الخميس، 22 أكتوبر 2009

دعــــــــــــــــــــــــــونى انتقـــــــــــــــــــــــــــــم

اصدقائى وصديقاتى المدونين والمدونات ..اشهدوا عليه هو اللى جابه لنفسه
واحكموا انتم بقى

قال ايه.... انا عمالة احضر واخرج واشترى تورتة وحلويات وهدية عيد ميلاد الباشا
اللى هو كان
فى نفس يوم نزول ....البوست المشئوم
وانا نايمة على ودا
نى... ودايخة من هنا لهناك
فرجة على ده...
وعلى الهدية دى
وهو قاعد يكتب ويتمه
زا ويتريق عليا
اوم ايه ارجع البيت وانا داي
خة وشايلة على قلبى ومحملة الهدية والتورتة
الاقى الباشا قاعد يضحك وف
طسان على نفسه
الهى يفطس
ويقولى
.... تعالى اقرى البوست الجديد اللى كتبته
قلت بس اكيد كاتب عنى
قصيدة ....او حتى زغلولة
وقريت وانا منشكحة عل
ى الاخر وياريتنى ما قريت
اوم ايه
الاقى الرا
جل شاتم فيا
وكاتب بوست مهبب
ومسميه "back" وحياتك لخليه "black"
وقال بيشيد
فيه بمواصفاتى الجليلة
ساعتها بصتله بصة غدر .
..ووشى قلب زى امنا الغولة
وحسيت ساعتها ان ساعة الزمن وقفت
عند اللحظة التاريخية دى
ووقتها كنت هالبسه التورته بدل ما ااكلهاله
وافتكرت كلمة الفنانة الرهيبة هند رستخ" كده برضوا يا سونة يا خاين" بذمتكم ده يصح
طيب والنعمة وماليك
م عليا حلفان
انا فى اليوم ده خرجت ولفي
ت لما كعوب رجلى دابت واتشققت
وقبلها كنت قاعدة احوش القرش ع
لى القرش والسحتوت على المليم
وحرمت نفسى من اللقمة والهدمة النضي
فة لحد ما جمعت اتناشر جنية ونص بحالهم
الله اكبر من عينك
م مش ناقصة قر
وبعدها قلت بس هو ده المبلغ اللى يل
يق بهدية حبيبى وضلمة عينى
اللى عمانى من
يوم ما اتجوزته
وقررت انى لازم انزل اشتريله هدية
وهو سونة.... شوية فى البلد دى
شوال مش شوية وقعدت افكر
هتجيبى ايه يا شفشق ....هتجيب ايه يا بت
اه بس خلاص

اجيبله "بسكلته" اهى تنفعه واخد انا العربية بدل بهدلت المواصلات
لا بس مش
هتنفع سونة دى
دى بتشيل 50
كيلو مش 500
كده هتددشدش من اول ركوبة وتبقى راحت فلوسك يا عويس خلاص بس
اجيب" كولونيا خم
س خمسات" حاجة ايه بريحة مفحفحة
ولا اقولك لا برضوا
الراجل ما بيتريحش
هو بيح
ب ريحته
ولما بقوله حط كولونيا يقولى لا انا محتفظ بمبدأ حنظلة"
انها رائحة انسان" خلاص هى دى
اجيب" سليبر" ي
عنى شبشب بصباع
حاجة شيك كده من بتوع الكنيف
لا برضوا هو بيحب
يبقى حافى
ودايما متمسك ب
عصور ما قبل التاريخ
وماشى على نظام انسان الغا
ب طويل النأب طيب خلاص
مفيش ادامى الا "س
لسة كده او ميدالية فضة"
لا برضوا الراجل ما هيصدق ينزل يدلع
بيها فى الشارع ويلم علينا بنات الجيران
وابقى جبته لنفسى وافضل ا
عض واحدة كل يوم وادخل اللمان
وهو ما هيصد
ق بس انا مش هريحه
قاعدله قاعدله
اذن يبقى "قميص ولا زعطلون" كده بكمر ساقط على الموضة
لا برضوا كل مرة مقاساته
بتختلف وتفضل تكبر تكبر تكبر
لحد ما
هيفرقع
ومش هلاقى
المقاس ولا فى السلوم
ونقعد نرجع ويجي
ب بدلها "مم"مهو بتاع بطنه
كمان هو واخد على لبس الجلاليب البارتى
بتاعة المعلم طربقها الجزار
متمشيا مع مبدأ" رحرح
واترحرح ولا تتزحزح "
يبقى بس خلاص
هوج
ع دماغى
ليه مفيش غيرها" ساعة"
ايون ساعة يا بت يا شوشو
بما انه بيحافظ على موا
عيده ....اينعم محافظة شديدة
وما بيلطعش اى ح
د يجى 60 ساعة كده
يبقى مفيش غيرها اهى حاجة تعلمه الا
لتزام وتبطله حجة مش معايا ساعة
وهنا بقى انا اتبعت نظرية"ساعة تروح وساعة تيجى"
وهجننهولكو ان شاء الله

ورحت قايمة اوام جرى على... ستى ستارز ...وجدى سكاى
وجبتله ساعة من افخم واشيك
الساعات "حر ونار فى ايده"
اللى قعدت
تكتب الشتومة فيا
والنعمة يا ا
حسان لاوريك
ماشى بقى انا اتسخطت قرد كده برضوا اوكيه

والنعمة لطربق الجنينة على نفوخك
وهوريك شغل التنطيط ....والتفلية اللى على حق
وهصوصولك ....وهعضك عض ايه قرودى
اما جبت عليها واطيها ومليتلك البيت كله مراجيح قرود
ومن دى لدى.
... لما احوليك واجيبلك سعار
مبقاش انا شف
شق
وكمان يا قاسى بتقول عليا تلموذة وبروح المدرسة
واعمل زى العيال اوكيه

صبرك عليا اما نفضتلك جيبك من كتر الدروس الخصوصية
ووريتك شغل انفلونزا الخنازرية
وبدل ما هحطلك الاكل فى اط
باق هتلاقيه رضعة فى البزازات
وهوريك شغل المعيلة عياط
....واوأ ...طول اليوم
ومص مصاصات .... وشيكولاتات لحد ما الزقك واخلى يومك لونه بنى
ودبدبة .....وزن طول النهار
وانا عاوزة ....وعاوزة لحد ما تسد بقى
ومن هنا ورايح مفيش غسيل هنجيب بامبرز
ولا فى تنضيف ....ولا كوى ولا طبخ.... هنجيب دادة
والاكل كله هيبقى صنف واحد سيريلاك

وهوريك والا مبقاش انا شوشو بنت المدارس
ولو كنتم جدعان وطيبين زى ما بيقول ""عليكم ان تساعدونى فى قرارى هذا ""
" لقد قررت ان اعلن الحرب على احسان خرج النجف
لا ولا اقولكم احسان خرج الساعات
وهتحول لمصاصة دماء

وستتوقف ساعة الزمن من الان حتى ساعة اكل لسانه
عقابا له
على طوله الزيادة
"
واطلب منكم قراءة الفاتحة على المغفور له بأذن الله لسان احسان باشا خرج الساعات"
امضــــــــــــــــــاء
شفقـــــــــــــــــــــة بنت دراكولا

هناك 98 تعليقًا:

Pink Dreams يقول...

ههههههههههههههههههههههههههه

يا عينى بقى بعد ما عملتيله دا كله وجيتى على نفسك واشتريتيله ساعه يكتب فيكى البوست دا

على فكره انا جايه اهدى النفوس بس

اوعى تفهمينى صح

غير معرف يقول...

هههههههه

معلش سماح ..... المسامح كريم

تحياتي

همس الاحباب يقول...

ههههههه
طبعا غير موافق
ده احسان زميل الكفاح المسلح
عامة لو انتى ناوية على لسانه بس
انا هنزل هشترى كيلو لسان وهبقى ابعته ليه اهو ينفع مؤقتا
ما كانش يومك يا سونه ياصاحبى
تحياتى

فاتيما يقول...

النبى على قلبك تروقى يا شوشو
دا غلبان و الله
انتى عارفة الرجالة المتجوزة كلها بوء على الفاضى
و جرى إيه يعنى ؟؟
اكمنه اتفك معانا ف المدونة بكلمتين مجراش حاجة
احنا اخواتك برضو و دا البلوجر و مصر كلها سمعت محصلشى حاجة
و كلنا مقدرين إن عنده هسس حبتين
ماهوانتى السبب ؟؟
أييييييييييوه
من حبك يا شفشفوقة
جننتى الراجل ف حبك
بقى بيكتب لا يعلم من إين
طب قرريه تانى كدا ( بس من غير ضرب) و اٍساليه براحة كدا
إيه اللى خلالك تكتب كدا يا احسان ؟؟
هيقولك مش عارف مكنتش ف وعيى ( ابقى قول يا عم احسان و خلص نفسك ) ...
روقى يا شوشو روقى
قطعت المدارس و اللى عاوز يروحها
و مش عاوزين ننكد عليه فى عيد ميدانه ...
و كل سنة و احسان طيب
و انتى حبيبته و مراته
و ربنا يكرمكما باللى ف بالى عن قريب إن شاء الله
يا رب
خالص حبى يا حبيبتى

ليس فقيرا من يحب يقول...

هههههههههههههههههههههههههههه

يلهوى منك يا شفشق يا اختى

حرام عليكى خفى على الراجل شويه

حرام يعنى الراجل يطق منك ومن عمايلك

ويسكت بصى يا بت يا شفشق ديتها ربع

اكياس سودا وبس كله يبقى تمام

بس برده هدى نفسك شويه اديله فرصه

تانيه

هههههههههههههههههههههههههههههههههه

والله مدونه زى العسل سعيده انى زرتك

وان شاء الله مش اخر زيارة

شفـقــة و إحســــان يقول...

pink dreams
وحياتك مش هيبقى يا عينى بس هيبقى عينى ولسانى وبقى وايدى ورجلى وحياتك هقضى على البودى كله
مطمرش فيه قليل الاصل وحياته لانا واخدة الساعة مرجعاها واروح بحقها اشترى بطاطا
وعموما انا من النهاردة مش عايزين هدايا من حد لو سمحت " ايه اهدى دى"
كفاية هدايا واللى بيجى من وراها مش ناقصين

شفـقــة و إحســــان يقول...

فتاة من الصعيد
ربنا يخليكى بقى مكلفة نفسك وجاية من الصعيد علشان تقوللنا سماح طيب كيسين فاكهة ولا ازازة عصير
مش كده
وعموما انا معرفش الا سماح انور ....
ومين سامح وكريم دول كمان جاين هما كمان من الصعيد؟؟
انتى كده هتلمى علينا البلد
قال ماح قال وهو ناقص ستات ده عينه زايغة

شفـقــة و إحســــان يقول...

همس الاحباب
ايه غير موافق دى ... هو احنا فى انتخابات ايه يا ابو شابى
متشابى علينا شابى
وعمال تقولى كفاح ومسلح هو انتم كنتم تبع انى جبهة الهى يستدعوكوا انتم الاتنين
ووفر فلوس السان وهات بيها سبوع احسن بدل ما اصلت عليك ام شابى واقولها بتبعزق فلوسك على احسان

غير معرف يقول...

ههههههههههههههههههههههههههه

والله يستاهل بقى البنيه الغلابه تتعب وتلف وتفكر دا كفايه التفكير لوحده وتشترى ساعه انت تعمل فيها كدا
شفقه لو عاوزه مساعده قوليلى ميهمكيش هما يا اوختى كل الرجاله كدا مبيجوش غير بالعين الحمره
هههههههههههههههههههههههه

حنين

ذكرى رحيل قلم يقول...

السلام عليكم

ستى ستارز وجدى سكاى ايه ده ستك وجدك هما مش ماتوا البوست اللي قبل اللي فات رجعوا تاني

هههههههههههه
طيب ولا تزعلي نفسك

مترديش عليه

وستكوني الافضل دئما وذوقلب ناصع البياض

مش هيعرف يغسله
هههههههههه
دمتي

ذكرى رحيل قلم يقول...

بجد انا بح ادخل في البوست بتاعك عشان اضحك

هههههههههههههههه

هو كله كوميدي

مفيش جد شوية

اوعي تنسي تقاطعي الفيس بوك يوم 24 منه

من اكتوبر يعني

rony يقول...

والله انا صعبان عليا
المسكين ده
ده هيشوف اياااااااااام
بس مسكين ايه ؟؟؟؟؟
هو فى راجل مسكين؟؟؟؟؟؟؟
فى ست غلبانه طيبه حونينه
انما راجل لالالالالالالالالالا
والف لالالالالالالالالالالالالالا
وبعدين ده كتب فيكى بوست
وحش جدا
ما تسكتيش على حقك
امضاء
حمامة سلام
باى باى

شوية قهوة يقول...

ههههههههههههه
يا للدرجاتي
وبعد كل العملتيه ويتلع هوة الغلطان ده حاجة غريبة

صبرني يارب يقول...

جمييييييييييييييل

انا برضه يا اختي قلت كده

وقلت معقوله هايعيش بعد البوست ده برضه
هههههههههههههههههههه


شوفي يا شفشوقتي يا اختي الرجاله دول ما لهمش يا اختي الا كده

طبعا انا باقولك كده لان جوزي ماشي من جنبي

ومش عايزه افتن برضه واقولك انه قالي عليكى مفتريه لما قرا البوست بتاع احسان وقالي يعنى هو كان قالها ايه يعنى

فلو تحبي تيجى تاخدي حقك عاااااااادي

قوليلي عشان اديلك مواعيده
نيهاهاهاها

يلا اشتغل يا معلمي





عسل يا لولو احنا متنا من الضحك

جنات يقول...

هههههههههههههههه

بطله واللهي ... ومنك نتعلم
<< ايه ايه ؟؟؟

داومي ياياقدعه

اقصوصه يقول...

والهي يا شفقه يا اختي معاكي حق

انا لو مكانك اعمل اكتر من كده

ده انتي قايدالو صوابعك العشره شمع

بس حنقول ايه

احسان ده طول عمرو مبيتمرش فيه الخير

هم الرجاله كده

صنف ملوش امان

ع العموم يختي بردو فكري

مهو مهما كان جوزك بردو

واحنا داحلين عشان نهدي النفوس :)

عاشقه الرومانسيه يقول...

حلال فيه بصراحه
هو كل الرجاله كده؟؟
شوفى ياحبيبتى انتى بتعملى ايه وهو بيعمل ايه
نفذى يااختى بس من غير ما تتحولى
ويبقى على نفسه جنى احسان
هههههههه
الله يرحمه كان طيب
هئ هئ هئ
ضحكات شريره

شاب فقرى يقول...

اللهم صلى عالنبى


شكلها هتبقى ليلة

ربنا يستر :$

أنا هلحق أجرى

وأحب أهدى نصيحة لكل شاب مصرى ولكل مواطن مصرى بيعانى من الإحتلال

الجرى نص الجدعنه

كان الله فى عونك يا احسان بك

شاب فقرى :D

جمهورية شومبونجو العربية يقول...

السلام عليكم

هههههههههههههه

ينفع كدة اول زيارة ليا هنا
ويبقى فى دراكولا
ربنا يستر

اهدى كدة وصلى على النبى
انا عندى اقتراح

اه رايك انكو تغيرو جو وتهدو اعصابكو شوية
تجولى شومبونجو وادى العنوان

اى واحد منكم يعمل نصيبة توادية ورى الشمس ومن هناك ياخد توك توك بجنية
ويجى شومبونجو

اه ملكوش حجة والمصاريف عليا

.....
رئيس الجمهورية

طوبه فضه وطوبه دهب يقول...

معلش يا شفشوقتى ياجميله طفل وغلط وانتى ذى ما بيقولوا يعنى الست لجوزها مراته واخته وامه وبما انك مامته بنقولك ابنك وغلط سيبى لسانه الله لا يسيئك عشان عيد ميلاده حته وكلى ايده كفايه وياريت تبقى الشمال سيبى له ايد يكتب بيها دا غلبان برضو وبجد ربنا يصبرك واحنا نسد وهناكل معاكى التورته ههههههههههههههه كل سنه وانتى واحسان يارب فى احسن حال واتم صحه يا اجمل زوجه وطفله وتلميذه

سعودي توب يقول...

هههههههههههههههههههههههههههههه

جامد اوي عنوان الموضوع

زهرة الجنة يقول...

تعرفوا بجد انتم اكتر ناس وحشتوني جداا

انا معاكي ياشوشو
اعلني الحرب عليه
لازم يشوف الوش التاني بقي
صح يا أحسان :P

واستني عليا ابعتلك صوره بتاعت اسماعيليه اكيد لسه فكراها
واهي كل الوسائل متاحة في الحرب

بنت قلبى يقول...

يا حبيبتى

هههههههههههههه


بزمتك يا اخ احشان ما اتحرجتش بعد دا كله انا لو منك

اشغله العين الحمرا والبدا اظلم بقا

ايه دا يا اختى
دنتى طيبه خالص خالص
وتعبه نفسك ونزلا وتدور وتلفى وتخططى والاخر يعملك ليكى كده لالالا اخص

يا بنت الناس بيت ابوكى مفتوح علشان كده وسبيه بقا كده علشان يحس بقيمتك بس
انا جايه اهدى يا بنتى لانه برضو مهما كان جوزك والواحده ما الهاش الا بيت جوزها


اهدى وسامحيه معليش

صدى الصمت - عاشقة الورد - يقول...

ياعينى علية الله يرحمة مقدماً
وربنا يتولاه برحمتة
ههههه
بطلى إفتراء شوية

كيكى عوووووو يقول...

والله هنفتقد راجل من اعز الرجال
اهى اهى
كان صغير ياختى!1!!
تعالى ياست انتى هنا بقى معاكى اتناشر جنية وروحتى ستى ستارز اتجنينتى انتى روحتى مسحتى بيهم وجيتى ولا ايه؟؟؟!!

Unknown يقول...

ههههههههههههه

معلش معلش
خليكي انتي الطيبه واستحمليه المره دي
ده هو بيهزر معاكي بس ومايقصدش أي حاجه

قلبك ابيض بقي
سامحيه المسامح كريم

أبو أمل يقول...

يا دين أمي! ده أنا لو أم أمل كانت عملت معايا كده علي الحرام من ديني ما كنت طلقتها و رميتها هي و أمل في الشارع! الله يجحمها مطرح ما راحت! عمرها ما جبيتلي هدية و لا حتى فردة جزمة على دماغها و دماغ اللي خلفوها .. ولية نكدية بمعنى الكلمة .. لا بتفهم في الذوق و لا في الاتيكيت و لا في البتنجان .. مش كفاية إني اتنازلت و اتجوزتها , كمان هتعكنن عليا؟ لأ , مش أبو أمل اللي يتعمل فيه كده

الفرق شاسع بينك يا شفقة و بين أم أمل .. ربنا يخلليكي لاحسان و يخلليه ليكي إن شاء الله , و يسعدكوا ببعض قادر يا كريم

احترامي و تقديري

الشاعر
فتحي حمدالله (أبو أمل)
صاحب دبوان (سلم لفوق) اللي - و الحمدلله - حقق أعلى مبيعات في تاريخ الأدب الصعيدي

فكرة من الزمن ده يقول...

انتقمي واحنا وراكي

دمه خفيف البوست اويوالمدونةكلها
ربنا يخليكم لبعض
وان شاء الله دايماازوك

بس شفشوقة في اختراعات كتيرة للانتقام غير الكلام انتي عارفةالكلام لا بيقدم ولا ياخر؟
انابس بهدي النفوس

اوعي تفهميني غلط
تحياتي

Humman being يقول...

بالراحة عليه يا شفشوقة
بس برده هوه اللى بدأ
يالله بقه المسامح كريم

micheal يقول...

ههههههههههههههههه..والله العظيم أنت دويتم مالوش حل
الصور لما بشوفها بفطس ع الكلام
بس أنا عمال بحسدك
حوشتي ال12 جنيه ونص دول ازاي
:))))
ربنا يسعدكم
تحياتي

Lady E يقول...

ايوة كده هي دي شفشوقة

حان وقت الانتقام

مصر كلها وراكي يا شفشوقة :)

كلام عيب يقول...

خدى راحتك على الاخر
و انتقمى الانتقام اللى يرضيكى
شوفنى الستات دايما مش عاجبين
و لا بيحوق فى الرجاله النعيم اللى مورهونلهم
اروح اقرى الفاتحه

Unknown يقول...

ههههههههههههه
ههههههههههههههههه
ههههههههههههههههههه
ربنا يخليكم لبعض يارب
وماتتحرموا من بعض ابداً
وتفضلو (تغيظوا)فى بعض كده
على طول وتفضل الروح الحلوة
الموجودة بينكم دى على طــول.
سؤال كده على جنب ياشفشقة يأختشى
عملتى ايه فى المذاكرة:عملتى الواجب:)

Aиgel يقول...

مسائكم / صباحكم ورد وياسمين

بما أني بقالي كتير مش برد عليكوا
فأنا هقف في صف إحسان D:

معلش بقى يا شفشق
لالالا بهزر طبعاً إحسان مين بس
أنا هقف في صف نون النسوة

أنتي تعبتي نفسك ليه أصلا وعجلة وشبشب
وقميص ليه يا بنتي بس

وتورتة كمان أنا لو منك هاكلها لوحدي (:

أنتي دمك خفيف أوي يا شفقة بجد
وربنا يسعدكم يارب
وكل سنة واحسان بخير


دمتم بحب وود واحترام

(:

Angel love

شفـقــة و إحســــان يقول...

pink dreams
ده يا عينى وليلى ونهارى كمان شفتى الشحتفة اللى انا فيها
ده انا جيت وجيت وجيت على نفسى لما دوستها وفرمتها كمان
ربنا ينتقم من اللى فى بالى
بس بقولك ايه بلاش الهدية دلوقتى بتاعة النفوس دى ابقى خليها بعدين ما احنا مش ناقصين هدايا

شفـقــة و إحســــان يقول...

فاتيما
سيبينى افضفض يا طمطم لحسن هطق واولع فى ناس انتى عارفاهم
وايه حكاية جرى دى ده على اساس ان الجرى نص الجدعنة لا انا بقى مابخافش ومش هجرى
وكمان بتقولى انفك ليه هو كان متركب بصمولتين وما صدق اتفك
وبعدين انا مجننتوش وهو انا شويكار ده هو مجنن خلقة انا استلمته كده
وبعدين بطلى تدافعى عنه وتعيشيه فى دور عبد الحليم ولا اعرف من اين اتيت ولا كانى اتنيلت واتيت
اما بخصوص الضرب فياريته بيحوا وخليها فى سرك

شفـقــة و إحســــان يقول...

ليس فقيرا من يحب
والنبى ازاى مش هيبقى فقيرا ده هيبقى شحاتا وملازم الاعتاب والارصفة
وايه حكاية خفى على الراجل دى وهو شايلنى دانا خف الريشة
ولعلمك انا مش هقدر اديله فرصة تانية لانى مش لطيفة
لطيفة بس هى اللى كانت بتغنى "ادينى فرصة تانية اثبتلك فيها قرفى"

شفـقــة و إحســــان يقول...

7annen
وحياتك يا حونينه لفيت لما كعوب رجلى دابت واتشققت وحاليا بعالجها بالمراهم والزيوت يرضيكى كده ده انا حتى اغلى حاجة عندى رجلى وهو عارف انا بقدرها واحترمها اد ايه ومع ذلك هنتها وبهدلتها مشى ولف بسببه كل ده ولا بيقدر
واول محتاج مساعدة هبعتلك ميسد على المدونة
ولعلمك هما فعلا زى امنا الغولة ما بيجوش الا بالعين الخمرة

شفـقــة و إحســــان يقول...

ذكرى رحيل قلم
عادى ماتوا بس بتحصل فى احسن العائلات زى ما انت بتبعتلى دلوقتى مع انك ذكرى رحيل قلم يعنى مت واتقصفت من بدرى
المهم ما تشغلش بالك بالترب دى دلوقتى ووحدوه
وايه حكاية ناصع البياض ومش هيعرف يغسله دى هو انا بقولك هخليه ياخد فومين باريال

شفـقــة و إحســــان يقول...

ذكرى رحيل قلم
هى كام ذكرى فى اليوم احنا كده هنفضل نترحم علطول
وعموما ان شاء الله يبقى فيه جد بس لما عمرو دياب يرجع من بره هو بس اللى بيعمل جد وحب ولعب
اما بخصوص الفيس بوك فانا مش هقطعه هخلى احسان هو اللى يقطعه علشان انا مش بحب اشوف الدم خااااااااااااااالص
ما يغرش انى بنت دراكولا

شفـقــة و إحســــان يقول...

rony
ايوا كده اعدلى اعدلى كلامك ده انا اول ما قريت كلمة مسكين كنت هاجى اوريكى السكين مش المسكين
قال راجل مسكين قال دول عايزين ولا بلاش الطيب احسن
وانا برضوا كنت هسكت على حقى انتى لا سمح الله واخدة عنى فكرة انى عبيطة ولا عبيطة
انا لا يمكن اسيب حقى ابدا
وبعدين بطلى طيران بقى مش كل ما تطيرى تيجى المطار عندنا وايه حمامة السلام دى هو انتى اللى فى العلم
عموما تعظيم سلام

شفـقــة و إحســــان يقول...

كلام من قلبى
والله فكرتينى بصلاح عبدالله فى المسلسل " دى حاجة غريبة "
وبعدين انتى تقصدى ايه ؟؟
تقصدى انتى مفترية ولا مجنونة خريجة العباسية
لالالالا لن اسمح ومن فضلك بعد كده لما تيجى يبقى الكلام من بقك لان الظاهر ان قلبك ما بيتكلمش صح

شفـقــة و إحســــان يقول...

صبرنى يارب
وانتى تعرفى عن اختك كده برضه انها ممكن تسيب حقها ده حتى يبقى عار على الستات
وايه حكاية جوزك ده كمان هو انا ناقصة ناس يقفوا فى صفه
اذن يبقى من الاعداء
اوام وحلا وفى التو واللحظة قوليلى مش هتبقى موجودة فى البيت امتى وانا هبعتلك ناس يعملوا الازم ويخلصوكى ولا من شاف ولا من درى بس ما تنسيش الحلاوة الحلاوة مش العيش والحلاوة

شفـقــة و إحســــان يقول...

اقصوصة
وحياتك وماليكى عليا حلفان انا ايت صوابع شمع لحد ما صوابعى نفسها ساحت واتلسعت مش عارفة اعمل ايه تانى ااقطع نفسى على راى سمورة
وحياتك دول صنف منتهى الصلاحية وانتى الصادقة يعنى فاسد وغير صالح للاستخدام الادمى

شفـقــة و إحســــان يقول...

جنات
ايون كده ارفعى من روحى المعدنية .... بس على فكرة انا معرفش انا بلة ازاى مع انى ولا مرة روحت الجبهة والتجنيد هربت منه
بس جايز انتى ليكى وجهة نظر اخرى

شفـقــة و إحســــان يقول...

عاشقة الرومانسية
يا بنتى ما هو علشان يخاف ويترعب لازم تتحولى والا اخد على قفايا بس ايه رايك بذمتك مش قمر وانا متحولة اجنن صح؟؟

شفـقــة و إحســــان يقول...

شاب فقرى
ايه يا عم هشام عباس يا ليلة ايه بس انت فاكرها هتبقى ليلة واحدة لا وحياتك ده هتبقى الف وليلة وليلة دانا شهرذاد
واحب ابلغ كل شاب وكل فتات ان الجرى الجدعنة كلها مش نصها وبطل نصب انت خدت نص بحاله لوحدك مش عشان مفقور هنسكتلك الحق حق

شفـقــة و إحســــان يقول...

جمهورية شومبونجو العربية
يا بنى نهدى اعصابنا ايه وتوك توك ايه اللى هيجيبنا ده احنا لو جينا هيتقبض علينا بونجو مرة واحدة ده الواحدة بيتمسك بسيجارة امال لو الجمهورية كلها هيعملوا فينا ايه
ده احنا هنتعلق هنتعلق
ربنا يستر عليك ولما تحب تيجى ابقى خد انت التوك توك بس تعالى فاضى والنبى ليشمعولنا المدونة

شفـقــة و إحســــان يقول...

طوبة فضة وطوبة دهب
كده انتى طربقتيها فوق دماغى بالدبش اللى انتى جايلنا بيه ده
بقى بذمتك الشحط ده طفل وعموما لو كان طفل يبقى يستحق الضرب وبالفلكة وفين يوجعك علشان يتعلم
بس مش شايفة انك غلطانة فى حكاية ماما دى ناقص كمان كنتى تقوليلى ستو كانت بقت مصيبة وحياتك كنت جيتلك خليت الطوب كله احمر على المحارة ولا فضة ولا دهب
اما بخصوص التورتة فبتسمعك احلى سلام من اعماق بطنى

شفـقــة و إحســــان يقول...

سعودى توب
هو ده اللى ربنا قدرك عليك عنوان الموضوع امال الموضوع ان شاء الله ياخد معاك اد ايه سنتين على الاقل
عموما ميرسى لزيارتك واتمنى المرة اللى جاية تقرا اول سطر وتقولى رايك

شفـقــة و إحســــان يقول...

زهرة الجنة
زهرتى الجميلة انتى فين يا احلى وردة وحشتنى ريحتك اللى زى العنبر
واحشتينى بجد مختفية فى اى جنينة يا وحشة
وبعدين طالما انتى هتساعدينى فى شن الحرب يبقى النتيجة مضمونة وبما انك معاكى صور الاسماعيلية اذن لتدق الطبوك وتقرع المفرقعات فالحرب اتيه ات

شفـقــة و إحســــان يقول...

بنت قلبى
بذمتك انتى ده بيتحرج ولا بيهمه عين حمرا ولا خضرة وحياتك ولا بتفرق معاه الوان الطيف حتى ده عينه بجحة ويدب فيها رشاش
اما بخصوص بيت بابا فياريت كنت وفرت تعب القلب على نفسى بس حتى بابا نفسه عامل مع ماما كده وهى كمان بتيجى تاخد دروس عندى لان بابا قافل البيت بالضبة والمفتاح واول ما اتجوزت قالى اياك اشوف وشك او تفكرى تعتبى هنا هكسرلك رجلك فخدتها من قاصرها وقلت اطلع عين احسان واطلع على جتته البلا ولا ايه
بذمتك مش يستاهل؟؟

شفـقــة و إحســــان يقول...

صدى الصمت عاشقة الورد
ما كنتى ماشية كويسة لحد ما اترحمتى عليه ليه بقى حكاية الافتراء دى بذمتك انا مفترية
طيب اسكتى خالص بقى الصمت افضل
قال اول ما تتكلم تيجى عليا ربنا يسامحك

شفـقــة و إحســــان يقول...

كيكى عوووووووووو
راجل من اعز الرجال ايه يا كيكى انتى فاكراه جمال عبد الناصر ولا ايه؟؟
لا يا كيكى كده هنعملوا شعبية وهو يا دوبك احسان خرج الساعات
بس ايه رايك فى اختك اتناشر جنية بحالهم تحبى المرة اللى جاية تيجى نمسح سوا وناخد اربعة وعشرين جنية ياااااااااااااااه ده الواحد يتجنن لو مسك مبلغ زى ده

شفـقــة و إحســــان يقول...

esraa
وهو ده هزار ده ... ده تهريج رخم وثقيل
وبعدين انا قلبى اخضر على اسود الابيض ده معرفوش محبوش مقبلوش

شفـقــة و إحســــان يقول...

ابو امل
انا مش هقول غير كلمة واحدة لام امل اهربى واقولى يا فكيك وربنا يكون فى عونك
وتحب تقول ايه فى مناسبة زى دى" حسبى الله ونعم الوكيل"

شفـقــة و إحســــان يقول...

فكرة من الزمن ده
هاموت واعرف ايه هى الفكرة اصل الزمن ده مبقاش بتاع افكار اعترفى جبتى الفكرة منين
وبعدين اختراعات ايه انتى فاكرانى احمد زويل دانا كبيرة زلومة مش زويلة
ولو انتى تعرفى اختراعات الحقينى بيها بس ما تكونش زى الفنكوش عايزين اختراع مهبوش

شفـقــة و إحســــان يقول...

Shaimaa
انتى قلتى اهو هو اللى بدأ والبادى ايه ؟؟
اه البادى حادى بادى شالوا وحطوا كله عليه
ربنا يرحمه

شفـقــة و إحســــان يقول...

micheal
الله اكبر الله اكبر من كل عين شافتنا
ايه يا عم مالناش حل ليه هى المسالة صعبة اوى كده ولا انت كنت ضعيف فى الرياضة
وكمان بتحسد ال12 جنية يا راجل حرام عليك دول جم بطلوع الروح مشفتش البوست ولا ايه حرمت نفسى من اللقمة والهدمة النضيفة وبرضوا مفيش فايدة جاى تحسد وتنق
وحياتك لحط خرزة زرقاء على باب المدونة وصندل كمان

شفـقــة و إحســــان يقول...

lady e
ايه الفشر ده بقى يا ليدى ؟؟
لعلمك انا بصيت ورايا مالقتش الا احسان امال مصر كانت واقفة فين؟؟
انتى اديتهم عنوان غلط ولا ايه

شفـقــة و إحســــان يقول...

كلام عيب
بس نفسى اعرف هو الكلام عيب ولا ابيح اصلها تفرق
وعموما انا خدت راحتى واترحرحت ربنا يجيب العواقب سليمة وما تروحيش تقرى الفاتحة عليا

شفـقــة و إحســــان يقول...

norahaty
احنا لو فضلنا نغيظ فى بعض على طول انا هطق واموت وانا ناقصة فرسة يا نور
وكمان ايه حكاية الروح الحلوة دى يا بنتى احنا مفيش بينا الا الارواح الشوريرة
اما بخصوص الواجب فانا كتبته عسر مرات يا ميث

شفـقــة و إحســــان يقول...

Angel
وطىء صوتك وانتى بتتكلمى لحسن لو سمع سيرة وردة وياسمين ليلتنا مش هتعدى وهيشبط فيهم علشان اجوزهومله يرضيكى يبقى عندى ضرة؟؟
بس بجد حاسستينى اننا فى الحوش وواقفين فى طابور الصباح عموما يلا قولى بلادى بلادى بلادى لكى وقرفى واشمئزازى
اعلى .... انتباه لامام در

donya يقول...

اول زياره للمدونه
عجبتني جدا خساره انكم كنتم هجرنها
عجبني بوست عريس يابوي

كل سنه واحسان بخير

وخلاص بقي المسامح امراه كريمه وجميله


*تحياتي

العلم نور يقول...

شكرا يا دويتو يا رائع على مروركم الكريم لمدونتي المتواضعة، وفي الحقيقة أنا طول الوقت وبأفكر في التورته مين إللي حيكلها وإمتى، أكيد بعد الموشح ده تكون ساحت ولا ناحت مش عارفة، المهم حصل خير، وعدت المره دي.

بنت مصريه يقول...

يخرب بيت عقلك يا مجنونه
راعى انى ف الشغل لما افطص على روحى م الضحك كده ف الشغل زمايلى يقولوا عليا ايه
اما بالنسبه لاحسان فانا معاكى يا شفقه وربنا معانا عالمفترى ...وبعون اللله هنأسس جمعيه المرأه المتوحشه هههههههههه

إيناس حليم يقول...

ههههههههههههههههههههههه
بجد فكرة مدونتكم تحفة وانتم اللتنين عسل اويييييي

اول زيارة ومش هتكون الاخيرة :))

Kiara يقول...

ههههههههههههه


يالهوي

كل دا

بصي

سبيلي انا المثاثات هقوم بيها بلاش هو

اوك ياشفقتي ياحثلايه انتي

marrokia يقول...

السلام عليكم
عثرت على هاته المدونة الرائعة بالصدفة وما ندمت ابدا
مدونة جد رائعة ومضحكة جدا جدا جدا
هههههههه
انتقمي يا شفقة كي يعرف قيمتك
مع تحياتي من المغرب

مرايتى يقول...

المهم نعرف الأخبار اول باول

وكان المفروض تسحبى الساعه ولا اقولك اهى تنفع برضه سبب للحساب لو اتاخر عليكى ولا حاجه

ايه الجمال ده

سلوى يقول...

بصي يا شفشق يا ختى
دي اول مرة ادخل مدونتكم
وعشان ماظلمكيش رحت قريت البوست بتاع السيد احسان
ولقيت عندك حق في اللي قلتيه
هو جابه لنفسه

انا بهدي النفوس طبعا نياهاهاهاها

ثم فيها ايه ان البلوزة وردي
والجيب رصاصي
مفيهاش حاجه ابداااااااا

تقبلي مروري :)
ودمتم بكل خير والسعاده
ربنا يحفظكم :)

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

سلمى يقول...

انتى لذيذ اوى
طيب افرضى انه كان بيهزر معاكى
سمحيه المره دى
هو اكيد ميقصدش
انتى قلبك ابيض برضوا
دمتى بخير

فيشة بنت كبس يقول...

loooooooooooooooool lel abaaaaaaaaaad:D:D:D

Asmaa mahaba يقول...

هههههههههههههههههههههههههههه ايوه كدا يا وديع

Asmaa mahaba يقول...

وحشتينى يا شيخه سمى البوست دعونى اسيح لاحسان :)))))))))

Asmaa mahaba يقول...

انا بجد حعيط كنت عاوزه اول تعليق بقولك ايه ياشفوقتى هاتى ملين من الصيدليه وحطيهوله فى قلب التورته
وش مليان شر :)))))

Asmaa mahaba يقول...

خير تعمل شر تلقى قال يا مامنه للرجال يامنه للميه فى الغربال ايه رايك نعمل حزب ونسميه دعونا ننتقم
سورى يا سونه :)) يا خويه الا شفقه

Asmaa mahaba يقول...

انا شايفه تعليق بيقولك هو كله كوميدى مفيش جد
ههههههههههه الاخ شكله عاوز يورطك فى جريمه طبعا عاوز يثبت حاله خليكى زكيه طخى احسان بس متعوريهوش:))

شفـقــة و إحســــان يقول...

donya
معلش يا دنيا اصل عقبال عندك جالنا تذكرة ونص هجرة لبنجلاديش فقلنا ما نفوتش الفرصة
بس قوليلى هى فين دى الامراة الجميلة انا اقعدت ادور عليها مش لاقياها

شفـقــة و إحســــان يقول...

الشجرة الام
وحضرتك عرفتى منين اننا دويتو وكنا بنشتغل فى فرقة حسب الله ؟؟
هو مفيش حاجة بتستخبى فى الزمن ده
عموما التورتة ساحت وناحت وبهدلت بطننا
لدرجة انها عملتلنا بقع

شفـقــة و إحســــان يقول...

بنت مصرية
وحد قالك تدخلى من الشغل وايه كمان الشغل المايص الصايص ده هو انتى بتشتغلى فين؟؟
وفين المدير انا لازمن ابلغ عن المسخرة دى
بلا شغل بنات وكلام فاضى
قال افطص قال طيب استننى لما تروحى بيتكم بدل ما يلبس التهمة اصحابك ظلم

شفـقــة و إحســــان يقول...

ايناس حليم
ميرسى بس خدى بالك انا العسل وناس تانية البلاص والحدق يفهم

شفـقــة و إحســــان يقول...

كيارا
ايه الطمع ده؟؟
يعنى انتى مش جاية تزورينا لا ده انتى طمعانة فى كشك الحلويات اللى انا فتحته
ماشى ماشى يا طماعة

شفـقــة و إحســــان يقول...

marrokia
هو لحد دلوقتى مفيش ندم ربنا يستر على اللى بعد كده
بس ليه التحية من المغرب ما تبدر شوية وتخليها ن العصر
هههههههههههههههههههههه
عموما انا متوصاش فى الانتقام وسلامى لاهل المغرب ومراكش نفر نفر

شفـقــة و إحســــان يقول...

سمسة
اخبار ايه اللى اول باول يا سمسة هو انا بوزع جرايد ولا شغالة فى مطبعة اخبار اليوم
كمان الساعة خلاص اتصادرت ده مصدق يا امى ما تخرجش حاجة من تحت ضرسه ابدا

شفـقــة و إحســــان يقول...

سلوى
تهدية النفوس وصلت وانا عملت اللى عليا وزيادة
بس هو مين سيد ده اللى قرتيله عندى هو فى حد جديد بيكتب معانا
ثم انا معرفش الا سيد بيه قشطة

شفـقــة و إحســــان يقول...

م/ الحسينى لزومى
تحيا جمهورية مصر العربية
وكتر الله من امثالك

شفـقــة و إحســــان يقول...

سلمى
انا مبحبش الافتراضات لانى ماليش فى الاحصاء
كمان قلبى كروهات ده مينفعش معاه الابيض بيوسخه بسرعة

شفـقــة و إحســــان يقول...

فيشة بنت كبس
اه حرام عليكى كهربتينا يعنى مالقتيش اسم اقل فولت شوية
وايه الزغاريد دى فى فيش عندكم بتتجوز اسلاك ولا ايه والنبى ابقى قوليلنا الفرح عند اى كهربائى علشان هنحضر ونجبلكم معانا الهدية لمبات موفرة

شفـقــة و إحســــان يقول...

سومة
يا حول الله يا ربى .... اتجننتى بجد يا سومتى
وديع مين ده الصافى مات من ساعة ما غنى لصباح

شفـقــة و إحســــان يقول...

سومة
لا يا سومة اسيح دى للناس الشيكولاتة بس اما المجبسين دول ممكن نقولهم دعونى اسلح لاحسان مش اسيح

شفـقــة و إحســــان يقول...

سومة
وبعدين بقى مش ناوية تمشى ولا ايه؟؟
لو عايزة تخدمينى تروح العيادة عن اختك لماضى تجيبلنا منها حبيتين ملين وانا هقوم بلازم

شفـقــة و إحســــان يقول...

سمة
امنة....ايه يا سومة هتمثلى وتعمليلى فيلم دعاء الغراب امنة ايه بس ووين هنادى يامايا
لكن احب ابلغك احسان ميكفهوش غربال واحد ده عايز غرابيل

شفـقــة و إحســــان يقول...

سومة
شكل الاخ ده فعلا بيعزنى بس ما تخافيش انا هطخه واتوى الجثة من غير ما ولاد الفرطوص ما ياخدوا خبر
وكله فى السكرتة يا معلمة

حلم بيعافر يقول...

هههههههههههههههه
اوعدنا يارب بالخناقات دى

شفـقــة و إحســــان يقول...

حلم بيعافر
بيعافر ده ما يبقاش حلم ده يبقى كابوس
عموما ابقى اتغطا كويس
واذا كان على الخناقات فمفيش اكتر منها ابقى عدى كل يوم خد حبة كام بوكس على كام لوكمية

Somaya Kamal El Din يقول...

هههههههههههههههههههه

دخلت المدونة بالصدفة

بجد والله تحفة

وربنا يخليكم لبعض

خلاص بقى المسامح كريم