الاثنين، 11 يناير 2010

عيد ســـــــــــــــــواد سعــــــــــــــــــــــيد

كل سنة وانتم طيبين بمناسبة يوم رأس السنة
معلش بقى الرأس جت متاخرة قصدى التهنئة
اصل يوم راس السنة كان يوم عيد جوازى
وقعدت فى اليوم ده اتنهد واسمع اغانى رومانسية زى حبيتك بالصيف حدفتك بالشلوت
واغانى عبده الحليم حافظ قولوله قولوله قولوله يجيب المصروف
وهكذا من الاغانى الرومانسية الجميلة
وقعدت افتكر ايام الخطوبة الجميلة الله لا يعودها كانت هايلة هايلة هايلة
وقعدت اشطح بتفكيرى المريع واتخيل مجرد تخيلات وكوابيس يقظة
ان سونة هيدخل عليا فى اليوم ده بوردة
او هدية جميلة ولكن يا فرحة ما تمت سمعت رزع وخبط على الباب
وبصيت لقيت سونة بيرفس الباب برجله
قلت بشرة خير
اظاهر ان اليوم ده يوم مبروك
وبصيت يمين وشمال لقيته عمال ينفخ وشكله كان متخانق مع حد
ومستنى اى دبانة تقف على وشه زيي كده
ويشلتلها
قلت فى عقل بالى ابعده عنه الساعة دى
والساعة اللى بعدها ابقى تنحى وتبتى واسالى
على الهودية
شوية ودخل سونة ينام رحت رايحة جرى وراه ورابطة
رجله فى السرير واقعدت اهزر معاه واقوله فاكر يا حبيبى ايام الخطوبة ؟ لقيته بيرد بقرف خطوبة خطوبة مين ؟؟ وهى دى ايام الواحد يفتكرها ؟؟ دى ايام لازم تتمحى من الذاكرة وعندها لازم ساعة الزمن تقف
انا: اخص عليك يا سونة ايه الهزار البايخ ده
سونة: طيب ايه اللى فكرك بالسيرة الهباب دى ؟؟
حنيتى لايام العياط والنحنحة ؟؟
كده برضوا يا سونة يعنى النهاردة مابيفكرش باى حاجة ؟؟
ولا حاسس ان قلبك بيدق؟؟

سونة: اه حاسس انه بيدق من كتر طلوعى على السلالم

ايه ناقص تقوليلى حدث فى مثل هذا اليوم

انا: ايون برافو يا حبيبى ايه بقى اللى حدث ؟؟
سونة: هى فزورة؟؟ مش فاكر ب
س اكيد حصلت جريمة بشعة لن يغفرها لى الزمان
انا : بقى كده برضوا يا سونة طيب ما انت فاكر اهو
طيب قولى بقى كلام حلو

سونة: بسبوسة ....عجوة.... كيك
انا: ايه ده وانا بقولك اكل حلو هو كله على بطنك كده ايه الطفاسة دى؟؟
طيب بلاش كلام حلو اصله ممنوش فايدة.... طيب ايدك على الهودية الوذعية
سونة: هودية !هودية ايه؟؟ يا حياتى انتى اكبر مقلب ..اقصد اكبر هدية فى حياتى
نامى ب
قى وشدى اللحاف
انا : "
بصوت غليظ" بقولك ايه يا راجل انت.. متزربنيش وتطلعلى زرازيرى هتقب بالهدية ولا افجرلك اللحاف؟؟
اه
انا حشياه ديناميت بدل القطن
سونة:" بخوف" يا بنت المجنونة طيب بصى يا حبيبتى
ايه رايك نروح نسهر فى مكان فيه مز
ز وحاجات من اللى ترجع الواحد شباب؟؟
ولا اقولك نسافر اى مكان فيه بحر علشان اخلص منك؟؟
انا : ايه المقارنة الصعبة دى ؟؟ طيب سيبنى افكر... ايه يا شفشوقة مكان فيه مزز؟؟
لا يجوز لحسن الراجل يجوز عليا وتلهفه مزة طيب نسافر ونروح بحر؟؟
اه وليه لا؟؟
يمكن لما نسافر يغرق فى بحر حبى
واخليه يغطس
مايقبش تانى على وش المية
سونة يا حياتى خلاص انا فكرت هنسافر

وسافرنا الى اجمل واهدأ مكان فى العالم
بــــــــــــورسعـــــــــــــــــــــــيد
وصلنا الفندق وكلمتنا انوسة روح قلبى "نهر الحب "
وقالتلى انتم فين وحشتونى
لكن الود ودها تقولنا واحنا كنا ناقصين قرفكم
يعنى سايبين بلدكم وجاين تقرفونا فى بلدنا
بس بينى وبينكم انوسة... ونسمة اختها بيستحملولنا بالرغم من غلاستنا ورخامتنا معاهم
ا
صلنا على قلبهم زى العسل الاسود
جهزنا نفسنا ون
زلنا نقابل انوسة "نهر الحب"
ونسمة اختها "هى فوضى"
ومحمد" اكيد بنحبها
" بس هى مين معرفش
واخدونا انا وسونة واختى وقعدوا يفسحونا
بس ايه احنا كسحناهم
لحد ما وقعوا مننا فى الارض
وقعدوا يحبوا على ايدينا اننا نرحمهم ونعتقهم لوجه الله
واحنا نقول ابدا لازم يتوبوا منا ويحرموا يعرفونا
وكانوا نفسهم يقولولنا اياك تعتبوا البلد هنا تانى
واننا لو عرفنا انكم جايين هنقفل مخ
ارج ومداخل بورسعيد والميناء كمان
ومش
بعيد يبلغوا عنا
المهم اننا عفونا عنهم وروحوا وهما يكادوا يكونوا فى شبه غيبوبة
ولكن للاسف محرموش
وتانى يوم من 9 الصبح لقيناهم ادام الفندق
جايين ياخدونا وبيقولوا عزمينكم على ركوب لنش
طبعا اختى المبجلة رقعت بالصوت الحي
انى
وقالت ابدا بوتيتا انتم جايبينى اموت هنا ولا ايه؟؟
يا على فرشتى يا بلاش
وقعدت تغمزلى
وتقولى خلى بالك اظاهر احسان متفق معاهم عليكى

بينى وبينكم انا كمان فكرت وشكيت ان احسان متفق معاهم

على انهم يتخلصوا منا ويرموا جثثنا فى القناة
قلت لا مابيدهاش الواحد لازمن ياخد احتياطاته ويلبس زعانف
وخوزة لزوم الغطس
لكن بصراحة انا ماليش فى العوم
فاخدتها من قصيرها وقعدت ابوظ موضوع اللنش ده
لحد ما زهقوا وصرفوا نظر عن الفكر
ة
وبعدها قلتلهم انا عايزة الف فى السوق واعمل شوبنج وشوحقن
واول ما سونة سمع كلمة "شو بنج" كاد ان يغمن عليه
وقعد يلف ويدور علشان يمنعنى من انى اروح السوق
وانا ابدا مفيش فايدة
وشوية لقيت انوسة ونسمة ومحمد واقفين فى صفه وعمالين يقنعونى بانى مروحش السوق
بين
ى وبينك شكيت فيهم اكتر وكل شوية يقولوا يلا علشان نروح جيانولا
قلت بس دول متفقين عليا
و
شكلهم هيقتلونى هناك او مدبرينلى خطة محكمة
المهم انى مسكت فى خناق احسان
وقلتله يانا يا البيانولا وانت يعنى ناقص مزيكا ؟؟
طيب اعزفلك انا ده انا سيدة السيفونات اقصد السيم
فونيات
وقعدت اخبط وادبدب فى الارض زى العيال الصغيرين
ماليش دعوة انا عايزة هدوم ..وشنط.. وجزم ..واكسسورات
امال انا جاية ليه ولا عايز تاكل عليا الهدية؟؟
ولكن للاسف كل محاولاتى باءت بالفشل الزريع

وعملت زى القيصرى "حنفى " خلاص هتنزل المرة دى ورحت معاهم جيانو
لا
وانا على اخرى من احسان اللى هرب من الهدية وقال يا فكيك
ولكن كانت المفاجعة
بصينا لقينا النور انطفى قلت يادى النولة بركاتنا حلت على المكان ولا ايه؟؟
ولكن شوية ولقينا اغنية هابى بيرث داى اشتغلت وتورتة
وكلام رومانسى خسارة فى جتت احسان
وا
لناس عمالة تبصلنا وتصقف زى بتوع السيما
وايناس ونسمة ومحمد وعبد الحميد بيقولولنا كل سنة وانتم طيبين
عيد جواز سعيد

بصراحة كانت اجمل مفاجاة ليا انا واحسان وانبسطنا جدا جدا
بلرغم زعلى على الهدية
الا ان ربنا عوضنى
ولقيت ايناس ونسمة بيدونى لوحة فنية جميلة عملوها مخصوص لينا هما اللى رسموها وبيها بجد رسموا ابتسامتى انا واحسان
وقالولنا كل سنة وانتم طيبين دى هديتكم ولا الحوجة ليك يا سونة
لكن اطرف ما فى الموضوع ان نسمة باستنى وسلمت عليا
وقالتلى "عيد سواد سعيد "
طبعا من غير ما تقصد
وقضينا يوم جميل ممتع
ورجعت وانا فى غا
ية الفرح والانبساط
وماسكة اللوحة متبتة عليها بايدى واسنانى خايفة لاحسان ياخدها يبيعها
"ملحوظة" بجد بجد ميرسى ليكى اوى اوى اوى يا انوسة بجد انتى روح قلبى من جوا وانتى يا نسمة بلرغم اننا لففناكى كعب داير لحد ما رجلك ورمت الا انك كنتى صبورة عموما المرة اللى جاية ابقى اجبلك شوز يستحمل مشى احسان بجد مش عارفة اقولك ايه انتى نور عينى واختى الصغنتوتة اللى بموت فيها ومحمد ابو عجيلة ميرسى ليك اوى اوى اوى
ونعم الصاحب والصديق وانت كمان يا عبد الحميد يالى كنت بتهدى الفوس ميرسى الحمد لله النفوس اتشعللت بحسك بنحبكم مــــــــــــــــــــــــــــوت
وكل سنة وانت طيب يا سونة وعقبال 700 سنة
شفقة


هناك 74 تعليقًا:

اقصوصه يقول...

looooooooool

اول تعليق

كل عام وانتوا بخير

وعيد زواج سعيد

وعقبال اليوبيل الفضي كبدايه :)

خواطر شابة يقول...

تعرفي انت بتظلمي احسان فسحة وفسحك هدية ايه اللي انت ماسكة فيها حرام عليك هههه
واضح ان الرحلة كانت جميلة وانا استغل المناسبة لاتمنى لكما عيد زواج سعيد وعقبال ان شاء الله مائة سنة مؤبد يعني

Cute Kitty **sookra يقول...

لولىىىىىىىىىىىىىىىىىىىىى
الف مبروك
وعقبال ميه سنه
كفايه ميه حرام عليكى الراجل هيفطس منك فى التلتميه لو كملتوا السبعوميه
هههههههههههههههه
كل سنه وانتوا طيبين ومع بعض معيدين وهنا كاتبين احلى كلام
هابى بيرث داى وهابى نيو يير

Cute Kitty **sookra يقول...

ياحلولى انا تالت تعليق
ايه دا دا انا على كدا عاوزه هديه انا كمان
هههههههههههههههههههههههه

Unknown يقول...

ازيك يا قمر اية اخبارك عارفة احلى ما فيكى انك حاسة بيا وبرجلى اللى وجعتنى بس اقولك اية فداكم والله
المهم انكم اتبسطوا
وعيد زواج سعيد يارب
ويارب دايما متهنين وفرحنين
بس قوليلى مش جبتى سيرة امواس الحلاقة لية
الا صحيح هى اتجمركت ولا اية ؟؟

غير معرف يقول...

ازيك شا فقة هانم
يعنى انتى فضحتينى ومسكتى فى ذلة لسانى وهات يارغى عليها
طيب وانا كمان همسك فى وعدك واوعى تنسى جوزين الشوزات اللى وعدتنا بيهم عشان نستحمل مشى احسان
كل سنة وانتى قمر وعلى طول اصحاب وحبايب ان شاء الله

نسمة

akeedba7ebha يقول...

الله يكون فى عونك يا احسان انت ليك عندى كل بوست انه بعد كل رد من اى واحد هدعيلك وهقولك الله يكون فى عونك يا بوناى

وعيد سعيد دايما وعلى طول مجمعين مع بعض ودى كانت اقل حاجه ممكن نقدمهلكوا

سورى يا شفقه بقى اصل احسان حاسس انه كده مظلوم مش واخد حقه فى المدونه دى

الله يكون فى عونك يا سونه

Aиgel يقول...

مساء الجمال

(:

عيد زواج سعيد يارب وربنا يسعدكم دايماً يارب

وطبعاً الروح الحلوة والهدية الجميلة مش بعيدة عن الجميلة إيناس
وطبعاً اختها وكل أهل بورسعيد
(:

كل سنة وأنتم طيبي مرة تانية وعقبال ال100 سنة وأكتر في هنا وسعادة وشقاوة ولماضة

" أعوعي يا شفقة تنسي الفستان والإكسسوارات D: "

أنا بهدي النفوس بس (:

دمتم بسعادة وحب وهنا

Angel love

simply me يقول...

كل عيد جواز وانتى مستنيه الهديه
هههههههه
بس المفجأه دى احلى من كل الهدايا
ربنا يخليكم لبعض

سواحة يقول...

كل راس و سواد سنة سعيد لاحسان
و يعنى يا شفشق
انت بتعانى
كده كل دول واقفين فى صفك :-))))

ربنا يزودهم اكثر و اكثر

ممكن حتة من التورتة
:-)

صباح الصباح يقول...

اللة
بورسعيد باحبا موت
يا ريتنا كنت معاكوا واللة

وياترى رحتوا ديلسبس والممشى والفار واللا لا؟

غير معرف يقول...

كل سنه وانتم طيبين وعقبال ما تحتفلوا بعيد الجواز المليون

تحياتي

حنين يقول...

كل سنه وانتم طيبين
يا شفقه هانم
وربنا يهديكم على بعض
وعقبال 100 سنه
تحياتى

شفـقــة و إحســــان يقول...

اقصوصة
سعيد مين ده يا اقصوصة؟؟
وايه كمان اللى دخل ام نبيل فى الموضوع
لا بقى يا اقصوصة شكلك بتعرفى ناس جديدة
عموما كل سنة وانتى وسعيد وام نبيل طيبين

شفـقــة و إحســــان يقول...

خواطر شابة
عمالة تقولى حرام ومظلوم وموبد ايه يا بنتى انتى بتبعتلنا من لومان طره ولا ايه
طيب اعترفى اتقبض عليكى ليه ؟؟
عموما هنبقى نيجى نزورك بعيش وحلاوة

شفـقــة و إحســــان يقول...

sookra
ايه الزغاريط دى؟؟ عندك فرح ولا ايه؟؟
وايه حكاية كفاية ميه دى؟؟ هى المياه قاطعة عندكم ولا ايه؟؟
وكمان هتنقى علينا وبتقولى اننا عندنا بير
يا ساتر على القر
قال هابى نيو بير قال
طيب قولى هابى نيو زير تبقى مبلوعة

شفـقــة و إحســــان يقول...

sookra
هدية ! كنت جاتلى انا الاول
وبعدين ايه حكايتك عمالة تدخلى وتخرجى ولا كانى فيه اى سيكيورتى على باب المدونة والنبى لارفدهم بسببك
زمالقة اوعى تدخل سكره دى تانى كفاية عليها مرة واحدة
واحنا قاعدين فى سينما

شفـقــة و إحســــان يقول...

نهر الحب
بصى يا نهر انا مختلفة معاكى صحيح انا بحبك وبموت فيكى بس انا حاسة بيكى انتى
اما برجلك فاسمحلى انا ماليش فيها خالص
وانا ناقصة روايح وشربات وكلام من ده؟؟
اما بخصوص امواس الحلاقة فبتسلم عليكى شفرة شفرة وبتقولك لو جبتى سيرتهم مش هتخلى من البشل
ربنا يجعل كلامنا مش حامى عليهم

شفـقــة و إحســــان يقول...

غير معرف
يا عبيطة بقى انا اللى فضحتك ؟؟
بذمتك فى حد يدخل بغير معرف ويكتب اسمه تحت؟
اهو انتى اللى فضحتى نفسك
طيب اشتمى واجرى من غير امضاء
اما بخصوص الشوزات فامسكى فى وعدى زى ما انتى عايزة وابقى قابلينى لو طولتى فردة
كمان اللى عايزة شوزات تروح تمسك فى الجزماتى مش فى واحدة زى حالاتى

شفـقــة و إحســــان يقول...

akeedba7ebha
والنعمة الله يكون فى عونى انا انى مستحملاك انت وهو
وبعدين انت اطلقت لقب جديد بالصعيدى على سونة ولا ايه؟؟
ايه بـــــــــــو ناى دى؟؟
هو خلف من ورايا وسماه ناى؟؟
ده احتزاءا ببيانولا ولا ايه؟؟
وبعدين انا مصرى وابويا مصرى من قالك سورى دى؟؟
انت كده هتدخل الجنسيات فى بعضها
ولعلمك علمك انت هتعمل فتنة بينى وبين احسان بموضوع مش واخد حقه دى
وشكله هيرفع قضية
ويعمل زى هانى رمزى
ويقول عايز حقى وخليه بقى مع المحاكم

شفـقــة و إحســــان يقول...

Angel
بيقولوا مساء النور او بونسوار او يعافيكم
انما جمال ده انا اول مرة اسمع عنه
وطبعا ايناس ونسمة ناس ذوق ذوق ذوق الحقيقة يارب بس كل المدونين يبقوا يعملوا زيهم
وانا اكيد هيبقى عندى هدايا اد كده وهو ده المطلوب
وطبعا مش هنسى الفستان والاكسسوارات ودى معقولة
ولو معرفتش اخدهم من احسان ابقوا لموا من بعض وانا هقبل الهدية

شفـقــة و إحســــان يقول...

Bondoka
يا بنتى انا مستناش الهدية تيجيلى لحد عندى ولا انتى عاوزة رجلى توجعنى ؟؟
وعموما المفاجاة كانت جميلة بس هدية احسان تبقى اجمل واجمل
شفتى الطمع؟؟

شفـقــة و إحســــان يقول...

Wanda
هو احنا فى طابور جمعية بنجيب زيت وسكر؟؟
هما مين دول اللى فى صفه؟؟
انا لو كان ورايا واحد بس كنت كسرت الدنيا

شفـقــة و إحســــان يقول...

صباح الصباح
شوف بقى الاستغلال اوام ياريتنا كنا معاكم يا ساتر
هو الواحد ميعرفش ينفرد براجل ابدا؟؟
وبعدين مين بسبس دى؟؟ قطة دى ولا ايه؟؟
وفار كمان؟؟
طيب ما كده هيموتوا بعض
عموما احنا روحنا كل ده اكتر من مليون مرة
احنا اصلا خليفة ابو العربى

شفـقــة و إحســــان يقول...

فتاة من الصعيد
يعنى كنتى قلتى ان شاء الله ستربحوا المليون احسن وافضل من عيد الجواز المليون ولا احنا اللى شكلنا فاقيرى

شفـقــة و إحســــان يقول...

حنين
كده برضوا يا حنين بتدعى علينا
بقى عايزة ربنا يهدنا
طيب ولما نتهد تلاقوا مين يناكف فى بعض
اهو حتى مسلينكم ولا ايه؟؟

Cute Kitty **sookra يقول...

شفقه يااختشى
انا جيت تالت ولاهاممنى السيكيورتى بتاعك دا
دا انا يابنتى ازقه بصباعى يقع على طول
هههههههههههه
اصل انا سكره المسكره المفتريه
ههههههههههههه
وبعدين بنقول 100 موش مايه ياختشى
وخلاص انا سحبتها كفايه عليكم 99 سنه وربع يلا بقى
وش بيطلع لسانه

أمل حمدي يقول...

ازيك يا شفشوقة

وحشاني حبيبة قلبي والله

مين اللي مش بيسأل ؟؟؟

على العموم أنا عمري ما أزعل منك ابدا علشان عارفة قلبك الأبيض زي الفل

ربنا يبارك فيك وسلامي لاحسان

وكل سنة وأنتم طيبين

شمس النهار يقول...

كل ذكري سنويه وانتم طيبين وتعيشوا وتفتكروا
امين

:::))))

لا لا لا
انا بضحك اصل كلمة نسمه عيد سواد سعيد دي ما يتردش عليها غير كده

كل عيد جواز سعيد وانتم طيبين وفي احسن صحه وحال

سلامي

شيرين يقول...

وهو من امتى كان في راجل بيفتكر يوم زي ده اصلا
وكل سنه وانتم طيبين
ومدونتك لذيذه

سواحة يقول...

يعنى يا شفشق مبتقفيش
فى الطابور
الجمعية
و العيش
و المرتب
و الخ الخ
و بعدين
يعنى يا احسان بيه الله يعينك
اقولها وقفين فى صفك تقولى صفه
دانت طلعت غلبان غلب
الا اخبار العربية ايه :-)) لسه مخبيها منها تلاقيك كنت عاملها هدية مفجاءة لعيد سوادكم :-))

حنين القلب يقول...

كل سنه وانتم طيبين وعقبال مليون سنه يا رب

يعنى الراجل خدك وفسحك مش نافع
وحد فى الدنيا يقول للانش لا

يا ستى دنا حامل وعلى اخرى وكنت عماله اتحايل عليه اركب مركب وهو اللى خاف عليه ومش رضى
هههههههههههههههههههههههه
خاف لحسن اغطس انا وابنه مش اقب خصوصا انه مش بيعرف يعوم اوى
المهم

يا رب دايما مع بعض ولا يحرمكم من بعض ابدا

لجين أبو الدهب يقول...

ما شاء الله ..

بجد حضرتك سكر جدا

البوست ضحكنى اوى ..

يارب تقضوا طول العمر سوا ومن بعد العمر يجمعكم فى الجنة ويباركلكم فى بعض ..

كل سنة وانتم طيبين ..

شفـقــة و إحســــان يقول...

sookra
ايه يا بنتى ده هو انتى فاكرة السيكيورتى راجل شطرنج؟؟
قال تزقيه بصباعك قال طيب حاسبى ليعضك
وحياتك لاقفلها بالضبة والمفتاح وابقى ورينى هتدخلى ازاى يا سكرة يا مسكرة
كمان يا شيخة جزعتنى نفسنا بسكرك الزيادة ده
روحى احدقى شوية وتعالى

شفـقــة و إحســــان يقول...

امل حمدى
ماما امولة وحشتينى اوى اوى
انتى فين؟؟
وكمان ايه امل حمدى دى؟؟
انتى غيرتى ماما امولة؟؟
ماشى يا عم مبروك على النيو بوك الجديد
هههههههههههههههه

شفـقــة و إحســــان يقول...

شمس النهار
شوية شوية هتدخلى علينا المدونة بقرص وفطير وشريك رحمة ونور
مش كده يا شمس النهار احبطتى معنوياتى

شفـقــة و إحســــان يقول...

الشموع السوداء
والنعمة عندك حق تسميها الشموع السوداء
ايه التشاؤم ده ؟؟
عموما طبعا وبما انك الشموع السوداء فصالح سليم مش هيفتكر يوم اسود زى ده
لانه كان فى عمى وكلب وحاجات رعب كتير
طيب والنبى الراجل يفتكر يوم زى ده ازاى؟؟

شفـقــة و إحســــان يقول...

wanda
معلش العتب على النظر وكله من الطوابير

شفـقــة و إحســــان يقول...

حنين القلب
ايه يا بنتى الجراة اللى انتى فيها دى ؟؟
حامل وعايزة تركبى مركب
يا لهوى عليكى
انا لو من جوزك احبسك فى البيت ومخرجكيش الا بعد الولادة بسنة
اللى زى دماغك الاسعة دى لازم يتحبس
وربنا يستر على البيبى

شفـقــة و إحســــان يقول...

لجين ابو الدهب
انا سكر ربنا يخليكى ده حتى غلى وشح من السوق
عموما لو عاوزة ابقى تعالى خدى اتنين كيلو

just waiting يقول...

هههههههههههههه
كل سنة وانتم طيبين وعقبال يارب لما تكملو 99 سنة الصراحة يعني محدش هيقدر يستحملكم اكتر من كدا
لا بجد انتم زي العسل انا اول مرة اعلق مع اني متابعة بقالي فترة
بجد شربات ( مش بتاعت بايرة ياساتر يارب )

Tears يقول...

اول مرة اشوف المدونة..جميلة اوى بس يارب يكون الكلام ده هزار لان مش معقول يبقى ده شكل الحوار بعد الجواز ده كده الواحد يترعب

عاشقة القمر يقول...

كل سنه أنتو بخير ربنا يسعدكم يارب تكون مبوسطين دايما

MǿиY El-Shreef يقول...

كل سنه وانتوا طيبين وعيد جواز سعيد يااارب

ان شاء الله كل ايامكم تبقى سعد وهنا (=

-_- يقول...

عيد زواج سعيد !!



شارم لايف
www.sharmlifeblog.com

صدى الصمت - عاشقة الورد - يقول...

عيد زواج سعيد
ربنا يسعدكم ويهنيكم ويخليكم لبعض
تحياتى

r يقول...

حاجه حلوه خالص
يعنى لسه فى ناس بتحتفل بعيد جوازها يعنى ما بقتش الرومانسيه دقه قديمه

يا ستى كل سنه وانتى واحسان بيه بكل الخير
ومع بعض على طول وعبقال ما نشوف تدوينات الاحفاد

وبورسعيد دى من اجمل الاماكن اللى زرتها فى رحله لسنتين متتاليتين
وما انساش شوارعها الجميله وخاصه طرح البحر وشاطئ المناخ الهادى جدا

ودمتم بكل الخير

لاسع افندى يقول...

عيد جواز سعيد

عموما هو الجواز كده ياسواد
يا بيض

تحيه لاسعه

شفـقــة و إحســــان يقول...

Just waiting
يا بخيلة 99 يعنى جيتى على الواحد ووقفتى ماشى
يارب يبقوا 199 علشان نفضل كاتمين على انفاسكم
وبعدين تعالى هنا قرى واعترفى علقتى مين فى المدونة بتاعتى؟؟
هتنطقى ولا ها؟؟

شفـقــة و إحســــان يقول...

Tears
هزار وده معقول يا بنتى احنا بنتكلم جد الجد
اما عن شكل الحوار بعد الجواز فمبيبقاش كده خاااااااااااااالص
بيبقى انيل
بيبقى حوار مدعوما بالشلاليت والروسيات والاقلام
يعنى من الاخر لازم تكونى شاطرة فى الرياضية

شفـقــة و إحســــان يقول...

عاشقة القمر
كده برضوا بتدعى علينا وتقولى يارب تكونوا مسخوطين
بقى كده دى دعوة دى
طيب محددتيش نوع السخط هيبقى ايه قرودى ولا شمبانزى؟؟

شفـقــة و إحســــان يقول...

MǿиY El-Shreef
سعد اليتيم وهنا؟؟
بس احنا معندناش عيال بالاسم ده

شفـقــة و إحســــان يقول...

Sharm
لا حضرتك تقصد عيد زواج بورسعيد
اصلها تفرق

شفـقــة و إحســــان يقول...

صدى الصمت عاشقة الورد
ميرسى يا قمر على الدعوة الجميلة ويسمع من بقك ربنا

شفـقــة و إحســــان يقول...

بسنت
دقة! ايه يا بسنت انتى داخلة محل كشرى؟؟
عموما فى رومانسية بس انتى زوديلها الشطة والليمون وهى تشعوط ومتسبيكيش ابدا وكل لما تروح ابقى حطيلها تقلية
اما بخصوص الاحفاد فربنا يدينا ويديكى طولة العمر
وان شاء الله اوصيهم عليكم احلى توصية من اللى هى

شفـقــة و إحســــان يقول...

لاسع افندى
بيض ايه بس يا لاسع هو انت داخل عشة فراخ
عموما ولا تزعل لو نفسك فيه نبقى نجبلك كرتونة

Desert cat يقول...

عقبال مليون سنة وانتوا مع بعض فى حب وسعادة

انا مش معاهم يقول...

عيد زواج سعيد

ميرام يقول...

ههههههههههه
تعجبني الرومانسية دي
(:
تحيتي

مجرد بنت يقول...

بجد انتو الاتنين عسل ويارب يخليكو لبعض

انا لفيت المدونة كلللها

اتمنى تشرفونى فى مدونتى انا وحبيبى

بعبعه يقول...

كل سنه وانتم طيبين

وعيد جواز سعيد عليكم

وربنا يخلي المدونين دايما اصحاب وحبايب

طوبه فضه وطوبه دهب يقول...

كل سنه وانتم يارب بالف خير وصحه ومقضين حياتكم حب فى حب ويخلى لك اجمل احسان ويخليكى ليه يا اجمل شفشفق فى الدنيا

قمر الزمان يقول...

ازيكم
ههههههههههههههههههههههههههه

شفـقــة و إحســــان يقول...

وحشتونى

ريمان يقول...

ههههههههههههههههه

هههههههههههههههههههههههه

ههههههههههههههههههههههههههههههه

لا بجد مش قادره


انتى بجد عسسسسسسسسسسل

المهم كل سنه وانتوا طيبين ومع بعض دايما


وكل سنه كده وانتوا معانا فى عالم التدوين وبتضحكونا على طول


بوست ظريف اوى بجد يموت من الضحك

بس بجد انتى مالكيش حق كل دى هدايا عايزاها؟ حاسبى على جيب الراجل


هههههههههههههههه

morgana يقول...

كل عيد جواز وانتو طيبين ومبسوطين:)

The Queen يقول...

كل سنة وانتوا طيبين
ويارب العمر كله هنا وسعادة

كيكى عوووووو يقول...

ايييييييييييييييييييييييه
بلغتوا عن بعض ولا ايه؟؟ من ايام عيد جوزكم
وحشتووووووووونى مش عارفة اقولكم قد ايه والله
حلمت بيكم امبارح والله

بنت مصريه يقول...

يا رب دايما فى سعاده وفرح ان شالله
هههههههههههههه
بوست عسل زيك يا جميل

بقولك انا عايزه اعرف انتى ساكنه فين ف الرحاب عايزه اتواصل معاكوا كده انا كمان وما تقلقيش هجيبلك هديه
علبه شكلاته من قويدر اللى ف السوق
اجيبلك تمن كيلو كده وللا حاجه يللا مش خساره

بقولك انا عامله اشراف عالتعليقات ابعتيلى نمرتك ف كومنت
وماتخافيش مش هنشره هههههههههه
بجد والله عايزه اشوفك

سلام يا شفشوقه
وكل عيد جواز وانتو طيبين يا قمر

بنت مصريه يقول...

مادام انتى عامله اشراف بقى دى نمرتى
0164162390
اوعى تنشريها يا بنت الذين

غير معرف يقول...

ألف مبروووووووووووووك و عيد زواج سعيد

و بجد دمك خفيف ما شاء الله عليكي .. و عقبال كده 400 سنه في سعاده و حب يا رب

أول زياره للمدونة بس أكيد مش الأخيره .. أنا عرفت السكه خلاص :)

يا ريت تنوريني هنا و تشرفيني بتعليقك

http://ra7alaat.blogspot.com/

شكرا لوقتك :)

عايزه أشتغل يقول...

زورو مدونتى الجديده

غير معرف يقول...

شفقه هانم احسان بك
عزيزتي ..عزيزي...
.من المدونات العربية الثقافية اختارت مجلة التدوين العربي هذا الأسبوع مدونة شيء بقلبي. و هذا شرف كبير و يزدادا سرورنا بزيارتكم. المدونة الآن تحت الاستجواب الممتع من قبل المدونين العرب. هلا شاركتهم التقييم و الحوار الرائع.
http://arabicos.blogspot.com/2010/02/sonnet.html

قويدر أوهيب يقول...

السلام عليكم.
دعوة للمشاركة في الحوار الذي نجريه مع الأخت sonnet صاحبة مدونة شيئ بقلبي.
مع كامل الإحترام.