الأحد، 20 يوليو 2008

بنــــــــــــــــــــــــات كووووووووووووول




النهاردة يا اصدقائى المدونين هتنتقل بنا الحلقة الى اقرب غرزة .................حيث سيتم نقل المحششة الى هناك



اقصد اننا النهاردة ان شاء الله هناخد لنا نفسين كده على ما قسم .....وهاننفخ لنا حبتين



قوم ايه بقى وانا ماشيه لقيت شوية بنات قاعدين على القهوة



وعاملين تقليعة جديدة ....طبعا عايزين تعرفوا ايه هى التقليعة



هى شد الانفــــــــــاس وضرب الاخمــــــــــــــــاس



****



انا بقى قعدت اتفرج عليهم وقلت اما اشوف ........نتيجة الضرب هتكون ايه



المهم ان كل واحد وواحدة قاعدين على القهوة وجنبهم الشيشة



وعاملين ينفخوا فى وش الناس لما خلونى مش شايفة ادامى



وما بقيتش عارفة البيت فين ........اظاهر من كتر الدخان البيت اختفى



قعدت اسال نفسى طيب واحسان....يا خرابى اظاهر برضوا انه اختفى من الدخان



يلا اهو يريحنا شوية ......الغريبة بقى انى حاولت اسال البنات دى



هو ينفع بنت تقعد على القهوة؟؟



ردت واحدة وقالت وهى مفزوعة ....... ياى وماى وسيتى امبوسيبل



انا قلت فى عقلى ايه يا بت يا شفقة



انتى غلطتى ولا ايه ؟؟



وبعدين معلش ما كنتش اعرف انها اسمها سيتىامبوسيبل وجدى امبوسيبل



وبعدين يعنى الواحد كان غلط فى ايه



ايه يا كميلة انتى وهى مش دى قهوة برضوا ولا ايه؟؟



المهم انك لما تقول كده تلاقيهم برقوا وردوا عليك بتناحة



وتقول القهوة دى........... بتاعة الناس البلدى



فقعدت اسال نفسى امال بتاعة الناس الفينو اسمها ايه؟؟



اه بيسموها ....فوكى شوب ............اقصد كوفى شوب



بس هى اصلها فى اللغة العربية............." فوكى"



يعنى فوكى كده .....وخدى راحتك على الاخر..... ولا يهمك



واعملى اللى انتى عايزاه



يعنى هو حد شايفك؟؟



مهو كله معمى ومش شايف ادامه من الدخان



وان حد شاف تلاقيها تقولك دى تفاحة!!



اه ...مهى دى كمان تقليعة اخر موضة بس مينى جيب حبيتين.....



حذفوا كلمة معسل....... وباكو دخان قص البرج



واستبدلوه بكلمة تفـــــــــــــــاحة



ده طبعا علشان الناس الفينو مش البلدى



يعنى بيسموها شيشة تفاحة.



لكن للاسف برغم كل محاولاتى ومجهوداتى



الا انى ما اقدرتش اعرف اى نوع من التفاح



يا ترى المصرى ولا الامريكانى ولا اللبنانى



****



وتلاقى الواحدة من دول قاعدة على القهوة اقصد" الفوكى شوب "



وحاطة رجل على رجل والشيشة فى ايدها....... ولا اللى بتعزف على الجيتار



والاهم من ده كله البـــــــــوى قفـــــــــــــا



اللى قاعد جنبها يرصلها حجرين ........بدل ما يديها بيهم فى نفوخها



عادى عادى مهو كله بقى تيكيت ايزى يا عزيزى



وخليك فرفوش..... واسبور ......ومبحبح كده ولذيذى



الاحلى كمان من ده كله الست اللى تلاقيها قاعدة مع جوزها واولادها



وعماله تشرب ..........ادام اسم النبى ياخده ويريحنا



اه ...وممكن كمان تلاقيه هو نفسه ما بيشربش



ويقول اصل التدخين ضار جدا بالصحة .......بس بيشجع المدام
على اى ضرر والسلام



****



انا بقى لما شفت كده كنت عايزة اصرخ



معقول المنظر ده؟؟



يا خرابى ......هى وصلت للدرجة ادى؟؟



طيب يا ستى انتى وهى بلاش فى الشارع خليكى فى البيت



ما انتى عندك شيشة جاهزة وزى الفل



انبوبة البوتاجاز...... ايوا اسمعوا كلامى دى حلوة اوى



الواحدة كده تفك الخرطوم والمنظم وعلى بقها عدل



اهو تريحنا من المناظر دى ......وكمان تعتقنا من الهباب والدخان



واهو يبقى مشروع قومى وخيرى



ايوه.....على الاقل هتبقى ساهمتى فى سد ثقب الاوزون



بدل ما احنا عاملين نقول الثقب كل يوم يوسع من الدخان والبلاوى



****



المهم انى حاولت اعمل استنطاع راى واستنطعت عليهم



اللى تقول اصلى قرفانة ومضايقة والشيشة بطلع قرفى فيها



اهى بدل العيشة الزفت اللى احنا عايشينها



طيب يعنى النفسين دول يعنى هما اللى حلولك المشكلة؟؟؟



طيب والله كويس لو كان كده فعلا



اذا اثبتت الشيشة نجاحها فى حل المشاكل



يبقى كلنا نعمل اشتراك فى القهاوى

ونشجع صناعة المعسل ......وفتح الغرز...... ونصدره كمان



اهو نبقى ساهمنا فى ارتقاء البلد
ونموها اقتصاديا



****



واحدة تانية تقولك اهى الشيشة احسن من السجاير



على الاقل دى تفاحة وريحتها حلوة



طيب ما لو كده ما تروحى سوق العبور تشتريلك قفص تفاح



واقعدى شمى فيه للصبح...... اهو على الاقل طبيعى ومش مضر



****



واحدة تالته تقول.........الشيشة دى تغير وروشنة وحاجة جديدة



حلوة اوى دى طيب ما تروحى تحلقى زلبطة



او اقولك شلفطى نفسك بموس فى خلقتك اهى تبقى حاجة جديدة واورجينال وتلفت النظر برضوا



المهم ان نتيجة الاستنطاع



جاءت بنتائج جيدة واعتقد انكم استفدتم منها



وعارفة ان بسبب النتائج دى ان شاء الله كلكم من بكرة هتفتحوا قهاوى



وهتشجعوا الشيشة والمعسل



على العموم مش هطول عليكم علشان اروح الحق احسان قبل ما يخلص الشيشة لوحده









شفقة















هناك 85 تعليقًا:

نعكشة يقول...

ياي يا شفقة
اسمها كوفي شوف

وبعدين فية مانجة و خوخ و تفاح و اناناس

كلهم برضو اومال إية
احنا بنحب التنويع برضو

يلا عشن ميبقاش الشباب لوحدهم مش نافعيين
يبقي شباب و بنات
و يطلع الواد بوحمة معسل في قفاة

هههههههههههههههههههههه

ربنا يستر علينا


بس بجد احيي فيكي جرأتك انك سألتيهم

بتفكريني بالكويستشانيير اللي كنا بنعملة في الجامعة عن السجاير و المخدرات
دمتي سالمة

سلامٌ عليكي

بنت مصريه يقول...

والله عندك حق يا شفقه
الموضوع دا زاد وفاض وبقت حاجه تقرف بصراحه
انا كتبت موضوعين عنه ف مدونتى
واحد بالنثر والتانى بالشعر

النثر اسمه
عملتوا ايه ف شم النسيم انا قضيته مع الشمامين
والشعر اسمه
عاقل وسط ناس مجانين
اتمنى تشوفيهم انتى واحسان
سلام

mohra يقول...

و الله انا مابحبش المنظر ده لا من ولاد و لا بنات
و فى الاخر يعيوا و يقرفونا احنا

مواطن مصرى نايم يقول...

يا شفة ياختى مين سمعك
انا البوست اللى قبل اللى فات
كنت كاتب سطرين كده فيه عن البنات اللى بتشيش
حاجة اخر قله ادب

و الا الحتة دى
والاهم من ده كله البـــــــــوى قفـــــــــــــا

البوى قفا
ههههههههههههههههههههه
قفا من غير بوى خالص

بوست جميل و الله
سرد للاحداث احسن من شد الانفاس و الله
تحياتى

اسلام

Mahmoud البطراوى يقول...

يا بنتى ده من زمااااااااااان اوى اوى اوى اوى اوى اوى

ٍSOU يقول...

اممممم ..اعصابك يا شفقة و لا يهمك .. دة اعااااااادى .. من 4 5 سنين كدة رحت اشترى لبس من مول و لاول مرة بابا كان يدخلة المهم شاف مناظر البنات اياهم دول و لما نزنا اداهوملى ..
اية المكان الموبوء اللى انتى داخلاه دة اية المناظر دى.؟اومال فين الرجولة و الشهامة و النخوة ؟ و ادى ادى ادى ..
ياعمى انا مالى بيهم !!
حد يدخل مكان زى دة ..البلد واسعة عندك مالئتيش الا المكان دة و تخشية
!!!!!!!
و انا لا تعليق منى

ربنا يهدى العباد يارب
---

تعليق على جنب اسمحيلى بيها من غير ما تزعلى ..فى جملة مكتوبة اعتقد انها محتاجة تصحيح .. جملة : ..ادام اسم النبى ياخده ويريحنا .. انا قريت ان كلمة اسم البنى حارسة اصلا حرام عشان ربنا هو اللى بيحرس عبادة مش اسم النبى .. و ربنا هو اللى بيتوفى عبادة.
اسفة لو فى كلامى حاجة تضايقك بس انا حبيت انصح

Mony يقول...

دمك سكر كالعادة يا شفقة ياختشي


المهم احيٍكي علي شجاعتك في انك تسألي البنات علي المناظر اللي هم فيها


علي فكرة
ده نوع من انكار المنكر

مش الرسول صلي الله عليه وسلم بيقول من رأي منكم منكرا فليغيرة

و انت انكرتيه بلسانك


ربنا يهديهم و يهدينا

سوسا ومودى يقول...

هههههههههههه
حلو أوى البوست ده
كمان ليكى شويه تعبيرات وجمل بتخلينى أموت على نفسى من الضحك
وموضوع الشيشه ديه
فعلا الواحد بيشوفه عملى
المهم أنتى كمان والله وحشانى أوى أوى أوى

إيثار يقول...

ليه كده يا شفقة
خليكي انتي الاحسن

هههههههههههههههه

احنا ليه بقينا كده

سمر الشافعى يقول...

احمدك يارب انى عايشه بعيد عن المناظر دى بدل مايجيلى استبحس فدماغى

تحياتى

سفروتة يقول...

المناظر دي انا بشوفها كتير لما بروح وسط البلد

يااااااااااااااااااااااااااااااااااااااااااااااااااااااااااااه

والله بيصعبوا عليا...فاكرين ان ده التحضر والتمدن

وللاسف ميعرفوش ان كل اللي معدي جنبهم بيحتقرهم ولو يطول يديهم بالكوتشي علي نفوخهم


ربنا يهديهم

تحياتي
:)

Unknown يقول...

هى طبعا حاجة وحشة جدا بس انا عندى مداخلة متواضعة :انا شايفة ان البنت اللى بتشيش بتبقى عندها نقص عايزة تعوضه و عايزة تحس ان البنت زى الولد ماهيش كمالة عدد ومش واخدة بالها ان العدد فى الليموووووووووون يعنى من الاخر هى حاسة انها مش ولابد فبتخبى عيوبها عن الناس فبدل ما تشوفى عيوبها الفظيعة يلبس فيكى شكل الشيشة فتتلهى فيها وتسيبك من شخصيتها اللى اكييييييييييييييييد ضعيفة.........
ايه الرغى دة كفاية كدة عشان الحجلر خلص وهاقوم ارص غيره

RaRa يقول...

بجد معاكى حق
الحكاية زادت اوى اوى اوى
وقبل ما يعملو كده
مش بيفكرو فى صحتهم
ربنا يهديهم جميعا

بحييكى على موضوعك

د. إيمان مكاوي يقول...

بصره يا شفقه أنا كمان منزله لسه موضوع إسمه خليك كوووووووووووووول..إيه توارد العناوين ده
كلامك حقيقي حاجه مقرفه إن بنات تدخن شيشه وكمان معاها المفروض راجل
الأدهى من كده إني بشوف المناظر دي هنا في السعوديه وفي رمضان بعد ما يفطروا في الفنادق الكبيره .زيقعدوا يشيشوا بحس بمنتهى القرف..
تحياتي على موضوعك

وجهة نظري يقول...

طيب وبتلومي البنات والولاد ليه، يعني كام واحد من الشباب حيلاقي فساد وبوظان وميبوظش؟؟ العيب مس عليهم، العيب علي الحكومه الحقيره إلي سايبه المخاريب دي مفتوحه وسامحه بعيال لسه مطلعوش من البيضه يعملوا كده.

مش بس كده، العيب الأساسي علي الأهل. أصل أنا لو أفشت إبني والا بنتي بيشيشوا والا صايعين علي قهاوي ومخدتهمش علي قفاهم لحد ما عنيهم تحول، يبقي أنا الغلطان. أنا وكل أب وأم سايبين عياله سارحين في الشوارع والقهاوي وفرحان بنفسه.

هو دا الكلام، إنما حتقولي للعيال متعملوش كده وتاخدي رأيهم وتعملي إستطلاع رأي مش حيجيب نتيجه. اللسوعه علي القفا هي إلي حتجيب نتيجه حلوه.

بس حتقولي لمين، ما تلاقي بابا وماما بيشيشوا علي القهوه برضه!!!

تحياتي.

بنت من زحل A girl from Saturn يقول...

ههههههههههههههههههه
المناظر دى بقت عادية دلوقتى
الغريب انك تلاقى حد مش بيدخن
البلد حالها اتشقلب
ربنا يسترها معانا
شوفى البوست ده كده وقولى رأيك
http://nourmufic.blogspot.com/2008/07/blog-post.html

Desert cat يقول...

يا شفقه
الكيف مناولة مش مقاولة
خليكى كووووول

خالد كامل يقول...

انا أول مرة ادخل المدونة عندكم
و هى جميلة بصراحة
و بالنوسبة للبنات اللى بيشيشوا دول
فدة أكبر دليل على اننا فى بلد حضارى
و ان الحرية مكفولة للمواطنين
الحمد لله
تحياتى

حنين.. يقول...

ههههههههههههههههه, الحكايه دى من زمان يا شفاشق, , فمره, رحنا انا واخويا والحكومه بتاعته قهوه نسمع المتشش اخد العيله كلها.. ودخلنا, واذا بى الاقى البنات بيشربوا , قعدت استغفر ربنا... استغفر ربنا, وبعدين رحت موشوشه اخويا فى ودانه, وقوللته... القهوة دى باين عليها مش كويسه يلا بينا, قعد يضحك.......... هههههههههه وطلعت طبعا انا المتخلفه والجهله, واتغميت وروحت مغمومه ومهمومه, شفاشق يا حبيتى..... هى دى الديقراطيه, احنا اللى, ربنا يهديهم

كيكى عوووووو يقول...

عوووووووووووووووووووووووووو
انا
جيت اتخديتىىىىىىىىىىىىىىىىى
.............................
اخيرااااااااااااااااااااا
ظهرتىىىىىىىىىىىىىىىىىىىىىىى
.........................
انا قولت انك قتلتى احسان بك
علشان البوست الى فااااات
...........................
عايزن دم
.........................
ولااااااااااااااااااااا
لاااااااااااااااااااااا
حرام احسان بك
برضة....صديقى...
خلااااااااااااااااااااااااص
سماااااااااااااااااااااااح
بقى
سمااااااااااااااااااااااااااااح
سماااااااااااااااااااااااااااح
.........................
ربنا يقوينى على الخيررررررررررررر
...........................
ام بالنسبة لموضوعك
.....................
بى كووووووووووووووووووووووووول
ايزى خالص
....................
وسمعينى اغنية

السماااااااااااااااااااااااااااح
خيررررررررررررررررررررررررررررررر
......................
وربنا يخليكى ويسعدك على طوللللللللللل
الخط
.............................
بجد وحشتينىىىىىىىىىىىىىىىىىىى
اموااااااااااااااااااااااااااة
عووووووووووووووووووووووووووو

حبيبـــــــة القمـــــر يقول...

ازيك يافقه ياحبيبتي
وحشاني ياشيخه بقالي كتير مش بشوفك
احسان البوست بتاعه الاخير احتل المدونه بيه ولا ايه

المهم انتي بتتكلمي عن عاده سيئه كانت عيب وغلط للشباب والرجاله الكبيرة كمان
بس في زمانا الاغبر دا بقيت موضه للبنات ونوع من الروشنه وتطبيقا لمبدأ البنت زي الولد اشمعنى هو بيشرب منا كمان اشرب

وكأن المفروض ان اي غلط بيعملوه الرجاله لازمن وحتما ولابد الست بسسلامتها تعمله ومحدش احسن من حد

بقول ايه الموضوع دا بيحرقلي دمي وربنا
وكل ماروح كافتيريا بقى لازم اشوف المنظر دا وصوتي يعلى خصوصا لما اشوف ست كبيرة ومعاها عيالها وحضرة البيه الاسبور جوزها وبيناولها الشيشه
اسم الله عليه ربنا يحميه قمة الحريه والتحضر

الله يسامحك ياشفقه
فكرتيني وعصبتيني
بس سيبك انتي هو احسان بيشربها تفاح ولا ايه
بقى فيه خوخ كمان وكانتلوب
باينها ارخص من الفاكهه ولا ايه

Lady E يقول...

بجد دمك خفيف جدا يا شفقة

وبوست يضحك وينرفز في نفس ذات الوقت

انا بشوف البنات دول كتير ف الشوفي كوب

يووووووه ااقصد الكوفي شوب

وكنت مستغربة جدا لما لقيت اتنين بيشيشو ورجالتهم قاعدين معاهم مش بيشربو شيشة

بجد كان منظرهم وحش جدا جدا جدا

ربنا يهديهم يااااارب

تسلم ايدك عالبوست الجميل

Unknown يقول...

ههههههههههههه
كل ده وبعدين تقولي ألحق إحسان والله نكت
عارفة أحلى حاجة دمك الي زي الشربات ده أسلوبك صحيح عامي لكن زوقك عالي ف الكلام
ربنا يوفقك
كل ودي
وياريت تفتكرينا ده احنا اتنسينا من زمان

Princesa ... WHiSPeR يقول...

ايه ده دي موضة من زمان خالص يا شفيقة

دلوقتي بيشمو يع
سمعت انهم بيشمو الصراصير
علشان الشيشة والسجاير بتبوظ الجهاز التنفسي
بس الحاجت التانيه بتدمر على طول الجهاز العصبى
علشان يرتاحو من القرف اللى هم فيه

مايعرفوش ان هم القرف الوحيد في الدنيا دي

يلا ربنا يهدي كل البنات والشباب كمان

البنت فقدت رقتها واحترامها وكل حاجه ماجتش انها تفقد صحتها كمان في الشيشة والزفت

كنت اعرف واحده زميلتى فى الكليه
كانت جايبه الشيشات الصغيرة دى
وال ايه حاطاها ديكور فى اوضتها

غير معرف يقول...

وانتي ازاي يا هانم تروحي الاماكن دي؟؟ ها؟؟ كنتي ناوية تعملي ايه وبعدين تراجعتي في اللحظة الاخيرة؟؟
قولي
اعترفي
مش هضرب
خلاص امشي يا عصاية امشي يا عصاية
هي هتتكلم خلاص

ماشي ماشي
دي آخرة دلعي فيكي
حااااااااااااضر
المصروف مقطوع تلات سنين
اتصرفي بأه اشحتي اسرقي المهم مش هتنولي مني مليم
الميراث محرومة منه
العجلة مش هتاخدي مني لفة
موبايل؟؟ مش هتاخدي مني رنة
شوكالاته؟؟ مش هتاخدي مني قطمة

لالالالالالا
سيبوني محدش يحوشني

مها ميهوووو

تجربه المحب يقول...

هههههههههههه

أنا أول زيارة ليكى بس بجد بقى
مدونتك أنتى والاخ الجليل أحسان
تحفه
لدرجه أنى تقريبا قريت المدونه كلها
وأنا يا أخت شفقه أول زيارة ليكى لانى أنا أصلا جديده نوفى فى عالم المدونات اللطيف ده
وأتمنى أننا نكون أصحاب ونساعد بعض
ونفهم بعض ونشجع بعض
أطن الرساله وصلت
يعنى أنا عامله المدونه من 3 أيام
ومفيش واحد يوحد الله دخل وعبرنى بكلمه
الله يسامحكم
أهىء أهىء أهىء

تجربه المحب يقول...
أزال المؤلف هذا التعليق.
شفـقــة و إحســــان يقول...

نعكشة
منورة بس ها اتسرحتى ولا ايه؟؟
يا ستى اتسرحى انتى بس وانا عليا الامشاط
وبعدين بالى انتى قلتيه ده تبقى اسمها فكهانى شوب مش كوفى شوفى

شفـقــة و إحســــان يقول...

بنت مصريه
منورة على فكرة انا شوفت المدونتين بتوعك وهايلين بس الناس دى مش عايز نثر ولا شعر دول عايزين ذم اللى ما عندهمش دم

شفـقــة و إحســــان يقول...

mohra
والله عندك حق بس شكلك كده انف ومن الناس اللى بتخاف من العى ابقى خلى بالك منا لحسن احنا معدين عندنا حساسة فى البساسة

شفـقــة و إحســــان يقول...

مواطن مصرى نيم
برضوا شكلك كنت نايم يا اسلام وانت بتكتب البوست وجت على نفسك ليه وكتبت السطرين يا راجل كان كفايه كلمتين وبس على راى فؤاد المهندس

شفـقــة و إحســــان يقول...

بطوط حبوب
منور يا بطبط ايه يا عم ما تزقش عرفنا انه من زمان بس على ما وصلنى الخبر اصله كان جايلى موتورجل

شفـقــة و إحســــان يقول...

sou
ايه صيح يا سو ده ؟؟ معقول فى حد ياخد باباه الاماكن دى؟
يا شيخة انا لو منك كنت عزمته هناك كمان
هههههههههههههه

شفـقــة و إحســــان يقول...

mony
لا انتى ما تعرفنيش ده انا شجاعة شجاعة ما قولكيش بس اجدع واحدة تجرى عند اللزوم

شفـقــة و إحســــان يقول...

سوسا ومودى
انا فعلا ليا شوية تعبيرات فظيع بس ماليش جمل ....ليا خيل وبقر وحمير وكده يعنى اصلى عندى مزرعة عقبال عندك

شفـقــة و إحســــان يقول...

عاشقة الحب
ايه يا يمانه انا الشفقة مش الاحسن

شفـقــة و إحســــان يقول...

سمر الشافعة
ايه سمر انتى عايشة فى الادغال ولا ايه؟؟
ده المكان الوحيد اللىلا مفهوش المناظر دى

شفـقــة و إحســــان يقول...

سفروته
شكلك كده متاثره بفيلم بنات وسط البلد عموما عايزك اقولك ان هو ده التنتن مش التمدن

شفـقــة و إحســــان يقول...

enje
انتى علطول كده تتحشرى يا ساتر يارب ....عموما يا جيجى اللى عندها نقص بدل الشيشة تاخد فيتامين اهو افيد وبعدين انتى هتعمليلنا فيها سعاد حسنى
يلا امشى بقى لسحن احسان خلص الشيشة لوحده وهاتجيبى واحدة على حسابك

شفـقــة و إحســــان يقول...

rara
علمك علمك على راى محمد هنيدى انا معايا احسان مش الحق
وبعدين وانتى بتحينى بترفعى القبعة ولا لا؟؟

شفـقــة و إحســــان يقول...

ايما
وحشتينى ووحشونا البنين
بس المرة دى مش بصره لا سكرى ......مش عايزين تقليد بقى ....اه...لحسن اخطف واحد من البنين انتى حره

شفـقــة و إحســــان يقول...

وجهة نظر
منور وعلى فكرة انا بحترم اى وجهة نظر
بس سؤال هو حضرتك اللى مالف كتاب علشان متضربش على قفاك؟؟
وبعدين خلى باللك حتى لو عملتلهم حول مش هياثر اليزك ما خلاش

شفـقــة و إحســــان يقول...

nour
منور على نورك وهتعملنا قفلة
بس غريبة انا بقالى كتير فى البلد بس مش من المتشقليبين الحمد لله راسى لسه فوق ورجلى تحت

شفـقــة و إحســــان يقول...

desert cat
نونونو.....يا ريته كان مقاولة كانوا كسبوا دهب من الطلوع على السقالة ....وبعدين انا ما اعرفش ابقى كوووول لانى ببرد بسرعة

شفـقــة و إحســــان يقول...

مهيج الجماهير
منورنا ومكترنا بس انت عملتلنا زحمة بالجماهير يا ريت تبقى تيجى لوحدك.....مش عايزين طوابير
وفعلا احنا فى بلد بتاعة كوافيل!

شفـقــة و إحســــان يقول...

حنين
امانة عليكى تسلمى على اخوكى وخليكى كوووووووول

شفـقــة و إحســــان يقول...

كيكى
كده برضوا شكلك اتفقتى مع احسان عليا
عماله تقولى سماح وهو مغرم بسماح اظاهر ان اخر بوست علق معاكم
طيب مفيش سماح فيه سامح ينفع؟؟

شفـقــة و إحســــان يقول...

حبيبة القمر
منورة ازيك وازى القمر
اظاهر ان كلكم هتطبقوا نظرية سعاد حسنى .....وفروض النظرية هاتكون بنكهة الفواكهة

شفـقــة و إحســــان يقول...

lady e
منورة يا ليدى
بس ايه التناقض ده ضحك ونرفزة لا ارسيلك على حل ما تجنيناش

شفـقــة و إحســــان يقول...

كاتب مصرى
منورنا بجد انت فين يا راجل؟؟
وبعدين انا قلت قبل كده انا دمى تانج مش شربات كمان اسلوب مش عامى ده خالتى وخالى وستى وجدى

شفـقــة و إحســــان يقول...

la preincesa
منورة القصر بجد الواحد مش عارف يتكلم معاكى وهو منحنى ولا ايه على اعتبار اننا من الحاشية يعنى
وبتقولى صراصير وبتاع امال فين التمدن ياى دول لسه موصلوش لمرحلة الفيران والعرس...... مش من مستوايا دول كبيرهم بلاعة صرف صحى

شفـقــة و إحســــان يقول...

احسن تستاهل
كده برضوا تفضحينى ....يعنى هاكون رايحة اعمل ايه؟؟
قلت اعدى اشوف الفاكهة عندهم ارخص ولا عند الفكهانى
وبعدين كده تحرمينى من كل حاجة طيب انا هاعيش ازاى دلوقتى؟؟

شفـقــة و إحســــان يقول...

خد من عبد الله واتكل على الله
منور معرض الانتيكات
بس عايزة اعرف هاخد ايه المهم؟؟
وبعدين شكلك كده عايز مدرسة مش اصحاب واحنا بندى الحصة بخمسين جنيه والشكك مرفوع والزعل ممنوع

سبهللة يقول...

انا مش هازود على اللى اتقال فى العليقات غير حسبى الله ونعم الوكيل فى كل اللى سمح بدخول الهباب دة للبلد

ادم المصرى يقول...

يا شم الفسيخ ده يوم خنيق بجد يوم كل قرف وفساد وسبحان الله كل عام اليوم ده بييجى فيه مطر وتهب عاصفه برمال والله حصلت فعلا لمدتت تلت ثنين وانا لحظتها فعلا

مدام كعبولة يقول...

بسم الله ما شاء الله بجد يا شفقة انتي تحففففففة

و دمك زي السكر

احلي ما فيكي انك طبيعية و مش متكلفة في افكارك و كمان مبتحطي عن واقع ملحوس معظمنا عايشين فيه

الاهم من ده كله بدعيلك ربنا يوفقك في حياتك و يكملك بعقلك انك قدرتي تقنعي جوزك بموضوع المساحة المشتركة دي

ربنا يوفقكم و يسعدكم يارب

almasry يقول...

انتى كلامك كله تمام لكن تفتكرى بنت تدخن شيشه على قهوه ولا ولد يعمل باكات فى المحاضره ....... لو عاوزه أحكيلك الحكايه كامله مش عندى مشاكل لأنى اول مابدخل الكليه ويبتدى التيروم والله البكرى (بتاع الباكات) مابيخلنيش شايف قدامى ولله الحمد بطلع من المحاضره ناسى اسمى أصلى بقعد فى الخن الهادى ورا

على فكره انا كمان فى اعلام



تحيــــاتى
المصرى

canary يقول...

دة انتى رخمتى رخمتى يعنى
وليكى شويه أراء افحمتيهم بيها صحيح
واقتراحاتك لو حد عمل بيها هيخرب هيخرب
البوست جميل جدا وعجبنى جدا
تقبلى زيارتى
تحياتى

شهد الكلمات يقول...

والله يا شوشو يا ختي انا عملت اللي عليا و فتحت قهوة في مدونتي اسمها حكاوي القهاوي و اهي شغالة و بتجيب تغطيتها بس ناوية ان شاء الله اعمل تجديد عشان انتي متاخرة اوي تفاح اية بس
في كمان عندنا شيشة اناناس و فانيليا و قطران و جاز
و كله في الالسطة

لو عايزة تيجي انتي و سي احسان اهلا و سهلا هاعملكم اوفر و ديسكوند

المـــفـــــــقــــــــوعـــــة مــرارتـهــا يقول...

اذيك ياشوشو ياحبيبتي
طب تعملي ايه في اللي يروح بلاج وبدال مايشم هوا البحر يشم ريحة الشيشة
دي بقت ظاهرة تقرف وتقوليلهم عاوز تضر ضر نفسك مايصحش تضرني معاك بس الظاهر والله اعلم ان الشيشة بتعملهم نقص دم وبتخليهم مش بيشوفوا الا نفسهم وبس

كيكى عوووووو يقول...

انتوا مختفين ولا ايييييييييييية
؟
؟
امووووووووووووووووووت واعرف بتختفوا بتروح فين
!
1
!
عوووووووووووووووووووووووووو

بسمه عبدالباسط يقول...

ولسة ياما نشوف
ده بقى العادى الايام دى ربنا يستر

PrInCeSS BeRy يقول...

شفقة ازيك سلملى لى على احسان



البوست حلو اوى وواقعى كمان من اكتر الحجات الوحشة جدا انى اشوف بنت بتشرب شيشة وتكون عادية بالنسبة لها وكول فعلا وعادية وفعلا زى مقلتى يقولوا دة تفاح مفرقش كتير اكتر من اننا بنشوف شكلهم مش عادى وخلاص ربنا يهديهم ويبعد عننا العادات السيئة وانتى سردك عثل وطريقتك حلوة

Ahmed Fahmy يقول...

فعلا المنظر ده بيقرفني جدا
ع البحر بقي كتيييييييييير
اب وولاده و شلة بنات شلة صحاب
شلة رقاصين اي شلة واي ناس بتعمل كدة
اي كافية دلوقتي بقي ده فيه عادي
و لس الجاي اكتر سوءا

شفـقــة و إحســــان يقول...

سبهللة
اللى سمح بدخول الهباب البلد هو انتى
ايون السبهللة

شفـقــة و إحســــان يقول...

ادم المصرى
فسيخ ايه ورنجة ايه انت جعان ولا ايه يا ادم؟؟
شكلك كده كنت فاكر انك دخلت عند فسخانى مش شفقة واحسان

شفـقــة و إحســــان يقول...

مدام كعبولة
منورة بس عايزة اقولك ان هو اللى اقنعنى بعد صوات وعض وضرب علشان اتكرم واتعطف عليه ان اكتبى معاه

شفـقــة و إحســــان يقول...

almasry
ايه يا عم انت بتدرس فى كليه ايه بالظبط؟؟
شكلك كده مش اعلام دى غرزة وبتطلعى خريجين مساطيل

شفـقــة و إحســــان يقول...

canary
منورة كده برضوا اول زيارة تلبسينى قضية؟؟
وفحمتيهم وحرقتيهم ايه يا بنتى هو انا شوايه

شفـقــة و إحســــان يقول...

شهد الكلمات
ماشية معاك يا عم كده برضوا تفتحى شوفى كوب من ورانا ماشى ....وعلى العموم هاجى انا واحسان بس من غير اوفر ولا ديسكوند ....بلوشى اه احنا ما بندفعش
حكومة

شفـقــة و إحســــان يقول...

المفقوعة مرارتها
اه يا ليئمة وانتى ايه اللى وداكى البحر ؟؟
كده برضوا بتصيفى من غيرى ماشى

شفـقــة و إحســــان يقول...

كيكى
عوووووووووووووووووووووووووووو
عايزة تعرفى انتى بنختفى نروح فين؟؟
مش هاقولك وبطلى تتحشرى يا رخمة
عوووووووووووووووووووووووووووو

شفـقــة و إحســــان يقول...

bosbos
الحمد لله الواحد لابس نضارة يعنى يا دوبك يشوف طشاش

شفـقــة و إحســــان يقول...

princess bery
احسان بيسلم عليكى وبيقولك اعذريه علشان الشيشة فى ايده
وبيعزم عليكى بنفسين

شفـقــة و إحســــان يقول...

ahmed fahmy
معلش اللى عايز يصيف يستحمل المناظر ده بس المناظر ده بيعملها الناس القلة مش الشله

Mona Shereif يقول...

عارفه انا بحمد ربنا انى مش بشوف المناظر دى.. لانى ولله الحمد عايشه فى قريه
ربنا يعافينا يارب ويهدى الشباب

FreeKiller يقول...

ويقول اصل التدخين ضار جدا بالصحة .......بس بيشجع المدام
على اى ضرر والسلام


عشان يخلص منها طبعا



تسلمي عالبوست

Bosssssy يقول...

موضوع جميل اوى........

بجد الحمد لله انى عايشة فى الارياف لاننا مش بنشوف الحاجات دى........

لكن للاسف شفت المناظر دى كتير فى المصيف.......وبصراحة التفاح دى كانت ريحتها حلوة اوى.....هههههههههههههه

بجد ربنا يكرمك وياريت فعلا الشباب والبنات يعرفوا ان ده مش من تعاليم الاسلام ابدا وربنا عمره ماهيكون راضى عنا واحنا عايشين فى متاهة الامركة دى.

مع تمنياتى بالتوفيق.........

Pusssssy

شفـقــة و إحســــان يقول...

sometimes
الحمد لله فعلا انك عايشة فى قرية منلقيش عندك اوضة بمنافعها علشانى انا واحسان

شفـقــة و إحســــان يقول...

freekiller
طبعا علشان يخلص منها امال علشان بيموت فيها والنبى شكلك انت كمان من اسمك بتعمل كده بس خلى باللك انا بشتغل مرشدوهبلغ عنك

شفـقــة و إحســــان يقول...

pussy
ايه هى الناس كلها هجت على الارياف ولا ايه ؟؟
شكلها كده ريحة الشيشة خلت الناس طفشت
احسن علشان نعرف نشيش انا واحسان براحتنا

Mafrousa يقول...

يا شفقة هااانم
ده كده و رمضان لسة ماجاش
لما يهل شهر الصوم
كل سنة و انتي طيبه و جوزك احسان طيب
حتلاقيهم على الارصفة ....مش فى الكوفي شوب

يالله اهي دنيا
اللى يعيش ياما يشوف
بس كلام فى سرك مش شديتيلك قد نفسين
قولى حجرين....:)))))))
على العموم انا بحب ريحتها
وماتقوليليش ليه
زي كده لما بقرف من ريحة السيجار
برضه ما تقوليليش ليه
وبحب ريحة البايب...وبرضه ماتقوليليش ليه
هههههههههههه
يلام
ورمضان كريم

انا من اهوى ومن اهوى انا يقول...

هى جت على الشيشة

يا شفقة انتى بس تلاقيكى مابتخرجيش كتير فما تعرفيش البنات دلوقتى بتعمل اية الشيشة دى عادى تفاح اية بس دول بيشربوا عليها مخدرات دلوقتى

وبرشام ثرثرة والعيشة بقت خيال علمى خالص

دا غير حفلات الرقص الجماعى والديسكوتيك والفنادق وغيرة وغيرة

وشارع جامعة الدول شاهد على كل دا

انصح كل سيدة او انسة محترمة انها ماتنزلش الشارع دا علشان هاتشوف اللى يأذى عينيها

بس حلو اوى الحتة بتاعة تحلق زلبطة هههههه

والله عملوها بس مش فى مصر بس قلبى حاسس انها هاتتعمل قريب

Unknown يقول...

للاسف البنات اللى بيشيشوا بقم اكتر من الولاد دلوقتى
.. والموضوع ده بقالو مده كبيره مش لسه جديد ربنا يرحمنا ويعف عنا


...مدونتكم لذيذ ودمها خفيف ...

FreeKiller يقول...

طلعت اوت منك المرة دي يا شفقة
لاني ببساطة بنت
مش راجل
اه و الله
تصدقيها دي؟؟؟؟