نحكم عليه بايه يابت ياكيتي

نحكم بايه

اااااااااااااه


بودرة العفريت

اقلبيه كل هدومه بالبودره دي

ويبقي يوريني منظره بقي قدام الرقاصه يوووووووووه قصدي السكوتيييييييييييره ههههههههههههههههه

سمو الأميرة سارة يقول...

آل سكرتيرة آل دا لو قالك ضرة هتبقى ارحم من السكرتيرة
اوعي تسكتي يا شفشوقة يا حبيبتي
لو سكتتي مش هتبقى واحدة دا هيبقى طقم سكرتارية

انا جاية اهدي النفوس بس احم
امشي بقى قبل ما الحريقة تقوم هههههههههههههههههههههههه

donya يقول...

مساء الخير
هو بالصلي علي النبي كده السوكورتيمه دي هتعمل ايه
يعني مهامها الوظيفيه هتكون ايه باظبط

هههههههههههه

*تحياتي علي البوست الجميل

شفـقــة و إحســــان يقول...

همس الاحباب
ايه يا عم همس هو كان فوق الرصيف ولا ايه قال وقع قال ده الهواء هو اللى رماه
وبعدين ايه حكاية الخفير وترب البساتين دى؟؟
عموما وحدوه وكلنا لها مش يعمل لاخرته احسن من دنيته اهو الخفير يجبله حسنات مش ست هانم سيئات
عموما تحيا لك من امام مدفن ام عميشة بترب المجاورين
وحدوه

شفـقــة و إحســــان يقول...

كيارا
وهو يوم واحد يا كيارتى ده الاسبوع كله وحياتك ده انا جالى الرعاش منه
بس ايه حكاية الضرة دى؟؟ انا باكلها مشوية وعلى الكورنيش
اما بخصوص السكاكين والسواطير ففبيبعتولك احلى سلام من الدرج ويادوبك لسه مسنياهم وعلى الحامى
وبعدين اسكتى مهو طلع فعلا كان طالب راقصة لان الباشا غير نشاطه وفتح نايت كلب "كبارية يعنى" عقبالك
وزغرطى يلى انتى مش غرمانة

شفـقــة و إحســــان يقول...

سمو الاميرة سارة
مولاتى ازيك المملكة شكلها اعباءها كتير
لكن ايه حكاية الضرة اللى انتم كلكم ماسكين عليها دى ؟؟
انتم بتتوحموا ولا ايه ؟؟ طيب بتحبيها مقلية ولا مشوية
وكمان وماله حتى لو كانوا طقم سكرتارية وانا طقم اسنانى راح فين
هيجبلى طقم هوريله الطقمبس طقم عن طقم يفرق انا مسنياه
ومتنسيش تجيبلنا معاكى المطافى المرة اللى جاية بعد ما ولعتلنا فى المدونة منك لله

شفـقــة و إحســــان يقول...

donya
بتسالى ليه؟؟
اوعى يكون السولارى اغراكى وعينك زاغت ... لا خلينا اصحاب وحبايب
وبرضوا انا هعرفك مهامها الوظيفية من باب العلم بالشىء
مع تعديل طفيف وهو مهامها المطبخية لانها هتطبخ وتمسح وتغسل وتربى العيال امال المرتب الكبير ده ليه علشان خاطر جمال خطوتها
ولا حلاوة عينيها
واللى مش عاجبها تضرب راسها فى الحيط

همســات عــلى ضــوء الــقمر يقول...

هههههههههههههه

ايه دا ياشفيقة

زى العسل والله

همســات عــلى ضــوء الــقمر يقول...

انا مبسوطة بزيارتك وربنا يديم التواصل

بس لازمن تيجى وتكتبى تعليق تانى علشان اللى كتبتيه

قعدت ادور عليه
الاقيه فى الموضوع اللى قبل ه:):)

كتابة التعليق هتلاقيه فى اول الصفحة :)
قبل الموضوع مش بعده
مساء الفل

شفـقــة و إحســــان يقول...

همسات على ضوء القمر
تعالى خدى شوية من البلاص

شفـقــة و إحســــان يقول...

همسات على ضوء القمر
معلش اكيد حصلى حول .... اظاهر ان اللى بيعمله احسان فيا بيطلع على الناس وانتى كنتى اولهم
المرة اللى جاية هاجى اعلق على البوست اللى من سنة فات

اقصوصه يقول...

looooooooooooool
احسان هذا

طلع مش هين ابدا

بس بجد على راي المثل

يا ما تحت السواهي دواهي

ع العموم يا شفقه يا اختي

انا مش حوصيكي

الرجاله دول انتي عارفه ملهمش امان

وجووووزك على متعوديه!!

ليس فقيرا من يحب يقول...

هههههههههههههههههههههههه

عندك حق يا شوشو بت واعيه صح

ايون كده عايزاكى تبقى بعشر عيون

وخلى بالك من احسان عايز سكرتيرة

لاااااااااااااااااااااااااا

الراجل ده مش جايبها لبر

(كلمتين فى ودنك ) خفى على الراجل شويه

ههههههههههههههههههههه

انتى زى العسل على فكرة ودمك شربات

ناقصك بس تبقى هيفاء عوجاء بيضاء

وكده يعنى هههههههههههههههههههه

فتاه من الصعيد يقول...

هههههههههههههه

لا اوعي يا شفشق والسكرتيره ..... دول بلاء يا بنتي

خللي بالك من زوجك المصون :D

تحياتي

شفـقــة و إحســــان يقول...

اقصوصة
ايه يا اقصوصة حصة اللغة العربية الفصحى دى ارحمينى هتبقى انتى واحسان هذا؟؟
ولعلمك احسان ده لين مش هين
وياما تحت السواهى سكرتيرات

شفـقــة و إحســــان يقول...

ليس فقيرا من يحب
طيب عايزانى ابقى بعشر عيون واودى بقية الحاجات اللى فى وشى فين؟؟
مش فى مناخير وبق وودان ولا ايه ؟
ويا ستى هو هيجيبها لرأس البر بس فرقة معاكى فى الرأس
اما بخصوص انى اخف فوحياتك انا 50 كيلو اخف اكتر من كده ايه ؟؟
ولعلمك انا مش هيفاء عوجاء انا نانسى دعجاء

شفـقــة و إحســــان يقول...

فتاة من الصعيد
وحياتك السكرتيرة دى بلاء وذكاء ودهاء مش بلاء بس
وربنا يصبرنا على البلاء بس ايه هدعى عليها دعا يشيبها
وبعدين ايه خلى بالك من زوزو ده
على اساس ان احسان بيقوم بدور حسين فهمى؟؟
طيب الهى يارب مصير السكرتيرة يبقى زى مصير سعاد حسنى
دعوة ولية ساعة عصرية

شوكولاتة يقول...

ههههههههههههههه
أنتي عسل قوي ياشفقفق بوست يجنن ودمه خفيف قوي بس سيبي الراجل يتدلع شوية

هههههههههههه

تحياتي

سومه...مجنونه فى بلد عاقل يقول...

انا نزلت تعليق هنا من يومين راح فين خياااااااااااااااااااااااااااااااااانه لالالالالالالالالالالالالالالالالالالالالالالالالالالالالالالالالا

سومه...مجنونه فى بلد عاقل يقول...

ازاى تسالى سؤال زى دا يا شفقه طبعا السكرتيره :))

شفـقــة و إحســــان يقول...

شوكولاتة
لو البوست جننك يبقى على العباسية عدل واوعى تزورينا تانى لحسن يجيلنا استبحس
وكلمة فى سرك الراجل لو سيبته مش هيتدلع لا هتبقى كلمة تانية على نفس الوزن والحدق يفهم

شفـقــة و إحســــان يقول...

سومة المجنونة
احنا هننصب من اولها يعنى احنا مثلا جوعنا فكلنا التعليق ولا ايه
مش عايزين نصب

شفـقــة و إحســــان يقول...

سومة
يا ريتنى ما كنت سالتك.... يتقطع لسانى
انتى انضميتى مع زب الاعداء يا سومة؟؟
اعترفى قرى ... الراجل ده اداكى كام ها؟؟
والله شكلك كده انتى اللى منشنا على الوظيفة

شربات يقول...

ديما ظالمة جوزك كدة يا شفقة


ههههههههههه

الرجل عايز حد يساعدة فى الشغل عادى

خلية يجيب رجل سكرتير

هههه

تحياتى

رحــــيـل يقول...

ههههههههههههه

صح برافوا عليكى ياشفقه اوعى تسبيه يعمل اعلان قال اعلان قال

وبعدين كده مواصفات عروسه مش سكرتيره انا بهدى النفوس يا احسان معلش اصل احنا حريم مع بعضينا ولا زم نوعى بعض
ربنا يهنيكو يارب دايما

micheal يقول...

ههههههههه..منها لله الأفلام اللي بوظت صورة السكرتيرة
:)
بهدلتي الراجل
عيشة الكيلاني
ههههههههههههههههههه
فكرتيني بحلقة شهيرة في مسلسل ساكن قصادي لما سناء جميل خافت على جوزها عمر الحريري أنه يجيب سكرتيرة حلوة زي ما مطلوب في الإعلان، راحت غيرتله صيغة الإعلان واختارتله قمر هلال منير
اللي كانت إنعام سالوسة
:))
تحياتي

حنين يقول...

شفقه هانم واحسان بيه
انا معجبه جدا بإسلوبك جدا وطريقتك جميله ومدونتك رائعه
انا اول مره بكتب واتشرف بدعوتك لزياره مدونتى الجديده وزيارتك تعتبر تشجيع انى استمر
حنين

Saso يقول...

شفقه واحسان
انا اول مره ادخل هنا بس بصراحه لقيتنى عماله اطلع من بوست على التانى كدا وانا زى مااكون منومه مغناطيسيا
اه والنعمه حقيقى بجد مدونه دمها خفيف اوى بجد
تحياتى
ست شفقه انا معاكى على طول الخط وممكن نكون نادى لمصاصى الدماء ونمص دم السكورتيراااااااااات الحسناوات
ههههههههههههههههه

شفـقــة و إحســــان يقول...

شربات
لا كده بقى تبقى شرابات مش شربات بقى انا ظالمة ده انا ست وديعة والنعمة وديعة الصافى كمان
وقال يجيب راجل قال ساعتها لو انا اللى اقترحت الاقتراح ده هيدبحنى لو انتى عايزاه تقترحى اتفضلى

شفـقــة و إحســــان يقول...

رحيل
وانتى برضوا تعرفى عن اختك كده؟؟
بقى انا برضوا هسيبه يتحدانى وهسكت
وتحدى
ميرسى على تهدية النفوس يا رحيل وياريت بقى ترحلى من هنا
بس وحشتنى موت ولا هو الرحيل واخدك مننا؟؟

شفـقــة و إحســــان يقول...

micheal
بقى منها لله الافلام ولا منها لله الرجالة ام عينين زايغة ومايعة.... ها؟؟
اهو انتم كده يا معشر الرجالة ما تقولوش الحقيقة بوتيتا
ونصيحة بطل تتفرج على المسلسلات بتاعة ساكن قصادى دى لحسن المودام تمسكك متلبس مع الجيران

شفـقــة و إحســــان يقول...

حنين
ايه الكلام الحلو ده يا حونين بس؟؟
والله اخجلتى تواضعنا لو كان فيه اصلا
بس بجد حسستينى انى طه حسين
تسلمى على ذوقك
بس لو عايزانى ازورك خدى ميعاد من السكرتارية علشان معنديش وقت فاضى

شفـقــة و إحســــان يقول...

saso
يارب بس السلم عندنا ميكونش عالى وقطعلك نفسك من الطلوع والنزول وعلشان خاطرك انا هخلى احسان يركبلنا اسانسير اهو احسن من السوكورتوره المدعوة
وده طبعا لانك هتبقى معايا على طول الخط
بس صحيح مقولتليش الخط طوله اد ايه ؟؟

حنين يقول...

شكرا على زيارتك نورتينى بجد
على فكره انتى حقيقى من المدونات اللى دخلت قلبى واتمنى نكون اصدقاء ونتبادل الزيارات فى كل جديد

صدى الصمت - عاشقة الورد - يقول...

ههههههههه
والله إنتى دمك زى العسل وكنت حارمانة من بوستاتك اللذيذة بقالنا كتير
معلش بقى تعالى على نفسك وإقبلى موضوع السكلاتيرة دة بصدر رحب بس خلى عينك فى وسط راسك وحرصى على جوزك أحسن يطير
تحياتى

ريمان يقول...

ههههههههههههههههههه


هههههههههههههههههههههههه


ههههههههههههههههههههه




مش قادره ابطل ضحك


مضحكتش طول اليوم وكنت فى حاله نكد بس انتى خففتى عنى والله


المهم جبتى الصور دى منييييييييين

فظيعه بجد

وكلامك واسلوبك يموتوا من الضحك


تسلمى

بس مالوش حق بصراحه انا من رايى يعينك انتى السكورتوره بتاعته


هتبقى هيصه

شفـقــة و إحســــان يقول...

حنين
يا بنتى انا نورى يغطى على الكهرباء
دانا 550 فولت

شفـقــة و إحســــان يقول...

حنين
يا بنتى انا نورى يغطى على الكهرباء
دانا 550 فولت

شفـقــة و إحســــان يقول...

عاشقة الورد
عايزة بوكية انا ماليش دعوة عايزة بوكيه
وايه حكاية بوستاتى اللذيذة دى انتى كنتى بتقريها ولا بتاكليها؟؟
ربنا يستر علينا
وعموما انا باخد الموضوع بصدر رجب لان رجب حوش صاحبك عنى صدره كبير وعريض وبيضرب كويس
وعلى فكرة احسان معندوش جناحات وما بيعرفش يقلد الحمام يعنى قاعد قاعد مش هيطير ولو عملها هقصقصله ريشه
انا واعية

شفـقــة و إحســــان يقول...

ريمان
يا بنتى وجعتى دماغنا من الضحك اقفلى بقك شوية
وايون كده قوليله وفهميه انى انا اللى انفعه ومالوش غيرى
شفتى انا بتوه ازاى على موضوع الصور
برضوا مش هقولك جبتهم منين دى اسرار المهنة

Desert cat يقول...

ده سكرتيرة بالمواصفا تاللى احسان بيه طالبها ومرتبها 275 جنيه
ده فى سنة كام ده يا شفشف

نهر الحب يقول...

بصى يا شفقة ياختى انا هرسيكى على المفيد من غير لف ولا دوران
انتى لازم تخدى بالك شوية من احسان
سكرتيرة اية دى اللى عايز يجيبها ؟
مانت عارفة المصايب اللى بتجى من ورا السكرتيرات وبالذات المتفرغات قال متفرغة قال
وبعدين انا عيزاكى تصقصى ريشة شوية عن كدة
معنى انه يدور على سكرتيرة ان القرش جرى فى ايدة
شوفى لك حجة وخدى منه القرشنات دى قبل ما يلاقى سكرتيرة




هههههههههه


نسيت اقولك انى كنت متقمصة دور مارى منيب
هاهاهااا
وحشتينى ياقمر

bos bos يقول...

ههههههههههههههه

متأكده ان دى مواصفات سكرتيرة

وكما إيه المبلغ الكبير ده اللى هتاخده

هههههههههههههههههههههههه

لاسع افندى يقول...

الراجل ندم انه فكر يطلب سكرتيره




تحيه لاسعه

وومن يقول...

ايه ده بقي يا ست شفقة كدة برضة تقفلي علي السكرتيرة يا ستي خلينا ناكل عيش

وعلي رأي مايكل منها لله الدراما اللي بوظت صورة السكرتيرات

وبعدين هايروح بعيد ليه بس رجالة زي القرع تمد لبرة صحيح

وحشتوني قوي

mony يقول...

شفقه هانم
ايه اللى عاملاه ده
الراجل عاوز حد يساعدك
لما يكونوا اتنين فى بيت او
تلاته او اربعه حتى الحمل يخف من عليكى واحده سكرتيره وواحده يتفسح بيها
وواحده للعيال وواحده للمطبخ
كدا يعنى
وعموما التانيه هتبقى زى الاولى بعد شويه يا...سونه

مدونتى إسمها مرايتى يقول...

وماله السوكرتييييييييييير

يعنى

ولا هو خلاص يعنى

لا وريله العين الحمرا

وليكن شعارك

يا أنا يا السوكرتير

لن أقبل بسوكرتيره

شفـقــة و إحســــان يقول...

Desert cat
المرتب كبير صح؟؟
وبعدين ايه حكاية سنة كام دى؟
عموما هى فى كى جى تو

بنت مصريه يقول...

هههههههههههههههههههههههههههههههههه
دا انتى مسخره
خليكى على موقفك شا شفشق يا اختى قال سكرتيره قال اهه دا اللى ناقص
ههههههههههههه
نورينى يا قمر

شفـقــة و إحســــان يقول...

نهر الحب
ايه يا نهر حكاية ههرسك دى ولف ودوران ؟؟
ايه يا بنتى انتى راكبة عربية ورايحة دوران شبرا؟؟
ده انتى جاية مدونة افظع اتنين فى العالم
وقال اخد بالى قال وانا ملاحقة عليه
كمان انا جبت كل المقصات اللى عند الحلاقين وقصقصت كل الريش وتاويته ومحدش يعرفله طريق جره ولما نشوف
اما بخصوص القرشنات فانا منفضاه اول باول قرشنات وحوتينات وكابوريات وكل انواع السمكات ما تخافيش على اختك بلطية العايمة
وبما انك تقمصتى دور مارى منيب ياريت تيجى تتقمصى مع احسان الحموات الفاتنات
وحشتينى

شفـقــة و إحســــان يقول...

bos bos
بصى يا بص بص .... المرتب فعلا مغرى اغراء بشع
بس السكورتيرة مش هى اللى هتاخده .... لا ده قفاها وانتى الصادقة اللى ههرى انا تلطيش لو عتبت هنا

شفـقــة و إحســــان يقول...

لاسع افندى
انت بلسعانك ده حرقتلنا المدونة ولاسعت اطرافها يلا معلش خليها علينا
بس لعلمك هو مش ندم بس لا.... ده ابدى الندم لحد ما اتعدم

شفـقــة و إحســــان يقول...

mony
عايز حد يعرنى وانتى الصادقة مش يساعدنى
وبعدين ايه يا مونى التفاؤل اللى انتى فيه ده اربعة مرة واحدة؟؟
عملالى فيها مخرجة راجل وست ستات

شفـقــة و إحســــان يقول...

وومن
انا مقفلتش عليها جايز الباب هو اللى اتقفل لوحده وحبسها
وبعدين يا وومن العيش دلوقتى بقى وحش وبيجيب امراض منيلة ما تاكلى جاتوه او بيتى بان لازم العيش يعنى؟؟
وبعدين مين مايكل ودراما دول؟؟
هما اتنين متجوزين زينا واتخانقوا علشان السكرتيرة برضوا
عموما معلش وكلنا لها
وبعدين يا بنتى هما بيمدوا لبره علشان الغطا بيبقى قصير وهما رجليهم طويلة....فهمتى؟؟

شفـقــة و إحســــان يقول...

مدونتى اسمها مرايتى
بس اوعى تقفى ادام مدونتك كتير لحسن تتجننى
لكن شايفة يعنى شعر وعين حمرا ...ايه يا بنتى هو احنا فى كوافير؟؟
ولعلمك بقى انا وريتله كل الوان الطيف لكن اظاهر مش هينفع معاه ....الا الليزر

شفـقــة و إحســــان يقول...

بنت مصرية
كده برضوا يا بنت وقال مصرية قال ليه شربتى من نيلها؟؟ طيب جربتى تتنيليلها؟؟
بقى انا مسخرة انا.؟؟
ليه شايفانى لابسة المحزق والملزق وحاطة روج فاقع ومتحزمة اخص عليكى اخص
ما كانش العشم
والنعمة لاوريكى
وقال جاى تصلحى فى الاخر وتقولى نورتينا ...ما طبعا يا بنتى انا نورى يغطى على الكهرباء

مي يقول...

ياخرابىىىىىىىىىىىىىى على العثل هو ايه سونة عايز نضارة شكله ياختى يبقى معاه العسل ده كله ويجيب سكورتورة هههههههههههههههههه لالالالالالا لاينكن ابدا ايوة شاطرة خليكى زى اطاطا هما الرجالة كده مالهمش امان ولا بطيخ هقهقهقهق بكره يقولك السكرتورة عنست و ليها باقى حساب لازم اتجوزها هههههههههه
لا انتى خليكى مصحصة يا شفقوتى ومعاكى نحن النساء هههههه
تسلم ايدك بوست جميل بجد