الاثنين، 5 يناير، 2009

استيقـــــــــظوا



انا اتغظت اوى اوى من احسان وبوسته الاخير ...بصراحة الراجل شارك وعمل الواجب وزيادة وقعد يجمع ويلم فى الرؤوس
انا بقى قلت لازم اكتب حاجة واشارك الناس دى واحس بهمومهم وآلامهم
واشوف اللى بيحصل فى الدنيا وبيجرى من حوالينا
يمكن نفيق من غفلتنا وسباتنا العميق......بس علشان نشارك لازم نترابط ونتماسك ونحط ايدينا فى ايد بعض
عموما لو حد طلع اخطاء نحوية ولا لغوية فهى مقصودة علشان نشغل ماما امولة معانا شوية
بس علشان خاطرى يا ماما امولة لو لقيتى حاجة كده ولا كده
تسترى عليا الله يخليكى


لقد اجبرنى قلمى ان اكتب .......لتكون مشاركة وجدانيةمع اهل غزة وفلسطين

ارى واشاهد فى كل مكان من هم يحاربون

انظر فارى من يقاتلون ويستشهدون

طفل برىء رجل كبير امرأه ومغتصبون

لا حول ولا قوة الا بالله العلى العظيم

اسأل .............ويا ليتكم تجيبون

ترى الى اين نحن ذاهبون

ماذا حدث لنا هل ماتت قلوبنا؟؟

هل سنضحك كثيرا ونتناسى همومنا واحزاننا؟؟

هل سنترك المعتادين والقتلة المغتصبون؟؟

هل نتركهم يسيرون فى الارض ويعبثون؟؟

هل نتركهم يدخلون ديارنا ويقتحمون حرماتنا؟؟

هل نتركهم يمشون فى الارض مختالين فخورين؟؟

نتركهم يدوسون علينا باقدامهم ويسفكون دمائنا ونحن مجرد

مستمعين ومنصتين ومشاهدين عابرين

والله سنسال يوم العرض العظيم

اين التشبث بالعقيدة والدين ؟؟

نتحدث كل يوم ونكتب غير مكترثين

اشعارا عن الحب والغرام وسهد الجفون

ولا ننظر بعين رأفة ولا نكتب عن من هم يتعذبون

ومن هم جوعى وعرايا متعبون مشردون

وكل يوم يموتون بالمئات والالاف وفى سبيل الله يستشهدون

وتقتل فرحتهم وبالاكفان هم يزفون

سنظل هكذا دائما بلا حراك عاجزون صامتون

اسنظل هكذا مثل الجماد لا ينطق لا يفعل.... الا تتحركون؟؟

اين النخوة واين الضمير؟؟

اين حاملى لواء الدين؟؟

متى سنفيق من سباتنا العميق؟؟

لابد ان نشعر بهم ونتحد كلنا ونتقابل فى طريق

لا تخافون من سيوف ولا رصاص ولا ديناميت

فالقلب العامر بالايمان يستشهد ويستميت

انهضوا وتعاونوا ووحدوا صفوفكم

وان لم تستطيعوا فاضعف الايمان بلسانكم

انهضوا حتى لا ياتى علينا يوما مثلهم..... ونضطر فيه ان نستغيث فلا نجد رفيق

لنضع يد على يد وبالايمان والحب نتعاون ونبيــــــد

وادعو معى على من ظلمنا وعلى كل معتد غاز اثيم

اللهم انصرنا وشردهم وفرقهم قولوا امين

واعلموا ان الله معنا فى كل مكان نجاهد فيه من اجل الامن والسلام

وساظل ادعو معكم واردد فى كل مكان

حى على الجهاد حى على الامان

اللهم انى اشكو اليك ضعف قوتنا وقلة حيلتنا وهواننا على الناس الى من تكلنا الى عدو يتجهمنا ام قريب ملكته امرنا انت رب المستضعفين وربنا اللهم لا نسالك رد القضاء وانما نسالك اللطف فيه



تحديث
شارك معنا لزيارة المرضى الفلسطنيين وتقديم المعونات النقدية والعينية بمستشفى الهلال برمسيس
يوم الاربعاء الساعة 11 صباحا

لمزيد من التفاصيل ومعرفة الاحتياجات تابع تلك المدونات
نهر الحب
مدونة خيخة
قوس قزح





شفقـــــــة


هناك 52 تعليقًا:

غير معرف يقول...

يسمع منك ربنا ياشفشوقه فعلا الواحد لايملك غير الدعاء فى ظل الظروف اللى بينعشها والمحيطه بنا وربنا ينتقم من كل ظالم ومفترى ياريت كلنا ندعى يمكن ربنا يستقبل مننا مين عارف بس ياريت قبل ماندعى نراعى ضمائرنافى كل حاجه بنعملهاعلشان دعواتنا تبقى مستجابه... من (لودا)

كاتب مصري يقول...

ربنا معاهم وهينصرهم أكيد
مودتي

princess يقول...

ان شاء الله ربنا معاهم
اللهم ما انصرهم

zeroon يقول...

مسلمة اعتدي عليها قالت وامعتصماه قامت الحرب من أجل مسلمة واحده
لم تنادي على ابوها او على اخوها او على قبيلتها نادت على ولي امر المسلمين فقامت الحرب


تمر السنين والايمام شعب بأكمله يعتدى عليه يقتل تسفك دمائة ولا احد يجيب اين ايامكم ايها المسلمون اين ذهبت عظمتكم وهيبتكم

ذهبت نعم ذهبت بعد ان تفرقتم وبعدتم عن دين الله واستحدثتم فيه ان الله لا يغير ما بقوم حتى يغيروا ما بأنفسهم
عودوا الى ربكم على الله ان ينصر اخوانكم في غزة






بس خلاص

شمس النهار يقول...

المدونه جميله جدا
اول زياره ومش هتكون اخر
احلا حاجه عجبتني انكم متزوجيين وعاملين مدونه مع بعض
ربنا يسعدكم
اما غزه بصراحه انا تعبت من الموضوع ده الاول الفصائل تقتل في بعض وفي المدنيين وبعد كده اسرائيل تدخل تقتل فيهم
حتي الحجاج الفلسطينيين حماس تمنعهم وحجاج عرب 48 اليهود يسيبوهم يحجوا
ربنا يرحمنا ويرفع غضبه عنا
ربنا كتب علي نفسه نصر المؤمنيين فين المؤمنين دول

ماما أمولة يقول...

سننتصر يا حبيبتي والله

نحن مؤمنون بوعد الله

والله وعدنا بالنصر

انه لاييأس من روح الله الا القوم الكافرين

سننتصر ان شاء الله

عملنا اننا نشارك بالمال و الدماء

ونوصل صوتنا للعالم

مع الدعاء وذلك ليس ضعفا

فانه كل ما نملك كشعوب

سلام يا حبيبتي وحشتيني

وللاسف مش ها اقدر احضر معاكم يوم 8

قلبي معاكم ربنا يجعله في ميزان حسناتكم

اللهم امين

سارة نجاتى يقول...

ده أنتوا مدونتكوا مسخرة , و فكرتها حلوة أوى , فى الأول افتكرت من الاسم أن انتوا شخص واحد, و بعدين لقيت أنكوا مناقرين فى بعض هنا , قول لى بقى لو اختلفتوا فى رأى على مدونة تانية , بتعلقوا ازاى ؟؟هههههه

ياريتنى كنت فى القاهرة كنت جيت معاكوا والله ,

تحياتى ليكوا , و سعيدة جدا بالتعرف على مدونتكوا

وومن يقول...

هانستيقظ إن شاء الله يا شفقة لو مش بمزاجنا هايبقي غصبن عننا

خالص تحياتي لإيجابيتك

البت المشمشية حلوة بس شقية يقول...

ربنا ينصرهم يارب
وياخد الكفرة اعداء الدين
فيكى الخير والله انك تعملى زى احسان بيه
سلام يا هانم

emey يقول...

اولا كل سنة وانتو طيبين بناسبة عاشورا...............

ثانيا البوست رائع يارب الى الامام دائما

تحياتى

emey يقول...
أزال المؤلف هذا التعليق.
نفرتارى يقول...

اللهم انصر الاسلام وارفع راية المسلمين .. واحفظنا كما حفظت الروح فى الجسد ... اللهم آمين يارب العالمين .

نفرتارى

shawkat يقول...

للأسف انا لن أعلق على تدوينتك رغم روعتها لأن بالي مشغول بما يحدث في فلسطين و ارى من واجبي العملي أن أجمع لها الأموال فشارك معي و ساعدني في حملة لا تنفق و انما جاهد بمالك و تقديم الأقتراحات بحيث نحاول أن نجمع مبلغ عشرة الاف جنيه كمرحلة أولى من شباب المدونين و شباب الفيس بوك و من المعارف و الأقارب و الأصدقاء ساهم معنا و شاركنا و لا تتردد .. وانتظر ثواب الأجر
اماكن الجهاد بالمال: نقابة الأطباء المصرية ، اتحاد أطباء العرب و مكانهما في دار الحكمة في شارع قصر العيني و اقرب محطة مترو لهما هي محطة السيدة زينب .. و من لا يتطع الوصول هناك يمكن أن يراسلني على الايميل به طريقة التصال به و انا ساقوم بارسال المال نيابة عنه و اذا أراد ايصال رسمي بذلك فلا حرج
الأيميل : ashahinonline@yahoo.com
اسرع و بادر و ردد في اعماقك مش هنسيبك يا فلسطين

" و سيتم عمل لوحة شرف لكل من ساهم بماله فياريت أي أحد ساهم بماله أن يذكر قيمة المال حتى و ان استحقر قيمته و الأحرف الأولى من اسمه لنسجلها في لوحة الشرف
و لا تنسوا ان عثمان و عمر و ابا بكر و غيرهم قاموا بمجاهرة الصدقة و بقيمتها في العلن للتشجيع و التحفيز و هذا لا يتنافى مع الأخلاص " و الذين انفقوا مما رزقناهم سرا و علانية
اشترك في جروب الحملة : http://www.facebook.com/topic.php?uid=46491321470&topic=7479#/group.php?gid=46491321470

http://shawkat85.blogspot.com

عاشقه وغلبانه يقول...

حسبنا الله ونعم الوكيل
حسبنا الله ونعم الوكيل
اللهم انهم عبادك ضعفاء فأنصرهم

صدى الصمت يقول...

اللهم أعينهم وأنصرهم وإرحم شهدائهم وصبر أهلهم اللهم آمين

خالتى بمبة يقول...

والله مفيش كلام يعبر عن الوضع الحالى اوقع من الاستغاثة الى ربنا اللهم اغثهم يا حي يا قيوم برحمتك نستغيث اللهم لا تكلنا الا انفسنا طرفة عين او اقل من ذلك

خالتى بمبة يقول...
أزال المؤلف هذا التعليق.
شفقة هانم واحسان بك يقول...

غير معرف
ايه ضمائر دى؟؟
حضرتك شكلك بتشتغلى مدرسة لغة عربية
عموما يسمعك منك ربنا بس ايه لودا ده كريم شعر جديد؟؟

شفقة هانم واحسان بك يقول...

كاتب مصرى
يارب بجد ينصرهم ادعيلهم

شفقة هانم واحسان بك يقول...

princess
يارب امين ينصرهم وينصر امة الاسلام والمسلمين

شفقة هانم واحسان بك يقول...

zeroon
منور وبجد انت فعلا عندك حق بعدنا عن ربنا وعدم ترابطنا وتماسكنا هو اللى بيعمل فينا كده
اللهم جمعنا على فعل الخير ولا تفرقنا ابدا
يارب انصرهم

شفقة هانم واحسان بك يقول...

شمس النهار
منورة ونورك غطى على الكهرباء بس ربنا يستر ومتاخدش ضربة فى قفانا
كمان احلى حاجة عجبتك اننا متزوجين؟؟
والله فكرتينى بمسرحية سمير غانم " خدتى من اللى تحت الحوض يا لينا"

شفقة هانم واحسان بك يقول...

ماما امولة
وحشتينا اوى بس متاخدناش فى دوكة فين تصليح الاخطاء ؟؟
ايه الكسل ده يا ماما
ولا اقولك سماح المرة دى

شفقة هانم واحسان بك يقول...

سارة نجاتى
ليه بقى الكلام ده قال مسخرة قال طيب حاسبى علشان بتوع الرقابة مشددين اليومين دول
وايه مناقرين دى انتى شايفانه ديوك ؟؟
وعموما احنا لو اختلفنا كل واحد بيعلق على شماعة لوحده
هههههههههههه
احنا اسعد بمعرفتك

شفقة هانم واحسان بك يقول...

وومن
ايوا كده اخيرا لقيت حد بيقول هنستيقظ فوقوا بقى النوم طول والتعسيلة مسخت

شفقة هانم واحسان بك يقول...

البت المشمشية
علمك علمك هو اللى بيعمل زى ....انا ما بعملش زى حد
هههههههههههههه
بينى وبينك بقلدوا

شفقة هانم واحسان بك يقول...

emey
بمناسبة العاشورا ابعتلنا طبق هو ينفع معايدة كده على الناشف؟؟
وبمناسبة الى الامام يارب بس الطريق يبقى فاضى واحنا نبقى صاروخ الى الامام

شفقة هانم واحسان بك يقول...

نفرتارى
ايوا كده الدعاء الحلو ده من ملكة الفراعنة يفرق معانا كتير كرعيه

شفقة هانم واحسان بك يقول...

shawkat
منور اهلا بك ربنا يكرمك يارب
عموما احنا عملنا يوم كمدونين وزرنا المرضى الفلسطنين وقدمنا تبرعات عينية ومادية
بشكرك لدعوتك وربنا يكرمك ويجازيك خير

شفقة هانم واحسان بك يقول...

عاشقة وغلبانة
حسبى الله ونعم الوكيل فيهم مليون مرة
اللهم انصرهم وقوى ايمانهم

شفقة هانم واحسان بك يقول...

صدى الصمت
ايوا كده ادعوا كمان وكمان وان شاء الله يقبل الدعاء

شفقة هانم واحسان بك يقول...

خالتى بمبه
اللهم استجب يارب العالمين

fashkool يقول...

يا شفقه هانم ويا احسان بيك
تحياتى
ألا ترين معى ان الستار لم يسدل بعد عن المسرحيه العبثه التى يمثلها الصهيونيون وذبانيتهم العرب .. فالقادم اسوأ ونحن نعى او لا نعى ما هو قادم ولكنا غير فاعلين حتى فى مصائرنا واقدارنا
اشكرم على الزياره .. وتحياتى

دعاء مواجهات يقول...

فرحت اوى انى شفتك تانى

اتمنى المقابلات تتكرر كتيير

والبوست اللى انتى عمالة اكتر من رائع

مؤثر اوى

تحياتى

fashkool يقول...

شفقه هانم واحسان بك .. تحياتى لكما
عندى بوست مثير للجدل واتمنى اطلاعكم عليه واعرف رأيكم .. تحياتى

همس يقول...

الله عليكى بجد

ان شاء الله ربنا ينصرنا قريب

أحــوال الهـوي يقول...

العنوان ابلغ من اي شئ لانه يعبر عن الحقيقة

استيقظوا

تحياتي

طوبة ذهب وطوبة فضة يقول...

حسبنا الله ونعم الوكيل هو خير معين لا اله الا انت سبحانك انا كنا من الظالمين

** القــــلـــب المنـــكـــســر** يقول...

السلام عليكم

موضوع جميل اوووووووي

كلمات ذهبيه

بوست مميز و رائع الجمال

تحياتي

**************

القلب المنكسر

*********************

دمتي بكل خير و سعاده

*******************

و اتمني لك المزيد من التفوق

***********************
و اتمني زيارتك الي مدونتي المتواضعه

**********************
والسلام عليكم ورحمة الله وبركاته

الملاك الحزين يقول...

السلام عليكم
انشاء الله ربنا معاهم وهينصرهم أكيد

مقتطفات من حياة فتاة يقول...

هنقول ايه للاسف مفيش في ادينا حاجة نفولها غر الهم انصر المسلمين في كل مكان
اللهم امين امين

SemSem يقول...

يارب يارب انصرنا عليهم بفضلك وكرمك
اللهم استخدمنا ولا تستبدلنا

تحياتى

** القــــلـــب المنـــكـــســر** يقول...

السلام عليكم

اولا: اتفضلو زورو المدونه الجديده

ثانيا : اعوا تنسوني خلاص

ثالثا : تقبل مروري

رابعا: تحياتي لك

خامسا: اتمني لك المزيد من التفوق

سادسا: دمتوا بكل خير و سعاده

سابعا: المدونه جاهزه و تمام

ثامنا:اخبار جامده اووووووي

تاسعا: ادعوا للاهلي

عاشرا: مش مهم بقي مش فاكر ههههههههه

م/ الحسيني لزومي يقول...

حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

كيكى يقول...

ترى الى اين نحن ذاهبون
ماذا حدث لنا هل ماتت قلوبنا؟؟
هل سنضحك كثيرا ونتناسى همومنا واحزاننا؟؟
هل سنترك المعتادين والقتلة المغتصبون؟؟
هل نتركهم يسيرون فى الارض ويعبثون؟؟
هل نتركهم يدخلون ديارنا ويقتحمون حرماتنا؟؟
هل نتركهم يمشون فى الارض مختالين فخورين؟؟
نتركهم يدوسون علينا باقدامهم ويسفكون دمائنا ونحن مجرد

مستمعين ومنصتين ومشاهدين عابرين
والله سنسال يوم العرض العظيم
اين التشبث بالعقيدة والدين ؟؟
!!!!!!!!!!!!
اية دة ياشفقة عديتى الكبارى والله!!!
دة تأثير اية دة سندوتش الفول الى كنت هتاكلى ولا اية؟؟؟؟ دة حمضت يابنتى اعمل فى اية دلوقتى؟؟؟
***ماعلينا عايزكى تورى احسان بك انك بتسكتى تسكتى وتنفجرى بعدين
اوعى الاشعاع الزرى...شفقة بجد بجد عاجبتنى اوى والله
عووووووووووووووووووووووو

بس خلاص ... يقول...

القلب تعب والصوت اندبح
حسبنا الله ونعم الوكيل

شمس النهار يقول...

ايه الكسل ده
رحت وجيت ورحت وجيت
ومافيش بوست جديد
طب مين اللي هيحاسب علي التكسات دي
المره الجايه هاجي ماشيه واهو رياضه ورجيم

ahmed_k يقول...

آمين يا الله
نسأل الله أن يقوي شوكتهم
وأن ينزل الخزي والرعب في قلوب أعدائنا وأعدائهم

نهر الحب يقول...

الى متى
الى ان يأتى رجال صدقوا ما عاهدوا الله عليه
الى ان تستفيق الامة
الى ان نؤمن بالله واليوم الاخر
الى ان نعلم ان وعد الله حق


شفقة ممتاز البوست بجد
وفقكم الله

نهر الحب يقول...

اللقاء يوم الجمعه 16/1 الساعه
11 ظهرا امام الباب الرئيسى لمستشفى الجامعه
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

Lady E يقول...

تسلم ايدك يا شفشوقة

مفيش كلام ممكن يتقال بعد كلامك

ريكو يقول...

واعتصموا بحبل اللة جميعا ولا تفرقوا
سننتصر عندما نتكتل ونتحد
وليس قبل ذلك
فانا اكثر ما اخشاة ان نكون قوما قد غضب اللة علينا وبث فى قلوبنا الرعب
وضعف ايماننا!
فهيا بنا نعتصم بحبل اللة جميعاونعلم ابنائنا معى الشجاعة والبسالة ويا ليتنا نتعلم معهم!!!!!!!!!!!!!!!
تحياتى