الخميس، 28 أغسطس، 2008

الحدث الاعلامى المريع"ظهور شفقة واحسان" على الساحة الجاتوهيه




سى احسان افندى قالى لازم نروح يا شفشوقة يا حبيبتى حفل توقيع الكتاب ونتعرف على ...اصحابنا المدوخين


قلت له ماشى يا سيدى ولو انى خايفة عليهم لحسن لما يشفونا يتخضوه




.وفى عقل بالى قلت وماله روحى يا بت ده بيقوله فى جاتوه


المهم وصلنا ساقية الصاوى ............وحضرنا حفل عيد ميلاد تانى عدد بس للاسف خدعونا وماكانش فيه جاتوه ولا اى حاجة




اصلى الصراحة كنت طمعانة فى الجاتوه ............الواحد ما بيشفهوش الا من السنة للسنة فى اعياد الميلاد"يعنى باختصار خدت بومبه"


الحفل كان فى ساقية الصاوى وغرقنا كلنا ميه من الساقية........ اما الاستاذ الصاوى فاحنا ما اتشرفناش بمعرفته اظاهر انه لما عرف اننا رايحين الساقية هرب وطلع على الصحراوى




نيجى للحفلة بقى




بصراحة احلى من حفلة العدد الاول بكتير جدا يعنى من وسط البلد كده لحد الزمالك




كمان التلافازيون كان بيصوت اقصد "بيصور يا جدعان "اه والنعمة




وكل شوية ابص للمذيعة كده واخد بصة فى المرايا "واقول هل من مكتشف




المهم انا قاعدة حاطة رجل على رجل وعاملة فيها ام على........ واحسان كل شوية يناكفنى ما تقومى نتعرف على الناس




وانا اقوله لا اشمعنا هما ما يتعرفوش علينا ........يقولى هو حد عارفناه




قلت له انت بالذات ما تتعرفش على حد لان لو حد عرفنا او شم خبر بوجودنا ........هتبقى ليلة مطينة بطين




بسبب البوست اللى كتبت فيه نقدك الفظيع بتاع العدد الاول




راح بصص لى وقالى ......طيب انا هاروح اتعرف على احمد مهنى




وسابنى ونزل سلم عليه وعرفه بنفسه بصراحة احمد مهنى وشه جاب الوان وعلامات استغراب واستفهام وازبهلال بس الصراحة هو راجل ذوق ذوق ......وفى غاية الاحترام والادب تحس كده انه راجل اكاديمى من بتوع الجامعة مش رقصنى على واحدة ونص




شوية وقعدنا نستمع لكلمة الناس المشتركين فى الحفل




بصراحة كلهم هايلين بس اكتر واحد علق معانا هو الشاعر محمد فكرى بجد غاية فى الروعة ........واحلى حاجة نبرة صوته وهو يلقى الشعر يحسسك كده انك فى عصر الجاهلية


راجل صوته اجش مش زى شباب اليومين دوول ابو صوت خنفس




شوية ولقيت الصباغ ......عمال يصور وبيقوم بتغطية اعلامية رهيبة طبعا انا اول مرة اشوفه بس كنت اعرفه من الصور




وقلت لاحسان تعالى يا سونة نتعرف عليه اصلى بحس انه الراس الكبيرة..... وشوية لقيناه فص ملح وداب ندور يمين شمال مفيش حبة نلقيه فوق الكرسى وشوية على السلم وحبة فوق السور.... كان عامل شالباظ وعمال يصور اظاهر ان المصوراتى اللى بيشتغل عنده كان موصيه على الصور اوى بس هو بصراحة مصور هايل ........ينقلك الحدث وانت قاعد فى بيتكم




اول ما احسان عرفوا بنفسه الراجل مسك فيه ولا كانه لقى لقيه او مسك حرامى....... وسلم عليه اوى وباسه وقاله انتم بقى شفقة واحسان




انا قلت ايه ده من اولها كده يا صباغ هنرفع الالقاب فين هانم وبيه




بس فرح بينا اوى...................................ز وبعدها عينكم ما تشوف الا النور




بصينا لقينا ناس بتسلم علينا من هنا ومن هناك ..........وحسسونا وكاننا وجوه سينمائية واللى يقولنا امضوا لى على الكتاب وانا طبعا اتحرجت




انتم عارفين اننى ببصم......... فكنت بخلى احسان يمضى نيابة عنى




بصراحة ما كناش متخيلين........ اننا مشهورين كده والناس بتحبنا اوى




اول من اتعرفت عليهم" رودى القمر" بنوتة مصريه........بس شكلها كانت طفشانة من الافندى بتاعها والاولاد يا بختك يا رودى بس اول ما سلمت عليا كانت فرحانة اوى .........وقعدت تقولى شكلك غير ما انا كنت متواقعاه انتى زى القمر


اظاهر انها كانت فاكرانى مركبه طقم اسنان ومعايا عوكاز وحاطة باروكة بس بقولك ما تنخدعيش يا رودى دى عمليات التجميل بقى والذى منه




اجمل لقاء ايما"ام البنين" بس هى بقى كان معاها البنين زى العسل ربنا يخلهوملها ......اول ما سلمت عليا بردوا بوستها وقالتلى شكلك غير ما كنت رسماه فى خيالى اظاهر........ انها كانت رسمه توم وجيرى




وبردوا قالت لى انتى زى القمر انا حسيت انى هيفاء وهبى ولا اقولكم وسعت منى دى اوى كفاية عائشة الكيلانى رضا




كمان شفت دعاء مواجهات ......بس الحمد لله موجهتليش اى اتهام.......... بنوتة رقيقة اوى وهادية وذو شخصية وطيبة اوى واول ما اقول دعاء يبقى احلى سلام للمنوفية بس بقولك ايه يا دودو ما تنسيش اختك شفقة واخوكى احسان مانشيت كده بتاع صفحتين ولا حاجة فينا او حتى عمود بس فى الجريدة مش فى دماغنا



محمد" قلب مصرى" راجل اجنبيشن كده مش زى الناس بتوع الفول والطعمية واول ما نسمع قلب مصرى يبقى سلام كبير لبتوع السياحة مش اى حد بتوع العملة الصعبة بجد راجل هايل واسلوبه راقى جدا جدا فى الكلام بس المرة اللى جاية لازم تجيب معاك رقية والمدام




احمد سكر .........وهو راجل بجد زى السكر واللى عرفتنى عليه رودى شكله طيب وهادى واول ما نقول سكر يبقى سلام محلى بزيادة لبتوع الطيران




والنبى يا سكر ما تشوفش لاختك شفقة تطفيشة كده لحد موزمبيق او كده ولا حاجة اهو الواحد يشم هواء بعيد عن احسان




بابا ابو خالد .........هو ده المهم وذكرياته الجميلة راجل كده تحس انه والدك راجل زى العسل وشه مليان نور وبهجة واول ما شافه احسان عمل سبق امضائى على الكتاب طبعا لان ابو خالد مش اى حد .........كمان سالته على نهر الحب داليا القمر اللى كان نفسى تحضر.....بس اول ما نسمع سيرته يبقى احلى سلام شحط محط للبورسعيدية




خالد "همس الاحباب" .........راجل لذيذ وحبوب وتحس انه ابن بلد وكانك تعرفه من زمان وبردوا اول ما نسمع سيرته يبقى سلام مصحوب بالسمسمية لاجدع ناس بورسعيدية




سارة"بنوتة لاسعة".......... لقيتها جاية تسلم وتقولى بصوت واطى ورقيق انتى شفقة؟؟ قلتها اى نعم هى بذات نفسها سلمت عليا بحرارة وجت قعدت جنبى بالرغم من ان اسمها لاسع الا انها مش لاسعة خالص.......... بس خلى بالك يا سرسر لحسن من كتر الاسعان تفوتى وتبقى هوبه استنجلينا


ايناس" اوع تتجوز"..... حبيبة قلبى بنوتة قمر وعسل وسكر بس بردوا شكلها كانت هربان من الافندى بتاعها وسايبله العيال يا بختك يا انوس .........بس المرة اللى جاية لازم تجيبى الاولاد علشان نعرف لمضين زى مامتهم ولا لا....على فكرة ايناس ما شاء الله عليها متحدثة جيدة جدا ولبقة......... وكان نفسها تدخل اعلام بس بقولها انتى احسن من الاعلاميين كلهما




ضياء بيتوفول مايند" ...........اول ما شوفته فكرنى باحمد مكى بتاع خليك كوول راجل كده شكله دمه خفيف وروش وشكله متاثر بالافلام الاجنبى.... واللهى عندك حق يعنى خدنا ايه من المصرى.......... كمان هو اول لما شافنى فرح اوى وقالى انا اول واحد بعت قلتلكم امسحوا الصورة اول صورة نازيلناها على المدونة........ وطبعا ما مسحنهاش الا بمذاجنا




د\يوسف "يوسفيات" ........ده بقى دوك دوك بجد قعد يرغى هو واحسان لحد ما روحنا .........اظاهر انه كان بيقنع احسان يعمل عملية فى مناخيره علشان بيشخر وهو نايم ........بس بجد هو دكتور هايل وان شاء الله اوعدك انى ازور المدونة بتاعتك بس فى الشتا......... لان دلوقتى مش اوانها لا مدونتك يوسفى ولا ابن عمك البرتقال




مهيج الجماهير.......... ده بقى قصة بس اهم حاجة انه جه من غير الجماهير شكله بردوا شغال مع الصباغ فى الاستوديو عند نفس المصوراتى .............وكان معجب باحسان جدا وطلب يتصور معاه......... وبعدين صورنا انا واحسان والصباغ ومن ساعتها وهو ماسكهالنا ذلة




صباح الصباح " ...........الصراحة انا شوفته فى الحفل بس ما اتعرفناش عليه بس هو شكله كده ولا دكتور فى الجامعة




ميرا " امراه بعقل رجل"......... يعنى دماغ ناشفة اوى انا لقيت امضاءها على الكتاب اللى اشترناه واتعرفت على احسان........... بنوتة صغنونة كده ولذيذة بس شكلها من انصار النساء اللى بينادوا بمساواة المراه.............. وشكلى كده هاسس معاها.......... جمعية " يا ستات العالم ارفعوا المغرفة




طبعا انا كتبت الناس اللى احنا اتعرفنا عليهم ولو فى حد اتعرفنا عليه وما لقاش فضيحته قصدى اسمه............................ يبعت يقولى علشان اايده عندى فى الدفتر" انتم عارفين الزهيمر بقى




واخيرا فى اخر الحفل اشترينا الكتاب بس من غير ما نشوف حتة الجاتوه او نتعرف عليها




وتاثرت جدا انى دبيت المشوار على الفاضى ................وما حليتش بجاتوه اصلى كنت حاطة امل كبير على الموضوع ده




وياريت المرة اللى جاية تحطوا الموضوع ده فى اعتباركم...................ز لانى بقترح مع كل كتاب قطعة جاتوه




مينى " وبكده المبيعات هتزيد صدقونى




كمان بعد الحفل لمينا بعضنا وروحنا نادى المهندسين.................. واستمتعنا جديا جديا جديا ومعزة معزة معزة






كمان الناس اللى ما حضرتش زعلت اوى خالص انى ما شوفتهمش




بس ان شاء الله اشوفهم فى المرات اللى جايه




ومنهم ابى......المفقوعة مرراتها.....سومة المجنونة.......كيكى.......نعكشة.......ليدى.......عبده الرايق......يوميات نائمة فى الارياف.....نهر الحب.... ولماضة وكتير اوى اوى بس مش فاكرة دلوقتى




طبعا انتم مستنين تعرفوا المفاجاه اللى وعدتكم بيها مش هاقول










ولا اقولكم يعنى لازم تعرفوا ............اسم المدونة التانية










طيب زغروطه الاول










لا شوية تصقيف










المدونة اسمها








اسمها










ماشى خلاص بقى هاقول








مــــــــــــــــــــذكرات عروســـــــــــــــــــة ننوســــــــــــــــــــة









يارب تكون المفاجاه عجبتكم








شفقة

هناك 149 تعليقًا:

kochia يقول...

كل ده وفي الاخر روحتم من غير جاتوه
انا لو منكم لا كنت اتصورت ولا وقعت

امال
هي حاجة ببلاش ولا ايه
المرة الجاية بقي تصمموا

تحياتي

لماضة يقول...

يا بت الايييييييييييه
عروسة ننوسه
تصدقي وتامني بالله
انا كنت بتكلم على المدونة دي انا والبت مروة صحبتي
وبقولها مش عارفه يا مروة البت دي لما تتجوز هتبقى زي شفقه
ههههههههههه
انا شفت فضيحتكم
قصدي صوركم على الفيس بؤؤ
ما انتي زي العسل اهو يا عم ومداري جمالك ده كله
ولا احسان بيه بلاش اقول بقى احسن اضرب
منك طبعا يا شفشوقتي
بس بجد مبسوطه قوي بالمفاجعه اللى في الاخر دي
يارتني كنت معاكم

شفقة هانم واحسان بك يقول...

KOCHIA
للاسف انا وقعت قبل ما اعرف انى ما فيش جاتةه بس لو كان حد نبهنى كنت اصريت ما وقعش الا ادام علبة الجاتوه يلا الواحد ما بيتعلمش ببلاش

شفقة هانم واحسان بك يقول...

لماضة
روح قلبى من جوه شفتى المفاجعة والحدث الاعلامى ايه رايك بقى خبرين فى الراس

إيما ( أم البنين) يقول...

أنا إللي مبسوطه جدا إني إتعرفت عليكم ..ومعلش معرفتش أرغي معاك شويه يا شفقه الاولاد كانوا تعبني جدا حبيت أريح أبو البنين منهم جت على دماغي
ومعلش على إنشغالي عن التدوين اصلي داخله على إمتحانات عقبال عندكم...إدعولي

Rannon يقول...

كان نفسي قوي أحضر يوم زي ده وأشوف كل الناس الجميلة دي وأولهم أشوف أحسان بك وشفقة هانم

انا قلت هلاقي في البوست صورة ليكوا :(

اظن اني مريت على مذكرات عروسة ننوسة بس هدور وابص تاني اتاكد D:

تحياتي :)

قلب ينبض لله يقول...

بس برده ماقولتيش أختروا أي بوست ينزل في العدد التاني ولا أنتوا كنتوا رايحين ضيوف وعلشان تتعرفوا علي باقي المدونين؟

بس أنتي وجبتي معاهم جاااااااامد
وواضح من كلامهم أنك عسولة اوي
وهما كمان عساسيل ههههههههه
بصراحة كل المدونين عساسيل جدا

سلام

مهيج الجماهير يقول...

عروسة ننوسة ؟؟
(( وش مبرق ))
و كمان معلقة عندى
هههههههههههههههه
بس الحقيقة مكنتش متوقع
اما بالنوسبة لموضوع الصورة
فأنا بس مبسوط انى صورتها و طلعت حلوة
أصل انا بحب التصوير قوى قوى
بس مبعرفش أصور
هههههههههههههههههههههههه
و انا بجد اللى اتشرفت بيكم فى الحفلة
و ان شاء الله المرة الجاية يبقالنا عندهم حتتين جاتوه
ولا ايه ؟؟؟

مواطن مصرى نايم يقول...

ههههههههههههههههههههههههه
ههههههههههههههههههههههههههه
ههههههههههههههههههههههه
مذكرات عروسة ننوسة
هههههههههههههههه
ايه اللى جاب الننوسة لشفقة
ههههههه
بس ازاى انا مش شفتكم هناك فالجاتوه
اكيد عشان انا مروحتش
ههههههههه
بس و الله لو كنت عارف انكم رايحين
كنت حفكر
ههههههههههههههه
لا و الله كنت حاجى
طب احسان يرنلى
او يمسدلى
او يأس أم أس لى
بس ان شاء الله نتقابل قريب

بس على فكرة حتتصدموا لما تشوفونى
شكلى هادى
و شكلى مليش فأى حاجة
مع انى سوسه

تحياتى الى ان نلتقى
و انا رايح اراجع الصور بتاعة الجاتوه عند الصباع فالفيس بوك
عشان اشوفكم زى ما انا متخيلكم و الا لا
و حاجى اقول

سلاموزززز
اسلام

شفقة هانم واحسان بك يقول...

ايما
ان شاء الله نتقابل كتير بعد كده
وذاكرى كويس وبلاش غش

شفقة هانم واحسان بك يقول...

RANNON
احنا كمان كان نفسنا نشوفك اوى بس انا كده زعلت بقى بردوا ما تعرفيش عروسة ننوسة ماشى ماشى

مواطن مصرى نايم يقول...

يا سلام يا سلام
تصدقوا انى بفهم
اه و الله
طلعتوا مش زى ما كنتوا فخيالى خالص
ههههههههههههههههه
يعنى طلعت معنديش سينس
هههههههه
و لا الحاسة السادسة
و لا حتى القناة السادسة
بس الحمد لله ان فى حد يضاهى الصباغ فالطول
بس يا ريتنى كنت جيت
خيرها فغيرها بقى

شفقة هانم واحسان بك يقول...

قلب ينبض لله
بصى احنا كنا رايحين ضيوف بس هما عرضوا عليا اكتر من مرة انى انزل معاهم واخد العدد ده كله لينا بس احنا اللى رفضنا ايه رايك فى الفشر ده

صدى الصمت يقول...

أهلاً أهلاً يا نوسة الننوسة ايوة كدة اظهرى على حقيقتك والله شوقتينا قوى وحسرتينا اننا ماروحناش الحفلة بس تتعوض ان شاء الله , سلام

شفقة هانم واحسان بك يقول...

مهيج الجماهير
ايه رايك فى المفجعة دى؟؟
وعلقت علشان يبقى تمويه اصلى بشتغل فى المخابرات اتعلموا بقى

شفقة هانم واحسان بك يقول...

مواطن مصرى نايم
ايه رايك بقى بعرف اعمل تموية للمدونات؟؟
وبعدين ننوسة دلع شفقة
كمان احسان بيقولك معلش ماقدرش يرنلك لانه قد رفس رصيده ويرجى اعادة شحت البطاقة

blue-wave يقول...

والله انا كان نفسى اروح
كان نفسى اتعرف عليكم وعلى الناس دى كلها
بس للأسف كنت فى نوباتشيه
عموما ملحوقه
والف مبروك على المدونه الجديدة
تقبلى تحياتى

شفقة هانم واحسان بك يقول...

صدى الصوت
ايه يا بنتى حاسستينى انى مستخبيه تحت التربيزة .....اهو ظهرت ها ببلاش ولا ايه؟؟

شفقة هانم واحسان بك يقول...

BLUE WAVE
كان نفسنا نشوفك يا محطم قلوب العذارء
بس انا زعلانة ازاى ما تعرفش عروسة ننوسة دى مش مدونة جديدة دى بقالها سنة

كيارا يقول...

ايه ده بقي


مش كنت تقولوا كان نفسي بجد اشوفكم

يلا ملحقه
بس يالهوووووووي
انتوا شردتوا كل المدونين

سيبتي ايه ياشفقه مش قلتيه يابنتي

ولا حته الجاتو

لالالا فضايح يعني يعني

:))

EMMY BABY يقول...

ههههههههههههههههههههههههههههههههههههههههههههههههههههههههههه

من هنا للصبح

لابجد دمك شربات والله

انا شفت صورتكم على الفيس بوك وانت مع الصباغ

انا اول مرة اعرف اصلا ان كان فى لقاء للمدونين

بس حصل خيرها فى غيرها ان شاء الله


بس المرة اللى جاية عزومة الجاتوه عليكى اصلا :))

تحياتى

ايمى

Lady E يقول...

حد يفوقني يا جودعان
اغمن عليا اغمن عليا
معقول المدونة اللي بموت فيها عروسة ننوسة تبقى هي هي شفقة
انا بجد فرحانه اوي اوي اوي لأني بحبكم انتو الاتنين
مع اني مش مجمعة اوي لأني
اخدت في البوست ده مفأجتين دي المفأجه التانيه
اما المفأجه الأولى
((كمان الناس اللى ما حضرتش زعلت اوى خالص انى ما شوفتهمش))
.......ليدى.......
قعدت اقول هي شفقة تقصدني انا ولا تقصد ليدي تانيه ههههههههه
بجد انا سعيدة جدا بكلامك وان شاء الله اكون داخل حدود المحروسة المرة الجاية واجي
واخد التوقيعين توقيع عروسة ننوسة وتوقيع شفقة هانم وكمان توقيع احسان بك بعد اذنك طبعا يا شفقة
و ولا يهمك خلي الجاتو عليا ميغلاش عليكم
كل سنة وانتي بألف خير وصحة وسعادة دايما يا رب

ahmed_k يقول...

معقوووووووووووووووله

عروسه ننوسه هي نفسها شفقه

ياللهووووووول
والله مفاجأه لا على البال ولا على الخاطر

وأنا أللي كنت فاكرك مش متجوزه
وكنت ناوي أتجوزك ههههههههههههههههه
ماشي
ماشي

أما أروح أدورلي على عروسه ننوسه تانيه ههههههههههه

سلاااااام يا ننوسه هانم
أوووه قصدي شفقه هانم

محمد محمود يوسف يقول...

نياهاهاهاهاهاهاهاهاها


لا انا عرفتها لوحدي


أول ماسبتي الكومنت منها عندي رحت ع البروفايل لقيت الإيميل مطابق لتوقيعك ع الكتاب


أينعم أنتي غالبا قولتيلي بس أنا بحب اتمنظر



على فكرة ا/احسان كويس من غير العملية



صدقيني


لو عمل العملية التون هيتغير يقلب على ايهاب توفيق


انا كنت بقنعو ميسمعش كلامك


والواضح إنكو خلاص استلمتوني

منك لله ياأبو جدي ياللي سميت جدي يوسف


يلا.... ذنوب وبتخلص


سي يو

قصة كائن يقول...

هههههههههه

اما انتو اتنين زوج ما حصلش

الله يسعدكم ويفرح قلبكم يارب

تحياتي

صباح الصباح يقول...

معقوووووووووووووووووول!!!!!
عروسة ننوسة!!!!!

وان اللى باقول ياترى مين مين مين؟؟؟؟
بجد مفاجاة حلوة

للاسف انا فعلا كنت فى الحفل بس ما كنتش اعرف اى حد خالص ومش عارف من الحضور من اللى مدون ومين الضيوف

بس انا شفت صوركم منشورة عند مدونةمهيج الجماهير) وانبسطت اوى
على فكرة انتوا ما شاء اللة عريس وعروسة هايلين ودمكم عسوووول جدا
مع ان معظم المتجوزين بعد الجواز بيقليوا لمخلوقات فضائية
بس الحمد للة وربنا يديم عليكوا السعادة
وباذن اللة اتشرف بمعرفتكم عن قريب ان شاء اللة

Diyaa' يقول...

طبعاً بمزاجكم يا فندم
بس يكفيني فخراً إني شبه اللي معرفهوش ده شكله مش وحش :))
وبعدين تحريك المياه الراكدة جوه مزاج شفقة هانم وإحسان بك شئ يسعدني :))

نورتوا قطعة الجاتوه والساقية والزمالك ويا رب نشوفكم تاني وعاشر:)

Diyaa' يقول...

طبعاً بمزاجكم يا فندم
بس يكفيني فخراً إني شبه اللي معرفهوش ده شكله مش وحش :))
وبعدين تحريك المياه الراكدة جوه مزاج شفقة هانم وإحسان بك شئ يسعدني :))

نورتوا قطعة الجاتوه والساقية والزمالك ويا رب نشوفكم تاني وعاشر:)
وتاخدوا فرصة تتكلموا كده ونشوف خفة الدم لايف مش من ورا مونيتور !!

رمضان كريم عليكم وعلي كل المسلمين

saso يقول...

هههههههههههههه مفاجاه ى ع البال ولا ع الخاطر

انا قريت مذكرات عروسه ننوسه قبل كده انا وبنت خالتى وفضلنا نضحك بس عمرنا متوقعنا انها بتاعت شفقه هانم

يلا خير

الحفله انا شفت تغطياتها في مدونات كتير وشوفت صورتكم طبعا مش زى مكنت رسماكو ف خيالي خااااالص

بس شكلكوا عسووووول خافوا من الحسد انا حذرتكوا اهو ...

كان نفسي اكون موجوده ..بس المره الجايه ان شاء الله ..

بس مش هاجى غير لما اتاكد ان في جاتوه انا بموت فيه

سلالالالالام

Diyaa' يقول...

بالمناسبة البوست بنات كووووووووووول
تحفة تحفة تحفة تحفة يعني :) مسخرة
بالمناسبة الشيشة ضررها علي القفص الصدري قد ييجي 5 علب سجاير كده :)
لأن مفيش فلتر..الهباب بيروح كله في سكة واحدة


المهم
في نقطة بسيطة خالص
اسم النبي حارسه
ده تعبير عامي عن إن اسم النبي بركة يعني وبيحرس الواحد من الشيطان

لكن إسم النبي ياخده ويريحنا أعتقد إنها مش راكبة بتاتاً
وقطعاً حضراتكم موافقين إن حتي في الجنان لازم شوية عقل صغيرين :)

عارف إن القافية حكمت بس فكري فيها يا ست شفقة :)


صحيح سألت عن أحمد مكي..هو مش شبهي خالص بس هفترض إنه شبهي من جوه..الأفلام الأجنبي ليها عيوبها بس شوفوا
beautiful mind
وهتعرفوا الفيلم ده تحفة ليه
الناس هناك بيشتغلوا سينما صح برغم بعض الوقاحة يعني :)

بالمناسبة أحمد مكي طلع ولد وقح
عامل فيلم اسمه إتش دبور
وعنده تعبيرات سافلة دمها خفيف للأسف
ومنتشرة وممكن تتقال لأي حد في الشغل أو أي بنت محترمة وتحمل معني الإهانة بس مش تتفهم
زي إنت بتاخد فيزا وسلسلة مطاعم خد فطيرك وساندوتشاتك :(
أنا مش شبهه
أنا متبري منه
أنا شبهي
سلام

Amgad يقول...

هو انتو كنتو معلقين يافطة
كاتبين فيها شفقة هانم واحسان بيك
ولا الهيبة بتاعة البشوية والهنومية بتتعرف
ولا انتو رايحين لابسين اليونيفورم
الاخضر والفوشيا
المرة الجاية ان شاء الله تاكلي جاتوه

كيكى يقول...

انا
ميييييييييييييييييييييييين
انا
فيييييييييييييييييييييييييين
انا
برعى
ولاتفيدة
ولا ام ابراهيم
ولا
اطاطا
ولا جعايدى
ولا امنة ولا
هنادى
فيييييييين هنادى يا خال
هنادى راحت فى الوباء
دعااااااااااااااااء...الواوء
اعااااااااااااااااااااااااااااا
انا توهت يارجالة
خاينة عظمة
مين شفقة ومين جنة ومين احسان
انا شخصية مييييييييييييييين
؟
ساعة تروح وساعة يتيجى
ها
ساعةتروح ها وساعة تيجى
انا عندى شعرة
؟
هعلق تانى بس بعد ما فوق من الصدمة
عوووووووووووووووووووووووووووووو

عروسة ننوسة يقول...
أزال المؤلف هذا التعليق.
كيكى يقول...

اةةةةةةةةةةةةةةةةة
فوقت خلاص
كدة تعملى فى
انااااااااااا
كيكى
كدة
نهاااااااااااااااااااااارك مش فايت بجد؟
اة الخدة دى..وجعتى قلبى يا وحشة
انا تعملى فى انا كدة
مااااااااااااااشى
عقاب ليكى مش هتشوفنى الا بعد
70 سنة ونصف وبعد كدة ابقى افكر
ليكى عين وعايزة تشوفينىيا جابيرك ياقدرة
يا وصلة
يا
قلبك
يا جاتوهاتك
؟
مااااااااااااااااااشى
اما اروح لجنة حبيبتى
اما انتى
لااااااااااااااااااااا
انتى شفيقة..وهندهلك متولى
؟
خاااااااااااااااااينة
الصدمة لسة ماثرة علية
عوووووووووووووووووووووو

شفقة هانم واحسان بك يقول...

كيارا
انت هتلزقيهم فيا لا يا ستى ماليش دعوة هما اللى مشردين لوحدهم
ههههههههههههه

شفقة هانم واحسان بك يقول...

emmy baby
لو شفتينا بقى على القفا بوك هتلاقى الصور احلى واحلى اصلها من القفا بتبقى ما حصلتش
وبعدين احنا هنبتديها طمع من اولها قال الجاتوه لا حسابى قال
لا على عربى

شفقة هانم واحسان بك يقول...

lade
ايه يا بنتى هتموتى مننا ولا ايه ما عندناش ميه بسكر علشان نفوقك
كمان ما تموتيش فى مدونتى لو سمحتى علشان هى مش تربة
طبعا طبعا انتى من الناس اللى انا افتقدتهم فى الحفل ولازم المرة اللى جاية اشوفك داخل حدود البسبوسة

شفقة هانم واحسان بك يقول...

ahmed k
شفت المفجعة الفظيعة دى ايه رايك؟؟
وبعدين احنا كنا هنرسم ولا ايه احنا فينا من الحركات دى
عموما عند 600 بنت لسه ما اتجوزوش نقيلك واحدة

شفقة هانم واحسان بك يقول...

محمد يوسف
طيب ممكن تخليه بعد العملية شبه وائل كافورى ولا صعب؟؟
عموما سى يووووووووووووووووووووووووووووووووووووووووووووووووووووووووووووووووووووهات

شفقة هانم واحسان بك يقول...

قصة كائن
منور ولو انك حسستنا اننا جوز حمام

شفقة هانم واحسان بك يقول...

صباح الصباح
احنا هنق من اولها عرويس وعروسة امسك الخشب احنا مش ناقصين

شفقة هانم واحسان بك يقول...

diyaa
منور ونورك غطا على الكهرباء
ميه راكدة ايه يا ابنى ده على اساس اننا ماسورة صرف صحى

شفقة هانم واحسان بك يقول...

amgad
لا وانت الصادق الهبابه هى اللى بتتعرف مش الهيبة

شفقة هانم واحسان بك يقول...

كيكى
عووووووووووووووووووووووووووووو
فوقى يا كيكى اينعم انا هى الننوسة العروسة
ايوا شفقة اللى هى
مراه احسان
احسان مين جوز شفقة
حسستنى انك دخلت فيلم فى السبعينات
مستنياكى

شفقة هانم واحسان بك يقول...

كيكى
بعد سبعين سنة ونص تبقى تيجى تقابلينى فى دار المسنين ان كان لينا عمر
عمر وامل

شفقة هانم واحسان بك يقول...

كيكى
انتى من الناس اللى احب انهم يشاركونى فى كتابة الحلقة الاخيرة من عروسة ننوسة

بذرة امل يقول...

الف الف مبرووووووووووك
انا سعدت اوى لما عرفت انكم نازل لكم تدوينة بجد تستاهلوا كل خير

واخبار الشركة ايه ؟ ياترى اختارتوا النشاط ولا لسة

حنين القلب يقول...

السلام عليكم
دى اول مرة اجى هنا بس بجد المدونه حلوة اوى والديكور عجبنى اوى
يا ريتنى كنت جيت كنت عايزة اتعرف بيكى اوى

كل سنه وانتو طيبين ورمضان كريم
تقبلى مرورى

همس الاحباب يقول...

هههههههههه
ههههههههه
والله يا اخ احسان انا مشفق عليك بصراحة
امضاءات تمضى والست شقفة ولا هى هنا
بس بجد بجد سعيد جدا بمعرفتكم وسعيد اكتر بزيارة مدونتكم
بس انا ليه الشرف انى اكون من بور سعيد
بس مع الاسف انا مش من بورسعيد انا من سوهاج يا شفقة هانم ههههههههه
يلا كلنا ولاد عم وخالة
تحياتى
وكل سنة وانتم طيبين

همس الاحباب يقول...
أزال المؤلف هذا التعليق.
يوميات نائمة في الأرياف يقول...

هو انتي يا شفقة؟
يخرب عقلك
اتاري المدونات دي اختشيراع بجد
وانا اقول مين عروسة دي؟
طلعتي انتي؟
ههههههههههه
وانا مبسوطة ان كان نفسك تشوفيني مع الجمع الغفير ده
مرة تانية انشاء الله
بس لو في جاتوة يبقى بالنص
ربنا معاكم ويوفقكم
وكل سنة وانتم طيبين
قولولي؟
اية امكانية انكم تشرفونا في المنصورة؟

شهد الكلمات يقول...

انتي ادبستي يا شوشو و اللي كان كان

الحفلة الجاية انتي مكلفة تبلغيني عشان احضرها و اتعرف علي كل المدونين

و انا اعتبرته وعد منغير ما توفقي حتي

بس خلاص

تحياتي

mostafa rayan يقول...

انا فرحان اني شوفتكم في الحفلة رغم انه ماحصلش واتكلمن مع بعض لكن ملحوقة وان شاء الله نمتقابل قريب
خصوصا انك زي مابتقولي هتنزلي كتاب
كل سنةوانتي طيبة وسلامي للكبير قوي احسان

دعاء مواجهات يقول...

بجد اتشرفت اوى بمعرفتكم وانتوا الاتنين كدة حاله لوحدكوا وعسولينا وى

انا عرفت انك عروسة ننوسة الصباغ قاللى اصلو ميقدرش يخبى عنى حاجة ابدا

وفرحت اوى انك انتى هى

واية بس الكلام لاجامد اللى كتباة عنى دة

بجدانتى زى العسل

بس اية حكاية انى هادية دى

مين خدعك وقالك كدة

هههههههههههههههههههه

بجد كنتوا منورين القاعدة والليلة كلها

المرة لاجاية بقى الجاتوة عليا انا

اوك ياقمر

بيس

شفقة هانم واحسان بك يقول...

بذرة امل
منورة احنا كمان لسه عندنا بذرة امل ان النشاط هو اللى يختارنا

شفقة هانم واحسان بك يقول...

حنين القلب
نورتينا اوى اوى وشرفتينا اوى اوى وكل سنة وانتى طيبة اوى اوى اوى اوى اوى

شفقة هانم واحسان بك يقول...

همس الاحباب
منور ولا تزعل يبقى سلام كبير شحط محط للصعايدة وبتوع سوهاج

شفقة هانم واحسان بك يقول...

يوميات نائمة
شفتى ايه رايك فى المفاجعة دى فظيعة صح؟؟
كمان انا كان نفسى اشوفك بس لوحدك مش مع الغفير سيبيه يشوف شغله وحراسته كويس
ان شاء الله نيجى المنصورة علشانك مخصوص

شفقة هانم واحسان بك يقول...

شهد الكلمات
ماشى يا ستى مهو ماحدش يقدر يغلبك فى الكلام يا شهد
بس انا هبلغك على اد التدبيس يا ترى دبيستينى بكام دبوس؟؟

شفقة هانم واحسان بك يقول...

mostafa
منور بس احنا زعلانين كده بردوا تكون موجود فى الحفل وما تعرفناش بيك ايه هو حد قالك اننا عندنا استبحس ولا ايه

شفقة هانم واحسان بك يقول...

دعاء مواجهات
منورة يا قمرى بس ايه حكاية حالة دى شكلنا باين للدرجة دى معاكى حق احنا عايزين عنبر لوحدنا
اما بخصوص الصباغ قوليلو ماشى مش هتبطل تفتن بس اما نشوفه
وبعدين انتى فعلا بنوتة هادية وزى السكر

صانعة الأحلام يقول...

وااااااااااااااااو

انا نفسي اقابلكو برده

اشمعنى انا

ولا عشان انا صغنونة؟؟

سومه...مجنونه فى بلد عاقل يقول...

نعم نعم نعم سيبك من كوووووووووووول اللى فوق دا يا شفقه تعالى هنا يا ابلتى مذكرات عروسه ننوسه دا تبعك وانا عماله اقولك اقفشى فيه بايدك وسنانك وزعزوعه قصب يطلع احسان هو الزعزوعه اه يا منك اما صحيح شفقه
وعموما انا كمان نفسى اشوفكم والله بس يا شفقه انا خايفه على نفسى من الفتنه وانتى بتقولى انتى هيفاء وهبى عموما لو جايه اللقاء بتاع دار الايتام فى رمضان يبقى حشوفك ان شاء الله انتى واحسان وربنا يستر على الصيام
من الفتنه
ابقى تعالى شوفى اخر بوست مجنون قبل رمضان
تحياتى ليكى سومه_87

جنّي يقول...

إخواني .... أخواتي ....

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

Lady E يقول...

lede بالe يا شفقة هانم ماااااااشي

هعديها علشان عروسة ننوسة بس

وبعدين انا بقولك خلي الجاتو عليا تقوليلي معندناش ميه بسكر

ماااااااااشي يا شفقة هانم

مفيش جاتو

يوميات نائمة في الأرياف يقول...

لا يا شفوقتي
بتكلم جد
منفسكوش تيجو المنصورة تغيرو جو كدة انتي واحسان؟
ولو مش عايزة خلي احسان ييجي لوحدو؟!!!!
هههههههههههه
ممكن تشرفونا في عزومة رسمي؟
ابحثي الموضوع ده مع احسان
بجد بقى مش تهريج
تحيات مخلصة جدا مني
رنا عاشور

قلب مصرى يقول...

بجد اليوم فعلا كان جميل جدا ومعلش بقى حكاية الجاتوه طلعت أوت، وبصراحة أنا كمان انبسطت جدا لما قابلتكمز
إن شاء الله رقية ومامتها هايكونوا موجودين المرة اللى جاية

كل سنة وانتم طيبين بمناسبة رمضان الكريم

شفقة هانم واحسان بك يقول...

صانعة الاحلام
لا هاتقابلينا ان شاء الله بس فى الحلم
كل سنة وانتى طيبة

شفقة هانم واحسان بك يقول...

سومة المجنونة
ايه رايك مفجعة صح
بس بقولك ايه احنا صحاب هنا وفى عروسة ننوسة اه اوعى ما تزورنيش هناك اجننك اكتر ما انتى مجنونة
وان شاء الله احاول اجى دار الايتام بس ابقى قولى امتى

شفقة هانم واحسان بك يقول...

جنى
كل سنة وانت طيب والى الله اقرب
اعاد الله عليكم شهر رمضان بالخير واليمن والبركات
شكرا لك

شفقة هانم واحسان بك يقول...

ليدى
ايه رايك مش كده ليدى احلى وارق
وبعدين انتى هتعملى معانا نظام مقايضة ولا ايه الجاتوه مقابل الميه بسكر
طيب يفتح الله

شفقة هانم واحسان بك يقول...

يوميات نائمة فى الارياف
اخ شكلك كده شفتنى صورنا عند الصباغ والواد عجبك
لا بقولك علمك علمك اوديك وراء القلة واخليكى زعبولا لا تنفعى طبلة ولا بيانوله
ههههههههههههههه
ان شاء الله اعرض الامر علر ورقة دمغة ونشوف
وميرسى على العزومة
كل سنة وانتى طيبة

شفقة هانم واحسان بك يقول...

قلب مصرى
اوت ايه يا عم انت قلب مصرى ولا منتخب مصر؟؟
عموما احنا كنا سعداء بمعرفتك جدا جدا بس ده وعد نشوف رقية ومامتها المرة اللى جاية
كل سنة وانت طيب

كيارا يقول...

تؤتؤتؤؤتؤتؤ

الزقهم فيكي ايه

انا بقول حقائق

شردتي العيال ياباتعه

وقولتي المستخبي
والمستخبي بان

كيكيكيكيكيكيكييكيكيك

norahaty يقول...

السلام عليكم ورحمة الله وبركاته
انتى شربات ودمك خفيف اوى
ولسة كمان كنتى عايزة جاتوة
لألألألألألألألألألألألألألألألألألألألألألألألألألأ
الحلويات الكتير مش كويسة على الصحة
اتبسطت اوى من وصفك للحفلة ويمكن
لو كنت حضرت ما كنت استمتعت كده
(بصراحة الزحمة والهيصة بيتعبولى اعصابى
وببقى مش عارفة اتصرف ازاى وتلاقينى
كده مبوزة وضربة التكشيرة اللى تطفش
العسريت ايوة ما انا غارغة اسمه العسريت قصدى العفريت .
سعدت بالعرف عليكى
وعلى المدونة ال(جامدة )
اوى اوى اوى اوى دى
تحياتى واحتراماتى
وكل لحظة وانتم طيبين.

mony يقول...

يا بختك و الله يا شفقة انت و احسان

مش مهم الجاتوه دلؤتي

الناس اللي شوفتيهم و اللي اتعرفتي عليهم يعوضوكي


و ليكي يا ستي عندي حتتين جاتوه بس لما اشوفك


انا معرفش حاجة عن التجمع ده بس اكيد لو كنت اعرف برضه ماكنتش هاجي لاني هتكسف اكون موجوده مع كل الناس الجامده ديه

وانا ولا حاجة


عموما شكلكم اتبسطتوا انت و احسان ماتنكريش


كل سنة و انتم طيبين و انتم بأحسن حال انشاء الله

pusssssy يقول...

كده ياشفقة هانم بتغيظينى عشان حضرتى وانا لا ....... ماشى ليكى يوم أغيظك فيه.......ههههههههههه

ماكانش العشم.......

Pusssssy

,.-~*'¨¯¨'*•~mr ,.-~*'¨¯¨'*•~monshed يقول...

مش مهقول مين عوسة الننوسه يانهار ابيض
مشكورة علي البوست الجميل ده
رمضان كريم وكل سنه وانتى طيبة

(احمد سكر ) يقول...

براااافو

ادق وصف للحفله
سعدت جدا بالتعرف عليكم

وعلى بنت خالتك الكويتيه

سلميلى عليها كتير


وسلمى ع الاستاذ احسان كتير

بجد وحشتونا

كل سنه وانتم طيبين

وان شاء الله نتقابل فى الفطار الرمضانى

تحياتى

احمد سكر

maiosha يقول...

ايه يا شوشو الجمال ده؟؟
والله خلتينى اندم إنى مروحتش

بس بقى بعد الحفلة الجميلة دى وكل الناس العسل اللى قابلتيهم دول لسه عايزة جاتوه .. ههههههههههههههه

أهو لو كان فى جاتوه وأنا مكلتش كنت هتقهر أوى

بس بجد يا بختك

بنت مصريه يقول...

ماشى يا شفقه انتى واحسان
والله لوقعكوا ف بعض بقى كده تروحوا وماتقولوليش
ماشى مهو دا العشم برضه صبركوا عليا يا اندال

يلا معلش رمضان كريم وشكرا لسؤالكوا عليا واتمنى تنورونى

eng يقول...

الصراحة أنا أول مرة أدخل فيها المدونة دة بس معتقدش فعلاً إني ممكن أخرج منها
مدونة أكثر من رائعة

شفقة هانم واحسان بك يقول...

كيارا
فين هنادى يا اماى
باتعة ايه وهنادى ايه
انا مشردتش حد ده انا بردح فيهم اقصد بمدح فيهم

شفقة هانم واحسان بك يقول...

norahaty
منورة يا قمر بس انتى بس هاتى يجى كام دستة جاتوه دايت وما مالكيش دعوة على الصحة هى بتيجى على الحاجة الحلوة
اما بخصوص انك بتتضايقى من الزحمة خلاص مفيش مشكلة اخبارك ايه فى الاماكن المغلقة
سعدت بزيارتك

شفقة هانم واحسان بك يقول...

mony
ايه احنا هنقر من اولها ولا ايه
وبعدين خلاص انتى عليكى حتتين جاتوه وعد الحر

شفقة هانم واحسان بك يقول...

pussssy
ايه الايسهات دى ;gih
عموما انا ما بيغظش حد هو انتى شفتينى مطلعة لسانى ولا ايه
"وش مطلع لسان" اوووووووووووووووووووا
بغيظك

شفقة هانم واحسان بك يقول...

mr monshed
ايه يا ابنى انت الدغ ولا ايه؟؟
ما اسمهاش عوسة اسمها عروسة معلش اظاهر الحروف تقيلة عليك
كل سنة وانت طيب
شرفتنا ونورتنا

شفقة هانم واحسان بك يقول...

احمد سكر
احنا اللى تشرفنا بيك وبنت خالتى وصلها السلام هى والاستاذ احسان
بس سيبك من ده كله واعترف ايه حكاية الفطار الرمضانى ده
قر اعترف انهار قول

شفقة هانم واحسان بك يقول...

maiosha
شفتى يا بنتى الحلاوة والاجه
عموما مش اجمل منك يا ميوشة
انا زعلانة انى ما شوفتكيش فى الحفلة بس تتعوض
وبعدين بطلى قر يا ساتر على الحقد والغل النفسوى

شفقة هانم واحسان بك يقول...

بنت مصرية
ماشى رايحة فين ؟؟
كمان بلاش توقعينا فى بعض لحسن احسان تقيل اوى يجى تسلاتنمكنتتا كيلو
وبعدين احنا ما نعرفش حد اسمه عشم انتى تعرفيه؟؟

شفقة هانم واحسان بك يقول...

eng
منورة بس من اولها كده احتلال ؟؟
ايه التباتة دى يا ساتر على الناس الاذقة
عموما نورتينا

mohra يقول...

بقه طلعتى عروسه ننوسه؟؟

تمام تمام

كل سنه و انتوا طيبين

شفقة هانم واحسان بك يقول...

mohra
كده بردوا تيجى لوحدك من غير الحصان ماشى
بس ايه رايك فى المفاجعة دى؟؟
فظيعة صح
كل سنة وانتى طيبة

كيارا يقول...

بتردحي فيهم برده

يوه قصدي بتمدحي فيهم برده

صباحك عسل

كل سنه وانتي طيبه ياجميل
ورمضان كريم عليكي

دوشتك بقي
جايه رايحه رايحه جايه ايه ده دوخت :))

wanna b a physician يقول...

والله يعنى هو انتى هى هى نفس الشخص
وله فى خلقه شؤون هههههههههههههه
عامة الف مبروك على الكتاب اللى هتعمليه وطبعا على العدد الجديد
وكل سنة وانتى طيبة

rara يقول...

كل سنة وانتم بخير

ورمضان كريم

enjy يقول...

انا متاخرة جدا على التعليق بس ظروفى بقى كل سنة وانتوا طيبين بس الحفلة دى خياااااااااااااااانة

L.G. يقول...

أنا عجبتني قوي المدونة وضحكت كتير ده تقريبا أحسن وصف قريته لأي تجمع للمدونين قد يراه البعض مزاح وأراه جد الجد
بس فين الأولاد ؟؟
شعرت وكاني أتجول بينكم
اهم شئ في الكتابة أن تجعلي القارئ يرى بعينك وينتقل معك للمكان والزمان عند تحقق ذلك
أشهد لكم بالحرفية

رمضان كريم عليكم

قلب مصرى يقول...

كل رمضان وحضرتكم بخير
اللهم بلغنا ليلة القدر واجعلنا من عتقاء هذا الشهر

قوس قزح يقول...

يارب
كلما طرق هذا العبدين بابك
أفتح لهم كنوزك
و سخر لهم عبيدك
و ابسط لهم رحمتك
اللهم اجعلهم من الصائمين القاثمين
الركع السجود
و بارك لهم فى شعبان و بلغهم رمضان
فى يسر و سلامة و امان
اللهم امين

كل سنة و انتم الى الله اقرب

!!! عارفة ... مش عارف ليه يقول...

طبعا الحفلة نقلتها ولا أروع
ولحد دلوقت مش ناسي تعليقك على الحفل الاول بتاع "مدونات مصرية للسيالة" كل ما افتكرها اموت من الضحك

ومفاجأة المدونة بصراحه
جااااااااااااااااامدة


كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

MaGn0liA... يقول...

الله ما شاء الله شوقتينى اشوفك :):)

ربنا يكرمكم

و منتظره المدونه الجديده

سمو الأميرة سارة يقول...

ههههههههههههههههههههههههههههههههههه اه يا ارووووووووبة .. ولا عرفتك بس يمكن علشان ماكنتش متابعة مدونة شفقة واحسان اوى .. لأ جامدة جامدة ..

انا بجد بجد مبسوووووووووووووووطة جداً انى شوفتك وعرفتك بجد انتى بنوتة زى العسل ربنا يحميكى .. واحسان بك .. انا نفسى مش عارفة انا لاسعة مين بالظبط ههههههههههههه بجد انا بحبكم جداً وفرحانة بيكم جداً وبدعى ربنا يحميكم دايماً يارب

انا اللى زعلنى بقى فى اليوم دا
اولا انى جيت متأخرة
ثانيا انى ما شفتش ايما ام البنين وعرفت حالا انها كانت موجودة
ثالثاً مش فاكرة .. اه افتكرت .. انى ما قدرتش اقعد للاخر رغم انى عارفة من المرة اللى فاتت ان فى خيانة بتحصل فى الاخر والمدونين كلهم بيتلموا مع بعضهم
يلا تتعوض ان شاء الله فى العدد التالت التالتة تابتة انا استحليتها هنطلكم فى كل حفلة هههههههههههههه
كل سنة وانتم طيبين يا احلى اتنين مدونين

nona يقول...

ما شاء الله نقلتى الحدث قصدى الحفلة و الا احسن مذيع وكالات انباء و اللهى خسارة فى البلد
كان نفسى ابقا موجودة عشان اتعرف على الناس الحلوة يلا المرة الجاية باذن الله
و كل سنة و انتى طيبة و احسان بالف صحة و خير

pusssssy يقول...

عارفة ياشفشوقه ياحبيبتى .......

أنا هموت وأشوفك عشان انا بحبك فى الله..

ياريت تحققيلى أمنيتى ....

خديجة محسن "لؤلؤة الاسلام" يقول...

ههههه
بصراخة شكلة كده كان يوم ايه
بعد التعب ده كله
روحتو و جيته من غير جاتوه

ما شاء الله مدونة رااااااااائعة اختى شفقة
دى اول زيارة ليا
بس ان شاء الله تتكرر
لان مدونتو بصراحة عجبتنى اوى اوى اوى اوى اوى اوى
و كمان على فكرة مدونة عروسة ننوسة بردو حلوة اوى
و انا دخلتها من يومين كده
و كل سنة و انتى طيبة
و تحياااااتى
رمضان كريم

انا من اهوى ومن اهوى انا يقول...

والله يا فندم من جمال الوصف اللى وصفتية انا ندمان ندم كبير جدا انى مكنتش معاكوا فى ساقية الصاوى

ولكن عزائى الوحيد ان كلامك خلانى وكأنى جيت بالظبط

وانشاء الله اكون بشارككوا فرحتكوا

وانشاء الله المرة الجاية يكون فية جاتوة

تحياتى ورمضان كريم

انا من اهوى ومن اهوى انا يقول...

والله يا فندم من جمال الوصف اللى وصفتية انا ندمان ندم كبير جدا انى مكنتش معاكوا فى ساقية الصاوى

ولكن عزائى الوحيد ان كلامك خلانى وكأنى جيت بالظبط

وانشاء الله اكون بشارككوا فرحتكوا

وانشاء الله المرة الجاية يكون فية جاتوة

تحياتى ورمضان كريم

شفقة هانم واحسان بك يقول...

كيارا
ايه يا بنتى انتى دخلتى مدبح
وبعدين انا مش بلاص علشان ابقى صباحى عسل
يووووووووووووووووووووووووة
كفاية كده واحترسى نفسك والا قد ازعر من انعر

شفقة هانم واحسان بك يقول...

wanna b
شفت ازاى ربنا بقى عايز كده هنعترض ولا هنعترض

شفقة هانم واحسان بك يقول...

rara
وانتى طيبة يا قمر
رمضان كريم

شفقة هانم واحسان بك يقول...

enjy
تلاقيكى متاخرة علشان كنتى راكبه الاتوبيس
عيب عليكى بعد كده وانتى جايلنا اركبى تاكسى يا بخيلة

شفقة هانم واحسان بك يقول...

l g
منورة واللهى بس ايه الكلام الكبير ده كمان احب اقولك اننا مش من الحرفين احنا من المهندسين

شفقة هانم واحسان بك يقول...

قلب مصرى
ايوا كده دعوتين كده حلوين لاخواتك لحسن محتاجينهم اوى

شفقة هانم واحسان بك يقول...

قوس قزح
منورة يا قمر بالوانك الجميلة
كل سنة وانتى طيبة

شفقة هانم واحسان بك يقول...

عارفة مش عارف ليه
ايه رايك فى المفاجاه فظيعة صح؟؟
وبعدين ركز مدونات مصرية للسيالة بتاعة احسان بك اللوذعى مش شفقة الفظيعة

شفقة هانم واحسان بك يقول...

نهر الحب
كل سنة وانتى طيبة يا قمر

شفقة هانم واحسان بك يقول...

magnolia
ايه الاسم المجانينى ده
بعدين ما تشوفيش وحش ولو عايزة تشوفينا خدى تاكسى لحد مدونة الصباغ او مهيج الجماهير احنا اتفضحنا هناك

شفقة هانم واحسان بك يقول...

سمو الاميرة الاسعة جدا
منورة القصر الملكى يا مولاتى
احنا اللى سعداء جدا جدا بس بقولك ايه من هنا ورايح متدخليش الا شفقة واحسان اه انا بقولك اهو علشان احنا عايزين اصوات علشان ناوين ندخل المجلس ونرشح نفسنا

شفقة هانم واحسان بك يقول...

nona
مذيع ايه يا بنتى ده احنا اصحاب محطات فضائية اصلا

شفقة هانم واحسان بك يقول...

pussy
خدى تاكسى لحد مدونة الصباغ او مهيج الجماهير وانتى تتحقق امنيتك ولا تزعلى

شفقة هانم واحسان بك يقول...

خديجة محسن
منورة يا قمر وميرسى على المجاملة لكن فعلا اللى زعلنى افتقادى لحتة الجاتوه معلش المرة اللى جاية تبقى تجيبيه انتى

شفقة هانم واحسان بك يقول...

انا من اهوى ومن اهوى انا
منور انت والهواء هوانا
وبعدين انت جى تعزينا يا عم العزاء خدناه من زمان على المرحومة حتة الجاتوه
كل سنة وانت طيب ونتمنى زيارتك دائما

كيارا يقول...

تؤتؤتؤتؤ

مش باخد انا بقي من الازعره

كيكيكيكيكيكيكيكيكيكيك

مواطن مصرى نايم يقول...

فين الجديد يا بشر
فينكم
كل سنة و انتم طيبين بس بلاش التأخير
رمضان كريم

تحياتى
اسلام

نهر الحب يقول...

ايوة فى الاخر يعنى
وصلتواا لاية
انكم تختفوا ولا اية
انتم فييييييييييييييين
وحشتينى يا شفقة
اوعى تكونى تقلى فى الاكل على الفطار

bos bos يقول...

يا خبر طلعتى بتاعت عروسة ننوسة بجد مش مصدقة

كان نفسى احضر بجد بس ظروف السفر بقى ان شاء الله ملحوقة

وقريبا هعمل كتاب وانتوا اكيد معزومين من غير كلام

تحياتى

اللي شايل همه يقول...

(("_"))كل عام وانتوا تيبين والثنة الجاية تكونوا في كولا لامبور بتزوروا بيت الله الحرام

شفقة هانم واحسان بك يقول...

كيارا
طيب ايه رايك بلاش ازعره تاخدى فول علشان السحور؟؟

شفقة هانم واحسان بك يقول...

مواطن مصرى نايم
كل سنة وانت طيب ايه يا ابنى جديد ايه وقديم ايه ده يادوبك الواحد يقوم يعمل الاكل وياكل وينام يعنى بصره بقينا زيك شفقة واحسان النايمين

شفقة هانم واحسان بك يقول...

نهر الحب
انتى اللى وحشتينا موت واحنا موجودين تحت النهر اقصد النظر بس رمضان بقى وعزومات وكلام من ده

شفقة هانم واحسان بك يقول...

bos bos
اوام اهو الفكرة اتسرقت وهنقلد بقى وبتاع
ماشى يا ستى على العموم الف الف مبروك على الكتاب وعقبال اللى بعده واللى بعده

شفقة هانم واحسان بك يقول...

اللى شايل همه
يا ترى شايله ليه ولسه ما وقعش منك؟؟
وبعدين ايه يا ابنى الحروف اللدغة دى كلها تيبين والثنه ماشاء الله شكلك ثقافتك هايلة بقى كولا لامبور فيها البيت الحرام امال المسجد الاقصى يبقى فين يا باشا

كيكى يقول...

سوال يطرح نفسة
؟
امممممممممممممممممممممممممم
امممممممممممممممممممممممممممممممم
هو انتوا مختفين ولا اييييييييييية
؟
جنتونى وهطتلونى
!
والله المرة الجاية هجيب حمو العفريت
!
عوووووووووووووووووووووووووو

نهر الحب يقول...

ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

أختكم فى الله يقول...

مدونة هايلة بجد

كل سنة وانتو طيبين

رمضان كريم

تقبلو مرورى

كلام وخلاص يقول...

المدونة دمها خفيف جدا وانتو الاتنين ثنائى زى العسل انا قريت تغطيات كتير عن حفلة التوقيع دى وشكل الحفلة كانت جميلة جدا يكفى انكم حضرتوها اتمنى مزيد النجاح والتوفيق
رمضان كريم وكل سنة وانتم بالف صحة وخير
سلام

šσяšαяαα يقول...

تك تك تك

ياللى هنااااا ممكن ادخل اكتب تعليق

ايه دا مانا دخلت خلاص امال انا بعمل ايه دلوقت

ياااادى الفووول اللى بنشربة كل يوم عالسحور تأثيره فعال فى الهلوسة

ماااعليناااا.. ازى الصحة وازى الحال

على فكرة انا كنت معاكم كتير اوى فى الحفلة وفى النادى كمان بس اتحرجت اسلم عليكم لانى بصراحة كنت اول اعرفكم فاتكسفت اقولكم انى صرصارة وبكتب فبلاعة:)

بس انتو ماشاء الله عينى عليكم كووول

اتمنى اقابلكم تانى واكيد هيبقى فى جاتوه

هى القعدة تحلى من غير جاتوه وحاجة ساقعة بيبس وطاجن بامية باللحمة المفرومة وفتة كوارع

انا جعت:)

ورمضان كريم

مقاطعـــــــــــــون يقول...

http://mokat3een.blogspot.com/
شارك حمله مقاطعون نحن نرفض اى قرش يدفعه العرب للتتربح من ورائه اسرائيل وغيرها رافعه شعار ان العرب يستفيدون من وراء شركاتهم ولا تتسببوا فى قطع ارزاق الناس انهم يضغطون علينا بلقمه خبز
فسحقا لاى لقمه تاتينا منهم فى مقابلها الاف يموتون من اموالنا شارك ولا تتردد
وجزاكم الله كل خير

شيتوس الاهلاويه اووووي يقول...

ههههههههههههه
بجد دمك زي العسل والله
والمفاجأة طبعا جميله وان شاء الله تفضلي انتي كمان جميله وزي العسل علي طول كدة
تقبلي مروري وتحياتي ليكي ياستي ولإحسان

بيكيا للبيع يقول...

يوم السبت 13 سبتمبر
معادنا اننا نزور الاطفال المرضى
تحب تشارك معنا ؟
لو تحب تشارك زورنا هنا

http://kouskoza7.blogspot.com/

http://bekyaforsale.blogspot.com/

دار العين يقول...

على مدونة دار العين للنشر
_ جمال الغيطاني في العين
_ حديث علاء الأسواني عن مشكلة انفصال المثقف عن الواقع
_ حدوتة من كتاب " المرأة والحدوتة "
http://ainpublish.blogspot.com/

مواطن مصرى نايم يقول...

شفقة و احسان النايمين
انا كده حقلق على مستقبلى المائنتخ
يبقى ليا منافس نووووووو
انا بس اللى انا هنا
يعنى كل واحد يخلى باله على سريرة
هههههههههههههههههههه

مواطن مصرى نايم يقول...

تعديل

فالسطر الرابع فالفقرة السابقة
استخرج نعت شبة جمله و اعربه
ههههههههههههههه
لا مش كده
نسيت
اه افتكرت
فالسطر الرابع
يوجد غلطة مطبعية من الممكن ان تؤدى الى سقود المعنى البوهيمى للقطعه ككل

السطر كالاتى

انا بس اللى انام هنا

اى ان كان يوجد حرف ناقص فى كلمه انام

اذا نخصم نصف درجة من الطالبة شفقة

و كده مش حتدخل طب

مـجـنـووون يقول...

أنا في الأول ضحكت كتير
بس بجد زعلت وحزنت ، وقولت
لو كان تفكير الناس بالشكل ده في موضوع الزواج يبقي الدنيا دي عليها العوض

ربنا يرحمنا برحمته

تقبلي مروري
مجنووون

محمد فكري يقول...

شفقة هانم وإحسان بك :)
.....................
بجد كان يوم جميل..
وسعيد بالتعرف عليكم
وميرسي على كلامكو الجميل..
وسعيد ان الإلقاء والقصيدة عجبتكم..
.................................
وإلى لقاء تاني ان شاء الله :)
.......................
مع تحياتي:..

محمد فكري

سندس وأمل يقول...

هأرجع وأقول تانى ربنا يكون فى عونك

يا أستاذ احسان تلاقيك كل يوم

بتأكلها جاتوه بس هى اللى بتنكر

دى بطلعك فى صورة ..........

بلاش الواحد يكمل اصلى حاسة انك

بقيتى على أخرك خلاص...........

ونفسك تمسكى فى زمارة رقابتى......

بس يابختكوا رحتوا وخلاص،وأنا مارحتش

ان شاء الله المرة الجاية أروح....

والمفجأة مش حلوة أوى..

بس علشان هى منك هنقبلها..."مجاملة"


أنا بأهزر معاكى أصلى عيزاكى تفرفشى

أصلك تلاقيكى هتموتى على حتة الجاتوه

اللى ما ادوهاش لكى ...

أوعى تزعلى أو تشيلى أى هم ......

والمفاجأة فى منتهى الروعة .......

يلا سلام "سندس"

سندس وأمل يقول...

أيه رأيك فى موضوع التعبير ده ........

حلو مش كده ولا إيه...

"سندس"