الأربعاء، 15 أكتوبر، 2008

عـــــــــيد ميلاد ابو فصـــــــــــــادة " happy birth day "




النهاردة بقى عيد ميلاد سونة حياتى المهم انى قعدت اجهز لليوم ده من اسبوع بس علشان تعرفوا انا بحبه اد ايه ولو انه ولا بيقدر.......... بس يلا اهو الواحد بيعمل اللى عليه






وبعدين قلت يا بت يا شفقة معقول يبقى عيد ميلاد الغالى سونة......... وما تكتبيش فى حقه كلمتين حلوين






لا مالكيش حق لازم تدعبسى شوية وتدورى فى نفوخك على كلمتين ينفعوا فى مناسبة زى دى






وقلت اما اكتب بيتين شعر كده ولا خاطرة صغنونة او اى حاجة ...........طالما هو مش راضى يعترف ويقول خليها علينا...... واهو كمان حاجة تمسح ذنوب العك اللى فات اقصد البوست اللى فات






رحت ممخمخة وكاتبة "اه بس بلاش تريقة ولا قر"






كلما اقترب يوم ميلادك اشعر بسعادة غامرة ويزداد خفقان قلبى لان في كل ميلاد تمر على سنة بالقرب منك






وكلما اقترب منك اشعر بحب وسعادة وشوق غامر وكل يوم وكل ساعة وكل سنة.... ازداد بمعرفتك ويزداد حبى لك ويكون مولدى فما اجمل القرب منك





يوم ميلادك وعندما تدق الساعة معلنة بداية سنة جديدة اطير فى فرح وبهجة لاوقد الشموع لتدفء المكان بالحب والسرور






فاليوم نبدا ولا ننتهى ويكفينى ان فى هذا اليوم البهجة لم تغادر كيانى ووجدانى






وساظل احتفل به الى ان ينتهى زمانى................. وكل عام وانت بخير






يا توام روحى ... وانيس وحدتى ....ورفيق دربى ...وشريكى فى فرحى واحزانى






لك كل الحب والشوق يا من روانى بحبه ....وحقق امالى و احلامى












الشاعرة المغمورة شفقة



هناك 125 تعليقًا:

مواطن مصرى نايم يقول...

نعم
يعنى افهم ايه انا
بوست عبارة عن عنوان

"عيد مى"
طيب كل سنة و مى طيبة
بس انا عاوز بوست مليش دهوة

ماما أمولة يقول...

هي فين الرسالة

ولا انا دخلت شارع غلط

كل سنة ومي طيبة

esraa يقول...

هو كده خلاص خلص؟

طب كل سنة ومي طيبه

ضد التيار يقول...

كل سنه و هو طيب و دايما مع بعض

و كل سنه تعملى انتى العيد ميلاد و تكتبى ايتها الشاعره المغمورة شعر فى احسان

شفقة هانم واحسان بك يقول...

مواطن مصرى نايم
انتى اللى مفزع بجد دخلت فى الساعة الحاسمة الفاصلة وانا لسه بكتب العنوان ناس ما بتنامش
ارحمونا بقى واتهدوا وناموا

شفقة هانم واحسان بك يقول...

ماما امولة
مى مين وفين وليه ؟؟
معلش لفى شمال فى شمين وانتى توصلى

شفقة هانم واحسان بك يقول...

esraa
هو ايه اللى خلص هو احنا بنبيع لب؟؟
ركزوا شوية يا عالم انا كنت بجرب العنوان بشوفه اتركتف ولا لا حلوة اتركتف دى؟؟

شفقة هانم واحسان بك يقول...

ضد التيار
ربنا يخليكى بس هو انتى بتاخدى من الكلام ده؟؟
سيبك سيبك دول كلمتين بس كده يمشى بيهم حاله بعد البوست الفظيعظ اللى فات بس ده بينى وبينك

ضد التيار يقول...

ههههههههههههههههههههههه

سرك فى التعليقات ماتخفييييييييييييييش

بس على فكره فعلا كان فى الريدر عندى اول لما نزل البوست اسمه عيد مى و بس

انا قولت يبقى المدونه بالفعل عملتها معكم وصبرت شويه لانها بتحصل كتير مع المدونات

ناصحه انا صح ؟؟؟؟

esraa يقول...

كل سنة وهو طيب ياسيتي

ويارب عقبال 100 سنة حب وجواز

وربنا يسعدكم سوا يارب

اهم حاجه بس انه يعد الجمايل دي ها

مصري بالغربة يقول...

انت شاعرة مش مغمورة ده انت شاعرة جامدة جدا يا شفقة

وكل سنة واحسان طيب وانتي طيبة

momken يقول...

هو ايه ده؟؟؟؟

غريبه اوى

قلب مصرى يقول...

أخى إحسان
كل سنة وانت طيب وعقبال عمر طويل مع شفقة هانم كله سعادة وحب وهنا.

تسلم دماغك يا شفقة هانم على الكلمتين الجامدين دول ومتخافيش إحسان أكيد سامحك على البوست اللى فات زى انتى ما سامحتيه على البوست اللى قبله.

برنامج انت تسال والكمبيوتريجيب يقول...

يسرنا تواصلكم مع برنامجنا الأذاعى بزيارة مدونتنا وهى مدونة اول برنامج أذاعى عن النت والمدونات فى الشرق الوسط من الأذاعه الرئيسيه لمصر
المدونه
http://netonradio.blogspot.com

شفقة هانم واحسان بك يقول...

ضد التيار
لا بجد اروبة وواعيه برافو عليكى

smilyrose يقول...

كل سنة وانت ومى طيبين

واجمل هدية عيد ميلاد

هبعتلكو مصاصة كبيرة


عقبال مليون سنة

smilyrose

روح البح الصادق

شفقة هانم واحسان بك يقول...

esraa
يا بخيلة قولى يجى مليون سنة كده ولا حاجة......ولعلمك هو مالوش الا فى عد الجمال مش الجمايل

شفقة هانم واحسان بك يقول...

مصرى بالغربة
ربنا يخليك لينا وترفع من معدنياتى كده علطول وترجع لنا بالسلامة

شفقة هانم واحسان بك يقول...

momken
هو ايه الهو ايه ده؟؟
شكل اجازة الوضع اثرت ولا ايه
عموما انا ماردتش ازعلك وكتبتلك بوست قصير مش محتاج اجازة علشان لما يتخصم المرتب ما يبقاش لك حجة

شفقة هانم واحسان بك يقول...

قلب مصرى
بشكرك بالنيابة عن دماغى وهى على فكرة بتسلم عليك اوى وبتقولك ميرسى على الكلمتين اللى كتبتهم فى حقها

ماما أمولة يقول...

الحمد لله انا مشيت على العنوان اللي وصفتيه ووصلت اخيرا
كل عام وانت واحسان طيبين
ودمكم خفيف وزي العسل

كباريه يقول...

يابخته بيك
====================


وكلما اقترب منك اشعر بحبا وسعادة

=========================
بتهيألي بحب ___بكسر الباء لأن الباء حرف جر

مواطن مصرى نايم يقول...

يا سلام
لالالالالالالالالالالالا
قال ايه و احسان يقول العزوبية و مش عارف ايه و الكلام ده
لا يا عم انت كده ظالم
ههههههههههههه
و الله يا شفقه انتى عاملة احلى واجب معاه
دا يبوس ايده دقن و شعر على حبه (الشعر) دول
ههههههههههههه

بس و الله جميل جدااااااااااااا
ربنا يخليكم لبعض
و كل سنة و احسان طيب و يا رب ديما فى سعاده و فرح و يبعد عنكم اى حزن و مشاكل و يطعمك ما يحرمك و يكسيك ما يعريك الهى و انت جاهى يا رب ما تشوفوا وحش ابدا و حسنة قليله تمنع بلاوى كتيرة و هنيالك يا فاعل الخير و الثواب

و الله الموفق

ههههههههههههههههههه

كل سنة و انت طيب يا كبييييييييير

mohamed ghalia يقول...

happy birth day
عيد سعيد لمى وعقبال 100مليون سنة
تحياتى
دمتى بود

princess يقول...

بخرى المدونة بقى عشان الحسد هههههه
ربنا يخليكم لبعض وكل سنة وهو طيب
تحياتى

saso يقول...

كل سنه وانت طيب يا احسان بك ويارب دايما مع شفقه هانم في كل سعاده

جميله اوى الخاطره دى يا شفقه هانم على اعتبار انها اولى محاولاتك اللى لا نافعه شعريه ولا نثريه ههههههههه

بهزر طبعا بس ضحكتنى اوى حكايه وما افظع البعد عنك ( حلوه) ههههه

كل سنه وانتوا دايما مع بعض بالحب
سلام بقه

كيارا يقول...

بصراحه يااحسان لازم تعمل لشفقه تمثال

امسكوا الخشب بقي ربنا يحرسكم من العييييييييييييين

اصصل العيون يبنتي مبتستش

بتررررررررررررشق


كل سنه وشفقه منك قريبه


كل سنه والحب دائم بينكم

كل سنه وربنا حارسكم

وعارف يااحسان لو اسمعك تقول العزوبيه

محدش يحوشني بقي ساعتها


اخ انسيت

كل سنه وانت طيب يااحسان ومن الله اقرب

كل سنه وانت طيب وانت مع شفقه العسوله

صدى الصمت يقول...

تجربة شعرية ناجحة أهنيكِ
(ماأجمل القرب منك وماأفظع البعدعنك)
متهيألى كلمة(أفظع) هنا مالهاش علاقة بسياق الشعر الرومانسى كلة,
وعموماً نك تفتكرى يوم عيد ميلادة دى برضة من مزايا المرأة،
كل سنة وانتم طيبين

الملاك الحزين يقول...

كل سنة وانتم طيبين

اهو ده عيبه يقول...

كل سنة وانتوا طيبين ودايما مع بعض وبخير
وربنا ميحرمكمش من بعض
سلام

blue-wave يقول...

كل سنه وهوا طيب
ويابخته يا ستى بالكلام الحلو دا

EMMY BABY يقول...

كل سنة وهو طيب وعقبال مليون سنة كل سنة يزيد فيها حبكم وشوقكم لبعض

محكتلناش عملتى التورتة ازاى

ومقلتلناش كمل كام سنة

ههههههههههه طول عمرى رخمة انا عارفة

تحياتى

ايمى

شفقة هانم واحسان بك يقول...

smily
منور وميرسى على التهنئة بس الهدية منى لك اعتقد سنك مناسب ليها

شفقة هانم واحسان بك يقول...

ماما امولة
حمدالله على السلامة ....نورتينا

شفقة هانم واحسان بك يقول...

كباريه
كبارية برقصات ولا من غير؟؟
معلش اصلها تفرق معانا
بس شكلك كده بتشتغل هناك مصحح لغة عربية

شفقة هانم واحسان بك يقول...

مواطن مصرى نايم
ايوا كده يا عم اسلام خليك فى صفى شوية ولو انى بينى وبينك هو ما بيحلقش خالص يعنى لا هيبوس شعر ولا دقن
وبلاش شغل الشحاتة ده علشان هو هيقولك يحنن اصلى عارفاه حريص

شفقة هانم واحسان بك يقول...

mohamed
عموما وانت طيب ولو انى مش عارفة مين مى دى
بس كل سنة وهى طيبة

شفقة هانم واحسان بك يقول...

princess
علم وينفذ
ريقتك بالحنجل والمنجل وبالشبشب والصندل على كل اللى يزورك وما يصليش على النبى تحصله هستتبست

شفقة هانم واحسان بك يقول...

saso
ماشى يا ساسو عموما انتى كده دخلتى فى المحظور......انتى ما قرتيش اللى على اليافطة ولا ايه" مش عايزين تريقة ولا قر"
وبكده يطبق عليكى الحكم 500 جنية غرام وحرمانك من زيارة المدونة 3 شهور

شفقة هانم واحسان بك يقول...

كيارا
ميرسى يا قلبى يا نصفانى وواقفة جنبى علطول
بس يا ستى انا حتى عايزة تمثال عجوة مش لازم حقيقى بس هو يعملها

شفقة هانم واحسان بك يقول...

صدى الصمت
معاك حق هى فعلا تجربة شعرية وعدس ومكرونة

شفقة هانم واحسان بك يقول...

الملاك الحزين
وانت طيب وبخير وسعادة

شفقة هانم واحسان بك يقول...

اهو ده عيبه
ربنا يخليكى يا قمر وما يحرمناش من زيارتك

شفقة هانم واحسان بك يقول...

blue wave
ميرسى بس الكلام الحلو ده شغلتك انت
واحنا نيجى جنبك ايه يا دكتور

شفقة هانم واحسان بك يقول...

emmy
حكاية التورتة دى والهدية حكاية لازم لها بوست لوحدها وهافضحه فيها
اما حكاية السن دى بلاش بس هو لسه فى عز سبابه

لماضة يقول...

كل سنه وانت طيب يا احسان بيه
فين الجاتون يا شفقه

مـجـنـووون يقول...

كل سنه وأنت بالف خير

وربنا يديم عليكم الفرح

تقبلي مروري
مجنووون

بنت مصريه يقول...

ههههههههههههههههههههههههههههه
والله انتى عسل يا شفقه
وشاعره مغموره فعلا قولى لاحسان كل سنه وهو طيب معأنى زعلانه منكو انتو لتنين عشان مبتزورونيش
اتمنى تنورونى

بنوتة يقول...

عارفة لو مقدرش بعد الكلمتين الحلوين دول يبقى عبييييييييييييييييييييط
زي باقي الرجالة
كل سنة وانت طيب يا سي احسان

مقتطفات من حياة فتاة يقول...

فكرة حلوة التهنئة على الهوى وكل سنة وسونة طيب
لاكن انا زعلامة منك اوي ازاي يكون عندك عيد ميلاد ومتعزميناش

kochia يقول...

كل سنة وانتوا طيبين
وحلو الشعر ده

شفقة هانم واحسان بك يقول...

لماضة
وانتى طيبة يا قمر وبعدين بتسالى على الجاتون هتلاقى عند اى محل حلويات والقطعة 3 جنية بس يا بخيلة

شفقة هانم واحسان بك يقول...

مجنون
ربنا يخليك بس فرح ايه وكوشة ايه احنا اتجوزنا من زمان على فكرة

شفقة هانم واحسان بك يقول...

بنت مصرية
طبعا يا بنتى عسل وبلاص كمان
احسان بيقولك وانتى طيبة
وعلى فكرة انا بزورك علطول واخر مرة زورتك لقيتك لسه ما كتبتيش حاجة جديدة
عايزة اقولك انك من الناس اللى بهتم بكتابتهم جدا جدا جدا

شفقة هانم واحسان بك يقول...

بنوتة
هو زى ما قلتى كده مفيش حد بيقدر مش من الرجالة

شفقة هانم واحسان بك يقول...

مقتطفات من حياة فتاة
نفسى اعرف ليه مش الحياة كلها ليه مقتطفات؟؟
وما تزعليش المرة اللى جاية هعزمك بس انتى عليكى التورتة
وبعدين بخصوص الهواء اصلى مذيعة قديمة كنت بذيع من المطبخ

شفقة هانم واحسان بك يقول...

kochia
تقصدى حلوة الشعرية دى صح؟؟
طعمها عجبك؟؟

كيكى يقول...

ومين يا ترى هيتريق على مشاعر جميلة زى دى؟
على احساس رائع زى دة
على قمة السمااااااااااح
السماااااااااااااح
بينكم
هااااا مين؟
؟
كل سنة وانت طيب يا احسان بك..
وعقباااااااال 100 سنة
يارب وانتوا مع بعض ومتهنين
ياااااااااارب
وكمان كل سنة وانا طيبة دة احنا برج واحد انا وانت بس انا قبليك.
يلا
هابى برث زى تو يووووووووووووووووو
هوووووووووووووووووووووووووووف
عوووووووووووووووووووووووووو

كيكى يقول...

بس مى
مين يا شفقة؟؟
الى بيكلموا عليها فى اول التعليقات
امممممممممممممممممممممممممم
امممممممممممممممممممممممممممم
يلا ماعلينا
عووووووووووووووووووووووووووو

سومه...مجنونه فى بلد عاقل يقول...

ههههههههه اموت واعرف مين ملاكى الكلمتين دول
اخص يا شفقه هو دا تخريط الوز انتى طلعتى طالبه فاشله
بس اقولك حلوه قوى الخطه دى تاكلى بعقله حلاوه بعدين تطلعى بالكبيره
لا جامده يا شفوقتى

سومه...مجنونه فى بلد عاقل يقول...

كل سنه وانت احسان مش حاجه جديده يعنى
:q

شفقة هانم واحسان بك يقول...

كيكى
بقى كده يا خاينه طلع برجك زى برجه وانا اللى كنتى فاكراكى من تحت السلم تطلعى من بتاعة الابراج ماشى ماشى
عوووووووووووووووووووووووووووووووووووو

شفقة هانم واحسان بك يقول...

كيكى
علمى علمك هو فى ناس اخدوا العنوان وانا لسه بكتب البوست وبجرب
يا دوبك كتبت عيد مي
اقصد ميلاد ولقيت امم على باب المدونة بيقطعوا بعض ويزاحمه عايزين يدخلوا

شفقة هانم واحسان بك يقول...

سومة المجنونة
وحشتينى يا مجنونة
وبعدين قولى مين اجرة مش ملاكى
هو احنا برضوا وش ملاكى يا شيخة
وما تخافيش عليا دانا استاذة فى تخريط الوز والبط والديوك وعمل جميع الاصناف الشرقية والغربية والقتالية

اهالينا زهقوا يربونا يقول...

هالووووووووووو يا شفشوقه كل سنه واحسان بيه طيب

احنا بنحبكم اووووووووى وواخدنكم حدوه لينا قصدنا ندوه لينا
يووووووووووووووووووووووه قدوه لينا

سلام بقه

nona يقول...

كل سنة و انت طيب يا احسان بيك و اعقبال 100 مليون سنة و تعيش فى سعادة انت و شفقة و تحطها جوة عينيك

بس اية الجمال دة كلامك جميل جدا بس هو كدة هيتعود على الحجات دية و هى مضرة بصحة الرجالة و يقعد كل شوية يقولك فاكرة كنتى كتبالى اية و الا نسيتى خلاص يعنى
طبعا مش هقولك انتى عارفهم كلهم هذا الراجل

ربنا يسعدكم و يجعل كل ايامك سعادة يا رب
بس تعالى هنا فى الورتة و الحاجة الساقعة
هو عيد ميلاد ناشف كدة مافيش حاجة تطرى على قلبنا خخخخخخخخخخخخخخ

سمو الأميرة سارة يقول...

الله عليكي يا شفقة .. ايه الرومانسية دي .. ايوووون الكلام دا لايق عليكي بجد .. يعنى لايق على رقتك وطبيعتك في الحقيقة ..

كل سنة وانت طيب يا احسان .. ويااااااااارب تبقى السنة الجاية من اجمل سنين عمرك .. ويبارك يارب في عمرك واهم حاجة اهم حاجة يخليلك شفقة وطول عمرها كده تبقى مونساك








شايفين الكلام الحلو دا .. ما استاهلش بقى حتة من التورتة اللى طالعة من عينى دى ؟؟؟؟؟؟؟

دعاء مواجهات يقول...

ياسلام ياسلام ايه الجمال دا كلو بس


ربنا يارب يخليكوا لبعض

ويديم عليكو كل الحب والود

وكل سنه وانت طيب ياأستاذ إحسان

وكل سنه وانتوا مع بعض ديما ً يارب

زى الهوا يقول...

ربنا يخليكوا لبعض وتكتبى اشعار ديما فيه , وكل سنة وهوه طيب

شفقة هانم واحسان بك يقول...

اهالينا يزهقوا يربونا
منورين بس هما للدرجة دى اهلكم زهقانين؟؟
وبعدين ايه حدوه دى احنا هنلخبط ولا ايه من اولها شايفانا حصان ادامك
ماشى ماشى

شفقة هانم واحسان بك يقول...

nona
ربنا يخليكى يا قمر وانتى طيبة
بس بخصوص يحطنى فى عينيه دى معتقدش اصل عينه ضيقة عليا
وبعدين عندك حق الرجال ما بتصدق تمسك علينا ذلة ربنا يستر
اما بخصوص الحاجة الساقعة والجاتون فماتبخليش على نفسك وطلعى اللى تحت البلاطة وروحى اشترى من عند بتاع الحلويات

شفقة هانم واحسان بك يقول...

سمو الاميرة
نورتينى يا قمرايا ايه التعليق الحلو ده
ايوا كده اديله كلمتين خليه يحس ويتحرك
وادعيلى السنة اللى جاية يكون كاتبلى عمارة باسمى

شفقة هانم واحسان بك يقول...

دعاء مواجهات
ايه يا عم الكلام الصحفى الجامد ده ايوا كده انصرينى
وحشتينا جدا

شفقة هانم واحسان بك يقول...

زى الهوا
انا بكتب فيه صحيح بس احنا قلنا بقى مش اشعار لا شعرية

وومن يقول...

متاسفة علي التاخير في الزيارة
بس بجد وحشتوني

احسان بيك كل سنه وانت طيب عقبال مليون سنه يارب وتكون شفقة هانم جنبك

كلامك جميل وحلو ما شاء الله ربنا يخليكو لبعض

شهد الكلمات يقول...

الحمد لله ان الشاعرة مخمورة ههههههههههههههههه

تسلم ايدك يا شوشو و مجهود تشكري عليه و لو حد قال غير كدة يبقي حرام عليه

و كل سنة و احسان بية طيب و انتوا بالف خير و صحة و سعادة

تحياتي

شفقة هانم واحسان بك يقول...

وومن
معلش تلاقى المواصلات كانت زحمة
ولا يهمك ......انتى كمان وحشتينا مووووووووووووووووووووووووووووووووووت

شفقة هانم واحسان بك يقول...

شهد الكلمات
بقى كده انا مخمورة.....علمك علمك علمك انا ما بشربش كبيرى عصر ليمون
وميرسى يا قمرى على التهنئة

ojg يقول...

مغمور مين بس يا قمر
ده انت عملت عمايل وسويت الهوايل
بجد كلامك زي العسل
وكل سنة والأستاذ إحسان بكل خير ودايما مع بعض في خير وسعادة

بس أحلى حاجة يا قمر
انك عرفتي تظبطي الدنيا
خدتي حقك البوست اللي فات
وبعده كلمتين حلوين في البوست ده ظبطوا التظابيط
:))
تسلم ايديكي

Abo 7anf يقول...

السلام عليكم
دى اول زياؤه يا كل سنه وهى طيبه

mony يقول...

كله سنة و انت طيبين

و لبعض قريبين

و لربنا طائعين

ولامالكم و امنياتكم محققين


ربنا يقر اعينكم ببعض و يرضيكم ببعض

آآآآآآآآمين

عاشقة القمر يقول...

كل سنة وهو طيب عقبال مائع شمعه خليكم لبعض ويسعدكم

نعكشة يقول...

ربنا يخليكوا لبعض يا رب

كل سنة و حضرتك طيب يا استاذ احسان
كل سنة و انتوا دايما مع بعض

امين

سلام عليكما

rara يقول...

كل سنة وهو طيب
وعلى فكرة كلماتك جميلة اوى بجد
وربنا يديم المحبة بينكم دايما

همس الاحباب يقول...

هههههههه
ههههههههه
كل سنة وانتم طيبين ومن بعض قريبين
وعقبال مليون سنة يارب
وربنا يسعدكم ويجعل كل ايامكم هنا وسعادة واعياد
والله يا احسان بيه يا اخى
حاسس كده بريحة مش كويسة فى الكلام
يلا ما علينا خليها علينا احنا
انا جاااااااى اهدى النفوس بس
هههههههه
كل سنة وحضراتكم بخير وعقبال مليون سنة
تحياتى
خالد

Zanooba (Zeinab sab9n) يقول...

ههههههههههههه
خلي بالك يا أحسان أنا مش مرتاحه للكلمتين اللي شفقة كتباهم في حقك دوول :)) شكلها نويالاك على نية كده مش ولا بد :)) و قد أعذر من أنذر ....

ياللاا حالاً بالاً دالاً حيوا أبو الفصاد حيكون عيد ميلاده اليلة أحسن الأعياد ...متحيوا أبوو الفصاد :))

Tamer Alhosiny يقول...

كل سنة وانت طيب يا احسان
معلش الستات دول
معلش استحمل سنة جديدة امرك لله
بدعيلك بالحرية يا صديقي
ههههههههههههههههههه

كل سنة وانتي طيبة يا شفقة مش عايز ابقي بوقع
اذاي تقولي علي احسان ابو فصاد
هههههههههههههههههه

كل سنة وانتم طيبين وفي حب وسعادة يارب

واتمني نحتفل باعياد ميلادزواجكم سوا

واتمني ان يبقي في هدية حلوة مع الشعر الجميل ده
ولو مش في فلوس قولي له يزود المصروف
هههههههههههههههههههههههههههههه



كل سنة وانتم في حب يارب

ahmed_k يقول...

كل سنه وإحسان بخير
وعقبال مليووووون سنه
وربنا يديم عليكم الأفراح
والسعاده والأيام الحلوه

تقبلوا خالص تحياتي

مواطن مصرى نايم يقول...

ماشى ماشى بقى انا رخم يا شفقة
طب انا بقى رجعت ارخم عليكوا تانى بقى
و المرة دى راجع جامد و احسن من الاول كمان الحمد لله
و حرخم عليكوا اكتر و اكتر

شكرا عالسؤال جدااااااااااااااااااا
انا مستنى الكتاب بتاعك بقى
هو لسه بدرى علية ؟؟؟

دنيتى الجميله يقول...

كل سنه وانتم طيبين يا شفقه يا حبيبتى
ودايما مفرحنا بفرحتكم
واعياااااااادكم

sasatifa يقول...

كل سنه وهو طيب وعقبال 1000 سنه
وحلوه الكلمتين اللى فى حقه دول
مين قده

فارس بلا جواد يقول...

كل سنه ومى طيبه
تحياتى

اهالينا زهقوا يربونا يقول...

هالو شفشوقه

جايين نعزمك على عيد ميلاد سمكه

الحفله قريب

وابقي هاتى احسان بيه مش مشكله بس بما انكوا نفرين يبقي هتجيبوا هديتين

سلاموز

DR.HAMAS يقول...

ههههههههه

أنا صراحة مش متابع المدونة من زمان

بس باين ان فيه كلام نفاق كتير فى كلامك للأخ احسان

معلش يعنى

انتى خايفة منه و لا حاجة ؟؟؟


على العموم كلام جميل

بس يا ريت يكون حقيقى

و ربنا يديم المحبة و المودة




د.حماس

بنوته مصرية يقول...

كل سنه وانت طيب يا باشا واعبال 100 سنه


والله وحشاني يا شفقة

ربنا يدوم عليكم السعادة ويخليهولك يارب

رودي

Bosssssy يقول...

كل سنة وانت طيب يااحسان بك .....

شفت شفقة هانممدلعاك ازاي؟؟؟؟؟؟؟؟

شفت بقى مثال الزوجة الصالحة؟؟؟ اوعى تضيعها من ايدك ولا تبص برة ..مااااااااشى؟؟؟؟؟؟؟؟؟

ايه رأيك بقى ياشفقة هانم؟؟؟ ياترى عجبتك ؟؟؟؟؟؟؟

كل سنه وعقبال 100 سنه وشفقة هانم وشها فى وشك. ههههههههههههه

بوووووووووسي

يوميات نائمة في الأرياف يقول...

احسان باشا مش بيه:
كل شنة وجنابك بألف خير يارب
تقبل تحيات الشعب المصري

son's egypt يقول...

السلام عليكم
كل سنه وعيد ميلاد سعيد

شفقة هانم واحسان بك يقول...

ojg
شوف النق بقى يا ساتر ظبطت وعملت وخططت مش عايزين حقد يا عالم يا هوو

شفقة هانم واحسان بك يقول...

abo 7anf
اهلا وسهلا شرفتنا بس يا ترى هى مين دى اللى حضرتك بتعيد عليها؟؟
علمك علمك علمك احسان ده سيد الرجالة اه مش عايزين غلط وتغير فى الهيئة
وبعدين ما تبقوش تقروا العنوان بس ابقوا كملوا للاخر

شفقة هانم واحسان بك يقول...

mony
ايه الكلام المسجع والمقفا ده
لا بجد شاعرة شاعرة يعنى
ان شاء الله فى الاحتفال السنوى بتاع عيد الجواز نبقى نخليكى تكتبلنا كلمتين كده على الماشى

شفقة هانم واحسان بك يقول...

عاشقة القمر
ربنا يخليكى يا قمر بس هى ايه مائع ده؟؟
هو رقم جديد اضاف للارقام واحنا مخدناش خبر ولا ايه؟؟

شفقة هانم واحسان بك يقول...

نعكشة
فين من زمان يا نعكوشتى وحشتينا اوى
ايه غايبة عنا ليه
و ميرسى يا قمر على الكلام الجميل ده

شفقة هانم واحسان بك يقول...

rara
بقى انا كلماتى جميلة ميرسى على النفاق ده
ولا اقولك ربنا يخليكى رفعتى من معدنياتى

شفقة هانم واحسان بك يقول...

همس الاحباب
ميرسى على التهنئة وعلى تهدية النفوس ماشى
اما بخصوص الريحة اصلى كنت بعمل تقلية وانا بكتب البوست ما تخدش فى بالك

شفقة هانم واحسان بك يقول...

zanooba
كده برضوا يا زنبنب؟؟
جاية تولعيها حريقة ماشى هتترد هتترد

شفقة هانم واحسان بك يقول...

tamer
يا راجل كل اللى قلته ده وما بتوقعش عموما احسان بيقولك انه بيدعيلك بالاعتقال علشان تبقوا تونسوا بعض

شفقة هانم واحسان بك يقول...

ahmed k
ميرسى على كلامك الذوق الرقيق ده

شفقة هانم واحسان بك يقول...

مواطن مصرى نايم
وانا اقدر ارخم برضوا؟؟
ده انت انسان ذوق ذوق ذوق
ايه رايك فى الكلمتين الحلوين دوول
المهم انت ايه اخبار النفسوية دلوقتى اتمنى تكون احسن
الكتاب فى طريقه الى النور ما تستعجلش

شفقة هانم واحسان بك يقول...

دنيتى الجميلة
ميرسى يا قمر ربنا يخليكى

شفقة هانم واحسان بك يقول...

sasatifa
ميرسى ربنا يخليك

شفقة هانم واحسان بك يقول...

فارس بلا جواد
مى مى مين؟؟
يا جدعان لما تعلقوا بلاش تاخدوا اول كلمتين وتجروا
نفسى اعرف مين مى دى؟؟

شفقة هانم واحسان بك يقول...

اهالينا زهقوا يربونا
كل سنة وسمكة طيبة
بس شوف الطمع من اولها هديتن يا ساتر
عموما ماشى هنجيب معانا ودع وصدف
ولا اتنين كيلو جمبرى احسن؟؟

شفقة هانم واحسان بك يقول...

dr hamas
ايه الصراحة والحماس الفظيع ده
طيب لعلمك الكلام ده حقيقى مليار فى الميه ها

شفقة هانم واحسان بك يقول...

بنوتة مصريه
اخيرا القمر هل علينا
فينك يا رودى وحشتينا جدا
مختفية ليه
عموما احنا بنسال عليكى سكر حتى اساليه ولو انكر قوللنا واحنا نوريه

شفقة هانم واحسان بك يقول...

possssy
ربنا يخليكى ايوا كده اديله ادى ما ترحمهوش

شفقة هانم واحسان بك يقول...

يوميات نائمة فى الارياف
ايه يا بنتى انتى كنتى مختفية فين
وبعدين شكلك كده فات عليكى سنين وسنانك وقعت
عموما ميرسى على تهنئتك وتهنئة الشعب المصرى وان شاء الله اول ما ننجح فى الانتخابات ليكى فدانين ارض يلا

شفقة هانم واحسان بك يقول...

sons egypt
شكرا جزيلا

اقصوصه يقول...

كل عام واحسان بالف خير

وكل سنه وانتوا اقرب لبعض

والله يرزقكم الذريه الصالح يا رب:)

نهر الحب يقول...

ماشاء الله
مش هقول غير ماشاء الله
الله يديم الحب والود
وكل سنة واحسان بيه بخير

نهر الحب يقول...

فى لقاء يوم 14/11 /
يوم الجمعه ان شاء الله هنروح دار ايتام ونحاول نقعد شوية مع الناس فى دار الايتام وبعدين نتغدى ونطلع على البحر شوية
طبعا اللقاء فى بورسعيد
يارب تقدروا تجيبوا الجاتوة وتيجوا

حـــــدوتـــــة يقول...

السلام عليكم

كل سنه وسونه طيب
وربنا يخليكو لبعض وعقبالى

سلالالالالالالالالالالالالالالالالالالالالالالالالالالام

زهرة الجنة يقول...

كل سنة واحسان بك طيب
وكل سنة وانت في سعادة وهنا
بس قوليلي يا شفقة ايه الجمال والحلاوة دي
اظن الكلمتين دول اهم من مليوون هدية عند احسان بيه
كل سنة وانت طيبيبن في سعادة عايشيين

بس قوليلي في سرك جبيتي هدية ايه؟؟(:

مواطن مصرى نايم يقول...

ايه كل ده بتطفوا الشمع
هو كان شمع و الا اعمدة نور
ايه التأخير ده ؟؟

واحدة مفروسة يقول...

ياخراااااابي
ده انا بجد مش جيت من زماااااان
ايه ده هوه ان كنت فى غيبوبة ولا ايه؟؟
و لا يا أوختي يمكن الزهايمر
استري عليا الااااااهي يستر عليكي
السن و سنينه

المهم خلينا فى التورتة
شيلتولى حته ولا لأ
ديه شكلها حلو ام شيكولاته ديه

و بعدبن تعالى هنا يا ست شفقة
بذمتك انتى كتبتى الكلام ده بعد الجواز و لا قبله؟؟؟؟
لا ما هو انا لازم اعرف
علشان لو قابله مسامحاكي
لكن لو بعده
يبقى نهارك مش فايت
فيه حد يكتب كلام زي ده بعد الجواز
هههههههههههههههههههههههه
كل سنة و انتم طيبين