الاثنين، 7 ديسمبر 2009

يــا بــــؤجة الهنا.. يا بؤجتى انا


ان شاء الله يوم الجمعة 11/12 هيكون يوم بؤجة الخير
وهيكون فى جامع زهراء مصر القديمة

والتجمع هيكون من الساعة عشرة ونص لحد الساعة اتنين
واللى يتوه ميتصلش بينا لا انا ولا احسان لاننا احنا شخصيا تايهين خلقة
وهنشوف حد يتوهنا اقصد يودينا
وعموما المكان ما يتوهش واسرع وافضل مواصلة مترو الانفاق
محطة زهراء المعادى
اما اللى مصر على انه يتوه ومش هيعرف يوصل فامره الى الله
ويكلم خالد همس الاحباب ونمرة موبايله هى 0101345140
او داليا قوس قزح ونمرتها 0117742287
وماوصكمش اللى يتوه يعل الناس دى ويقرفهم لحد ما يردوا
واياك وان حد يقول الشبكة كانت واقعة عليا ونفوخى اتفتح او محدش بيرد
اياك وحذارى الاعذار مش مقبولة
كله يقعد من النهاردة يشوف اى حاجة مش محتاجها
ويحطها فى بؤجة ويجى
اى حاجة لبس ...ادوات منزلية ...طعام ... بطاطين... ملايات
ممكن اللى احنا مش محتاجينه فى ناس تانية محتاجاه اكتر منا
وكل ده يبقى ان شاء الله فى ميزان حسناتكم
وان شاء الله هكون انا واحسان هناك بس مش علشان نشارك فى البؤجة
لا علشان ناخد من تبرعتكم ومن البؤجة
اه علشان نبقى واضحين من الاول
احنا مش لاقين لبس على مقاسنا وخاصة احسان
وهو رايح مخصوص يلم اى حاجة تيجى على مقاسه
مش هتضر
و عموما بتمنى نشوف كل المدونين هناك
وهنستناكم انا واحسان والبؤجة
بس اياك حد يطمع فى البؤجة بعنيه


شفقـــــــــة

هناك 28 تعليقًا:

Lady E يقول...

اول تعليق هييييييييييييييه

Lady E يقول...

لا أكاد أصدق ما ارى انا فعلا اول تعليق :) وتاني تعليق كمان

اول مرة اعرف معلومة لحد الساعه 2 دي

في ميزان حسناتكم ان شاء الله يا شفشوقتي يا حبيبتي

والبؤجات بالنص :)

Lady E يقول...

تالت تعليق بالمرة علشان متقوليش اني مش بسأل يا شفشوقة :)

Unknown يقول...

يا بؤجة الهنا يارتينى كنت انا
ههههههههههههههه
ازيكم وحشتينى يا شفقة يا حبيبتى قلت ادحرج التماسى

اقصوصه يقول...

الله يجزاكم كل خير :)

Aиgel يقول...


صباح الخير والخير وبؤجة الخير
(:

أزيكم عاملين إيه

وحشتوني خالص

أنا هستنى تحكوا لنا بقى عن اللقاء الخيري ده لو هتروحوا إن شاء الله

وربنا يجازيكم جميعاً كل خير


بحبكم في الله


aNGEL LOVE

حنين يقول...

ازيك يا شفقه هانم
وايه اخبار احسان بيه
ماحدش بيشوفكم ليه
انا نفسى اكون معاكم بس عقبال عندك انا عندى قردين اقصد عصفورين بنوته وولد مجنينينى وبشد شعرى منهم لو عرفت اسربهم يلعبوا مع الاسد اكيد هاجى
ربنا يسهل
بالتوفيق ان شاءالله

صيدلانيه طالعه نازله يقول...

ربنا يجعلكم دايما فى الخير سباقين
كان نفسى ابقى معاكم بس بعد المسافات حكم
انشاء الله اكلمكم و اسلم عليكم

عاشقة القمر يقول...

سلام عليكم ربنا يقدركم علي عمل الخير ربنا يجعلها في ميزان حسناتكم كان نفسي اكون معاكم بس وعدتني لم نزل مصر تعملوا يوم تجمع لان مره فات نزلت قعدت ثلاثه شهور مش حصل تجمع
لكن ان شاءالله اهتصال عليكم

mimi يقول...

ربنا يجعل الافكار دي في ميزان حسناتكم

أمين

فاتيما يقول...

احب الناس الإيجابية قوى
جزاكم الله خيراً
و لو إن البوست كدا فيه شبهة تربح و اختلاس و دا يستلزم تقديم بلاغ لنيابة البؤج العامة من دلوقتى
انا ضميرى ميسمحش خالص بهذا
يا اما تسكتونى و زى ما اتفقنا
ننصص فى اللى البؤج
هتجود بيه و كدا ضميرى يرتاح
و براحكتو ع الآخر
اشوفك على خير زى ما بنشوفكم دايما

خواطر شابة يقول...

جزاكم الله خيرا

Soma يقول...

وحشتوناااااااااااا


جزاكم الله خيرا
انا عايزه اروح معاكوااااا

اشوفكم هناك بقي

غير معرف يقول...

الدال على الخير كفاعله

جزاكم الله خيرا

تحياتي

Mafrousa يقول...

:(
مش حاجي
:(
ربنا يجازيكم خير عن الحاجات الحلوة اللى انتم بنعملوها يارب

وردشان smilyrose يقول...

وحشتينى مووووووت

ياللى مش بتسالى

اخبارك واحوالك

وبؤجاتك وكل شى

وحشانى يارخمه

بسمه عبدالباسط يقول...

ده كل الحلوين هيكونوا هناك يوم الجمعة
أشوفكم على خير هنااااااااك
إن شاء الله

صدى الصمت - عاشقة الورد - يقول...

ربنا يكرمكم ويجازيكم كل خير
كان نفسى طبعاً أكون فى التجمع دة بس مافيش نصيب
تحياتى

ليس فقيرا من يحب يقول...

جزاكم الله خيرا

ربنا يكرمكم يارب

ويارتى كنت جايه معاكم

micheal يقول...

ربنا يباركلكم

العلم نور يقول...

ربنا يجعلها في ميزان حسناتكم ونفع الله بكم الأمة الإسلامية العربية.

blue-wave يقول...

ربنا يكرمكم ويوفقكم

أ / أحمد عبد المنعم يقول...
أزال المؤلف هذا التعليق.
أ / أحمد عبد المنعم يقول...

بسم الله الرحمن الرحيم

الأخ الفاضل : إحسان بيه
الأخت الفاضلة : شفقة هانم

سعدت جدا جدا بمعرفتكم وأتمنى التواصل الدائم بإذن الله .

خالتى بمبة يقول...

توهتينا ومعرفناش لما نتوه نتوه مين معانا لو الشبكة واقعة عموما نتقابل في مركز التاهين بس لو توهتى عنه انا مش مسؤلة

Unknown يقول...

جزاكم الله خيراً
أغبطكم فى الله
على نعمة التلاقى
واللقاء والمحبة الصافية
لله رب العالمين وعلى حاجات
تانية كمااااااااااااان
ربنا يسعدكم يارب وتتهنوا :)

فشكووول يقول...

السلام عليكم شفقه هانم واحسان بك

تحياتى

كان نفسى احضر معاكم فى اليوم ده لكن كنت لسه مش اقدر اسافر وان شاء الله فى مرات قادمه .. وعلى العموم عندنا جمعيه اسمها رساله بنبعت لها الحاجات دى اول باول.

اشكركم على المرور فى فشكول وكل عام وانتم بخير

ستيتة يقول...

كان نفسي اشوفكم قوي يوم البؤجة
بس حظي كان وحش
متعوضة ان شاء الله
تحياتي وجيت بس ادحرج التماسي :)