الجمعة، 2 يناير، 2009

مليون وخمسمئة ألف وخمسة وخميسة (005 500 1)

الرقم ده مش فلوووس
الرقم ده عدد الرؤوس

أيوه
مليون وخمسمئة ألف وخمسة رأس

إحتفلنا بيها .. وفرحنا ليها وفيها
أيوه فرحانين وبنحتفل

ولسة هنفرح وهنحتفل
دول مليون وخمسمئة ألف وخمسة رأس
كل رأس تستحق إحتفال خاص
تيجوا نعدهم مع بعض ؟؟؟




أول رأس هي:
رأس خروف الأضحية
وأظنكم لسة فاكرين رأس الخروف إياه
وكل سنة وانتم مضحيين وفاتين ومرقرقين



تاني رأس هي:
رأس الخروف "بوش"

قصدي الرئيس "بوش"
اللي بقت زي هدف النيشان في تدريب الرماية
وقاعدة النيشان اللي كانت "سن نملة الدبانة"
هتبقى بعد التعديل "لسان بوز الجزمة"
وبدل ما نشد "الأجزاء" هنشد "الرباط"
و"الزناد" في التعديل الجديد هيبقى في الكعب
و"الذخيرة الحية" بدل ماتتحشي "بارود"
هتتحشي بشراب منتن مقطع لابسه طفل عراقي من أطفال الش
وارع
كنوع من رد الجميل للبوشين أبو وشين(بوش الأب وبوش الإبن)



تالت راس تستحق الإحتفال هي:
رأس السنة الهجرية

1430 سنة مرت على هجرتك
يا سيدنا وحبيبنا يا "محمد"
عليك أفضل الصلاة والسلام

لطالما حذرتنا من اليهود وأفعال اليهود
وتركت لنا قصصا لبني إسرائيل
وقتلهم الأنبياء
فما بالكم بنا نحن الضعفاء إليه ؟؟



رابع رأس إحتفلنا بيها هي:
رأس السنة الميلادية 2009

مرعام بكل ما يحمل من ذكريات
الحزين منها والسعيد
والقليل من النجاحات
وكثير من الإخفاقات
ولكن يظل الأمل فينا أبدا ما حيينا



مليون وخمسميت راس على بعض
حتة واحدة

أرفع لهم القبعة واحدة واحدة
بعدد رجالك وشجعانك يا "غزة"

تحية إجلال وإحترام وعزة
لكم يا رافعي الرأس في "غزة"
رفعتم رؤوسكم وأصواتكم وأيديكم
فرفعتوا رؤوسنا جميعا
رفعتم رؤوسكم في وجه محاولات الإذلال
رفعتم أصواتكم بكلمة لا للإحتلال
ورفعتم أيديكم بالحجارة
فرفعنا جميعنا الرؤوس إعتمادا عليكم

نعم إخوتي
فأنا لا أجد سببا للعزة والكرامة .. غيركم
إنتمائنا لهذا الجيل هو عار .. بدونكم
كوننا عرب لهو مهانة .. لولاكم
فإسمحوا لنا إخواننا أن نفرح بكم
ونحيي كل أم تزغرد لمقتل بطلها
ونزف كل شهيد فاز بالدنيا والآخرة
ونحتفل بكل يوم مر عليكم ورؤوسكم مرفوعة

إسمحوا لنا أن نفرح بكم ولكم
مليون وخمسمائة مرة
بعدد رؤوسكم المرفوعة



كده إحنا عدينا مليون وخمسميت ألف وأربعة
يعني فاضلنا رأس واحدة
صح ؟؟
بس دي لسة هنفرح بيها قريب
إن شاء الله

الراس دي هيا راسك يا "أولمرت"
وماتفتكرش الكلام ده أي كلام
ذاكر التاريخ كويس وانت تعرف
إن نهايتكم قربت
ولا أقولك سيبك من المذاكرة والتاريخ
إنت بس إسمع الست وهي بتقولك "للصبر حدود"


بالعند فيكم فرحنا
بالعند فيكم إحتفلنا
مش هتقدروا مهما عملتم
تسلبونا حق الحياة
والأمل في بكرة

أيوة يا صهاينة
ياولاد الـ....صهاينة
ياللي حبيتوا تنكدوا على العرب كلهم
المسلم .. والمسيحي
وتموتوا في قلوبهم الفرحة
حتى في أعيادهم

عايزين تنكدوا على المسيحي ؟؟
ماتحاولوش

ده لسة كان بيحتفل بالكريسماس
ودخل كنيسته جوه أرضه المحتلة
ودعا ربنا إنها تتحرر من أشكالكم
طبعا ماهو مانسيش اللي عملتوه
في النبي "عيسى" عليه السلام
وآديكم النهارده بتكملوه
ومرت عليه رأس السنة
ودع 2008 وإستقبل 2009
وآهو مستني يحتفل في 7 يناير
ولا فارق معاه جنانكم ده
مر عليه غزاه ومحتلين كتير
كتب لهم بقلمه قصة الفناء
ليشدو لنفسه أنشودة البقاء


عايزين تنكدوا على المسلم ؟؟
طب إزاي ؟؟
ده لسة كان عايش أيام عطرة
وقلبه متعلق بمكة والكعبة
وهو متابع الحج ويوم عرفه
نسي الدنيا وبلاويها وروحه طايره للجنه
ده لسه خارج من عيده
وفرحان بأضحيته
تلتينها راح للغلبان وذي القربى
والتلت ليه ولولاده وللمة
هلت عليه ومن أيام سنة جديدة
1430 عام على الهجرة
بتأكدله دينك باقي مهما هيجرى
بيدعي يارب يدوم العمر ولو أيام
وتنولني عاشوراء وأنوي صيام
عايش حياته وعينه باصة ع الآخرة
والله مهما تعملوا ماتهزوا منه لو شعرة


بذمتكم ياملاعين ...... ده لو أصلا ليكم ذمة
بقى سلالة صلاح الدين تخاف من ولاد هرمة
وأولاد معركة حطين عارفينكم ولا ليكم لازمة
كبيركم إنتوا وحاميكم وريسهم تاكلوا بالجزمة




وكــــــل راس وانتــم فرحــانيــن
مع تحياتي / إحســان الفرحــان

هناك 78 تعليقًا:

princess يقول...

انا قلت انها سنة غريبة وكان لازم تنتهى بالجذمة:)
كل سنة وانتم طيبيبن
وكويس الرصد لكل المناسبات دى لاحسن الواحد بينسى:)
ان شاء الله السنة دى تبقى احسن
يارب
تحياتى

مسدس صغير يقول...

الحمد لله ان 2008 عدت بلاش .... كل سنه وانت طيب يا احسان بك وسنه جميلة عليك ان شاء الله

زهرة الجنة يقول...

الحمدلله 2008 اخيرا رحلت بكل ما فيها

كل سنة وانتم طيبين ومبسوطين وسنة سعيدة وجديدة عليكم

وكل سنة وانتم دايما سوا

وباذن الله السنة دي احسن بكتير من اي وقت تاني

blue-wave يقول...

ربنا ينصرنا عليهم
قادر يا رب على كل شئ

آخر العنقود يقول...

كلام فيه نسمة امل وتفاؤل

ان شاء الله تكون سنة سعيدة علينا جميعا
او على الاقل مش تكون زى 2008
ربنا ينصرهم ويثبتهم

ونصره قريب باذن الله
ده وعد الرحمن لينا

تحياتى

smilyrose يقول...

اخى العزيز احسان بجد يا بخت شفقه بيك


هههههههههههههههههههههه


كل سنة وانت طيب

وشكرا جدا على الاحداث اللى عنينا

منها واهى مرت بحلوها وبمرها

عدت علينا وسنة جديدة هتمر علينا

ياريت تكون فيه نسمة حلوة

ومش نلاقى دمعه حزينة

وكل سنة وانت وشفقة طيبين

تقبل مرورى


smilyrose

روح الحب الصادق

ahmed_k يقول...

كل سنه وأنتم طيبين
وكل روس السنين الهجريه والميلاديه
وأنتم بخير وصحه وسعاده
وأما بالنسبه لباقي الروس
قصدي الرؤوس فيعيشوا وياخدوا غيرها
سواء بوش او اولمرت وأمثالهم
وراس الخروف خللي بالك منها دي
ده بقرون وبينطح

دمتم بكل خير

اقصوصه يقول...

كل عام وانته بخير

ولو اني اعتقد

ان صعب جدا ان احنا نكون فرحانين

خاصه بوسط الظروف الراهنه

اللي لا تساعد على فرح

ولا تساعد حتى على الابتسام!

كاتب مصري يقول...

ربنا يستر ربنا يستر
فرحتنا شكلها كده لازم يكون معاها أحزان
يارب متكونش الراس الجية راس الأمة كلها تبقى بلوى
مودتي

سندس وأمل يقول...

اللهم اعدها علينا بالخير وايمن

والبركات واجعلها تحريرا للمسجد

الاقصى واجعله نصره لاهالى غزه

وتوفانا برحمتك يا ارحم الراحمين...

لا ننسى الدعاء لاهالى غزه...

وابقى سلملى على ابله شفقه

وارسلها تحياتى ....

سندس

سندس وأمل يقول...

اسمع ياسيدى:

مبارك: لن نفتح المعبر الا بوجود الاسرائليين

لانهم هم من يملكون الارض .....

حسبى الله فيه.....

اللهم اهده هوا وكل الحكام...

وان لم ترد لهم هدايه فأخذهم وارحنا

همس الاحباب يقول...

كل سنة وانتم بخير
ويارب يديم عليكم فرحتكم
وربنا ينتقم من الصهاينة احفاد القردة والخنازير
وكل رأس وانت طيب
تحياتى اخى العزيز

Nostor Azzuro يقول...

كل سنة وانتم طيبين

صدى الصمت يقول...

كل سنة وانتم طيبين وبخير وسعادة وصحة وأمان وحب
بوست جميل ومتعدد الجوانب ، اتمنى لك التوفيق وسلامى لشفقة كتييير
تحياتى

انا حره يقول...

يالا كل راس وانتم طيبين

عاشقة القمر يقول...

كل سنه وانتي طيبه
الحمدالله سنه2008 راحت باشراء وخيرهل
الحمدالله
لهم انقذ المسلمين فى غزة
اللهم كن لهم عونا و نصيرا
اللهم ربنا جل ثناؤك و تقدست اسماؤك
اللهم لا يرد امرك و لا يهزم جندك
سبحانك و بحمدك
اللهم عليك باليهود الظالمين
اللهم منزل الكتاب,هازم الاحزاب,مجرى السحاب
اهزمهم و زلزلهم
اللهم ارينا فيهم عجائب قدرتك .. قتلة الرسل و الانبياء
ظلمت العزل الابرياء
اللهم حرر المسلمين فى غزة يا ذا الجلال و العزة
اللهم فك اسرهم و اشفى مريضهم و اكشف كربتهم
اللهم بدل خوفهم امنا يا ذا الجلال و العزة
اللهم اعز الاسلام و المسلمين و اذل الشرك و المشركين و دمر اعداء الدين و احمى حوزة الاسلام
و اجمع كلمة المسلمين على الحق يا رب العالمين
اللهم انج المستضعفين المسلمين فى كل مكان
اللهم اصلح احوال المسلمين فى فلسطين و العراق و فى كل مكان
اللهم الف بين قلوبهم و اهديهم سبل السلام و اخرجهم من الظلمات الى النور
يا ذا الجلال و الاكرام و العزةاللهم إنا نسألك بأنا نشهد أنك أنت الله لا إله إلا أنت الواحد الأحد
الفردالصمد ، الذي لم يلد و لم يولد ، و لم يكن له كفوا أحد
نسألك يا منان يا كريم ،يا بديع السماوات والأرض
يا ذا الجلال والإكرام يا حي يا قيوم
يا رحمن يارحيم ، يا قاضي الحاجات ، يا مجيب الدعوات
يا من له العزة و الجلال ، يا من لهالقدرة و الكمال ، يا من هو الكبير المتعال
نسألك اللهم عزا و تمكينا و نصراللإسلام والمسلمين و نسألك ذلا وخسرانا


وهزيمة للشركوالمشركين
اللهم دمر أعداء الدين ، من اليهود و النصارى و الشيوعيين والعلمانييين ،


والكفرة ، و جميع الزنادقة و الملحدين .
اللهم رب لاتذر على الأرض من الكافرين ديارا
اللهم منزل الكتاب مجري السحاب سريع الحسابشديد العذاب والعقاب مسبب الأسباب هازم الأحزاب


اهزم اليهود والنصارىوكل من عادانا ومن عاونهم ومن نصرهم


اللهم فرق دولتهم وشتت شملهم ،وزلزل أقدامهم ، وألق الرعب في قلوبهم ، وشلَّ
أركانهم ، واجعل بأسهم بينهم ,واجعل تدبيرهم تدميرًا لهم ، وأرنا فيهم عجائب
قدرتك ، اللهم وعجل بهزيمتهم ياأسرع الحاسبين.
اللهم انصر المجاهدين في سبيلك في كل مكان ، في فلسطين
اللهمانصر المجاهدين في سبيلك في كل مكان ، في فلسطين
اللهم انصر المجاهدين في سبيلكفي كل مكان ، في فلسطين
اللهم و انصرنا وإخواننا المجاهدين في كل مكانوزمان
اللهم و انصرنا وإخواننا المجاهدين في كل مكان وزمان
اللهم و انصرناوإخواننا المجاهدين في كل مكان وزمان
اللهم كن لهم ، و معهم ، و قوٌهم ، و سددرأيهم ، و صوّب وارم سهامهم ، و ثبت
أقدامهم ، واربط على قلوبهم ، و اجمعكلمتهم ، و اصلح اللهم قلوبهم ، وأنزل
السكينة عليهم وانصرهم وارم واقتل عدوكوعدوهم


اللهم عليك بأعدائهم ، اللهم عليك
بأعدائهم ، اللهم عليكبأعدائهم .


اللهم عليك بمعقل الظلم و الالحاد ، معقل الكفر و الفساد ،اللهم عليك بجيش
أمريكا و حكومتها ، اللهم عليك باليهود ، اللهم أنت بهم عليم ،و عليهم قدير ،
اللهم أفسدوا في أرضك و قتلوا عبادك و أهانوا دينك
اللهماللهم اللهم
فسلط عليهم ، يدا من الحق حاصدة ، ترفع بها كلمتك، وتسقط بها عدونا،


اللهم عليك بهم ، اللهم عليك بهم ، اللهم عليك بهم ، اللهم
سلطعليهم ريح عاد و الصرصر والعقيم، و صيحة ثمود ، و طوفان قوم نوح ، والقاصفات والعاصفات


اللهم سلط عليهم ما نزل من السماء وطيراً أبابيل، و ما خرج منالأرض ، وما أرسلته على قوم لوط


اللهم و ثبت وسلط الأعاصير عليهموعندهم


اللهم و اجعلهم في قبضة عبادك ، وملكنا نواصيهم


ياقوي يا عزيز ، يا الله ، يا الله ،
إنك على كل شيء قدير ، و بالاجابة جدير ، وأنت نعم المولى و نعم النصير ، و قلت


وقولك الحق ((ادعوني استجب لكم )) فها نحن قد دعوناك كما أمرتنا ، فاستجب لنا
كما و عدتنا ، و لا تردنا خائبين ،برحمتك و فضلك يا رب العالمين ، عالمين ، و صل اللهم
و سلم على نبينا محمد و آله و صحبه، و الحمد لله رب العالمين .
اللهم آمين اللهم آمين .


اللهم فأنتالله لا إله إلا أنت اللهم فنصرك الذي وعدت. اللهم شتت شملهم وأرسخ
هيبتنا فيقلوبهم. اللهم احصهم عدداً واقتلهم بدداً ولا تغادر منهم أحداً. اللهم
أرنافيهم يوماً أسوداً مثل يوم عاد أو ثمود أو أشد من ذلك يا رب العالمين.
اللهمفإنك تعلم ضعف حال اخواننا في كل مكان وزمان


اللهم فأنزل السكينة علىقلوبهم وثبت قلوبهم على الحق واجبر خواطرهم.


سبحان الله والحمد للهوالله أكبر ولا إله إلا الله
اللهم إنا نسألك بقدرتك وقوتك وعزتك ورحمتك أن تنصرإخواننا المسلمين


في كل مكان وزمان اللهم انصرهم نصراً مؤزرا
اللهمإنا نسألك يا حي يا قيوم أن تيسر أمرهم وتجمع كلمتهم على الحق

يا ربالعالمين .
اللهم إنا نسألك بأسمائك الحسنى وبسمك الذي إذا دعيت به أجبت وإذاسؤلت به أعطيت ،
نسألك يا الله أن تجمع شمل المسلمين وتوحد صفهم وتقوي كلمتهموترفع
راياتهم لآ إله إلا الله محمد رسول الله في كل مكان .
اللهم اشف مرضىالمسلمين واجبر جرحاهم وتقبل شهدائهم .
اللهم يسر أمرهم وفرج همهم وبدل ألمهموعسرهم يسرا وحزنهم سعادة يا رب العالمين.
اللهم العن اليهود والنصارى وأعداءالمسلمين ومن والاهم
اللهم رب لا تذر على الأرض من الكافرينديارا


اللهم احصهم عددا واقتلهم بردا ولا تبقي منهم أحدا
اللهم انشربينهم المرض والفتن والزلازل والمحن .
اللهم اخسف بهم الأرض وزلزلها من تحتأقدامهم .
اللهم يا مجرى السحاب ومنزل الكتاب وهازم الأحزاب اهزم الكفرةوالكافرين


ودمر الشرك والمشركين واقتل أعداء الدين .
اللهم أدرعليهم دائرة السوء
اللهم اجعل تدميرهم تدميراً عليهم ، واجعل كيدهم في نحورهم .
اللهم أرنا فيهم آيه اللهم أرنا فيهم آيه اللهم أرنا فيهمآيه


اللهم يا من أمره بين الكاف والنون ويا من لا يعجزه سؤال السائلين اللهم فأجب دعاءنا.


ربنا تقبل منا إنك أنت السميع المجيب القريب .
وصلي اللهم على نبينا محمد وعلى آله وصحبه وسلم .
سبحانك ربك رب العزة عمايصفون وسلام على المرسلين آخر دعوانا أن الحمد لله ربالعالمين

صابر وراضى يقول...

وعليكم السلااااااااااام:

ان شاء الله السنه الجايه يكون الدور على الرجلين علشان سنه كدا وسنه كدا

البت المشمشية حلوة بس شقية يقول...

حلوة اوى التجميعه دى

عقبال راس اولمرت ان شاء الله
ونخلص بقه كتو داهية
كل سنة وانتا طيب يا احسان بيه
وسلملى على شقفه هانم

mero-moory يقول...

السلام عليكم ورحمة الله وبركاته

الله الله على طريقه رصدكم للاحداث وعرضكم ليها

معاكي ياغزة مهما كان ولا زاد عليكي العدوان معاكي بقلوبنا ومعاكي قبلنا رب العرش هالك هؤلاء الخرفان

معاكي ياغزة يا طيبة وبقلوبنا بندعي تكوني بالنصر قريبة

ده انتي معاكي وجواكي رب العرش حماكي

وكتب ولادك مع الشهداء

رائع البوست جداااا والهم انصر الاسلام والمسلمين في كل مكان وانصر العرب على هؤلاء الملاعين

في رعاية الله

يوميات نائمة في الأرياف يقول...

عزيزي احسان
هو ده بالضبط اللي كنت مستنياه منك
هما عايزين يموتوا فينا احساسنا وحبنا للحياة
ضحكنا ومرحنا احلى حاجة فينا مشهورين بيها منذ الازل
النهاردة كنت بسمع احمد المسلماني
بيقول احنا لازم نبتدي السنة الجديدة بالضحك
ايوة يعني هنبتسم ونضحك ونعيش
لازم نعيش
تحياتي ليك ولشفقة وكل سنة وانتم طيبين وبتحبوا بعض وبتناقرو مع بعض
رنا

romansy يقول...

يا سلام عليك وعلى الرؤؤس دول كلهم
انا بحب راس الخروف ونرفع القبعه
لشهداء غزه
اما بقت بقيت الؤؤس
ربنا يخدهم كلهم

مقتطفات من حياة فتاة يقول...

كل سنة وانت طيب استاز احسان
والحمد لله السنة خلصت على خير وبدانا سنة جديدة ربنا يعدها علينا سنة سعيدة يا رب

mony يقول...

كل سنة و انت فرحان

و تفضل علي طول كده فرحان

بنت الغربة يقول...

كل سنه وانت وشفقه طيبين
وكل الرؤوس اللى قلتها مظبوطه قوى
خصوصا راس بوش
دى احلى حاجه حصلت فى السنه اللى فاتت
وبالنسبه لرؤوس اهل غزة فربنا يسترها عليهم ويصبرهم
تحياتى ليك ان وشفقه

د. إيمان مكاوي ( أم البنين ) يقول...

كل رااااااس سنه وإنتم طيبين

تحياتي

الملاك الحزين يقول...

السلام عليكم
حلوة اوى التجميعه دى
كل سنة وانتك طيبين

ماما أمولة يقول...

تسلم يا رب ايديك وعنيك انت وشفشوقة حبيبة فلبي ويفرحكم ويسعدكم

اللهم امين

بوست رائع بجد
ربنا يصلح حالكم

كيــــــــــــارا يقول...

كل سنه وانت طيب فعلا السنه دي فللللللللللل

الحمد لله علي كل شي وربنا ينصرنا باذن الله

نفرتارى يقول...

بجد البوست رائع ... والموضوع ده ما فى احد كان ممكن هيحصره كده .. احييكم وكل سنة وانتم فرحان وسعداء ...

كوكب تانى
نفرتارى

شفقة هانم واحسان بك يقول...

princess
طيب حاسبى بقى لحسن تيجى فى وشنا زى ناس بعدين نحبسك على حسب مقاس الجزمة بس الحبس هيكون عند صراماتى مش فى زنزانة
وطبعا الرصد كويس لانها مهنتى....... انتى متعرفيش انى بشتغل فى الارصاد الجزمية ولا ايه؟؟

شفقة هانم واحسان بك يقول...

مسدس صغير
يعنى بيشيل كده كام رصاصة؟؟
اصلى نفسى يجوا فى واحد صاحبى وتكون دى هدية السنة الجديدة
وبعدين مين قالك ان 2008 عدت بلاش ده احنا دفعنا فيها دم قلبنا
كل سنة وانت بخير وسنة سعيدة بلاش جميلة دى لحسن شفقة بتغير

شفقة هانم واحسان بك يقول...

زهرة الجنة
معقول يعنى 2008 هى بطلة فيلم انى راحلة
طيب وعلى فين العزم ان شاء الله؟؟
كل سنة وانتى طيبة وبالف صحة وسعادة

شفقة هانم واحسان بك يقول...

blue wave
يارب بس هو النصر هيجى كده واحنا حاطين رجل على رجل
لا انا لو منك اشترى كام مسدس على بندقية على كلاشنكوف واشد الترحال وربنا معاك
واحنا بقى هندعيلك
مش كفاية؟؟

شفقة هانم واحسان بك يقول...

اخر العنقود
ايه الحاجات الحلوة دى؟؟
هو ده الكلام امل ونسمة وتفاؤل مرة واحدة احمدك يارب
انتى كده هتخلينى امشى حسب الشرع
اربعة ولا اقولك ممكن بعد الكلمتين دول يبقوا تلاتة بس ونحذف شفقة خالص
اما بخصوص النصر فياريت تدعيلهم اكتر واكتر
ولو عايزة ثواب اكبر شدى الترحال مع عمرو blue wave
ربنا معاكم

شفقة هانم واحسان بك يقول...

smilyrose
شكرا على الجواب اللى انت باعتهمع كارت المعايدة
بس احب اصلحلك حاجة هى شفقة بك مش بيك
اصلى واخدة لقب البهوية من زمان
كل سنة وانت طيب
اخوك احسان

شفقة هانم واحسان بك يقول...

ahmed k
يسمعك من بقك ربنا قال روس قال
وهما فين دول هو فى ادامنا الا شفقة المصرية؟؟
ربنا ينعم علينا بالروس يا سيدى اهو نغير شوية لحاجات ملونة

شفقة هانم واحسان بك يقول...

اقصوصة
معاكى حق بس هنعمل ايه ؟؟ عموما ربنا ينصرهم وفرجه قريب
اما بخصوص الظروف فنفسى اعرف مين اللى رهنها
ورهنها بكام وهيفك الرهنية امتى؟؟

شفقة هانم واحسان بك يقول...

كاتب مصرى
ايه يا عم كده من غير لا احم ولا دستور فزعتنا قلنا فيه ايه....اهو الواحد دلوقتى محتاج طاسة الخضة
ربنا يستر
على رايك لان لو الامة كلها بقت رأس واحدة مش هنلاقى لبس على ادهاوهنتزنق لحد ما نتشنق

شفقة هانم واحسان بك يقول...

سندس وامل
اللهم امين
ابلة شفقة بتسلم عليكم اوى بس هى دلوقتى عندها حصة

شفقة هانم واحسان بك يقول...

همس الاحباب
الصهاينة احفاد القردة والخنازير ....ايه ده شكلك عندك معلومات عن السلالة
بس نورتنا يعنى هما اصلهم من الزرايب
اتاريهم علشان كده بيتنططوا كتير وشغالين هرش فى الدول كلها

شفقة هانم واحسان بك يقول...

nostor
كل سنة وانت طيب وبصحة وسعادة

شفقة هانم واحسان بك يقول...

صدى الصمت
وانتى طيبة
معاكى حق هو البوست متعدد الجوانب وبشراشيب

شفقة هانم واحسان بك يقول...

انا حرة
طيب مقولتيش يلا على فين.....ولا عاملهلنا مفاجاة؟؟

شفقة هانم واحسان بك يقول...

عاشقة القمر
الله لا يعودها
كل سنة وانتى طيبة
ونشكرك على الدعاء

شفقة هانم واحسان بك يقول...

صابر وراضى
انا معلوماتى لحد السنة اللى فاتت كان الدور على شقتين مش راجلين
تقريبا السنة دى هيحصل فيها تطور

طوبة ذهب وطوبة فضة يقول...

كل سنه وانتم طيبين ومع بعض كويسين وللروس عادين وعلى اعدائنا باذن الله منتصرين اللهم امين

شفقة هانم واحسان بك يقول...

البت المشمشية حلوة بس شقية
قصدك الجمعية هى فعلا حلوة فيها صابون وزيت وسمن وبارود وصاوريخ وبنادق
وعاملين اوكازيون ابقى تعالى اشترى

شفقة هانم واحسان بك يقول...

mero
ما احنا قلنا انا بشتغل فى الارصاد الجوية وعلى فكرة الجو ملغم واحتمال سقوط صاوريخ وانفجار قنابل

شفقة هانم واحسان بك يقول...

يوميات نائمة فى الارياف
اوعدك المرة اللى جاية يبقى بالضبط والتشكيل الارهابى والضم والجزم واخدة بالك من الجزم دى؟؟
كمان بلاش تسمعى المسلمانى كتير لحسنمش كويس على الصحة
الضحك الكتير يا اما يوقف القلب ونموت
يا اما على العباسية عدل وفى الحالتين موت لا محالة

شفقة هانم واحسان بك يقول...

romancy
هى كمان بتحبك رأس الخروف
بس بتقولك نزل القبعة لحسن تسقع .....الجو برد
واحنا مش مسئولين عن انفلونزا الخروف الواحد بدل ما يعطس بيماء ماء
كل سنة وانت طيب

شفقة هانم واحسان بك يقول...

مقتطفات من حياة فتاة
وانتى طيب بس بلاش يعدها علينا دى... لحسن السنة دى كانت تخينة ووزنها تقيل اوى واحنا مش ادها
بصراحة الواحد استحملها لحد ما فطستنا

شفقة هانم واحسان بك يقول...

mony
انا احسان مش فرحان
ويارب اكون احسان علطول اصلها بتكسب اكتر
كل سنة وانتى مونى

شفقة هانم واحسان بك يقول...

بنت الغربة
الرؤؤس دى كانت مظبوطة علشان عملتها على نار هادية
اما رأس بوش فدى كانت سادة وماسخة
ويارب رأس غزة تبقى حلوة وبسكر زيادة

شفقة هانم واحسان بك يقول...

د ايمان ...ام البنين
كل سنة وانتى طيبة يا دكتورة وسلامنا للبنين وابوهم

شفقة هانم واحسان بك يقول...

الملاك الحزين
تقصد الجمعية
عندنا تخفيضات هايلة على الصاروخ والقنابل والبنادق والمسدسات وكمان فيه جزم اصلها خدمة جديدة فى الجمعية

شفقة هانم واحسان بك يقول...

ماما امولة
كل سنة وانتى طيبة ويكفينى شهادتك دى بان البوست كويس
ربنا يخليكى لينا يا ست الكل وتمدحينا كمان وكمان

شفقة هانم واحسان بك يقول...

كيارا
شكلك كده بتلفى فى الاشارات.....طيب العقد بكام؟؟

شفقة هانم واحسان بك يقول...

نفرتارى
شكرا لشهادتك يا ملكتنا العظيمة
بس سؤال هى الاخبار دى وصلت لحد عندكم فى الكوكب التانى الفرعونى؟؟
ده احنا صيتنا سمع حتى الفراعنة

شفقة هانم واحسان بك يقول...

طوبة دهب وطوبة فضة
بقى ده كلام ده يا طوبة ده دبش
يعنى عايزانا نبقى مع بعض كويسين مع شفقة شفقة
ومع الروس الملونين نبقى عادين مش يبقى ظلم ده يا ناس
ده كفاية الشو الروسى حكاية
كل سنة وانتى طيبة

WhItE HeArT يقول...

تدوينة اكتر من رائعه

بحييك من كل قلبي

تحياتي

وينكى يقول...

كل سنه وانتو طيبين
وعقبال ما يبقى فيه 80 مليون راس مصرية مرفوعة بكرامة وبيحتفلوا باستعادة ادميتهم

norahaty يقول...

السلام عليكم ورحمة
الله تعالى وبركاته
اللهم نصرك
اللهم نصرك
اللهم نصرك

نفرتارى يقول...

علشان تعرفوا انكم مشهورين من جمال كتابتكم ..وبشكركم على ذوقكم الراقى .

نفرتارى

wanna b a physician يقول...

كل سنة وانتم طيبين ويارب سنة قادمة افضل واجمل واخلى من الالام


تحياتى

شموسة يقول...

كل سنه وأنتم طيبين
دى أول زيارة لي للمدونة ، وبجد عجبنى الموضوع وإلمامك فيه بكثير من المناسبات السعيدة في ظل وقت الحزن علي غزة .

إن شاء الله تكون سنه 1430 ، 2009 سنه جميلة علي الجميع.
شموسة

** القــــلـــب المنـــكـــســر** يقول...

السلام عليكم

موضوع جميل اوووي

كلمات ذهبيه

و يارب 2009 تكون سنه كلها عباده لله سبحانه و تعالي

تحياتي

القلب المنكسر

دمت بكل خير و سلامه

heeeeloooooo

شفقة هانم واحسان بك يقول...

WhItE HeArt
شكرا بس هى التحية دلوقتى بقت من القلب على ايامنا زمان كانت من اليد
عموما اظاهر ان فى مستحدثات جديدة بدات تظهر

شفقة هانم واحسان بك يقول...

وينكى
انتى فين من زمان
يارب يفضلوا مرفوعين بس ربنا يستر ورقبتهم متعلقش على كده لحسن تتلوح

شفقة هانم واحسان بك يقول...

norahaty
اللهم امين
ادعى ادعى ربنا يتقبل

شفقة هانم واحسان بك يقول...

نفرتارى
معقول بقينا مشهورين اوى كده يا حلاوة يا ولاد

شفقة هانم واحسان بك يقول...

wanna b
مبروك رجوعك وعدولك عن فكرة تركك للمدونة
بس هى اخلى دى احلى بس بالاجنبى علشان انت wanna

ولا تقصد خالى
ههههههههههههههههه
عموما يارب تكون خالية من الالام بس ده فى حالة لو شفقة بعيد عنى

شفقة هانم واحسان بك يقول...

شموسة
اهلا بيكى ويارب ما تكونش الزيارة الاخيرة اصل احنا عندنا ضل
بس هى ظل دى علشان الشموسة ولا ايه
والله فكرتينا بالبحر والمصيف

شفقة هانم واحسان بك يقول...

القلب المنكسر
يعنى هو ما ينفعش يتصلح؟؟
شكله كده كان قلب ايزاز
عموما معلش
وشكرا على الزيارة ونتمناها دائما

عابد الرحمن يقول...

روعة تسلم ايدك بجد
وعقبال جزمة لكل ظالم يا رب

شفقة هانم واحسان بك يقول...

عابد الرحمن
يارب جزمة لكل ظالم وجزمة جديدة لكل مواطن يلبسها متفتكرش حاجة تانية

عاشقه وغلبانه يقول...

ربنا يستر في السنه الجديده اصل بدايتها مش ولا بد

قطرات من شواطئ الحياة يقول...

تصفيق حااااااااااد !!!

أحــوال الهـوي يقول...

باقي رؤوس لم نحتفل بها

روؤس تختفي لانها مدفونه بالرمال

انها
رؤوس الحكام العرب

تحياتي