السبت، 23 أغسطس، 2008

التاج وصل يا جدعــــــــــــان




لتانى مرة اعزائى المدونين يوصلنا التاج المتين ........المرصع بالاحجار الكريمة والبلاتين
وده طبعا علشان احنا مدونين مش فاشلين ............وبنعيش حياتنا بحبة تهيس ودايما مجانين


كمان احب اشكر الاخت العزيزة "جوجو" حبيبة قلبى اللى اهدتنا التاج انا واحسان........ بس احب اعرفكم انى هاخده لوحدى وابقى ادى احسان منه فص بس كفاية عليه كمان علشان ما يبصليش فيه



نيجى بقى للاسئلة الفظيعة اللى تودى فى داهية اكيد كلكم دلوقتى عايزين تعرفوا عننا كل حاجة بس بعينكم


استعنا على الشقا بالله ......بسم الله نفتتح الاسئلة



بدات تدون من امتى ؟؟؟ ودخلت العالم ده ازاى؟؟؟
بدات ادون انا واحسان من حوالى 6 شهور
وعرفت التدوين عن طريق برنامج فى التليفجين كان بيتكلم عن التدوين والمدونين وانا طبعا عندى حب استنطاع فاستنطعت وقعدت ادور واشمشم على النت لحد ما عملت مدونة لوحدى مش هاقولكم ايه هى لانها مفاجاة ومن فترة كبيرة وبعدين احسان غتت وغلس وغار منى فاقترح اننا نعمل مدونة سوى يا ساتر على الرخامة

*********

ايه كان انطباعك فى البداية؟؟؟
احساس حلو اوى اوى وعالى جدا لحد اوضة السطوح .....كان نفسى ابقى كاتبة مشهورة والحمد لله التدوين اتاح لى الفرصة واصبحت كاتبة مهروشة
اما بالنسبة للاحسان فكان سعيد جدا جدا نظرا لانه لاقى مورد جديد يشحت على بابه

*********

مين اكتر واحد بتهتم بتعليقه على بوستك الجديد؟؟
بصراحة بهتم بكل المدونين وبنبقى نفسنا كل المدونين يبقوا اصحابنا ويزورونا علطول
بس عن نفسى بهتم بالمفقوعة مرراتها لانى مفقوعة زيها......وبسوسة الطريق الى الكوشة علشان بدور معاها على عريس لاخواتى
ونعكشة علشان انا بموت فيها......وكيكى لانها دايما بتخضنى لحد ما شعرى ابيض......وجنة عروسة ننوسة علشان احلى عروسة

*********

ايه اهم حاجة اتعلمتها من عالم التدوين؟؟
بالنسبة لى تكوين دائرة لا باس بها من الاصدقاء وتبادل الاراء والمعلومات والقراءة
بالنسبة لاحسان بردوا تكوين صديقات " اقصد صداقات" وانه لاقى حاجة تشغلنى عنه واتلهى فيها

********

ايه اكتر حاجة كرهتها؟؟
الناس اللى بتدخل تشتم وتكون غير معلومة الهوية علشان ببقى نفسى اعرفهم علشان اوريهم
وكمان الناس اللى بتدخل تدعونى لزيارة مدونتهم والتعليق عليها بدون ما يعلقوا عندنا

*********

حاسس ان التدوين له تاثير؟؟
طبعا له تاثير كبير جدا بالنوسبالى لانى بالتدوين لقيت حاجة انشغل فيها واحقق فيها طموحاتى وهى الكتابة والفضفضة
وطبعا بالنسبة لاحسان فهو له تاثير كبير جدا فهو اصبح المتنفس الوحيد اللى فيه بيقدر يطلع اللى جواه ويفضحنى على الملا

*********

تهدى التاج لمين؟؟
اخ وصلنا للسؤال الصعب ......انا عموما نفسى اهديه لكل المدونين بس اكتر ناس هما
مسز سوسة....." الطريق الى الكوشة"
عروسة ننوسة....." مذكرات عروسة ننوسة"
حماتى ملاك........." المفقوعة مرراتها"


اسلام.........." قهوة نام يا مصرى"


ميوشة........" يوميات طالبة فاشلة"

كيكى "فكك منى"
سومة مجنونة فى بلد عاقل"



وسلام بقى كفاية عليكم كده

هناك 90 تعليقًا:

Lady E يقول...

بجد بجد بوست يجنن

وانا سعيدة اني اول واحدة ارد بالعربي بعد كل لغات العالم في التعليقات اللي قبلي

ويا رب متكونيش مخنوقة مني يا شفقة من البوست اللي فات

عروسة ننوسة يقول...

مبروك ليكم بجد انتوا تستحقوا مليون تاج وميرسى على اهداءك للتاج

maiosha يقول...

إيه ده ؟؟ بجد جالى تاج

الحمد لله
والله يا جماعة أنا كنت الأيام دى مشغولة جدا بس الحمد لله لسه دلوقتى واخدة براءة

إن شاء الله هرد عليه على طول

ربنا يخليكوا ليا بجد وميحرمنيش منكم أبدااااااااااااااااا

Rannon يقول...

انا معجبة بيكم جدا على فكرة :))

بس التاج ضيق قوي
كنا عايزين واحد أوسع كدة وبأسئلة أكتر عشان نعرف أكتر:))

تحيااااتي:)

لماضة يقول...

امممممممم
لا بقة انا عاوزه اعرف ايه هي المدونة التانيه
هي احسن اقدم استقالتي من السكراتاريه يا حسنه
مش كفايه طهقانه اللى اكتشفت انها كلبوزه
يبقى انتي وطهقانه عليا
عاااااااااااااااااااااا
اعترفي
الانكار مش هينفعك
هدخل السرسور المحمي في سيخ ودنك
قصدي السيخ المحمي في سرسور ودنك

ahmed_k يقول...

أيه الإجابات الذيذه دي
دي تتاكل أكل هههههههه
وعلي فكره أنا جالي تاج زي ده
ولسه محلتهوش
ممكن أغش منكم شويه ههههههه

ملحوظه أخيره
برجاء حذف اول تعليقين
لأنهم قد يكونوا فيرس
أنا جالي زيهم وحذفتهم مباشرة
بدون فتحهم


تقبلوا خالص تهاني علي التاج الجميل ده

في أمان الله

ماما أمولة يقول...

مبروووووووووووووك على التاج

مدونة تستحق اكثر من تاج

خفيفة كاصحابها

سعدت بزيارتي لكم

كل عام وانتم بخير

كيارا يقول...

اششششششششششششششششششششششطه بجد اول تاج ابقي مبسوطه وانا بقرا اجابته

دمكم خفيف جداجداجدا

ربنا يحميكم ويحفظكم يارب

تحياتي كيارا

momken يقول...

بوست جميل جدا
من اجمل التاجات الى شوفتها

تسلم ايدك

انا جاى اقولكم كل سنه وانتوا طبيبين وانشاء الله السنه الجايه تكونوا فى مكه وانتوا سوا ان شاء الله

تحياتى

شفقة هانم واحسان بك يقول...

lady
اهم حاجة تتجننى جنان بسيط اه بلاش السرايا الصفراء يعنى شد شعر على خفيف كده
وبعدين ازاى يا بنتى بالفقاقة كده هاكون مخنوقة وانا بكلمك اهو
اصلى حونينه ما شدتيش الحبل على رقبتى جامد

شفقة هانم واحسان بك يقول...

عروسة ننوسة
ميرسى يا قمر بس لو كانوا مليون جنيه مش كان يبقى احسن وليكى نصفهم

شفقة هانم واحسان بك يقول...

maiosha
انتى طلعتى رد سجون ماشى نسحب التاج ونجيب عيش وحلاوة

شفقة هانم واحسان بك يقول...

rannon
منورة ومعلش بقى يا ستى اللى اهدانا التاج جابه مقاسه 30 واحنا بنلبس 38
وبعدين ده هدية نرجعه عيب

شفقة هانم واحسان بك يقول...

لماضة
حاضر يا سعادة الباشا وكيل امن الحدايد والبويات
بس والله لو عملت ايه مش هقر ده سر

شفقة هانم واحسان بك يقول...

ahmed k
انت جعان ولا ايه وهو حد قالك انه تاج عجوة ده بجد يا ابنى وبعدين قسما عظما لو غشيت حاجة انت حر شلوحلوخلوحو

شفقة هانم واحسان بك يقول...

ماما امولة
ربنا يخليكى لينا وابقى ابعتلنا واحد لما يوصلك مش هنكلفك احنا هنبقى ندفع حق الدليفرى

قلب مصرى يقول...

جميل قوى إنك وأستاذ إحسان قدرتم تتوصلوا لصيغة تفاهم بخصوص المدونة بدل ما كانت تتحول لخناقة للسيطرة عليها فكرياً أو أدبياً.

شفقة هانم واحسان بك يقول...

كيارا
ده دلع خيارة ولا ايه وكمان قشطة شكلك طفصه يا كيارة
ابقى تعالى كل يوم بس ما عندناش اكل

شفقة هانم واحسان بك يقول...

momken
هو مش ممكن بس ان كان ولابد يبقى ممكن
وطبعا التاج بتاعنا من اجمل التيجان لانه مرصع بالصراصير والحاجات اللى بتطير
وكل سنة وانت طيب

البنت الشقيه يقول...

الف مبرووووووووووك للتاج
اجابات جميله زيكوا انتوا الاتنين


تحياتى
البنوته الشقيه
لينا

شيتوس الاهلاويه اووووي يقول...

ألف مبروك علي التاج وكمان بحييكي علي إجاباتك اللذيذةدي .....ميرسي اوي علي تشريفك لمدونتي ويارب دايما منورني انتم الاتنين بس ياتري مين اللي علقلي فيكم ؟؟؟هههههههه
بجد متشكره جدا علي المرور
تحياتي وان شاء الله تواصل دايما بإذن الله
دمتوا بكل خير وسلامة .
تقبلي مروري
أختك شيتوس

صدى الصمت يقول...

أول مرة أعرف ان كانت ليكى مدونة قبل كدة طب كانت قالبها كوميدى برضة وله اية؟

يوميات نائمة في الأرياف يقول...

عزيزتي سفقة هانم/عزيزي احسان بية:
دايما كدة دمكم خفيف والواحد بيحب اوي ييجي عندكم
وبجد حتت النا س اللي بتدخل تقولك لو سمحت تعالى مدونتي من غير ما يكون قرا حاجة بتفرسني اوي
شكرا ليكم عشان سالتو عليا وكمان بتقولو اني وحشتكم
ميرسي ربنا يخليكم
انتو بقيتو من مدوناتي المفضلة وكمان بستنى تعليقاتكم
تحياتي
رنا

ShimaaMahdy يقول...

مبروووووووك التاج

ربنا يارب يملى حياتكم تاجات ((:


لكن صحيح مش قولتى اسم المدونه التانيه؟؟

قوليلى فى الخباثه وانا مش هاقول لحد خالص D:

سومه...مجنونه فى بلد عاقل يقول...

لوووووووووولى انا خارج التاج
وسعوا وسعوا خلوا الكارو يعرف يعدى الله ايه الزنقه دى

مهيج الجماهير يقول...

مبروك على التاج
و اجابات جميلة بجد
و انا ليا الشرف انى شوفتكوا النهاردة فعلاً فى حفل التوقيع
و سعيد جداً انى اتكلمت مع استاذ احسان بجد راجل تمام و يتحب و الله
تحياتى

كيكى يقول...

عوووووووووووووووووووووووو انا جيت اتخديتى
..........................
هههههههههههههههههههههههه
بعد كل الخد دة لسة شعرك ما وقعش فعلا
هههههههههههههههههههههههههههه
عاملة ايييييييييييييييييييية بجد واحشنى مووووووووووووووووووت ينفع اقول واحسان بك كمان ولا هضرب وطار ولا العارررررررررررر يا جعايدى
؟
جعايدى مين
هههههههههههههههههههههههههههههه
امممممممممممممممممممممممممممم
عايزة اعرف دلوقتى حالا اية مدونتك التانية
قرى واعترفى وانهارت المتهمة
؟
!
لمة والله اجى كل شوية اخدك لغيط ماتموتى خالص ادينى حذرت وقد اعزر من اعزر
عوووووووووووووووووووووووووووو

شفقة هانم واحسان بك يقول...

البنت الشقية
ميرسى يا قمر وعقبال تاج الشقاوة والعفرته

شفقة هانم واحسان بك يقول...

شيتوس الاهلاوية
منورة وبعدين انتى اللى طعمك لذيذ مش اجاباتى
واكيد انا شفقة هانم اللى اتحفت واغدقت عليكى بزيارتى الفظيعة المريعة

شفقة هانم واحسان بك يقول...

صدى الصمت
يعنى اخيرا الصمت راح دلوقت والخرس والكلام ده وبدانا نفتح بقنا
اه اهبطى واتفرسى عندى مدونة زى العسل وكوميدية جدا وان شاء الله اعلن عنها فى البوست اللى جاى
انتظرونى فى ثوبى الجديد

شفقة هانم واحسان بك يقول...

يومياتى نائمة فى الارياف
ربنا يخليكى يا قمر وان شاء الله تلاقينا فوق راسك فى الارياف ومش بعيد نطلع فى الغيط اللى جنبك

شفقة هانم واحسان بك يقول...

shimaa
بعينك يا شوشو وحتى لو شفتى سرسور ودنك ولا اقولك هاعلن عنها فى البوست اللى جاى ويمكن تكون مفاجاة
انتظرونى فى ثوبى الجديد

شفقة هانم واحسان بك يقول...

سومة المجنونة
اه رجعنا نتجنن تانى معلش اقبلى اعتذراتى واللهى لاديكى التاج وانا عندى كام تخلف عقلى
هى سومة واحدة

شفقة هانم واحسان بك يقول...

مهيج الجماهير
ميرسى ليك انت والجماهير العريضة طبعا ولو ان معندناش مكان ليهم كلهم علشان نعزمهم على حاجة
احنا كمان اتشرفنا بيكم كلكم وان شاء الله تلاقى الشكر واصل لغاية عندك انت وكل اللى قابلناهم فى الحفل مع شوية فضايح كده انتظرنا فى البوست اللى جاى

شفقة هانم واحسان بك يقول...

كيكى
انا شعرى خلاص بطل يطلع اصلا بسببك بس بموت فيكى واللهى كمان انتى ليكى عندى تاج الفتاة المثالية
ومش هقولك على المدونة حتى لو عملتى ايه
انتظرينى فى البوست اللى جاى وقد تكون المدونة التانية مفاجاة

كيكى يقول...

مش عايزة تاج الفتاة المثالية
اعاااااااااااااااااااااا
اعاااااااااااااااااااااااااااااا
ياوحشة انا عايزة اعرف
اسم المونة اييييييييييييييية
ولاهى ولاهى
لاخدك كل شوية
لغيط ما تعترفى بتخبى على كيكى
طب ولاهى
ولاهى
هعمل واعمل واعمل
وخليها مفاجاة
هموتك
من الخدة ماششششششششششششى
هوريكى
عوووووووووووووووووووووو

همس الاحباب يقول...

ياااااااااه
الحمد لله
اخيرا وصلت المواصلات زحمة بشكل
البوست جامد والاجابات تتميز بخفة دم عالية جدا
شرفت بمعرفتكم وبمقابلتكم امس
واتمنى لكم السعادة دائما
تحياتى وتقديرى
خالد

المـــفـــــــقــــــــوعـــــة مــرارتـهــا يقول...

انا سعيدة جدا ان مدونتي من المدونات اللي علقت معاكي
والاسئلة جميلة جداً
بس اعذريني مش هااقدر اجاوبها حالياً عشان عندي اوكتئاب وماليش نفس اجاوب
بصي لما الاكتئاب يعدي علي خير هاابقي اجاوب عليها
بس ليا سؤال
مدونتك التانية اسمها ايه ؟
ياريت اعرف
لاني باحب اقرالك جداً وعاوزة اعرف مدونتك اسمها ايه ؟

د/مروة المعداوى .....قباحة سابقا يقول...

هااااااااااع

ايه الاجابات الجامدة دى

انا المدونه دى كل ماجيها افطس من الضحك وحشنى كلامكم و خفة دمك يا سوسو
على العموم انا فضيتلكو خلاص و رجعت بيتنا

سلامى ليكى

تشاااااوووووووو

meshmesha يقول...
أزال المؤلف هذا التعليق.
سومه...مجنونه فى بلد عاقل يقول...

ليه يا اختى يا شفقه عقلتى ماكنتى كويسه
انا مشوفتش سومه خالص والله جايز دا العقل الباطنى بتاعى مش عاوزنى اشوف اسمى
حاضر حعمله
اعااا
تحياتى ليكى سومه-87

يوميات نائمة في الأرياف يقول...

بصي يا شفقة
احنا مش عايزين نتعبك معانا
انتي ابعتي احسان بس وانا هتصرف معاه
هههههههههههههه
في الغيط في المزرعة زي ما يسموها
انت معايا يا احسان؟
تنور المنصورة يا احسان
ههههههههههههههه

جوجو يقول...

السلام عليكم

ميرسى اوى على حل التاج

الاجابات متميزة جدااا

طارق الغنام يقول...

ماشاءالله عليكم
ربنا يحقق كل امانيكم واحلامكم
وكل عام وانتم بخير
مدونتكم بجد رائعه
دمتم بحفظ الله

أبو خالد يقول...

أبنائى الأعزاء/شفقة هانم واحسان بك
تشرفت بالتعرف عليكم و تمنيت أن اليوم الجميل يبقي لأعرفكم أكثر
و لكن اللحظات الجميلة تمضي مسرعة
ارجو أن تشاركونا دوما في لقاءات المدونين
أما عن اجابات التاج يا شفقة هانم تنم عن خفة دم راقية و أسلوب جميل في الكتابة بارك الله في أعماركما

meshmesha يقول...

.

Diyaa' يقول...

في الأول أسف التعليق ده نزل بالغلط
بإسم مدونة تانية مش بتاعتي كنت فاتحها يومها بعمل تعديل ونسيت
دلوقتي أنا داخل باسمي أنا
أسف تاني
____________________________
لما شفتكم وعرفت إن أدامي شفقة وإحسان بذات نفسهم شحماً ولحماً
مش عرفت أوصف أنا مبسوط أد إيه

بس مفيش أي غلاسة من أستاذ إحسان بالعكس الراجل كان هادي جداً وشكلك ظالماه يا ست شفقة وإحنا بنهدي النفوس :))
إجاباتك دمها خفيف جداً جداً جداً جداً

جداً أوي يعني :))


ويا رب تفضلوا مدونين علي طول لحد ما الشعر يبيض رسمي وأحفادكم يدخلوا الكار كمان مش عيب يعني

وأنا ضياء بقي
وهعتبر مدونتكم بيتي الرابع
عشان بصراحة
مفيش دم أخف من كده
ويجعله عامر


وعلي فكرة شكلكم شفقة وإحسان فعلاً..مفيش أي حد تاني في مصر ينفع شفقة وإحسان غيركم :))

بالمناسبة ليا طلب صغنون
المدونة التشانية اسمها إيه عشان علي ما روحت أكتوبر نسيت اسمها :(

وسلام عليكم وكفاية إني أتحفتكم بكل الرغي اللي ملوش معني ده لحسن تكرهوني:)

bos bos يقول...

لا كده انا عايزة أعرف المدونة التانية لو سمحتى ممكن ؟
بس بجد مدونتك لذيذة جدا

تحياتى

كيكى يقول...

افشتكم وعرفتكم
شوفت صورتكم اتنوا الاتنين
فى مدونة مهيج الجماهير
خلااااااااااااااااااص
اتعرفتم
وجاااااااااارى البحث عنكم
وسوف يتم القبض عليكم فى اى لحظة احترسوا
عووووووووووووووووووووووووووو

blue-wave يقول...

حلو التاج
واجابات تحفه
كالمتوقع:))
تحياتى

صدى الصمت يقول...

على فكرة أنا من طريقتك واسلوبك خمنت وتقريباً عرفت المدونة السابقة بس مش هأريحك ومش هأقولك انا خمنت اية أصل انا لمضة ولبط بس مخبية

mohra يقول...

مش هاتقولى مدونتك ايه؟؟

بس تيلفيجن دى وسعت منك اوى

كل سنه و انتم طيبين

مواطن مصرى نايم يقول...

بما انى هاردى و راماتى الله يرحمهم
و لسه راجع من الجنازة بتاعتهم
و ده سبب اختفاءى و تأخرى عن التعليق

اجابات التاج تحفة بجد زى ما ديما بنلاقى اسلوبكم تحفه و زى العسل الله ينور
و شكرا عالتاج بجد الف شكر انكم افتكرتونى
بس لو كان طقيه كان حيبقى اخف عالدماغ من التاج
ههههههههههه

تحيات محمله بالسلامات و الابتسامات لكل من احسان مخيمر و شفقه هانم حرمة
و العاقبه عندكم فى
المجرات
(كواكب و كده بقى)

اسلام

نهر الحب يقول...

ماشاء الله عليك كالعادة بوست جميل وظريف واعترافات ليلية
بس انا عايزة اعرف بجد انت كنت فى بؤجة الخير انا مش شفت لا شفقة ولا احسان ولا شئ :(
والله زعلت جداا

غير معرف يقول...
أزال أحد مشرفي المدونة هذا التعليق.
قلب ينبض لله يقول...

التاج وصل ياجدعان

حمدالله علي سلامته:D

أنا أول مرة أزور مدونتكوا وأخدت جولة فيها وقريت كذا موضوع
وبصراحة ومن غير مجاملة مدونة دمها خفيف أوي بس مش تافهة بالعكس دي فيها بوستات جامدة جدا جدا

ربنا يحرسكوا يارب

وبخصوص التاج بئي
أجابتكوا علي التاج هي اللي خلتني أخد جولة في المدونة وأحبها

أجابات نموذجية

بالتوفيق دايما

Nour Eleslam يقول...

اجابات شقية جداا ولذيذة جدا
انتو ناااااااااااااس عسل D:

صباح الصباح يقول...

صحيح يا جدعان
تاج الملوك لكل اللى يحبوك
يا رب يكتر حبايبكوا دايما دايما

!!! عارفة ... مش عارف ليه يقول...

بردو اتعرفنا عليكم بشكل غير مباشر
حتى ولو من بعيد

إنما بصراحه عرفنا اللي يهمنا
وهو ان في حد كويس متصالح مع نفسه
وبيحاول يعبر عن اللي جواه وبيسعد لما بيلاقي صدى لكلامه في الناس اللي حواليه

تحياتي للناس الطيبين
دوول .. شفقة وإحسان

وليد

(احمد سكر ) يقول...

السلام عليكم

كل سنه وانتم طيبين

ههههههههه

مهروشه

كان نفسى ابقى كاتبة مشهورة والحمد لله التدوين اتاح لى الفرصة واصبحت كاتبة مهروشة
اما بالنسبة للاحسان فكان سعيد جدا جدا نظرا لانه لاقى مورد جديد يشحت على بابه

وكماان شحاته

لاء حالتكم صعبه اوى

بجد كلماتك جميله دمها خفيف

كل سنه وانتم طيبين

تحايتى

احمد سكر

يوميات نائمة في الأرياف يقول...

شفقة هانم
احسان بية
انتو فين بقالكو كتير مش بتيجو عندي؟
انتي خفتي على احسان يا شفقة؟
سدقتي ولا اية؟
متخافيش كنت بهزر معاكي
ههههههههههههههههه
كل سنة وانتو طيبين وبتحبو بعض اكتر
بس بجد وحشتوني

محمد محمود يوسف يقول...

دادادادادادااااااه


أنا جيت أخيرا


معلش...أصلي ليا تلات تيام كده بصيف

يلا... اتغاظو انتو الاتنين بقى


هوا التاج حلو والأسلوب أخلى


بس كان نفسي أقولكو زوروني من غير ماأعلق عشان أفرسكو

بس خليها المرة الجاية


وطبعا................. تعاو زورونا


باي باي

شفقة هانم واحسان بك يقول...

كيكى
انا مقدرش على زعلك وكمان مش ناقصة خضة
البوست اللى جاى هتعرفى اسم المدونة التانية يلا عووووووووووووووووووووووووووووووو

شفقة هانم واحسان بك يقول...

همس الاحباب
احنا اللى تشرفنا بمعرفتك جدا جدا اوى خالص مصحوبة باحلى سلام من السمسميه لاجدع ناس بورسعيدية
اما بخصوص الزحمة فابقى تعالى عن طريق الدائرى

شفقة هانم واحسان بك يقول...

المفقوعة مرارتها
انا زعلانة اوى كده اهديكى التاج وتقولى عندى اوكتئاب طيب من فضلك رجعيه حالا علشان ههديه لفيفى حماتك هى اولى
البوست اللى جاية هتعرفى اسم المدونة التانية

شفقة هانم واحسان بك يقول...

د\ اميرة
وحشتينا ونورتى بيتكم بس بقولك ايه بلاش امور الزوغان دى والحركات القرعة اتلموا شوية فى بيتكم ولا بلاش الحجج الفاضية اصلى بزور عيان لا اصلى عندى عيادة ....وشوية اصلى عندى نوبتجيه بطلى بقى بطلى لحسن افتن

شفقة هانم واحسان بك يقول...

سومة
وحشتينى يا مجنونة بس وانتى الصادقة انتى ما خدتيش بالك من اسمك علشان العقل المهلوسى المتخلفى العقيمى الشلولح الذى تمتلكينه

شفقة هانم واحسان بك يقول...

يوميات نائمة فى الارياف
انت تومر يا منصوراوى يا جميل بس ما اوصكيش على حسونة بلاش تشغيليه فى جمع العنب ولا قطف الملوخية عايزين له شغلانة حلوة كده طرية على ذوقك
وما تنسيش تغسيلة الهدوم والشربات وتلمعى الجزم وتطبخى وتعملى العصير اه انا هبعتلك الراجل على الفرازة يرجعلى شبه الازازة متفقين؟؟

شفقة هانم واحسان بك يقول...

جوجو
لا شكر على واجب ابعتى انتى بس ومالكيش دعوة علشان احنا بنلم التاجات وهنسافر نبيعهم للامراء وما تخافيش بالنص

شفقة هانم واحسان بك يقول...

طارق الغنام
منور ونشكرك شكرا جزيلا مفعما بالحب والتقدير

شفقة هانم واحسان بك يقول...

ابو خالد
احنا اللى تشرفنا بمعرفة حضرتك جدا وسعدنا كتير بلقاءك وان شاء الله نتقابل علطول بس ابقوا قولولنا على مواعيد التقاءكم بالمدونين
بنشكرك

شفقة هانم واحسان بك يقول...

diaa
يا سيدى ولا يهمك مدونتك مدونة تانية المهم انك علقت بس بقولك ابقى علق الحاجات الخفيفة الرفايع يعنى وسيبك من التقيل علشان بيودى القسم

شفقة هانم واحسان بك يقول...

bos bos
طيب بص بص انا ما باكلش من اغانى مصطفى قمر دى من فضلك لو سمحت والكلام ده لا بردوا مش هقر ولا هاعترف الا ادام حضرة القلم فى البوست اللى جاى انتظرونا

شفقة هانم واحسان بك يقول...

كيكى
يا لهوى يا فضحيتنا استرى علينا يا كيكى الله يخليكى ده احنا مطلوبين حيا او ميتا وبعدين انتى خديتينا مش ناقص الا انك كنتى تيجى تحطى الكلبشات فى ايدينا

شفقة هانم واحسان بك يقول...

biue wave
يا عم ما تخليها اورنج ولا بينك بدل البلوه ده
وبعدين طالما الاجابات عجبتك عايزين اغنية بقى فى السريع ولا حماقى يعنى احسن مننا

شفقة هانم واحسان بك يقول...

صدى الصوت
ماشى لو خمنتى خليها فى سرك والبوست اللى جاى اعرفى الاجابة وان شاء الله تكسبى جايزة معانا

شفقة هانم واحسان بك يقول...

mohra
معلش بقى يا ستى اصله كان 38 بوصة

شفقة هانم واحسان بك يقول...

مواطن مصرى نايم
كده بردوا يا اسلام ما تقولناش العزاء فين ايه يا اخى احنا مش اندال ولا ايه ما كانش العشم
عموما البقاء لله ويجعله اخر الاحزان
وميرسى على السلامات المحدوفة من المجرات

شفقة هانم واحسان بك يقول...

نهر الحب
احنا ما حضرناش الا حفل التوقيع وكان نفسنا نشوفك اوى اوى وكمان سالنا عليكى بابا ابو خالد وبعتنا معاه سلام كبير اوى من هنا لحد بورسعيد

شفقة هانم واحسان بك يقول...

قلب ينبض لله
منورنا وسعداء بزيارتك جدا بس يارب الجولة تكون عجبتك وتكون شفت معالمنا التسيحيه
وطبعا اجاباتنا نموذجية نظرا لاننا داحاحين وعايزين ناخد الثانوية العامية

شفقة هانم واحسان بك يقول...

nour
نورتينا بس ايه شقية دى انتى شايفة المدونة بتتنطط وبعدين خلى بالك لنلزقك

شفقة هانم واحسان بك يقول...

صباح الصباح
ايه يا عم شكلك لسه صاحى من النوم انت بتعلن عن الشاى ابو فتلة
تشرفنا بمعرفتك جدا فى الحفل

شفقة هانم واحسان بك يقول...

عارف مش عارف ليه
منورنا وحلو اوى ان انت اتعرفت علينا بشكل ان ديركت
وبعدين عرفت منين اننا كنا متخاصمين مع نفسنا ها اكيد هى قالتلك ماشى قسما عظما لوريها الفتانة دى

شفقة هانم واحسان بك يقول...

احمد سكر
شفت اد ايه الحالة فظيعة طيب بالفقاقة كده لو حالتنا ما كانتش صعبة كنا هنعمل مدونة ليه؟؟
هو الواحد ما يستفادش منك خالص اعوذ بالله بطلوا شح
تشرفنا بمعرفتك جدا وسعدنا بس سعادة كانت محليه شوية

شفقة هانم واحسان بك يقول...

نائمة فى الارياف
معلش اعذرينا مشوارك بعيد سفر بقى وبتاع بس نوعدك على العيد ان شاء الله

شفقة هانم واحسان بك يقول...

محمد يوسف
نورتنا يا يوسفى افندى بس ايه تعالى زورونا دى فكرتنى بمستشفى سفعة سفعة سفعة زيرو 3 احسان
باى باى
سعدنا جدا بمعرفتك

يوميات نائمة في الأرياف يقول...

لا مش سفر
دول ساعتين بس
ههههههههههههههههههه
وحتشتوني بجد

Amgad يقول...

ايه ده التاج ده انتشر بسرعة
اوي كل لما ادحل مدونة الاقي فيها التاج
حتي مدونتي
اتاريكو انتو المصدر بس كان نفسي توسعوه شوية اصلو ضيق حبة
عموما اجاباتكو جميلة اوي
بس مختصرة بشكل كبير
خالص تحياتي

قررت أكون عانس يقول...

هههههههههههههههههههه

اجاباتك حلوة اوى

بس سؤال هى التيجان دى مواسم
كل ما ادخل مدونة الاقى التاج ده او التاج اللى اتبعتلى

هو التاج ده موضة السنة و لا ايه؟

Diyaa' يقول...

كنت حاسس إن تهدئة النفوس بتودي القسم برضه ..هو أنا أصلاً مش بيهمني إقسام وشرفت هناك مرتين :))
بس مفيش مانع عشان خاطركم بس المرة دي مش رايح القسم وهمشي جنب الحيط